ચીનના આક્રમક વલણ અને ઈન્ડો-પેસિફિક ક્ષેત્રમાં વધતી શક્તિ વચ્ચે દુનિયાના દરેક દેશની નજર ભારત ઉપર છે. જોકે ઘણા દેશો માને છે કે, એશિયામાં માત્ર ચીનના આક્રમક વલણ અને ઈન્ડો-પેસિફિક ક્ષેત્રમાં વધતી શક્તિ વચ્ચે દુનિયાના દરેક દેશની નજર ભારત ઉપર છે. જોકે ઘણા દેશો માને છે કે, એશિયામાં માત્ર ભારત જ શક્તિનું સંતુલન સ્થાપિત કરી શકે છે. હવે યુએસ ડિફેન્સ સેક્રેટરી લોયડ ઓસ્ટિન પણ એવું જ માની રહ્યા હોવાનું સામે આવ્યું છે.

યુએસ ડિફેન્સ સેક્રેટરીએ કહ્યું, ચીન તાઈવાનને પોતાનો ભાગ માને છે. આ ઉપરાંત, તે અન્ય દેશોના કેટલાક ભાગો પર પણ પોતાનો દાવો કરે છે અને આ માટે આક્રમક અભિગમ પણ અપનાવી રહ્યો છે. ઓસ્ટીને કહ્યું, ચીન દક્ષિણ ચીન સાગરમાં આક્રમક અને ગેરકાયદેસર અભિગમ અપનાવી રહ્યું છે. આવી સ્થિતિમાં અમેરિકા તેના સહયોગીઓ સાથે ઉભું છે.

સિંગાપોરમાં શાંગરી લો ડાયલોગમાં તેમણે કહ્યું કે, ભારતની વધતી શક્તિ જ ઈન્ડો-પેસિફિક ક્ષેત્રમાં સ્થિરતા સ્થાપિત કરી શકે છે. તેમણે કહ્યું કે અમેરિકા માને છે કે, ભારતની વધતી જતી સૈન્ય ક્ષમતા અને તકનીકી ક્ષમતા આ ક્ષેત્રમાં સ્થિરતા લાવી શકે છે. કાર્યક્રમ દરમ્યાન તેમણે મુખ્યત્વે ભારતનો ઉલ્લેખ કરતા કહ્યું કે, ચીન ઈન્ડો-પેસિફિક ક્ષેત્રમાં આક્રમક વલણ અપનાવી રહ્યું છે અને ગેરકાયદેસર રીતે તેની દરિયાઈ ક્ષમતાઓમાં વધારો કરી રહ્યું છે. તેમણે કહ્યું, ચીન ભારત સાથેની સરહદ પર પોતાની સ્થિતિ કડક કરી રહ્યું છે.

યુએસ ડિફેન્સ સેક્રેટરીએ કહ્યું, ચીન આક્રમક વલણ અપનાવી રહ્યું છે. તેનો ભારત સાથે સીમા વિવાદ પણ છે અને તે લદ્દાખ સેક્ટરમાં આક્રમક અભિગમ અપનાવે છે. આ સિવાય તે વિયેતનામ, તાઈવાન, ફિલિપાઈન્સ, બ્રુનેઈ, મલેશિયાના ભાગો પર પણ દાવો કરે છે. આવી સ્થિતિમાં અમેરિકા ભવિષ્યના આક્રમણને રોકવા અને તેને હરાવવા માટે સંપૂર્ણ રીતે તૈયાર છે. અમે અમારા મિત્રો સાથે પણ ઊભા છીએ અને અમારા સુરક્ષા માળખાને પારદર્શક અને વધુ સમાવિષ્ટ બનાવવા માટે સાથે મળીને કામ કરી રહ્યા છીએ.

અનેક દેશોમાં કોરોના બાદ મંકીપોક્સ વાઇરસે હાહાકાર મચાવ્યો છે. ત્યારે  હવે WHOના ડાયરેક્ટર જનરલે એક અપીલ કરી છે. તેમણે જણાવ્યું છે કે, જે દેશોમાં મંકીપોક્સના કેસ નોંધાયા છે તેઓએ સાવચેતી રાખવાની જરૂર છે. આ સાથે તેમણે કહ્યું કે,જે દેશોમાં આ રોગ સ્થાનિક નથી ત્યાં પણ ખતરો રહે છે. આ સાથે અસરગ્રસ્ત દેશોને આ રોગને નિયંત્રિત કરવા માટે તમામ કેસ અને સંપર્કોને ઓળખવા વિનંતી કરી છે.

રસીઓ વિશે બોલતા, ટેડ્રોસે કહ્યું કે મંકીપોક્સ રસી માટે એન્ટિવાયરલ અને રસી મંજૂર કરવામાં આવી છે, પરંતુ તેનો પુરવઠો મર્યાદિત છે. WHO જાહેર આરોગ્યની જરૂરિયાતોને આધારે સંકલન પદ્ધતિ વિકસાવવા પર કામ કરી રહ્યું છે. ટેડ્રોસે કહ્યું કે, સામૂહિક રસીકરણ જરૂરી છે, કારણ કે આ રોગ અત્યાર સુધીમાં 29 દેશોમાં ફેલાયો છે. તેમણે કહ્યું કે જેમને મંકીપોક્સના લક્ષણો હોય તેઓએ ઘરે જ રહેવું જોઈએ અને જે લોકો ચેપગ્રસ્ત લોકો સાથે ઘરમાં રહે છે તેઓએ આવા ચેપ ગ્રસ્ત લોકોના સંપર્કથી દૂર રહેવું જોઈએ.

WHO અનુસાર, મંકીપોક્સ સામાન્ય રીતે સ્વ-મર્યાદિત રોગ છે અને સામાન્ય રીતે 2 થી 4 અઠવાડિયા સુધી ચાલે છે. તે બાળકો, સગર્ભા સ્ત્રીઓ અને નબળી રોગપ્રતિકારક શક્તિ ધરાવતી વ્યક્તિઓમાં ગંભીર હોઈ શકે છે. વર્લ્ડ હેલ્થ ઓર્ગેનાઇઝેશન (WHO) ના ડાયરેક્ટર-જનરલ ટેડ્રોસ અધાનમ ઘેબ્રેયેસસે મંકીપોક્સ વાયરસને લઈ ટ્વિટ કર્યું છે, જેમાં તેમણે જણાવ્યું છે કે, અત્યાર સુધીમાં 29 દેશોમાં 1 હજારથી વધુ મંકીપોક્સના કેસ નોંધાયા છે.  જ્યારે, આ રોગ આ દેશોમાં સ્થાનિક નથી. જો કે, આ દેશોમાં અત્યાર સુધી કોઈ મૃત્યુ થયું નથી. આવી સ્થિતિમાં, WHO અસરગ્રસ્ત દેશોને આગ્રહ કરે છે કે તે રોગચાળાને નિયંત્રિત કરવા અને ચેપને રોકવા માટે તમામ કેસ અને સંપર્કોને ઓળખે. મંકીપોક્સ બિન-સ્થાનિક દેશોમાં કાયમી ધોરણે સ્થાપિત થઈ શકે છે.

સરકાર લોકોને ધુમ્રપાન છોડવા માટે ઘણી અપીલો કરતી હોય છે. પરંતુ તેમ છતાં તણા જોઈએ તેવા પરિણામો મળતા નથી આજનો યુવા સીગરેટના ધુમાડા પાછળ પોતાના પૈસા તો બગાડે છે સહેજ તેની  સ્વસ્થ્ય પણ જોખમમાં મૂકે છે. ત્યારે બ્રિટેનમાં એક શહેરમાં ધુમ્રપાન છોડવા પર સરકાર રોકડ પુરસ્કાર આપશે તેવી જાહેરાત કરી છે. આ શહેરમાં ધૂમ્રપાન કરનારાઓ જો ધૂમ્રપાન કરવાનું બંધ કરે છે, તો તેના બદલામાં સરકાર તેમને રોકડ પુરસ્કાર આપશે.

એક અહેવાલ અનુસાર આ યોજના બ્રિટેનના ચેશાયર ઈસ્ટ શહેરમાં લાગુ કરવામાં આવી છે. આ યોજના હેઠળ જે પણ સ્મોકિંગ છોડશે તેને 20 હજાર રૂપિયા અને સ્મોકિંગ કરનારી ગર્ભવતી મહિલાને 40 હજાર રૂપિયા આપવામાં આવશે. આ યોજના લાવીને સ્થાનિક પ્રશાસન તંત્રને આશા છે કે પૈસાની લાલચમાં લોકો ધૂમ્રપાન છોડી દેશે અને આ રીતે લાખો લોકોના જીવ બચી જશે. ત્યાની સરકારે આ યોજના માટે 116,500 પાઉન્ડ (અંદાજે 1 કરોડ રૂપિયા)નું બજેટ પસાર કર્યું છે. આ રકમ માત્ર રોકડ પુરસ્કાર આપવા માટે જ ખર્ચ કરવામાં આવશે.

જો કોઈ વ્યક્તિ દિવસમાં 20 વખત સ્મોકિંગ કરે છે તો તે વાર્ષિક 4.4 લાખ રૂપિયા ખર્ચ કરે છે. જો તે સ્મોકિંગ છોડી દે તો વ્યક્તિ સ્વાસ્થ્યની સાથે સાથે પૈસાની બાબતમાં પણ બચત કરી શકે છે. સાથે જ તેને સરકાર તરફથી ઈનામ મળશે તે બોનસ છે. મહત્વનું છે કે સરકાર આ માટે ટેસ્ટ કરશે. આ અંતર્ગત ધૂમ્રપાન કરનારાઓએ એક્સહેલ્ડ કાર્બન મોનોક્સાઇડ ટેસ્ટ આપવું પડશે, તે પછી જ તે સાબિત થશે કે તેમણે ધૂમ્રપાન છોડી દીધું છે. સાથે જ જો આ યોજનાનું પૂર્વ ચેશાયરમાં યોગ્ય પરિણામ મળશે તો બાકીના શહેરોમાં પણ તેનો અમલ કરવામાં આવશે.

 

.