Connect with us

ગુજરાત

મેડ ઈન સૌરાષ્ટ્ર ‘છકડો’ હવે ઈતિહાસમાં સમાઈ જશે: અતુલ ઓટો બંધ કરશે પ્રોડક્શન

Published

on

કેમ બંધ થઈ રહ્યું છે પ્રોડક્શન?

અમદાવાદ: ગુજરાતના ગ્રામીણ વિસ્તારો અને ખાસ તો સૌરાષ્ટ્રની ઓળખ સમાન છકડો રિક્ષાનું પ્રોડક્શન હવે બંધ થવા જઈ રહ્યું છે. આ વાહનનું ઉત્પાદન કરતી રાજકોટની અતુલ ઓટો કંપનીએ તેનું પ્રોડક્શન બંધ કરવાનો નિર્ણય લીધો છે. નવા વાહનોમાં હવે પ્રદૂષણ તેમજ સેફ્ટી ફીચર્સને લગતા નિયમોમાં ખાસ્સા ફેરફાર થવાથી હવે છકડાનું ઉત્પાદન કરવું ટેકનિકલી અઘરું બન્યું છે, આ ઉપરાંત ટ્રાન્સપોર્ટેશનના ઢગલાબંધ વિકલ્પો પણ ઉપલબ્ધ થતાં છકડો અપ્રસ્તુત બની રહ્યો છે.

ગમે તેવા રસ્તા પર સડસડાટ દોડતો છકડો


કાચો રસ્તો હોય કે પછી કચ્છનો રેતાળ વિસ્તાર, છકડો ગમે તેવા રસ્તા પર જાણે ગર્જના કરતો હોય તેમ દોડતો, અને માલસામાન કે પછી મુસાફરને તેના ગંતવ્ય સ્થાને પહોંચાડી દેતો. વરસાદનું પાણી ભરાયું હોય તેમાં આજના મોર્ડન કહેવાતા વાહનો ખોટકાઈ જતાં, પણ છકડાને રસ્તા પર ભરાયેલા પાણી ક્યારેય ન નડતા. જોકે, અસ્સલ કાઠિયાવાડી મિજાજની માફક ખડતલ અને મજબૂત એવો છકડો હવે બદલાતા સમય સાથે હવે છકડો રિટાયર્ડ થઈ થવામાં છે.

1970માં તૈયાર થઈ હતી ડિઝાઈન


1970ના અરસામાં જ્યારે સૌરાષ્ટ્રમાં ટ્રાન્સપોર્ટેશનના સાધનોની તંગી હતી, ત્યારે જામનગરના જામસાહેબે અતુલ ઓટોના સ્થાપક જગજીવનભાઈ ચાંદ્રાને પોતાની જૂની ગોલ્ફ કોર્ટ વાપરવા આપી હતી, અને ત્યાં જ તેમણે છકડો રિક્ષાની ડિઝાઈન તૈયાર કરી હતી. આગળ જતાં છકડાનું પ્રોડક્શન શરુ થયું, અને જોતજોતામાં તે સૌરાષ્ટ્રનો જાણે બ્રાન્ડ એમ્બેસેડર બની ગયો. ચારથી પાંચ દાયકામાં આજે પણ છકડાની લોકપ્રિયતામાં જરાય ઓટ નથી આવી.

ખેતર ખેડવા પણ વપરાતો છકડો


મૂળ તો છકડાનું એન્જિન ખેતરોમાં પાણી ખેંચવા વપરાતા જૂના સમયના એન્જિનની ડિઝાઈનમાં જ ફેરફાર કરીને બનાવવામાં આવ્યું હતું. સેલ્ફ સ્ટાર્ટના જમાનામાં આજેય દોરડું ખેંચીને જ છકડાના એન્જિનને ચાલુ કરવામાં આવે છે. ટ્રેક્ટરો ખાસ પ્રચલિત નહોતા ત્યારે છકડાથી સૌરાષ્ટ્રના ખેડૂતો ખેતર પણ ખેડતા હતા. આજે પણ ક્યારેક આ દ્રશ્ય જોવા મળી જાય છે.

ખૂશ્બુ ગુજરાત કીમાં અમિતાભે ચલાવ્યો હતો છકડો


મહાનાયક અમિતાભ બચ્ચને પણ ખૂશ્બુ ગુજરાત કી સિરીઝનું શૂટિંગ કર્યું ત્યારે તેમાં પણ છકડાનો ખાસ સમાવેશ કરાયો હતો. આ કેમ્પેઈને દેશ-વિદેશમાં ગુજરાતને ખ્યાતિ અપાવી, અને તેમાં છકડાનો સમાવેશ જ બતાવે છે કે છકડો અને સૌરાષ્ટ્ર એકબીજા સાથે કેટલા ગાઢ રીતે સંકળાયેલા છે. આજે ભલે જીપ કે પછી ગાડીઓમાં લોકો મુસાફરી કરતા થઈ ગયા હોય, પરંતુ છકડો ચારથી પાંચ દાયકાથી પોતાનું અડગ સ્થાન જમાવીને બેઠો છે.

ફિલ્મોમાં પણ દેખાયો છે છકડો


ગુજરાતી ફિલ્મોમાં તો છકડાએ અનેકવાદ દેખા દીધી જ છે, પરંતુ ગુજરાતી બેકગ્રાઉન્ડ સાથે બનેલી હિન્દી ફિલ્મોમાં પણ છકડો જોવા મળ્યો છે. વર્ષો પહેલા બનેલી ઐશ્વર્યા-સલમાન અભિનિત ફિલ્મ હમ દિલ દે ચુકે સનમ હોય કે તાજેતરમાં આવેલી દીપિકા-રણવીરની રામલીલા. કાઠિયાવાડી બેકગ્રાઉન્ડ પર બનેલી આ ફિલ્મમાં પણ છકડો જોવા મળ્યો હતો.

પ્રોડક્શન બંધ, પણ જૂના છકડા દોડતા રહેશે


વાહનોના નવા સેફ્ટી ફિચર્સ અને એન્જિનમાં બીએસ-6 સ્ટાન્ડર્ડ થોડા સમયમાં જ ફરજિયાત થઈ રહ્યા છે, ત્યારે નવા ફેરફાર સાથે છકડાનું પોસાય તેવી કિંમતે ઉત્પાદન કરવું લગભગ અશક્ય છે. તેવામાં તેનું પ્રોડક્શન હવે બંધ થઈ રહ્યું છે. જોકે, જે છકડા હાલ રસ્તા પર દોડી રહ્યા છે તે તો દોડતા જ રહેશે. પરંતુ નવું પ્રોડક્શ જ બંધ થઈ જતાં હાલ દોડી રહેલા છકડા કેટલું ખેંચી શકશે તે પણ એક સવાલ છે.

Continue Reading
Advertisement
Click to comment

Leave a Reply

Your email address will not be published.

ગુજરાત

અમદાવાદમાં જ્યાં જુઓ ત્યાં “પાણીપાણી”, મૂશળધાર વરસાદે શહેરની હાલત કરી કફોડી

Published

on

Wherever you look in Ahmedabad, "Panipani", torrential rains have made the city miserable

ભારે વરસાદના કારણે અમદાવાદમાં ઠેર-ઠેર પાણી ભરાઇ ગયા છે. સાથે ટ્રાફિક જામના દ્રશ્યો પણ સર્જાયા છે. બીજી બાજુ અમદાવાદમાં ધોધમાર વરસાદના કારણે વાહનચાલકોએ પણ ભારે હાલાકી વેઠવાનો વારો આવ્યો છે. વાત કરીએ શહેરના હેલમેટ સર્કલ વિસ્તારની તો અહીંયા પણ પાણીમાં AMTSની બસ ગરકાવ થયેલી જોવા મળી રહી છે. હેલમેટ સર્કલની આસપાસના વિસ્તારો પણ પાણીમાં ગરકાવ થયેલા જોવા મળી રહ્યાં છે.

Wherever you look in Ahmedabad, "Panipani", torrential rains have made the city miserable

અમદાવાદનો પોશ વિસ્તાર એવો સિંધુભવન રોડ પણ પાણીમાં ગરકાવ થઇ ગયો હતો. બોપલ અને ઘુમાને જોડતા માર્ગ પર પણ પાણી-પાણી જ જોવા મળી રહ્યું છે. ભારે વરસાદથી અમદાવાદમાં જ્યાં જોવો ત્યાં માત્રને માત્ર પાણી જ જોવા મળી રહ્યું છે. ઠેર-ઠેર ગાડીઓ ફસાયેલી જોવા મળી રહી છે. ઠેર-ઠેર ઝાડ પડવાની અને રોડ પર ભુવા પડવાની ઘટના બની રહી છે. આમ, એકવાર ફરી વરસાદ આગળ AMCનો પ્રિ-મોનસૂન પ્લાન એકદમ ફલોપ જોવા મળ્યો હતો.

Wherever you look in Ahmedabad, "Panipani", torrential rains have made the city miserable

અમદાવાદમાં ગઇકાલે રાત્રે પડેલા ધોધમાર વરસાદે અમદાવાદને બાનમાં લીધુ હોય તેવો માહોલ સર્જાયો છે. અમદાવાદમાં ઠેર-ઠેર પાણી ભરાઇ ગયા છે. અમદાવાદના હેલ્મેટ સર્કલ, આયોજનનગર, સિંધુભવન રોડ અને બોપલ પાણીમાં ગરકાવ થઇ ગયા છે. ભારે વરસાદથી અમદાવાદમાં અફરાતફરીનો માહોલ સર્જાયો છે. ઠેર-ઠેર અવ્યવસ્થા સર્જાઇ છે. હેલ્મેટ સર્કલ પર AMTSની બસ ફસાઇ હતી તો જીવરાજપાર્ક વિસ્તારની આયોજનનગર સોસાયટીમાં તો પાણી ફરી વળ્યા હતા.

Wherever you look in Ahmedabad, "Panipani", torrential rains have made the city miserable

અમદાવાદના ભારે વરસાદે તારાજી સર્જતા શહેરના પૂર્વ વિસ્તારમાં સરસપુર વિસ્તાર પાણીમાં ગરકાવ થઇ ગયો છે. ભારે વરસાદના કારણે સરસપુર બેટમાં ફેરવાઇ ગયો છે. વરસાદે વિરામ લીધો પરંતુ પાણી ઓસરવાનું નામ નથી લેતું. આથી તંત્રની કામગીરી પર સવાલ ઉઠી રહ્યાં છે. દર ચોમાસામાં સરસપુર વિસ્તાર પાણીમાં ગરકાવ થઇ જતો હોય છે.

Wherever you look in Ahmedabad, "Panipani", torrential rains have made the city miserable

શહેરનો આંબાવાડી વિસ્તાર પણ બેટમાં ફેરવાયો છે. શહેરના હીરાબાગ ક્રોસિંગ નજીકના ઘૂંટણસમા પાણી ભરાઇ જતા લોકોએ હાલાકી વેઠવાનો વારો આવ્યો છે. શહેરના નિકોલ, નરોડા સહિતના પૂર્વ વિસ્તારો પણ જાણે કે બેટમાં ફેરવાઇ ગયા હોય તેવી સ્થિતિ જોવા મળી રહી છે.

 

Continue Reading

ગુજરાત

વરસાદી માહોલમાં સ્ટેચ્યૂ ઓફ યુનિટી પાસે સર્જાયા મનમોહક દ્રશ્યો! જુઓ તસવીરોમાં

Published

on

Captivating scenes created near the Statue of Unity in rainy weather! See in pictures

નર્મદા જિલ્લામાં પાંચેય તાલુકામાં સાર્વત્રિક વરસાદ નોંધાયો છે, જેમાં સૌથી વધુ કેવડિયા અને સાગબારા ડેડિયાપાડા પંથકમાં વરસાદ નોંધાયો છે. ગત રાતથી જિલ્લાના ડેડિયાપાડા સાગબારા અને કેવડિયામાં ધીમી ધારે વરસાદ સતત પડ્યો છે, જેનાથી ખેડૂતોને ખેતીમાં ફાયદો થયો છે અને ચારેકોર જિલ્લામાં ઠંડક પ્રસરી છે.

Captivating scenes created near the Statue of Unity in rainy weather! See in pictures

કેવડિયા વિસ્તારમાં આજે સવારે 6 વાગ્યા સુધી બેઠ્ઠો વરસાદ વરસતાં આહલાદક વાતાવરણ જોવા મળી રહ્યું છે. સ્ટેચ્યૂ ઓફ યુનિટી પાસે પડેલા વરસાદને લીધે પ્રકૃતિ સોળા કળાએ ખીલી ઊઠી છે, જેના લીધે નર્મદા ડેમ અને સ્ટેચ્યૂ ઓફ યુનિટી પાસે મિની કાશ્મીર જેવાં આહલાદક દૃશ્યો સર્જાયાં છે.

Captivating scenes created near the Statue of Unity in rainy weather! See in pictures

કેવડિયા પંથકમાં સતત વરસાદને પગલે સરદાર સરોવર નર્મદા ડેમની સપાટીમાં વધારો નોંધાયો છે. ઉપરવાસમાંથી 8 હજાર 558 ક્યુસેક પાણી આવક થઇ રહી છે. હાલ નર્મદા ડેમ 114.38 મીટર પર પહોંચી છે. ધીમે ધીમે સપાટીમાં વધારો થઈ રહ્યો છે.

Captivating scenes created near the Statue of Unity in rainy weather! See in pictures

સરદાર સરોવરના CHPHના 2 પાવર હાઉસ ચાલુ કરાયા છે અને વીજ ઉપ્તાદન કરવામાં આવી રહ્યું છે. આ વર્ષે સારા વરસાદને પગલે નર્મદા ડેમ તેની મહત્તમ સપાટી 138.68 મીટરે પહોંચશે અને સરદાર સરોવર છલોછલ ભરાશે એવી શક્યતાઓ નર્મદા નિગમના આધિકારીઓ રાખીને બેઠા છે. હાલ પાણીની આવક થતાં સૌરાષ્ટ્ર કચ્છ સુધી પાણી પહોંચાડવા નર્મદાની મુખ્ય કેનાલમાં 8409 ક્યુસેક પાણી છોડવામાં આવી રહ્યું છે.

Continue Reading

ગુજરાત

સૌરાષ્ટ્ર અને ઉતર ગુજરાતમાં આગામી 4 દિવસ વરસાદની આગાહી! અમદાવાદે હજુ રાહ જોવી પડશે

Published

on

rainfall-forecast-for-next-4-days-in-saurashtra-and-north-gujarat-ahmedabad-will-still-have-to-wait

દક્ષિણ ગુજરાત અને મધ્ય ગુજરાતના વિસ્તારોમાં છેલ્લા ત્રણેક દિવસથી ધોધમાર વરસાદ પડી રહ્યો છે અને આગામી 4 દિવસ દરમિયાન પણ દક્ષિણ ગુજરાતમાં ભારે અને કેટલાક વિસ્તારોમાં અતિભારે વરસાદ પડવાના હવામાન ખાતા દ્વારા સંકેતો આપવામાં આવ્યાં છે.જો કે અમદાવાદ શહેરમાં આગામી 4 દિવસ દરમિયાન હજુ સારા વરસાદની શક્યતાઓ જણાતી નથી. હવામાન ખાતાએ કરેલી આગાહી મુજબ, આગામી ચાર દિવસ દરમિયાન ઉત્તર ગુજરાત અને દક્ષિણ ગુજરાતના વિવિધ વિસ્તાર તેમજ સૌરાષ્ટ્રમાં ભારે વરસાદ પડી શકે છે. સુરત, વલસાડ અને નવસારીમાં આગામી મંગળવારે ભારેથી અતિભારે વરસાદ પડવાની આગાહી કરવામાં આવી છે.

rainfall-forecast-for-next-4-days-in-saurashtra-and-north-gujarat-ahmedabad-will-still-have-to-wait

છેલ્લા 24 કલાકમાં રાજ્યના 176 તાલુકાઓમાં વરસાદ ખાબક્યો છે. જેમાં સૌથી વધુ વરસાદ સુરતના પલસાણામાં 209 મિમી. બનાસકાંઠાના દિયોદરમાં 190 મિમી અને નવસારીના ખેરગામમાં 144 મિમી વરસાદ થતાં લોકોએ રાહત અનુભવી છે. તે ઉપરાંત આજે સવારે 6 વાગ્યાથી લઈને આઠ વાગ્યા સુધીમાં 57 તાલુકાઓમાં વરસાદ થયો છે. વાંસદા, તલાલા અને ગણદેવીમાં સૌથી વધુ વરસાદ આજે સવારે થયો છે.

rainfall-forecast-for-next-4-days-in-saurashtra-and-north-gujarat-ahmedabad-will-still-have-to-wait

હવામાન ખાતાએ કરેલી આગાહી મુજબ, શનિવારે બનાસકાંઠા, સાબરકાંઠા, અરવલ્લી, નવસારી, વલસાડ, દમણ, દાદરા નગર હવેલી, જામનગર, પોરબંદર, દ્વારકા અને કચ્છ, રવિવારે બનાસકાંઠા, પાટણ, સાબરકાંઠા, અરવલ્લી, નવસારી, વલસાડ, જામનગર, પોરબંદર, દ્વારકા અને કચ્છમાં અને સોમવારે નવસારી, વલસાડ, પોરબંદર, દ્વારકા અને કચ્છ, જ્યારે મંગળવારના રોજ સુરત, વલસાડ, નવસારી, દમણ, દાદરા નગર હવેલીમાં ભારેથી અતિભારે જ્યારે આણંદ, વડોદરા, છોટા ઉદેપુર, નર્મદા, ભરૂચ, ડાંગ, તાપી, અમરેલી, ભાવનગર, ગીર સોમનાથ અને દીવમાં ભારે વરસાદ પડશે.

rainfall-forecast-for-next-4-days-in-saurashtra-and-north-gujarat-ahmedabad-will-still-have-to-wait

રાજ્યમાં એક તરફ અનેક વિસ્તારોમાં નોંધપાત્ર વરસાદ થયો છે ત્યારે કચ્છ અને ઉત્તર ગુજરાતના અનેક વિસ્તારો વરસાદ માટે તરસી રહ્યા છે. આ બંને ઝોનમાં સિઝનનો માત્ર 4 ટકા જેટલો વરસાદ નોંધાયો છે. કચ્છના અબડાસા, લખપત અને રાપર તાલુકામાં એક ટીપું વરસાદ પડ્યો નથી.

Continue Reading
Advertisement
Advertisement

Trending