Connect with us

ગુજરાત

રાજ્યમાં 24 કલાકમાં કોરોનાના નવા 441 પોઝિટિવ કેસ, 49 દર્દીના મોત, મૃત્યુઆંક 368 અને કુલ દર્દી 6,245

Published

on

અમદાવાદ. રાજ્યમાં છેલ્લા 24 કલાકમાં કોરોનાના 441 પોઝિટિવ કેસ નોંધાયા છે અને 49 દર્દીના મોત થયા છે જ્યારે 186 દર્દી સાજા થયા છે. આમ અત્યાર સુધીમાં કુલ  6,245 દર્દી નોંધાયા છે અને મૃત્યુઆંક 368 થયો છે. જ્યારે 1381 દર્દી સાજા થઈ ઘરે પરત ફર્યાં છે.

આ પહેલા 19 એપ્રિલે 367, 29 એપ્રિલે 308, 30 એપ્રિલે 313, 1 મેના રોજ 326, 2મેના રોજ 333, 3મેના રોજ 374, 4 મેના રોજ 376 પોઝિટિવ કેસ નોંધાયા હતા. આમ સતત 6 દિવસ સુધી 300થી વધુ પોઝિટિવ કેસ નોંધાયા બાદ આજે દર્દીનો આંકડો 441એ પહોંચ્યો છે. જ્યારે એક જ દિવસમાં કુલ 7 વાર 300થી વધુ અને એકવાર 400થી વધુ દર્દી નોંધાયા છે.

જૂનાગઢ જિલ્લામાં પ્રથમ કોરોના પોઝિટિવ કેસ નોંધાયો છે. આ સાથે જ રાજ્યના 32 જિલ્લા કોરોનાની ઝપટમાં આવી ગયા છે અને માત્ર અમરેલી જિલ્લો જ કોરોના વિનાનો છે. આ ઉપરાંત ગોંડલમાં એક અને ભાવનગરમાં એક કેસ નોંધાતા રાજ્યમાં કુલ પોઝિટિવ દર્દીઓની સંખ્યા 5807 થઇ છે. તેમજ 1195 દર્દી સાજા થઈને ઘરે પરત ફર્યાં છે.  રાજ્ય પોલીસવડા શિવાનંદ ઝાએ જણાવ્યું છેકે, અન્ય રાજ્યના વતની હોય અને વતન જવા માગતા હોય તેવા લોકોને સંબંધિત રાજ્યમાં મોકલવાની વ્યવસ્થા તેજ ગતિથી ચાલી રહી છે. સંખ્યા વધુ હોવાથી આ પ્રક્રિયામાં થોડાક દિવસો લાગી શકે છે. આ દરમિયાન તંત્રને સહકાર આપો, પોલીસ કે તંત્ર સાથે સંઘર્ષમાં ન ઉતરો અને ધીરજપૂર્વક થોડીક રાહ જૂઓ તેવી અપીલ છે. તંત્ર સાથે સંઘર્ષમાં ઉતરવાની બાબત ચલાવી લેવામાં આવશે નહીં. કાયદાનો શક્ય તેટલો કડક ઉપયોગ કરીને પોલીસ કાર્યવાહી કરશે. ગઇકાલે સુરતના પલસાણામાં જે સંઘર્ષ થયો હતો તેમાં 204 લોકોની ધરપકડ કરવામાં આવી છે. વતન જવા માગતા લોકો જેલમાં ન પહોંચે અને શાંતિથી પોતાના વતન પહોંચે એ માટે પોલીસ અને વ્યવસ્થા તંત્રને સહકાર આપે તેવી ફરી અપીલ કરવામાં આવે છે.

5મેની સવારથી  નોંધાયેલી તમામ મહત્વપૂર્ણ ઘટાનાઓ

આજે બીજી 12 ટ્રેનો દોડાવી શ્રમિકોને તેમના વતન મોકલાશેઃ અશ્વિની કુમાર
મુખ્યમંત્રીના સચિવ અશ્વિની કુમારે જણાવ્યું છેકે, ગુજરાતમાં રોજગારી અર્થે આવેલા શ્રમિકોને તેમના વતન મોકલવાની કાર્યવાહી હાથ ધરવામાં આવી છે. શ્રમિકોએ ધીરજ રાખવાની જરૂર છે રાજ્ય સરકાર સંપૂર્ણ વ્યવસ્થા કરી આપશે. અત્યારસુધીમાં રાજ્યમાંથી સવા ત્રણ લાખ લોકોને વતન મોકલવામાં આવ્યા છે. આ માટે ટ્રેનો અને ખાનગી વાહનોની સુવિધા કરવામાં આવી છે. અત્યારસુધીમાં 35 ટ્રેનો થકી કુલ 42 હજારથી વધુ શ્રમિકોને વતન મોકલવામાં આવ્યા છે. જેમાં 23 ટ્રેનોમાં કુલ 28 હજાર શ્રમિકોને વતન મોકલવામાં આવ્યા હતા અને આજે સુરતથી આઠ ટ્રેન  વિરમગામથી  બે ટ્રેન અને અમદાવાદથી બે ટ્રેન દોડાવવામાં આવશે.

સરકારે વીજદરમાં પ્રતિ યુનિટ  ફ્યૂઅલ સરચાર્જમાં 16 પૈસાનો ઘટાડો કર્યો
રાજ્યમાં વીજ ગ્રાહકોને સસ્તા દરે વીજળી મળી રહે અને વીજ ઉત્પાદન ખર્ચનું ભારણ ગ્રાહકો પર ન પડે એ માટે રાજ્ય સરકારે ફ્યૂઅલ સરચાર્જમાં ઘટાડો કર્યો છે. આ અંગે ઉર્જામંત્રી સૌરભ પટેલે જણવ્યું છેકે, રાજ્ય સરકાર હસ્તકની વીજકંપનીઓ દ્વારા ગ્રાહકો પાસેથી વસૂલાતા ફ્યૂઅલ સરચાર્જમાં પ્રતિ યુનિટ 16 પૈસાનો ઘટાડો કરવામાં આવ્યો છે. જેના પરિણામે રાજ્યના અંદાજે 1.30 કરોડથી વધુ ગ્રાહકોને રૂ. 310 કરોડની રાહતોનો લાભ મળશે. આ ફાયદો ત્રિમાસિકગાળા એપ્રિલથી જૂન દરમિયાન મળશે.

સુરતથી સૌરાષ્ટ્ર જવા કલેકટર દ્વારા મંજૂરી અપાશે, આવતીકાલથી રજિસ્ટ્રેશન શરૂ થશે
સુરતથી સૌરાષ્ટ્ર જવા આવતીકાલથી કલેકટર દ્વારા મંજૂરી અપાશે.  સુરતમાં રત્ન કલાકારો અને એમ્બ્રોઇડરી કારીગરોને વતનમાં મોકલવા આવતીકાલથી રજિસ્ટ્રેશન શરૂ થશે. તમામને લકઝરી બસ દ્વારા મંજૂરી આપી પોતાના વતનમાં મોકલશે. ઘરે જઈને તમામે ફરજિયાત 14 દિવસ હોમ ક્વોરોન્ટાઇન થવું પડશે. પ્રથમ ચાર દિવસ માત્ર લક્ઝરી બસો મંજૂરી આપવામાં આવશે. ત્યાર બાદ ખાનગી વાહનોને છૂટ અપાશે. ઓલપાડ અને દેલાડ ખાતે ચેક પોસ્ટ ઊભી કરાશે. મુસાફરોના સ્ક્રીનીંગ બાદ બસોને રવાના કરાશે.

દીવમાં લિકર શોપ બહાર લાંબી લાઈનો લાગી
દીવમાં ગઇકાલથી જ દારૂની દુકાનો ખોલવામાં આવી છે. ત્યારે આજે સવારથી જ લિકર શોપ પર લાંબી લાઈનો લાગી છે. સોશિયલ ડિસ્ટન્સ જાળવીને લોકો દારૂ લેવા ઉભા છે. જીવન જરૂરી વસ્તુઓની જેમ જ લાંબી લાઈનો લગાવી પોલીસની હાજરીમાં દારૂનું વેચાણ શરૂ કરવામાં આવ્યું છે.

ગાંધીનગરમાં સેક્ટર- 5ના તમામ પ્રવેશદ્વાર બંધ
ગાંધીનગરમાં કોરોનાને ચેપને વધતો અટકાવવા માટે સેક્ટર 5ના વસાહત મંડળ દ્વારા સેક્ટરમાં પ્રવેશવાના તમામ રસ્તાઓ બંધ કર્યા છે. માત્ર  સીએનજી પંપવાળો માર્ગ અવર-જવર માટે ચાલુ રાખવામાં આવ્યો છે. સવારે દૂધ કેન્દ્રો પર ફરજિયાત માસ્ક પહેરીને દૂધ લેવા જવા અને સોશિયલ ડિસ્ટન્સિંગ પાળવા જણાવાયું છે.

ગુજરાતમાં 10 દિવસમાં મોતના કેસ 239% વધ્યા
24 એપ્રિલે રાજ્યમાં 127 મોત નોંધાયા હતા.4 મે સુધીમાં આંકડો 319 પર પહોંચ્યો. 10 દિવસમાં 192 મોત થયા. સરેરાશ રોજના 19 મોત. છેલ્લા 10 દિવસમાં મોતના આંકડામાં 239 ટકાનો વધારો નોંધાયો છે જે મુંબઈથી વધુ છે. 24 એપ્રિલ પછી પોઝિટિવ કેસમાં 189%નો વધારો થયો. 24 એપ્રિલે ગુજરાતમાં 2815 કેસ હતા. 4 મેએ 5804 થયા. 2989 કેસ વધ્યા. ડબલિંગ રેટ પણ 10 દિવસમાં 9.5નો થયો છે.

ગ્રીન ઝોન જામનગરમાં 3 કેસ, ઓરેન્જ ઝોન દાહોદમાં 6 કેસ
સરકાર દ્વારા જાહેર ઓરેન્જ ઝોન અને ગ્રીન ઝોનમાં પણ નવા કેસ મળતાં સનસનાટી ફેલાઈ છે. જામનગર ગ્રીન ઝોન જાહેર થઈ ચૂક્યું છે પણ સોમવારે અહીં 3 નવા કેસ મળ્યા. આ પ્રકારે દાહોદ ઓરેન્જ ઝોનમાં છે. અહીં 6 નવા કેસ મળ્યા. રાજકોટ પણ ઓરેન્જ ઝોનમાં છે અને અહીં 3 નવા કેસ મળ્યા છે.
કુલ 5,804 દર્દી , 319ના મોત અને 1195 ડિસ્ચાર્જ((સરકાર દ્વારા દર 24 કલાકે જાહેર કરાતા આંકડા મુજબ))

શહેર પોઝિટિવ કેસ મોત ડિસ્ચાર્જ
અમદાવાદ 4076 234 620
વડોદરા 385 27 147
સુરત 706 31 206
રાજકોટ 61 01 18
ભાવનગર 74 05 21
આણંદ 75 06 37
ભરૂચ 27 02 22
ગાંધીનગર 77 03 14
પાટણ 22 01 12
નર્મદા 12 00 10
પંચમહાલ 45 03 05
બનાસકાંઠા 39 01 14
છોટાઉદેપુર 14 00 11
કચ્છ 07 01 05
મહેસાણા 32 00 07
બોટાદ 33 01 6
પોરબંદર 03 00 03
દાહોદ 13 00 02
ખેડા 12 00 02
ગીર-સોમનાથ 03 00 03
જામનગર 04 01 00
મોરબી 01 00 01
સાબરકાંઠા 05 00 03
મહીસાગર 36 00 06
અરવલ્લી 20 01 13
તાપી 02 00 01
વલસાડ 06 01 02
નવસારી 08 00 03
ડાંગ 02 00 00
દેવભૂમિ દ્વારકા 03 00 00
સુરેન્દ્રનગર 01 00 01
કુલ  5804 319 1195

Continue Reading
Advertisement
Click to comment

Leave a Reply

Your email address will not be published.

ગુજરાત

ગ્લોબલ હંગર ઇન્ડેક્સ રેન્કિંગ પર ભારત: ‘ભૂલભર્યું, ગંભીર પદ્ધતિસરની સમસ્યાઓથી પીડાય છે’

Published

on

ભારતે શનિવારે ગ્લોબલ હંગર ઇન્ડેક્સ 2022 રેન્કિંગને નકારી કાઢ્યું હતું. અને કહ્યું હતું કે ઇન્ડેક્સ ગંભીર પદ્ધતિસરની સમસ્યાઓથી પીડાય છે. કેન્દ્ર સરકારે એમ પણ કહ્યું કે રેન્કિંગ એ “ભૂખનું ખોટું માપ” છે. ગ્લોબલ હંગર ઈન્ડેક્સમાં ભારતનું 107મું રેન્કિંગ એ “એક રાષ્ટ્ર કે જે તેની વસ્તીની ખાદ્ય સુરક્ષા અને પોષણની જરૂરિયાતોને પૂર્ણ કરતું નથી” તરીકે દેશની છબી ખરાબ કરવાના સતત પ્રયાસનો એક ભાગ છે, કેન્દ્ર સરકારે શનિવારે જણાવ્યું હતું. ગ્લોબલ હંગર ઈન્ડેક્સ 2022માં ભારતને 121 દેશોમાંથી 107માં સ્થાન આપવામાં આવ્યું છે અને તેના બાળકોનો બગાડ દર 19.3 ટકા છે, જે વિશ્વમાં સૌથી વધુ છે.

Continue Reading

ગુજરાત

ઓસ્કાર માટે નોમિનેટ થયેલ ગુજરાતી ફિલ્મના આ બાળ કલાકારનું નિધન.

Published

on

ફિલ્મ ઇન્ડસ્ટ્રીમાંથી રાજૂ શ્રીવાસ્તવના નિધન પછી હજી એક ઊભરતા કલાકારના નિધનના સમાચાર આવી રહ્યા છે. વાત એમ બની ગઈ છે કે આ વખતે ગુજરાતી ફિલ્મ ‘છેલ્લો શો’ના બાળ કલાકાર એવા અભિનેતા રાહુલ કોળીનું નિધન થઈ ગયું છે.

રિપોર્ટમાં જાણવા મળ્યું છે કે રાહુલ લાંબા સમયથી કેન્સરની બીમારીથી પીડાઈ રહ્યા હતા અને આખરે તેઓ 10 વર્ષની ખૂબ જ નાની ઉમરમાં જ આ દુનિયા છોડી ચાલ્યા ગયા.

મીડિયાને આપેલ એક ઇંટરવ્યૂમાં રાહુલના પિતાએ જણાવ્યું હતું કે રવિવાર એટલે કે 2 ઓકટોબર પછી તેમના દીકરાને વારંવાર તાવ આવતો હતો અને આ સિવાય રાહુલને ત્રણ વાર લોહીની ઊલટી પણ થઈ હતી. એ પછી 2 ઓકટોબરના દિવસે જ લ્યુકેમિયાને લીધે અમદાવાદમાં એ ઊભરતા કલાકારનું નિધન થયું હતું.

તમને જણાવી ડી કે રાહુલ કોળીની આવનાર ફિલ્મ ‘છેલ્લો શો’ 14 ઓકટોબરના દિવસે થિએટરમાં રીલીઝ થવાની છે. ફિલ્મની રીલીઝ થવાના થોડા દિવસ પહેલા જ આ બાળ અભિનેતા રાહુલ કોળીનું નિધન થઈ ગયું છે.

આ દુખદ ઘટનાને લઈને રાહુલના પિતાએ કહ્યું, ‘અમારો પરિવાર વિખરાઈ ગયો છે, પણ અમે તેની ફિલ્મ ‘છેલ્લો શો’ 14 ઓકટોબરએ સાથે મળીને જોઈશું.’ તમને જણાવી દઈએ કે રાહુલના પિતા રિક્ષા ચલાવે છે અને ટે ત્રણ ભાઈ બહેનમાં સૌથી મોટો હતો.

વર્ષ 2023ના ઓસ્કર નોમિનેશન માટે રાહુલ કોળીની ‘છેલ્લો શો’ ફિલ્મ ઇન્ડસ્ટ્રીની ઘણી મોટી ફિલ્મોને પછાડીને આગળ નીકળી ગઈ છે. ફિલ્મને બેસ્ટ ફીચર કેટેગરી માટે ઓસ્કરમાં નોમિનેટ કરી છે. આ ફિલ્મને સ્ટેન્ડિંગ ઓવેશન મળી હતી.

આ ફિલ્મને પાન નલિનએ ડાયરેક્ટ કરી છે તો આ ફિલ્મનો સ્ક્રિનિંગ ટાઈમ 110 મિનિટ છે ફિલ્મને રૉય કપૂર ફિલ્મ્સ, જુગાડ મોશન પિક્ચર્સ, મોન્સુન ફિલ્મ્સ અને છેલ્લો શો એલએલપી દ્વારા નિર્મિત કરવામાં આવી ગઈ છે.

Continue Reading

Featured

ઓર્ગેનિક ખેતી કેમ છે જરૂરી?

Published

on

ઓર્ગેનિક ખેતી એ પરંપરાગત ખેતી પદ્ધતિ અપનાવીને જમીનને પુનઃજીવિત કરવાની સ્વચ્છ રીત છે. આ પદ્ધતિમાં રાસાયણિક ખાતરો, કૃત્રિમ જંતુનાશકો, વૃદ્ધિ નિયંત્રકો અને રાસાયણિક ખાતર વિના એન્ટિબાયોટિક્સનો ઉપયોગ પ્રતિબંધિત છે. તેના બદલે, ખેડૂતો સ્થાનિક પ્રાપ્યતાના આધારે પાક દ્વારા છોડવામાં આવતા બાયોમાસનો ઉપયોગ કરે છે, જે જમીનની ગુણવત્તામાં વધારો કરે છે તેમજ ફળદ્રુપતા પણ વધારે છે. ઓર્ગેનિક વર્લ્ડ રિપોર્ટ 2021 ના આધારે, વર્ષ 2019 માં, વિશ્વના 72.3 મિલિયન હેક્ટર વિસ્તારનો ઉપયોગ ઓર્ગેનિક ખેતી માટે કરવામાં આવ્યો હતો. જેમાં એશિયાના 5.1 મિલિયન હેક્ટરનો પણ સમાવેશ થાય છે. ભારતમાં પણ છેલ્લા કેટલાક વર્ષોમાં ઓર્ગેનિક ખેતીમાં વધારો થયો છે. તેનું મુખ્ય કારણ વધુ રાસાયણિક ખાતરો અને જંતુનાશકોની આડઅસર છે, જેણે ભારત સરકારને આ દિશામાં વિચારવા પ્રેરી.

તેથી સરકાર ખેડૂતોને જૈવિક ખેતીને પ્રોત્સાહન આપવા પ્રોત્સાહિત કરી રહી છે. જેના પરિણામે 2019માં ઓર્ગેનિક ખેતીનો વિસ્તાર વધીને 22,99,222 હેક્ટર થયો છે. જો કે, આજે પણ તે પરંપરાગત કૃષિ ક્ષેત્રના 1.3 ટકા છે. આનું મુખ્ય કારણ વધતી જતી વસ્તીને પુરવઠો પૂરો પાડવા માટે પરંપરાગત ખેતીની કાર્યક્ષમતા છે, જે તેના દ્વારા ઉત્પાદિત ઉત્પાદનોની માંગને વેગ આપે છે. પરંતુ આ ઉત્પાદનો કે પાકોના ઉત્પાદનમાં ઉપયોગમાં લેવાતા રાસાયણિક ખાતરો અને જંતુનાશકોનું વધતું પ્રમાણ એ દૂરગામી આડઅસરની નિશાની છે, જેની શરૂઆતમાં અવગણના કરવામાં આવી હતી.

આ અસરોને ઘટાડવા માટે ઓર્ગેનિક ખેતી એ વધુ સારો વિકલ્પ છે. જૈવિક ખેતી હેઠળ, મુખ્યત્વે ખાદ્ય પાક, કઠોળ, તેલીબિયાં, શાકભાજી અને વાવેતર પાકોનું ઉત્પાદન કરવામાં આવે છે.
ઓર્ગેનિક ખેતીનું વધતું વલણ મુખ્યત્વે ગ્રાહકની માંગ પર આધારિત છે. ગ્રાહકની માંગ મુખ્યત્વે ખાદ્ય ઉત્પાદનોની ગુણવત્તા પર આધારિત છે. પરંપરાગત ખેતીમાં રસાયણોનો વધતો ઉપયોગ અને તેની ખરાબ અસરો દૂરગામી સ્તરે ગ્રાહકોમાં અવિશ્વાસનું કારણ બની રહી છે. તેના આધારે નીચેનામાંથી કેટલાક કારણો શક્ય છે. રાસાયણિક ખાતરો અને જંતુનાશકોનો વધુ પડતો ઉપયોગ. વધતા રસાયણોને કારણે માટી, પાણી અને હવા દૂષિત થઈ રહી છે. તેની માનવ સ્વાસ્થ્ય પર વિપરીત અસર પડી રહી છે.
ઓર્ગેનિક ખેતીની વધતી માંગનું મુખ્ય કારણ પરંપરાગત ખેતીની ખરાબ અસરો છે. આ બાબતોને ધ્યાનમાં રાખીને ભારત સરકાર પણ ઓર્ગેનિક ખેતીને પ્રોત્સાહિત કરી રહી છે. તેથી, ભારતમાં ઓર્ગેનિક ખેતીનું ઉત્પાદન અગાઉના વર્ષોની સરખામણીએ વર્ષ 2019-20માં વધીને 2.75 મિલિયન મેટ્રિક ટન થયું છે. ઓર્ગેનિક ખેતીના પરિણામે ખાદ્ય ઉત્પાદનોની વિદેશમાં વધતી માંગ પણ તેનું મહત્વ દર્શાવે છે. વર્ષ 2019-20માં ભારતમાંથી ઓર્ગેનિક ફૂડ પ્રોડક્ટ્સની કુલ નિકાસ 6.39 લાખ મેટ્રિક ટન હતી, જેનું મૂલ્ય આશરે રૂ. 4686 કરોડ હતું. આ ઉપરાંત, સજીવ ખેતીના મહત્વના કેટલાક મુખ્ય મુદ્દાઓ નીચે મુજબ છે-

  • ઓર્ગેનિક પાક પાકવા માટે લાંબો સમય લે છે જેથી તેઓ વધુ પોષણ લઈ શકે અને સ્વાદિષ્ટ પણ બને.
  • ઓર્ગેનિક પાકની પ્રેક્ટિસ જૈવવિવિધતાને સંતુલિત રાખવા સાથે જમીનની ફળદ્રુપતા જાળવી રાખે છે.
  • રાસાયણિક ખાતરનો ઉપયોગ ન કરવાથી, પરંપરાગત ખેતીમાં ઉર્જાનું નુકસાન પણ લગભગ 25-30 ટકા ઘટે છે.

કાર્બનિક ખેતીના ઘટકો
આમાં, મુખ્યત્વે બીજનો ઉપયોગ સારવાર વિના કરવામાં આવે છે, અથવા તેને કાર્બનિક ખાતરથી સારવાર આપવામાં આવે છે. જૈવિક ખાતરમાં, મૂળભૂત રીતે ગાયનું છાણ, પ્રાણીઓ દ્વારા ઉત્સર્જિત મળતું, પાકના અવશેષો, મરઘાંના અવશેષો વગેરેનો ઉપયોગ થાય છે. ખેંચા, બરસીમ, સુનાઈ, મૂંગ અને સિસબેનિયા જેવા લીલા ખાતરના પાકોનો ખાતર તરીકે ઉપયોગ કરવાથી જમીનની ફળદ્રુપતા વધે છે. જીપ્સમ અને ચૂનો જમીનની ક્ષાર અને એસિડિટીને નિયંત્રિત કરવા માટે વપરાય છે. રાસાયણિક જંતુનાશકોની જગ્યાએ બોટનિકલ જંતુનાશકોનો ઉપયોગ થાય છે. ઓર્ગેનિક ખેતીમાં અવરોધો રાસાયણિક ખાતરો કરતાં જૈવિક ખાતરોની કિંમત વધારે છે, જેના કારણે નાના અને સીમાંત ખેડૂતો માટે તેનો ઉપયોગ કરવો મુશ્કેલ બને છે. જૈવિક ખાતરોની ઉપલબ્ધતાનો અભાવ પણ એક કારણ છે. બજારમાં ઉપલબ્ધ બિયારણને સામાન્ય રીતે ટ્રીટમેન્ટ આપવામાં આવતું હોવાથી સંપૂર્ણ ઓર્ગેનિક ખેતી કરવી મુશ્કેલ છે. ઓર્ગેનિક પાકોની પરિપક્વતામાં લાગતો સમય હોવાને કારણે તેમાંથી મેળવેલા ઉત્પાદનોની કિંમત ઉંચી હોય છે, જેના કારણે આ ઉત્પાદનો માટે નીચલા વર્ગ સુધી પહોંચવું મુશ્કેલ છે.

કેટલાક દાયકાઓ પહેલાનો ભારતીય કૃષિ ઈતિહાસ ઓર્ગેનિક ખેતીના પાયાના પથ્થર પર આધારિત હતો. બદલાતા સમય, જરૂરિયાત અને વધતી જતી વસ્તી એ પરંપરાગત ખેતીમાં પરિવર્તનના મુખ્ય કારણો હતા. જેમાં અનેક રાસાયણિક ઉત્પાદનો અને નવી ટેક્નોલોજીએ આ જરૂરિયાતોને પહોંચી વળવામાં મહત્વપૂર્ણ યોગદાન આપ્યું છે. જો કે, તેના દૂરગામી પરિણામો રસાયણોના વધતા જતા પ્રદૂષણ, તેની આરોગ્ય પર થતી અસરો અને જમીનની ફળદ્રુપતામાં તીવ્ર ઘટાડા સ્વરૂપે દેખાવા લાગ્યા.
તેથી, આ સમસ્યાઓ માટે ઓર્ગેનિક ખેતીને વધુ સારા વિકલ્પ તરીકે જોવામાં આવી રહી છે. ભારત સરકાર દ્વારા ઓર્ગેનિક ખેતીને પ્રોત્સાહિત કરવા માટે ઘણી યોજનાઓ બનાવવામાં આવી રહી છે, જેના હકારાત્મક પરિણામો પણ જોવા મળી રહ્યા છે. છેલ્લા કેટલાક વર્ષોમાં ભારતમાં ઓર્ગેનિક ખેતીનો વિસ્તાર અને ઉત્પાદન ઝડપથી વધ્યું છે. ઓર્ગેનિક ફાર્મિંગ એક્શન પ્રોગ્રામ 2017-2020નો ઉદ્દેશ્ય પણ ઓર્ગેનિક ખેતીને પ્રોત્સાહન અને વિકાસ કરીને ભારતીય કૃષિને નવા આયામ પર લઈ જવાનો છે. આજે, ભારતમાં ઓર્ગેનિક ખેતીમાં યોગદાન આપવા ઉપરાંત, અહીં 8,35,000 નોંધાયેલા ઓર્ગેનિક ફાર્મિંગ ઉત્પાદકો છે.

સજીવ ખેતીના ઉપયોગથી ખેડૂત અથવા ઉત્પાદકને દૂરોગામી લાભ મળવા ઉપરાંત તેની ઉત્પાદન કિંમત પણ 25-30 ટકા જેટલી છે.
કામ થઈ જાય છે. તે જ સમયે, તે જમીનમાં કાર્બન અવશેષોનું પ્રમાણ પણ વધારે છે, જમીનની ગુણવત્તા અને ફળદ્રુપતામાં વધારો કરે છે. આના દ્વારા પાકની ઉત્પાદકતા અને ઉત્પાદનમાં વધારો કરવાની સાથે તંદુરસ્ત પાક પ્રાપ્ત થાય છે. તેથી, પરંપરાગત ખેતીમાં મહત્વની ભૂમિકા ભજવવાની સાથે, જૈવિક ખેતી પણ ભારતીય કૃષિ વ્યવસ્થાને સુધારવા માટે કામ કરી રહી છે.

Continue Reading
Advertisement
Advertisement

Trending