જાણવા જેવું
જાણો વિશ્વની 7 અદ્ભુત કુદરતી જગ્યાઓ… જેના વિશે તમે કદાચ જ જાણતા હશો..
Published
3 years agoon

બોલિવિયામાં આવેલ રિફ્લેક્ટીવ સોલ્ટ-મીઠાંના ફ્લેટ્સ (Reflective Salt Flats in Bolivia)
સલાર દે યુની એ વિશ્વનો સૌથી મોટુ મીઠાનું રિફ્લેક્ટીવ તળાવ છે..જે 10,582 ચોરસ કિલોમીટર લાંબુ છે.. દક્ષિણપશ્ચિમ બોલિવિયામાં સ્થિત, આ રિફ્લેક્ટીવ સોલ્ટ-મીઠાંના ફ્લેટ્સ લાઈફમાં એક વાર જોવા જેવી જગ્યા છે.. આ સુંદર તળાવમાં આકાશ ખુબ જ સુંદર રીતે પ્રતિબિંબિત થાય છે. જે અરીસાની જેમ કામ કરે છે.. જેનાથી નીચે પણ આકાશ જોવા મળે છે..
મેક્સિકોના નાઇકામાં આવેલ જાયન્ટ ક્રિસ્ટલની ગુફા (Giant Crystal Cave in Naica, Mexico)
મેક્સિકોમાં આવેલી ક્રિસ્ટલની ગુફા વિશ્વની સૌથી મોટી કુદરતી ક્રિસ્ટલની રચના છે.આ ગુફામાં ક્રિસ્ટલ ખુબ જ મોટા કદમાં જોવા મળે છે .. અને મેક્સિકોમાં આ ક્રિસ્ટલને આટલી મોટી સાઈઝના બનવા પુરતું વાતાવરણ મળી રહે છે.. આ સ્ફટિકો સતત 136 ડિગ્રી ફેરનહિટ (58 ડિગ્રી સેલ્સિયસ) માં મોટા થાય છે.. વિશ્વમાં બરફના ક્રિસ્ટલની આ સૌથી સુંદર જગ્યા છે..
ઓસ્ટ્રેલીયામાં આવેલ પિંક લેક (Pink Lake Hillier in Australia)
જ્યારે તમે વિચારો કે તળાવ કયા રંગનું હોય તો આપણે સામાન્ય રીતે વાદળી, ભુરો, લીલોતરી રંગ ધ્યાનમાં આવે છે..પરંતુ ઓસ્ટ્રેલીયામાં ગુલાબી રંગનું તળાવ આવેલું છે ઓસ્ટ્રેલિયાના પશ્ચિમી ટાપુઓ પર મુસાફરી કરનારા કોઈપણ વ્યક્તિ માટે, વિશ્વમાં આવેલું આ એકમાત્ર પિંક તળાવ છે.. આ તળાવ હિલિયર સમુદ્ર કરતા પણ 10 ગણું ખારું હોવાને કારણે પિંક કલરનું જોવા મળે છે..
આઇસલેન્ડમાં જોવા મળતો જ્વાળામુખી અને વીજળી (Volcanic Lightning in Iceland)
જ્વાળામુખીના વાદળમાં રાખ જેવા બરફના કણો ટકરાતા વીજળીકરણની ઘટના બને છે… આ દ્રશ્ય ખુબ જ સુંદર દેખાય છે.. જેમાં બરફ,આગ અને વીજળી ત્રણેવ વિરુદ્ધ તત્વો જોવા મળે છે.. આ વિશ્વની એક અનોખી જગ્યા છે.. સામાન્ય રીતે આઇસલેન્ડ પર આ દ્રશ્ય જોવા મળે છે..
અબ્રાહમ તળાવમાં આવેલા ફ્રોઝન એર બબલ્સ (Frozen Air Bubbles in Abraham Lake)
આલ્બર્ટા કેનેડામાં આવેલ અબ્રાહમ તળાવ એક અનોખી જગ્યા છે આ તળાવની સ્થિર સપાટી હેઠળ મિથેન ગેસના કારણે સુંદર બબલ્સ બને છે આ બબલ્સ થોડા સમયમાં ઓગળી જાય છે અને ફરી પાછા બને છે..જ્યારે આ તળાવમાં છોડ અને પ્રાણીઓ ડૂબી જાય છે ત્યારે પાણીમાં રહેલા બેક્ટેરિયા સાથે તેની પ્રતિક્રિયા થાય છે ત્યારે મિથેન ગેસ નીકળે છે. અને આ ગેસ ઉપર આવતા બબલ્સ બને છે.. બેક્ટેરિયા કાર્બનિક પદાર્થોનું વિઘટન કરે છે અને ધીમે ધીમે ગેસ મુક્ત કરે છે. સામાન્ય રીતે ગેસ તળાવની ટોચ પર તરે છે અને બબલ્સ સ્વરૂપે બહાર આવે છે..
પાકિસ્તાનમાં આવેલ સ્પાઇડરવેબ કોક્યુનડ ટ્રીઝ(Spiderweb Cocooned Trees in Pakistan)
પાકિસ્તાનના સિંધ ગામમાં આવા વિચિત્ર ઝાડ આવેલા છે જેના પર લાખો કરોળિયા હોવાથી તે ભૂતિયા ઝાડ જેવું દેખાય છે.. ૨૦૧૦ માં આવેલ ભારે પૂરના કારણે લાખો કરોળિયા ઝાડની ટોચ પર રહેવા લાગ્યા જેના કારણે ત્યાના ઝાડ આવા દેખાય છે.. અને આવા ઝાડના કારણે આ જગ્યા ખુબ જ વિચિત્ર અને સુંદર દેખાય છે..
માલદીવ્સના ઝબૂકતા કિનારા (Shimmering Shores of Vaadhoo Maldives)
આ દ્રશ્ય મધ્યરાત્રિના માલદિવ્સના દરિયાકાંઠાનું છે આ ફોટો કોઈ ફોટોશોપનું પરિણામ નથી પરંતુ હકીકત છે. માલદિવ્સમાં રેતી ઉપર ફાયટોપ્લાંકટન નામના નાના દરિયાઈ જીવાણુઓ હોય છે જેના કારણે દરિયા કાંઠો આ રીતે ચમકતો દેખાય છે.. ઘણા પ્રકારનાં ફાયટોપ્લાંકટોન હોય છે જે બાયો-લ્યુમિનેસન્સની ક્ષમતા ધરાવે છે, જે શિકારીને ડરાવવા માટે રક્ષણાત્મક પદ્ધતિ તરીકે ચમકે છે જેના કારણે મોટા શિકારી તેનાથી ડરી દુર રહે છે..
You may like
જાણવા જેવું
6 મહિનાના બાળકને કેટલું ઘી ક્યારે આપવું જોઈએ જાણો છો?
Published
2 weeks agoon
October 6, 2022By
Gujju Media
નવજાત બાળક જ્યારે 6 મહિનાનું થઈ જાય છે ત્યારે તેને થોડો હાર્ડ એવો આહાર આપવાની શરૂઆત કરવામાં આવે છે. 6 મહિના પછી બાળકને માતાના દૂધ સિવાય બીજા જરૂરી પોષકતત્વોની પણ જરૂર હોય છે. તેમાં ઘી પણ શામેલ છે.
જો બાળકોને ઘી યોગ્ય પ્રમાણમાં આપવામાં આવે તો બાળકનો શારીરિક વિકાસ સારી રીતે થાય છે અને ઘી ખવડાવવાથી બાળકનું મગજ પણ ખૂબ તેજ થાય છે. ઘીમાં એવું ફેટ હોય છે જએ ખૂબ સરળતાથી પચી જાય છે. ચાલો તમને જણાવી દઈએ કે બાળકોને ઘી ક્યારે ખવડાવવું જોઈએ.
બાળકને કઈ ઉમરમાં ઘી ખવડાવવું જોઈએ.
બાળક જ્યારે 6 મહિનાથી મોટું હોય તો તેના ભોજનમાં તમે ઘીનો ઉપયોગ કરી શકો છો. દાળ, ખિચડી કે ભાતમાં થોડું ઘી ઉમરી શકો છો. શરૂઆતમાં ઘીનું પ્રમાણ ખૂબ ઓછું રાખવું. ધીરે ધીરે બાળક મોટું થાય એમ ઘીનું પ્રમાણ પણ વધારતું રહેવું.
બાળકને કેટલા પ્રમાણમાં ઘી આપવું જોઈએ.
જો તમારું બાળક 6 મહિનાનું છે તો તમારે તેમને આખા દિવસ થઈને ફક્ત અડધી ચમચી જ ઘી ખવડાવવું જોઈએ. જ્યારે બાળક 8 મહિનાનું થઈ જાય તો બે વારના ભોજનને થઈને તમે 1 ચમચી ઘી ખવડાવી શકો છો. 10 મહિનાના બાળકને તમને એક દિવસમાં 3 વાર થઈને 1 ચમચી ઘી આપી શકો છો. 1 વર્ષના બાળકને એક દિવસમાં તમે 3 વાર થઈને દોઢ ચમચી ઘી આપી શકો છો. આ પછી 2 વર્ષના બાળકને તમે દિવસમાં 3 વાર થઈને દોઢ કે બે ચમચી ઘી ખવડાવી શકો છો.
બાળકને ઘી ખવડાવવાથી થતાં ફાયદા.
- 1. બાળકને ઘી ખવડાવવાથી એનર્જી મળે છે. બાળકની એનર્જી માટે ઘી એ ખૂબ સારો સ્ત્રોત છે.
- 2. દરરોજ યોગ્ય પ્રમાણમાં ઘી ખવડાવવાથી બાળકોનું વજન વધે છે. ઘીમાં કોજુગેટીડ લીનોલિક એસિડ હોય છે, તેનાથી શરીરનો સારો વિકાસ થાય છે.
- 3. ઘીમાં કેલ્શિયમ મળે છે જે બાળકોના હાડકાંને સ્વસ્થ અને હેલ્થી બનાવવામાં મજબૂત બનાવવામાં મદદ કરે છે.
- 4. ઘીમાં વિતમી ઇ, વિટામિન એ અને બીજા ઘણા વિટામિન અને ડીએચ મળે છે જએ આંખ, સ્કીન અને ઇમ્યુનિટીને મજબૂત કરવા માટે કામ કરે છે.
- 5. બાળકોના પાચનને મજબૂત કરવા માટે ઘી ખૂબ મદદ કરે છે. આનાથી પેટની સમસ્યા ઓછી થઈ જાય છે.
જાણવા જેવું
લોખંડના વાસણ સાફ કરવા એટલે ત્રાસ લાગે છે? તો આ ટેકનિક કરો ફોલો.
Published
3 weeks agoon
October 1, 2022By
Gujju Media
આપણાં દાદી અને નાની જ્યારે રસોઈ બનાવતા ત્યારે તેઓ લોખંડના વાસણમાં જમવાનું બનાવવાનો આગ્રહ રાખતા. તેના લીધે જ હજી પણ આપણાં ઘરમાં પણ તેલમાં કાઇ પણ તળવાનું હોય કે પછી રોટલી ભાખરી બનાવવાની હોય તો લોખંડનું જ વાસણ ઉપયોગમાં લેવામાં આવે છે.
એક્સપર્ટનું કહેવું છે કે જ્યારે પણ લોખંડના વાસણમાં ભોજન બનાવવામાં આવે છે તો તેમાંથી ભોજનમાં આયરન અને બીજા પોષકતત્વો ભોજનમાં સારી રીતે ભળી જાય છે. પણ આ વાસણ વાપરવા માટેની સૌથી મોટી મુશ્કેલી એ હોય છે કે તેને સાફ કરવી એ માથાનો દુખાવો લાગતું હોય છે. તો જો તમને પણ લોખંડના વાસણ સાફ કરવામાં પ્રોબ્લેમ આવે છે તો આજે અમે તમારા માટે કેટલીક સરળ ટિપ્સ લઈને આવ્યા છે.
સૌથી પહેલા તમે જણાવી દઈએ કે લોખંડના વાસણ કાળા કેમ પડી જતાં હોય છે. તો તમને જણાવી દઈએ કે આ વાસણમાં કાર્બન જમા થતો હોય છે. આ ફેટ અને તેલને વધારે ગરમ કરવાને લીધે થતું હોય છે.
આટલું જ નહીં જ્યારે પણ તમે આવા વાસણમાં જમવાનું બનાવો છો તો કાર્બનનો ભાગ ભોજનમાં ભળે છે અને તેના લીધે તે કાળો રંગ થઈ જાય છે. ઘણીવાર સારી રીતે સફાઇ ના કરવામાં આવે તો પણ લોખંડના વાસણ કાળા થઈ જતાં હોય છે. આ સાથે આ વાસણમાં કાટ પણ જમા થવા લાગે છે.
ઘણીવાર લોખંડના વાસણ પડ્યા રાખવાથી તેમાં કાટ આવી જતો હોય છે. એવામાં આ વાસણ કેવીરીતે સાફ કરવું એ હવે તમને જણાવી દઈએ. તમને જણાવી દઈએ કે તમારે સૌથી પહેલા તો એ વાસણને સારી રીતે સાફ પાણીથી સાફ કરી લેવું. આ પછી તેને કોરા કપડાંથી સૂકવી લેવું.
હવે આ વાસણમાં થોડું સરસવનું તેલ નાખીને બધે જ તેલ લગાવી દેવું આ પ્રોસેસમાં ધ્યાનમાં રાખો કે વાસણમાં બધે જ તેલ લગાઈ જવું જોઈએ. હવે ટિશ્યૂ પેપર કે પછી કપડાંની મદદથી વધારાનું તેલ લૂછી લેવું. હવે આ વાસણને સાફ અને કોરી જગ્યાએ મૂકી દો. આઆમ કરવાથી લોખંડના વાસણ ખરાબ થશે નહીં.
જો તમે પણ રોટલી કે ભાખરી બનાવવા માટે લોખંડનો તવો વાપરો છો તો તેને કેવીરીતે સાફ કરશો એ પણ અમે તમને જણાવી રહ્યા છે. તવાને સાફ કરવા માટે થોડું મીઠું લેવું અને તેમાં થોડો લીંબુનો રસ અથવા તો વિનેગર ઉમેરો આ પછી તવા પર તેને બધે જ સારી રીતે ફેલાવી દો. આ પછી 15 મિનિટ માટે તેને એમજ રહેવા દો. હવે વાસણ સાફ કરવાના એક સપન્ચ અને ગરમ પાણીની મદદથી આ તવો સાફ કરી દેવો. આવીરીતે તવો સાફ કરશો તો તમારો તવો નવા જેવો ચમકી ઉઠશે.
જાણવા જેવું
આ ગુલાબી હીરાએ દુનિયામાં મચાવી ચર્ચાઓ! જાણો શું છે આનો ખાસિયત
Published
3 months agoon
July 29, 2022
આફ્રિકી દેશ અંગોલામાં 170 કેરેટનો એક ગુલાબી હીરો મળ્યો છે. આ હીરો ખુબ જ સુંદર છે. જાણકારી મુજબ, 300 વર્ષોમાં મળનારા અત્યાર સુધીનો સૌથી મોટો ગુલાબી હીરો છે. દર 10 હજાર હીરામાંથી એક હીરો ગુલાબી હોય છે. અંગોલામાં 170 કેરેટનો દર્લભ હીરો મળ્યો છે. આ હીરાને લૂલો રોઝ અટલે કે લૂલો ગુલાબ નામ આપાવામાં આવ્યું છે.
આફ્રિકી દેશ અંગોલામાં એક ખાણમાંથી 170 કેરેટનો દુર્લભ શુદ્ધ ગુલાબી હીરો શોધ્યો છે. આ છેલ્લા 300 વર્ષોમાં મળનારા હીરાઓમાંથી સૌથી મોટો ગુલાબી હીરો છે. એક ઓસ્ટ્રેલિયાઈ ખનન કંપનીએ આની જાણકારી આપી છે. લુકાપા ડાયમંડ કંપની અને તેના સહયોગિયોએ અંગોલાના લૂલો ખાણમાંથી દુર્લભ પથ્થર શોધી નાખ્યો. જેને લૂલોનું ગુલાબ નામ આપવામાં આવ્યું. લુકાપા ડાયમંડ કંપનીએ રોકાણકારોને આપેલા એક નિવેદનમાં કહ્યું કે, ઈતિહાસમાં અત્યાર સુધીનો સૌથી મોટો ગુલાબી હીરો છે.
ગુલાબી હીરો અત્યાર સુધીમાં મળેલા હીરામાંથી પાંચમો સૌથી મોટો હીરો છે. આ પહેલાં આવી જ રીતે પિંક ડાયમંડન ઈન્ટરનેશનલ માર્કેટમાં ભારે કિંમત સાથે તે વેચાયો હતો. હોંગકોંગમાં 59.6 કેરેટનો પિંક સ્ટાર 2017માં વેચાયો હતો. જેની કિંમત લગભગ 5.5 અરબ રૂપિયાથી પણ વધુ હતી.

આ હીરો મળતાં અંગોલાની સરકારે પણ તેનું સ્વાગત કર્યું છે. આ એક IIa ટાઈપ પથ્થર છે. જે પ્રાકૃતિક પથ્થરોમાં સૌથી દુર્લભ અને શુદ્ધ રૂપમાંથી એક છે. અંગોલાના ખનીજ સંસાધન મંત્રી ડાયમાંટિનો અજેવેદોએ કહ્યું કે, લૂલોમાંથી મળેલા આ શાનદાર ગુલાબી હીરાને અંગોલા વૈશ્વિક સ્તરે પ્રદર્શિત કરે છે.
લુકાપાના CEO સ્ટીફન વેદરોલે કહ્યું કે, 10 હજારમાંથી એક હીરો ગુલાબી રંગનો હોય છે. જો તમે આટલા મોટા હીરાને જોઈ રહ્યા છો તો તમે એક અમૂલ્ય વસ્તુને જોઈ રહ્યા છો. જાણકારી મુજબ આ ખાણમાં નદીના તળીયાથી હીરો કાઢવામાં આવ્યો છે. લૂલોની ખાણમાં લગભગ 400 કર્મચારીઓ કામ કરે છે જે અંગોલાના અત્યાર સુધીના સૌથી મોટા હીરાને શોધી ચૂક્યા છે. તેમાંથી એક 404 કેરેટના હીરાનો પણ સમાવેશ થાય છે.

PM મોદી જ્યારે બાળકો સાથે વર્ગખંડમાં બેઠા, સ્માર્ટ ક્લાસમાં વિદ્યાર્થીની વાત ધ્યાનથી સાંભળી

PM મોદી જ્યારે બાળકો સાથે વર્ગખંડમાં બેઠા, સ્માર્ટ ક્લાસમાં વિદ્યાર્થીની વાત ધ્યાનથી સાંભળી

કરવા ચૌથ પર વિક્કી કૌશલએ કેટરીના કૈફને આપી આવી સરપ્રાઈઝ, કેટરીના છે ખુશખુશાલ.

અનુપમાની લાડલી પાંખીએ લીધો એક અનોખો નિર્ણય, આ વ્યક્તિ સાથે કરશે લગ્ન.

સાઉથના આ સુપરસ્ટાર્સે ખરીદ્યું છે પોતાનું પ્રાઈવેટ જેટ, એક તો છે, એરલાઈન કંપનીના માલિક.

આવતીકાલે લેવાય શકે છે લોકડાઉનને લઇ મહત્વનો નિર્ણય,પીએમ મોદી કરશે આ કામ

ગુજરાતના એવા સ્થળો જ્યાં આજે પણ પળે પળ થઈ રહ્યો છે ભૂત પ્રેતનો અહેસાસ … ચાલો જાણીએ એવા રહસ્યમય સ્થળો વિશે

અરહાન ખાનની યોજાઇ બર્થ ડે પાર્ટી

શુ બી- ટાઉનના નવા કપલ છે વિકી-કેટરીના

દિવાળી પૂજનમાં જરૂરી વસ્તુઓ અને તેનુ મહત્વ
Trending
-
ભારત2 years ago
આવતીકાલે લેવાય શકે છે લોકડાઉનને લઇ મહત્વનો નિર્ણય,પીએમ મોદી કરશે આ કામ
-
જાણવા જેવું3 years ago
ગુજરાતના એવા સ્થળો જ્યાં આજે પણ પળે પળ થઈ રહ્યો છે ભૂત પ્રેતનો અહેસાસ … ચાલો જાણીએ એવા રહસ્યમય સ્થળો વિશે
-
બોલીવુડ3 years ago
અરહાન ખાનની યોજાઇ બર્થ ડે પાર્ટી
-
બોલીવુડ3 years ago
શુ બી- ટાઉનના નવા કપલ છે વિકી-કેટરીના
-
ધર્મદર્શન3 years ago
દિવાળી પૂજનમાં જરૂરી વસ્તુઓ અને તેનુ મહત્વ
-
ફૂડ4 years ago
આ રીતે ઘરે બનાવો ‘ખાંડવી’: હાયજેનિક સ્વાદિષ્ટ ડિશ ખાંડવી
-
ગુજરાત6 months ago
એકબીજાના પ્રેમમાં છે Yash Soni અને Janki Bodiwala, ફિલ્મ ‘છેલ્લો દિવસ’માં સાથે કર્યું હતું કામ
-
બોલીવુડ3 years ago
આગામી ફિલ્મ માટે વિકી કૌશલે ઘટાડ્યું 13 કિલો વજન