Connect with us

એન્ટરટેઈનમેન્ટ

કોરોના વાયરસથી ગભરાયો બાહુબલી, જાણો શા માટે પ્રભાસે પોતાને ઘરમાં કર્યો કેદ

Published

on

કોરોના વાયરસનો કહેર દુનિયાભરમાં ચાલી રહ્યો છે. વડાપ્રધાન મોદીની અપીલ બાદ દેશમાં આજે જનતા કર્ફ્યૂ છે. આ વચ્ચે વિદેશમાં શૂટિંગ કરીને પાછો ફરેલા બાહુબલી ફેમ પ્રભાસે પોતાને ઘરમાં કેદ કરી લીધો છે. પ્રભાસે સોશિયલ મીડિયા મારફતે આ જાણકારી આપી હતી. સાથે ફેન્સને અપીલ કરી હતી કે તે પોતાને અને બીજાને સુરક્ષિત રાખે.

નોંધનીય છે કે કોરોના વાયરસના કારણે દુનિયાના અનેક દેશોમાં ખરાબ સ્થિતિ છે. એવામાં ભારત સરકારે સ્પષ્ટ નિર્દેશ આપ્યા છે કે વિદેશમાંથી આવનાર તમામ નાગરિક પોતાને ઓછામાં ઓછા 14 દિવસ આઇસોલેટમાં રાખે. આ નિયમનું પાલન કરતા સાઉથના આ એક્ટરે પોતાને ઘરમાં બંધ કરી દીધો હતો.

 

નોંધનીય છે કે પ્રભાસ જ્યોર્જિયાથી પાછો ફર્યો છે. તેની સાથે પૂજા હેગડે અને આખી ટીમ હાજર હતી. પૂજા હેગડેએ સરકારના નિર્દેશનું પાલન કરતા પોતાને 14 દિવસ સુધી આઇસોલેટ કરી લીધી છે. પ્રભાસે લોકોને અપીલ કરતા કહ્યું કે આ ભયાનક સ્થિતિમાં દેશને સાથ આપે. પોતાને સુરક્ષિત રાખે.

આ પહેલા બાહુબલી પ્રભાસને ફેસ માસ્ક સાથે એરપોર્ટ પર જોવા મળ્યો હતો,અને તેને દેશવાસીઓને વાયરસ સામે લડવાની સલાહ આપી હતી.વાત કરીએ પ્રભાસના વર્કફર્ડની તો પ્રભાસ શ્રધ્ધા કપૂર સાથે ફિલ્મ સાહોમાં જોવા મળ્યો હતો.જેને બોક્સ-ઓફિસ પર મિશ્ર પ્રતિસાદ મળ્યો હતો.

એન્ટરટેઈનમેન્ટ

શાહરૂખ ખાન પડોશી બનશે રણવીર-દીપિકા, 119 કરોડ રૂપિયામાં ખરીદ્યું ઘર

Published

on

બોલિવૂડના લોકપ્રિય અને પાવર કપલ કહેવાતા રણવીર સિંહ અને દીપિકા પાદુકોણ હવે ટૂંક સમયમાં શાહરૂખ ખાન અને સલમાન ખાનના પડોશી બનવા જઈ રહ્યા છે. રણવીર સિંહે સાગર રેશમ રેસિડેન્શિયલ ટાવરમાં લક્ઝુરિયસ એપાર્ટમેન્ટ ખરીદ્યું છે. આ ઘર દ્વારા તેઓને બેન્ડસ્ટેન્ડ પરથી અરબી સમુદ્રનો સુંદર નજારો જોવા મળશે.

રણવીર સિંહે નવું ઘર ખરીદ્યું છે. જો કે, આ એપાર્ટમેન્ટ હજુ બાંધકામ હેઠળ છે. તેણે જે એપાર્ટમેન્ટની ડીલ કરી છે તેમાંથી સમુદ્રનો ખૂબ જ સુંદર નજારો જોવા મળે છે. અહેવાલો અનુસાર, અભિનેતાએ આ ઘર લગભગ 119 કરોડ રૂપિયામાં ખરીદ્યું છે. આ તેમના નવા ઘરને દેશના અન્ય કોઈપણ એપાર્ટમેન્ટની તુલનામાં સૌથી મોંઘા સોદાઓમાંનું એક બનાવે છે.

ખાસ વાત એ છે કે આ એપાર્ટમેન્ટ શાહરૂખ ખાનના મન્નત અને સલમાન ખાનના ગેલેક્સી એપાર્ટમેન્ટની વચ્ચે આવે છે. જણાવવામાં આવી રહ્યું છે કે તેમનું એપાર્ટમેન્ટ ટાવરના 16માં, 17માં, 18મા અને 19મા માળે આવેલું છે. તેનો કુલ કાર્પેટ એરિયા 11,266 ચોરસ ફૂટ અને 1,300 ચોરસ ફૂટનો સ્પેશિયલ ટેરેસ છે. અહેવાલ છે કે રણવીરને આ ઘર સાથે 19 પાર્કિંગ એરિયા ફાળવવામાં આવ્યા છે.

Continue Reading

એન્ટરટેઈનમેન્ટ

એક્શન એન્ટરટેઈનર ફિલ્મમાં જોવા મળશે માનુષી છિલ્લર

Published

on

ભૂતપૂર્વ મિસ વર્લ્ડ માનુષી છિલ્લરની તાજેતરમાં અક્ષય કુમાર સાથેની સમ્રાટ પૃથ્વીરાજ ફિલ્મ રિલીઝ થઈ હતી. આ ફિલ્મ થિયેટરોમાં કંઈ ખાસ કમાલ બતાવી શકી નથી. થિયેટરો ખાલી જઈ રહ્યા હતા જેના કારણે અનેક સ્થળે શો પણ રદ કરવા પડયા હતા. જો કે ફિલ્મ નિષ્ફળ જવા છતાં માનુષીએ પોતાના કેરિયરની ત્રીજી ફિલ્મ પણ સાઈન કરી હોવાની ચર્ચા છે. માનુષીની ત્રીજી ફિલ્મ એક એક્શન એન્ટરટેઈનર હશે, જેનું શૂટિંગ યુરોપમાં થશે.

 

 

આ ફિલ્મમાં તે નવા અવતારમાં જોવા મળશે. તેથી જ માનુષીને કાસ્ટ કરવામાં આવી છે. કહેવામાં આવી રહ્યું છે કે માનુષીએ વિકી કૌશલ સાથે બીજી ફિલ્મ સાઈન કરી છે. યશ રાજ ફિલ્મ તેને પ્રોડયુસ કરશે અને તેમાં બે મોટા સ્ટાર્સ લીડ રોલમાં હશે. માનુષીની પાછલી ફિલ્મ સમ્રાટ પૃથ્વીરાજની વાત કરીએ તો આ ફિલ્મમાં તે સમ્રાટ પૃથ્વીરાજની પ્રેમિકા સંયોગિતાના રોલમાં હતી.

ચંદ્રપ્રકાશ દ્વિવેદીના નિર્દેશનમાં બનેલી આ ફિલ્મમાં અક્ષય કુમારે સમ્રાટ પૃથ્વીરાજની ભૂમિકા ભજવી હતી. આ ફિલ્મમાં સમ્રાટ પૃથ્વીરાજ અને મોહમ્મદ ઘોરી વચ્ચે ૧૧૯૧ અને ૧૧૯૨માં થયેલા યુદ્ધને પણ દર્શાવવામાં આવ્યું છે.

Continue Reading

એન્ટરટેઈનમેન્ટ

નેશનલ ક્રશ રશ્મિકા મંદાનાની બોલિવૂડમાં એન્ટ્રી

Published

on

અત્યારે બોક્સઓફિસ પર સાઉથ મુવી ધૂમ મચાવી રહી છે, તેની સાથે સાઉથ સ્ટાર પર બધાના પસંદીતા છે,ત્યારે વાત કરીએ સાઉથની ટોચની સ્ટાર રશ્મિકા મંદાના હવે હિંદી ફિલ્મમાં ટાઈગર શ્રોફ સાથે જોડી જમાવતી જોવા મળશે. ટાઈગરની નવી એક્શન ફિલ્મમાં તેને મુખ્ય હિરોઈન તરીકેની ભૂમિકા મળી છે.

કરણ જોહરની ધર્મા પ્રોડ્કશન હેઠળ બનનારી આ ફિલ્મનું દિગ્દર્શન શશાકં ખૈતાન કરવાના છે. આ સંપૂર્ણપણે એક્શન આધારિત ફિલ્મ હશે પરંતુ તેમાં ટાઈગરનાં ડાન્સ સ્કિલ્સનો લાભ ઉઠાવી રો સોન્ગ સાથેનો રોમાન્ટિક ટ્રેક પણ ઉમેરવામાં આવશે. મોટાભાગે આ ફિલ્મનું શૂટિંગ આવતા સપ્ટેમ્બરથી શરુ થઈ શકે છે.

રશ્મિકા પુષ્પા ફિલ્મથી નેશનલ ક્રશનો દરજ્જો મેળવી ચુકી છે. સાઉથ સિવાયના દેશભરના સિને ચાહકો પણ તેની ફિલ્મો જોવા માટે આતુર છે. જોકે, તે ધીમે ધીમે બોલીવૂડમાં એક પછી એક પ્રોજેક્ટ સાઈન કરી રહી છે.

સિદ્ધાર્થ મલ્હોત્રા સાથેની તેની મિશન મજનૂ ઓલરેડી લાઈનમાં છે. આ ઉપરાંત તેની ગૂડબાય ફિલ્મ પણ આવી રહી છે. આ ફિલ્મમાં તે અમિતાભ બચ્ચન સાથે સ્ક્રીન શેર કરવાની છે.સાઉથની વધુ ને વધુ હિરોઈનો બોલીવૂડમાં આવી રહી છે. પુષ્પામાં જ આઈટમ સોંગ કરનારી સામંથા રુથ પ્રભુ પર હાલ બોલીવૂડમાં ઓફર્સનો વરસાદ થઈ રહ્યો છે

Continue Reading
Advertisement
Advertisement

Trending