સેટેલાઇટ શંકરના સ્ક્રિનિંગમાં જોવા મળી રેખા

2015 માં સલમાન ખાનની ફિલ્મ ‘હિરો’ થી બોલીવુડમાં ડેબ્યુ કર્યા બાદ સૂરજ પંચોલી હવે ફિલ્મ ‘સેટેલાઇટ શંકર’માં જોવા મળશે. તાજેતરમાં જ ફિલ્મની સ્પેશિયલ સ્ક્રિનિંગ યોજવામાં આવી હતી, જેમાં રેખા, જેકી શ્રોફ, સૂરજ પંચોલીની મમ્મી ઝરીના વહાબ, સંજય ગુપ્તા અને સંજય લીલા ભણસાલી જેવી હસ્તીઓ જોવા મળી હતી. રેખા સોનેરી સાડીમાં સ્ક્રિનિંગ પર પહોંચી હતી. હંમેશાની જેમ તે ખૂબસૂરત દેખાતી હતી. પરંતુ તેની સુંદરતા કરતા પણ વધુ, તેના જેશચરે(gesture) લોકોનું ધ્યાન આકર્ષિત કર્યું હતું. ક્યારેક તે સૂરજની માતા ઝરીનાને કિસ કરતી જોવા મળી હતી, તો ક્યારેક ‘સેટેલાઇટ શંકર’ ના પોસ્ટરને ગળે લગાવતી જોવા મળી હતી.

તેના જેશચરે(gesture) ત્યાં હાજર લોકોને ખુબ આકર્ષિત કર્યા હતા.’સેટેલાઇટ શંકર’માં સૂરજ પંચોલી આર્મી મેનની ભૂમિકા ભજવતો જોવા મળશે. આ ફિલ્મ 8 નવેમ્બરના રોજ રીલિઝ થશે. આ ફિલ્મ ઈરફાન કમાલ દિગ્દર્શિત એક એક્શન ડ્રામા ફિલ્મ છે. એવું કહેવામાં આવી રહ્યું છે કે, આ ફિલ્મમાં સલમાન ખાન પણ કેમિયો રોલમાં જોવા મળશે.

Join the discussion

Your email address will not be published. Required fields are marked *