હવે રીંગણા નું ભડથું નહિ પણ રીંગણાની કાતરી બનાવો: રીંગણાની કાતરી બનાવવાની રીત

Eggplant katari

રીંગણા એવી શાકભાજી જે બજારમાં આરામથી મળી રહે છે. આ રીંગણામાંથી મોટાભાગે રીંગણા નું ભડથું કે રીંગણા નું શાક બનતું હોય છે. પણ તમે ક્યારેય વિચાર્યું છે કે આ રીંગણામાંથી રીંગણા ની કતરી પણ બનાવી શકાય છે અને એ પણ ઓછા તેલમાં. આ રીંગણાના શાકની સરખામણીએ તમને બીજાં શાક સાવ ફીક્કાં જ લાગે. તો ચાલો આજે બનાવીએ રીંગણા ની કાતરી.

જરૂરી સામગ્રીઃ

  • ૧ ઓળા માટેનું મોટું રીંગણ (વજન આશરે ૪૦૦ – ૫૦૦ ગ્રામ)
  • ૨ કપ ચણાનો લોટ
  • ૧/૪ ટી.સ્પૂન હળદર
  • કોથમીર ૨ – ૩ ટે.સ્પૂન
  • આદુ-મરચાંની પેસ્ટ ૧/૨ ટે.સ્પૂન
  • મીઠું સ્વાદાનુસાર, ચપટી હીંગ
  • ધાણાજીરૂં પાવડર ૧ ટી.સ્પૂન
  • મરચાં પાવડર ૧/૨ ટી.સ્પૂન
  • ગરમ મસાલો ૧/૪ ટી.સ્પૂન
  • આમચૂર પાવડર ૧/૪ ટી.સ્પૂન
  • તેલ સાંતડવા માટે 3 – ૫ ટે.સ્પૂન

બનાવવાની રીતઃ

  • સૌ પ્રથમ એક થાળીમાં ચણાનો લોટ તેમજ તેલ સિવાયનો બધો મસાલો મિક્સ કરી લો.
  • હવે રીંગણને ધોઈને ૧/૨  સેંમી. જાડાઈની ગોળ સ્લાઈસમાં કટ કરી લો.
  • એક એક સ્લાઈસ લઈ તેની બંને બાજુએ મસાલાનું મિશ્રણ ચોપડી લો.
  • ગેસ ધીમી આંચે રાખી એની ઉપર ફ્રાઈપેનમાં થોડું તેલ નાંખીને પેનમાં આવે એટલી સ્લાઈસ ગોઠવી દો.
  • ધીમી તેમજ મધ્યમ આંચે રીંગણાની કાતરી સાંતડો.
  • કાતરીની એક સાઈડ સંતડાય એટલે તવેથા તેમજ ચપ્પૂની મદદથી કાતરી ઉથલાવો. અને બીજી બાજુ સંતડાવા દો.
  • કાતરી ગોલ્ડન બ્રાઉન રંગની થાય તેમજ થોડી નરમ થાય એટલે ગેસ બંધ કરી દો. અને બધી કાતરી પ્લેટમાં ગોઠવી દો.

આ રીતે તમે પણ ઘરે રીંગણાની કાતરી બનાવીને તમારા પરિવારજનોને ખુશ કરી શકશો. અને હા જો તમને અમારો આ લેખ પસંદ આવ્યો હોય તો કમેન્ટમાં અમને જણાવો. તમે તમારા અભિપ્રાય કમેન્ટ બોક્સમાં આપી શકો છો. અમારી સાથે જોડાયેલા રહેવા માટે અમારા પેજને લાઇક કરો. જો આ લેખ તમને ગમ્યો હોય લાઇક કરો અને આ માહિતી અન્ય લોકો સુધી પહોચાડવા શેર કરો.
આભાર…

Join the discussion

Your email address will not be published. Required fields are marked *