Connect with us

વિશ્વ

અટલજી સાથે જોડાયેલા 6 કિસ્સા, જે તમે કદાચ નહિ જાણતા હોવ: પગપાળા સંસદ આવતા હતા, નવાઝને ફોન પર લાગ્યો હતો ઝટકો

Published

on

Image result for atal bihari vajpayee RIP

અટલ બિહારી વાજપેયીના વ્યક્તિત્વમાં છદ્મ આવરણ નહીવત્ હતું. તેમજ સાર્વજનિક જીવનમાં શાલીનતા પણ જાળવી રાખતા હતા. દરેક પરિસ્થિતિમાં તેમનું આચરણ સહજ રહેતું હતું. અટલજી સાથે લાંબા સમય સુધી રહેલા લાલકૃષ્ણ અડવાણી, તેમના નજીકના સહયોગીઓ અને કેટલાક લેખકોએ તેમની સાથે જોડાયેલાં રસપ્રદ કિસ્સાઓ સમયાંતરે શેર કર્યાં છે. અટલજી એવું વ્યક્તિત્વ હતા કે તે સંસદ માં પગપાળા આવતા હતા. પંડિત નહેરુ પણ અટલજીથી પ્રભાવિત હતા. તેમની ભાષણ શૈલીથી અડવાણીજીને ઘણો કોમ્પ્લેક્સ રહેતો હતો.

૧. ટીવી બંધ કરી દીધું તો નારાજ થઇ ગયા

અટલજી જ્યારે નવ વર્ષ બીમાર રહ્યા અને શરીર લકવાગ્રસ્ત થઇ ગયું હતું ત્યારે તેઓ ઘણીવાર ટીવી જોતા હતા. 2014માં થયેલી ચૂંટણીના પરિણામો પણ તેમણે ટીવી પર જોયા. તેઓ બોલતા ન હતા પરંતુ તેમના ચહેરા પર આવી રહેલા હાવભાવ સમાચારોને લઇને તેમના રિએક્શન્સ જણાવી દેતા હતા. પરિવારના સભ્યો અને સહયોગીઓ તેમને અખબાર વાંચીને સંભળાવતા હતા. એકવાર ટીવી પર ગૃહની કાર્યવાહીનું પ્રસારણ થઇ રહ્યું હતું, ત્યારે કોઇએ ટીવી બંધ કરી દીધું તો અટલજી બાળકની જેમ ગુસ્સે થઇ ગયા. ત્યારબાદ જ્યારે ફરી ટીવી ચાલુ કરવામાં આવ્યું તો તેમના ચહેરા પર સ્મિત આવી ગયું. જ્યારે જૂની ફિલ્મો ટીવી પર આવી રહી હોય તો તેઓ મૌન બનીને જોયા કરતા હતા.

2. પગપાળા સંસદ આવતા હતા

લાલકૃષ્ણ અડવાણીએ એકવાર ભાસ્કરને 1957નો એક કિસ્સો જણાવ્યો હતો. ત્યારે અટલજી પહેલીવાર સાંસદ બન્યા હતા. બીજેપી નેતા જગદીશપ્રસાદ માથુર અને અટલજી બંને એકસાથે ચાંદની ચોકમાં રહેતા હતા. પગપાળા જ સંસદ આવતા-જતા હતા. છ મહિના પછી અટલજીએ રિક્ષામાં જવા માટે કહ્યું તો માથુરજીને આશ્ચર્ય થયું. તે દિવસે તેમને એક સાસંદ તરીકેનો 6 મહિનાનો પગાર એકસાથે મળ્યો હતો. માથુરજીના શબ્દોમાં આ જ અમારી એશ હતી.

3. ચૂંટણી હારીને ફિલ્મ જોવા જતા રહ્યા હતા

અડવાણીના જણાવ્યા પ્રમાણે, દિલ્હીમાં નયાબાંસની પેટાચૂંટણી હતી. અમે ખૂબ મહેનત કરી, પરંતુ અમે હારી ગયા. અમે બંને દુઃખી હતા. અટલજીએ મને કહ્યું કે ચલો સિનેમા જોઇ આવીએ. અજમેરી ગેટમાં અમારી ઓફિસ હતી અને પાસે જ પહાડગંજમાં થિયેટર. ખબર ન હતી કઇ ફિલ્મ લાગેલી છે. પહોંચીને જોયું તો રાજ કપૂરની ફિલ્મ હતી- ‘ફિર સુબહ હોગી’. મેં અટલજીને કહ્યું- “આજે આપણે હાર્યા છીએ પરંતુ જોજો સવાર જરૂર થશે.” અમે ઘણીવાર અજમેરી ગેટથી ઝંડેવાલા તકતાંગેમાં જમવા જતા હતા.

૪. બાળકની જેમ ડિઝ્નીલેન્ડની મજા માણી

કરિયરનો કોઇપણ પડાવ કેમ ન હોય, તેમની અંદરનું બાળક હંમેશાં જીવતું રહ્યું. 1993ની વાત છે. અમેરિકા પ્રવાસના સમયે, ફુરસતના સમયમાં તેઓ ગ્રાન્ડ કેનિયન અને ડિઝ્નીલેન્ડ પહોંચી ગયા. બાળક જેવી જિજ્ઞાસા સાથે તેઓ લાઇનમાં ઊભા રહ્યા. ટિકિટ ખરીદી અને રાઇડ્સનો આનંદ લીધો. તેમના વ્યક્તિત્વનું આ પાસું બહુ ઓછું જાણીતું છે.

૫. કારગિલ યુદ્ધ બાદ કહ્યું હતું- હું પોતાની જાતને ભારત રત્ન કેવી રીતે આપી શકું…

કારગિલ યુદ્ધ બાદ અટલજીને તેમના કેટલાક મંત્રીઓએ કહ્યું, “અમે તમને ભારત રત્ન આપવા માગીએ છીએ.” અટલજીએ વઢતા કહ્યું, “હું પોતાની જાતને ભારત રત્ન આપી દઉં શું? ભવિષ્યમાં કોઈ સરકારને લાગશે તો આપશે, હું પોતાની જાતને નહીં આપું.” કારગિલ યુદ્ધ બાદ સંબંધ સુધારવા માટે વાજપેયીએ 2001માં પરવેઝ મુશર્રફને આગ્રા બોલાવ્યા હતા. આતંકવાદ શબ્દને લઈને વાજપેયીની દ્રઢતાના કારણે મુશર્રફે ઉદાસ થઈને પાકિસ્તાન પરત ફરવું પડ્યું હતું.

૬. નવાઝને ફોન પર લાગ્યો હતો ઝટકો

પાકિસ્તાની પત્રકાર નસીમ ઝેહરાના પુસ્તક ફ્રોમ કારગિલ ટૂ ધ કોપમાં અટલજી તરફથી નવાઝ શરીફનો ભારત પ્રવાસ રદ કરવાનો ઉલ્લેખ છે. જેમાં લખવામાં આવ્યું છે કે 1999માં શરીફ ભારત આવવાના હતા. તેઓએ ફેક્સથી ગુડવિલ મેસેજ પણ ભારત મોકલી દીધો હતો. લગભગ રાત્રે 10 વાગ્યે આવેલો અટલજીનો જવાબ તોપના ગોળા સમાન હતો. તેઓએ લખ્યું હતું કે તેઓ નવાઝને ભારત નથી બોલાવી રહ્યા, પરંતુ પાકિસ્તાનને કારગિલમાં ઉપસ્થિત સેના હટાવવાની માંગ કરી રહ્યા છે. જેથી બંને પક્ષોની વચ્ચે વાતચીતની શરૂઆત થઈ શકે.

source: www.divyabhaskar.co.in

Continue Reading
Advertisement
Click to comment

Leave a Reply

Your email address will not be published.

વિશ્વ

શ્રીલંકામાં નવા રાષ્ટ્રપતિની પસંદગી માટે આજે મતદાન, આ ઉમેદવારો વચ્ચે હરીફાઈ છે

Published

on

Voting today to elect a new president in Sri Lanka, is a contest between these candidates

શ્રીલંકામાં ચાલી રહેલા સંકટ વચ્ચે આજે રાષ્ટ્રપતિની ચૂંટણી યોજાવાની છે. શ્રીલંકાની રાષ્ટ્રપતિની ચૂંટણીમાં બુધવારે ત્રિકોણીય મુકાબલો થવાની સંભાવના છે. વિક્રમસિંઘે, અલ્હાપેરુમા અને ડાબેરી જનતા વિમુક્તિ પેરામુના નેતા અનુરા કુમારા ડિસનાયકે મંગળવારે રાષ્ટ્રપતિની ચૂંટણી માટે ત્રણ ઉમેદવારો તરીકે ધારાસભ્યો દ્વારા પ્રસ્તાવિત કરવામાં આવ્યા હતા. શ્રીલંકાની સંસદ 44 વર્ષમાં પ્રથમ વખત ત્રિકોણીય હરીફાઈમાં સીધી રીતે રાષ્ટ્રપતિની પસંદગી કરશે. જેમાં છેલ્લી ઘડીની રાજકીય દાવપેચ દેખરેખ પ્રમુખ રાનિલ વિક્રમસિંઘે ઉપર દુલ્લાસ અલ્હાપેરુમાની લીડ દર્શાવે છે. તેમને વિપક્ષી પાર્ટીઓ તેમજ તેમના પિતૃ પક્ષના મોટાભાગના સાંસદોનું સમર્થન છે.

Voting today to elect a new president in Sri Lanka, is a contest between these candidates
આર્થિક સંકટનો સામનો કરી રહેલા શ્રીલંકાને ટૂંક સમયમાં નવા રાષ્ટ્રપતિ મળી શકે છે. ગયા અઠવાડિયે ભારે જનઆક્રોશ વચ્ચે ગોટાબાયા રાજપક્ષે દેશ છોડ્યા પછી શ્રીલંકા ટૂંક સમયમાં નવા રાષ્ટ્રપતિની પસંદગી કરશે. એસએલપીપીના પ્રમુખ જી એલ પીરીસે જણાવ્યું હતું કે, સત્તાધારી શ્રીલંકા પોદુજાના પેરામુના (એસએલપીપી) પાર્ટીના મોટાભાગના સભ્યો પ્રમુખપદ માટે તૂટેલા જૂથના નેતા અલ્હાપેરુમાને પ્રમુખ અને અગ્રણી વિપક્ષી નેતા સજીથ પ્રેમદાસાને વડાપ્રધાન તરીકે પસંદ કરવાના પક્ષમાં હતા.
જોકે, અહીંના વિશ્લેષકો માને છે કે 73 વર્ષીય વિક્રમસિંઘે આગળ છે. શાસક એસએલપીપીના સમર્થન વિના, વિક્રમસિંઘેને સફળતા મળશે નહીં કારણ કે તેમની પાસે સંસદમાં માત્ર તેમની બેઠક છે. રાજકીય રીતે મહત્વપૂર્ણ પગલામાં, મુખ્ય વિરોધ પક્ષના નેતા SJB પ્રેમદાસાએ મંગળવારે અલ્હાપેરુમાને તેમનો ટેકો આપ્યો. અલ્હાપેરુમાએ પ્રેમદાસાને સમર્થન આપવા અને રાષ્ટ્રપતિની ચૂંટણીમાંથી ખસી જવા બદલ આભાર માન્યો. બાદમાં, અલ્હાપેરુમા અને પ્રેમદાસાએ સંયુક્ત પત્રકાર પરિષદમાં હાજરી આપી હતી.

Voting today to elect a new president in Sri Lanka, is a contest between these candidates
મીડિયા અનુસાર, અલ્હાપેરુમાની તરફેણમાં અન્ય વિકાસમાં, શ્રીલંકા ફ્રીડમ પાર્ટી (SLFP) એ ચૂંટણીમાં તેમને મત આપવાનો નિર્ણય કર્યો છે. TPA નેતા સાંસદ મનો ગણેશને જણાવ્યું હતું કે તમિલ પ્રોગ્રેસિવ એલાયન્સ (TPA) એ પણ સર્વસંમતિથી રાષ્ટ્રપતિની ચૂંટણીમાં અલ્હાપેરુમાને સમર્થન આપવાનો નિર્ણય લીધો છે. શ્રીલંકા મુસ્લિમ કોંગ્રેસ (SLMC) અને ઓલ સિલોન મક્કલ કોંગ્રેસ (ACMC) એ પણ અલ્હાપેરુમાને મત આપવાનો નિર્ણય કર્યો છે. બીજી તરફ, વિક્રમસિંઘેને લોકપ્રિય ‘અરગાલય’ સરકાર વિરોધી ચળવળમાંથી સમર્થન મળ્યું નથી.

અરાગલ્યાના નેતા હરિન્દા ફોનસેકાએ કહ્યું કે, “અમે રાનિલ વિક્રમસિંઘેને રાષ્ટ્રપતિ પદના કાયદેસરના ઉમેદવાર તરીકે નકારી કાઢીએ છીએ.” જો કે, સૌથી નિર્ણાયક પરિબળ જે વિક્રમસિંઘે તરફ દોરી શકે છે તે છે SLPP સાંસદોની વ્યક્તિગત અસુરક્ષા. તેમાંથી 70 થી વધુ લોકોએ આગચંપી અને હુમલાનો સામનો કર્યો અને એક માર્યો ગયો.

Voting today to elect a new president in Sri Lanka, is a contest between these candidates
કુસલ પરેરાએ કહ્યું, ‘સૌથી નિર્ણાયક પરિબળ વ્યક્તિગત સુરક્ષા હશે. જેમના ઘરોને નુકસાન થયું નથી તેઓને પણ ભય છે કે તેઓ જોખમમાં છે. તેમને એવા વ્યક્તિની જરૂર છે જે મક્કમ નિર્ણયો લઈ શકે. તેમણે કહ્યું કે વિક્રમસિંઘેએ સુરક્ષાની સ્થિતિને પહેલાથી જ નિયંત્રણમાં લાવવા માટે પૂરતો ઈરાદો દર્શાવ્યો છે. વિક્રમસિંઘેના મુખ્ય સહયોગી વજીરા અબેવર્દનેએ દાવો કર્યો હતો કે રખેવાળ પ્રમુખ 125 મતોથી વિજેતા બનશે. દરમિયાન, SLPP પ્રમુખ પીરીસે કહ્યું કે તેમની પાર્ટીની બહુમતી અલ્હાપેરુમાને પ્રમુખ તરીકે નિયુક્ત કરવાના પક્ષમાં છે.

રાષ્ટ્રપતિની ચૂંટણી જીતવા માટે, ઉમેદવારોને ચૂંટાવા માટે અડધાથી વધુ મતોની જરૂર હોય છે. જો કોઈ આ મર્યાદાને ઓળંગે નહીં, તો ઓછામાં ઓછું સમર્થન ધરાવતા ઉમેદવારને દૂર કરવામાં આવશે. ત્યારપછી તેના મતોની બીજી પસંદગી પ્રમાણે વહેંચણી કરવામાં આવશે. એટલે કે બાકીના બે ઉમેદવારો વચ્ચે જંગ ખેલાશે.

Continue Reading

વિશ્વ

ઓસ્ટ્રેલિયામાં માત્ર 6 વર્ષમાં જ ભારતીયોની સંખ્યા 48 ટકા વધી!

Published

on

The number of Indians in Australia has increased by 48% in just 6 years!

ઓસ્ટ્રેલિયામાં ભારતીયોની વસતી સૌથી ઝડપથી વધી રહી છે. ઓસ્ટ્રેલિયન બ્યૂરો ઑફ સ્ટેટિસ્ટિક્સ દ્વારા જારી આંકડાથી આ ખુલાસો થયો છે. 2016 બાદ ઓસ્ટ્રેલિયામાં ભારતીય મૂળના લોકોની વસતી 48% વધી છે. તાજેતરની વસતીગણતરી મુજબ 1 જૂન, 2021ની સ્થિતિએ ઓસ્ટ્રેલિયામાં વિદેશમાં જન્મેલા 6,73,352 લોકો રહેતા હતા, જે સંખ્યા 2016ના 4,55,389થી 47.86% વધુ છે. વિદેશમાં જન્મેલા આ લોકોમાં ભારતીયોની સંખ્યા સૌથી વધારે વધી છે. ભારત ચીન-ન્યૂઝીલેન્ડને પાછળ છોડીને ઓસ્ટ્રેલિયા-બ્રિટન બાદ ત્રીજા ક્રમે આવી ગયું છે.

The number of Indians in Australia has increased by 48% in just 6 years!

ઓસ્ટ્રેલિયાની લગભગ અડધી (48.6%) વસતી એવી છે કે જેમનાં માતા-પિતામાંથી કમસે કમ કોઇ એક વિદેશમાં જન્મ્યાં હતાં. 2017ની વસતીગણતરી બાદ દેશમાં 10,20,007 વસાહતીઓ આવીને વસ્યા છે. સૌથી વધુ વિદેશીઓ ભારતથી આવ્યા છે. તેમની સંખ્યામાં 2,17,963નો વધારો થયો છે. બીજી સૌથી વધારે વૃદ્ધિ નેપાળના લોકોની છે, જે બમણીથી પણ વધુ (123.7%) છે.

The number of Indians in Australia has increased by 48% in just 6 years!

2016 બાદ નેપાળથી 67,752 લોકો ઓસ્ટ્રેલિયા પહોંચ્યા. પહેલીવાર અડધાથી પણ ઓછા ઓસ્ટ્રેલિયનોએ (44%) પોતાને ખ્રિસ્તી ગણાવ્યા છે. 50 વર્ષ પહેલાં આવા લોકોની સંખ્યા 90% હતી. જોકે, હજુ પણ ખ્રિસ્તી ધર્મ ઓસ્ટ્રેલિયામાં સૌથી મોટો ધર્મ છે. હિન્દુઓની વસતી 2.7% છે જ્યારે 39% લોકો એકેય ધર્મમાં નથી માનતા. આવા લોકો 9% વધ્યા છે.

Continue Reading

વિશ્વ

અમેરિકામાં લૂંટના ઇરાદે આવેલા ઈસમેં ભારતીયની કરી હત્યા

Published

on

An Indian man was killed in a robbery in the United States

અમેરિકામાં વધુ એક ગુજરાતીની હત્યા કરવામાં આવી છે. મૂળ આણંદના વતનીની પોઇન્ટ બ્લેન્કથી ગોળી ધરબીને હત્યા કરવામાં આવી છે. લૂંટના ઈરાદે ત્રાટકેલા શખસોએ ગુજરાતી યુવકની હત્યા કરી છે, જેને લઈ આણંદમાં રહેતા તેમના પરિવારમાં શોકનો માહોલ જોવા મળ્યો છે. ઘટનાને લઈ મૃતકનાં પરિવારજનો અમેરિકા જવા રવાના થયાં છે.

આ ઘટનાની પ્રાથમિક વિગત અનુસાર, આણંદ જિલ્લાના મૂળ સોજીત્રાના વતની પ્રેયસ પટેલ છેલ્લા કેટલાય સમયથી અમેરિકામાં સ્થાયી થયા હતા. ત્યારે અમેરિકાના ન્યૂપોર્ટ ન્યૂઝ કન્વિનિયન્સ સ્ટોરમાં તેઓ બુધવારે રાત્રે કામ કરી રહ્યા હતા. આ દરમિયાન સ્ટોરમાં લૂંટના ઈરાદે ઘૂસેલા શખસોએ ગોળીઓ વરસાવી હતી, જેમાં બે કામદાર મોતને ભેટ્યા હતા. આ અંગે ઘટનાની જાણ થતાં ક્લીન ક્રિક પાર્કવેના 1400 બ્લોક પર કન્વિનિયન્સ સ્ટોર પર પોલીસને બોલાવવામાં આવી હતી. પોલીસે તપાસ હાથ ધરતાં સ્ટોરની અંદર બે લોકો બંદૂકની ગોળીઓથી પીડાતા હતા. જોકે સારવાર મળે એ પહેલાં જ તેમનાં મોત થયાં હતાં. આ મૃતક યુવકમાં એક મૂળ આણંદનો વતની પ્રેયસ પટેલ હોવાનું સામે આવ્યું હતું તેમજ એક લોગન એડવર્ડ થોમસ હોવાનું સામે આવ્યું છે.

An Indian man was killed in a robbery in the United States

પોલીસ દ્વારા આપવામાં આવેલી માહિતી અનુસાર, ક્લીન ક્રિક પાર્કવેના 1400 બ્લોકમાં રાત્રે 11:50 વાગ્યાની આસપાસ અધિકારીઓએ એક શંકાસ્પદ પરિસ્થિતિનો જવાબ આપ્યો હતો. આ ફેયરવે પ્લાઝા શોપિંગ સેન્ટર પાસે છે, જ્યાં કોઈ અજાણ્યા લૂંટારા દ્વારા 7 ઇલેવન નામની દુકાનમાં બે વ્યક્તિની ગોળી મારી હત્યા કરી દીધી હોવાની જાણકારી આપવામાં આવી હતી. આ ઘટનામાં પોલીસે ઝીણવટપૂર્વક તપાસ હાથ ધરી છે.

An Indian man was killed in a robbery in the United States

વધુમાં જણાવતાં સ્થાનિક પોલીસવડાએ કહ્યું હતું કે પોલીસ જ્યારે પહોંચી ત્યારે લૂંટારાએ બે લોકોને બંદૂકની ગોળીથી ઘાયલ કર્યા હતા, જેમાં ઇજાગ્રસ્તોનું ઘટનાસ્થળ પર મૃત થયું હોવાનું ડોક્ટર દ્વારા જાહેર કરવામાં આવ્યું હતું. બાદમાં તેમની ઓળખ યોર્કટાઉનના 52 વર્ષીય પ્રેયસ પટેલ અને ન્યૂપોર્ટ ન્યૂઝના 35 વર્ષીય લોગન એડવર્ડ થોમસ હોવાનું ખૂલ્યું હતું. આ ઘટનામાં એક ભારતીય અને અન્ય અમેરિકન નાગરિક બંનેનાં મૃત્યુ થયાં હતાં. હત્યારાને ઝડપી પાડવા પોલીસે ચક્રો ગતિમાન કર્યા છે તેમજ સંદિગ્ધ વ્યક્તિઓની ધરપકડનો સિલસિલો શરૂ કરી દેવામાં આવ્યો છે.

An Indian man was killed in a robbery in the United States

પોલીસ વિભાગનું કહેવું છે કે પોલીસવડા સ્ટીવ ડ્રૂ ગોળીબારની ઘટનાની માહિતી મેળવવા પ્રયત્ન કરશે. સમગ્ર ઘટના અંગે પોલીસનું માનવું છે કે એક વ્યક્તિએ સ્ટોરમાં હાજર બંને પીડિતોને ગોળી મારી હતી. તપાસકર્તાઓનું કહેવું છે કે ત્યાં સર્વેલન્સ વીડિયો છે, જેને તેઓ હાલમાં ગોળીબારના સંદર્ભમાં મુખ્ય પુરાવા રીતે જોઈ રહ્યા છે અને એનો ઝીણવપૂર્વક અભ્યાસ કરી આખો ઘટનાક્રમ પર તપાસ કરી રહ્યા છે.

Continue Reading
Advertisement
Advertisement

Trending