હવે ઘરે બનાવો જટ-પટ પનીર-કોર્ન રોલ વાનગી: પનીર-કોર્ન રોલ રેસીપી

Panir-corn

ભૂખ લાગે એટલે સૌથી પહેલાં તો જડપથી કઈ વાનગી બનશે એ વિચારવું પડે. તેમજ ઘણી બધી વાનગીઓ જડપથી બનતી જ હોય છે. પણ ઘણાને રોજ નવી નવી વાનગીનો સ્વાદ માણવાનો  શોખ હોય છે. પણ જો આમાં કોર્ન એટલે કે મકાઈ યાદ આવે પછી એ પોપ કોર્ન હોય કે મકાઈનો ભૂટો, એ જો મળી જાય તો મજા પડી જાય. તો આજે અમે તમને આવીજ મકાઈ ની વાનગી બનવતા શીખવીશું. જેનું નામ છે પનીર-કોર્ન રોલ.

સામગ્રીઃ

  • ૧ કપ છીણેલું પનીર,
  • ૧/૨ કપ મકાઈનાં બાફેલાં દાણા,
  • ૭-૮ બ્રેડ સ્લાઈસ,
  • ૨ ઝીણાં સમારેલાં કાંદા,
  • ૨-૩  ઝીણાં સમારેલાં લીલાં મરચાં,
  • ૧ ટી.સ્પૂન આદુ-લસણની પેસ્ટ,
  • ૧/૨ ટી.સ્પૂન મરી પાવડર,
  • ૨  ટે.સ્પૂન લીંબુનો રસ,
  • ૩ ટે.સ્પૂન કોર્ન ફ્લોર,
  • ૧ ટે.સ્પૂન ટોમેટો સોસ,
  • ૧ ટે.સ્પૂન ખમણેલું ચીઝ,
  • મીઠું સ્વાદ પ્રમાણે,
  • રોલ તળવા માટે તેલ

રીતઃ

  • એક પેનમાં તેલ ગરમ કરી મધ્યમ આંચે કાંદા, આદુ-લસણની પેસ્ટ તેમજ લીલાં મરચાં નાખીને 2-3 મિનિટ સુધી સાંતડી લો.
  • ત્યારબાદ એમાં સોસ, લીંબુ, મીઠું, ચીઝ, પનીર તેમજ મકાઈ ઉમેરીને મિક્સ કરીને ગેસ પરથી ઉતારીને ઠંડું કરવા મૂકી દો.
  • એક નાના બાઉલમાં કોર્ન ફ્લોર તેમજ મીઠું નાખીને થોડું પાણી ઉમેરીને ખીરૂં બનાવી લો.
  • બ્રેડ સ્લાઈસની કિનારી કટ કરીને વેલણથી વણી લો.
  • એક એક બ્રેડ લેતાં જાવ અને દરેકમાં મિશ્રણ ભરીને રોલ વાળી લો.
  • આ રોલને કોર્ન ફ્લોરના ખીરાંમાં પલાળીને તેલમાં ગોલ્ડન ક્રિસ્પી તળી લો.

હવે પનીર-કોર્ન રોલને ગ્રીન ચટણી અથવા સોસ સાથે પીરસો.

Join the discussion

Your email address will not be published. Required fields are marked *