Connect with us

ગુજરાત

સ્વર્ણ અક્ષરે લખશે કવિઓ યશગાથા ગુજરાતની, જાણો રંગીલા ગુજરાતની રંગીલી વાતો ….

Published

on

મારું ગુજરાત…હા હા આપણું ગુજરાત..શું કહેવું ગુજરાત વિશે જયાની વિશેષતા જ કઈક અલગ છે.અને ચોક્કસથી કહી શકાય કે ગુજરાતનું નામ ગુજ્જર પરથી પડેલું છે.ગાંધીનગર એ અમદાવાદનું પાટનગર છે.ગુજરાત રાજ્યની સ્થાપના ૧લી મેં ૧૯૬૦માં થઈ.ગુજરાતનું સૌથી મોટું શહેર અમદાવાદ છે. ગુજરાત વિશેની માહિતી અને એનો ઈતિહાસતો આપણે જાણતા જ હશું.ચાલો આપણે એ જાણીએ કે ગુજરાતી એટલે કોણ? ગુજરાતી એટલે જે પાનના ગલ્લા પર બેસીને મોમાં પાન ચડાવતા પુરા ગામની માહિતી વાગોળે.ગુજરાતી એટલે હાલતા ચાલતા લોકોને હાથ ઉંચો કરીને પૂછે કેમ છો?અને રામ રામ જેવા શબ્દો તો એમના મોઢા પર જ હોય?જેમાં ઢોકળા,ખાખરા,ફાફડા એ ગુજરાતીની ઓળખ હોય.

ગરબાના તાલે ઝૂમી ઉઠતા હોય.ગરીબોની સેવા કરતા હોય…આ છે આપણા ગુજરાતીઓ…ભારતના ખોળે રમતું એક ,માં ભારતીનું લાડક્ડું સંતાન એટલે ગુજરાત.ભગવાને ગુજરાતને ઘણી વૈવિધ્યસભર કુદરતી જગ્યાઓની ભેટ આપી છે. ગુજરાતનો વિશાળ દરિયા કિનારો, નદીઓ, ધોધ, જંગલો એમ ઘણું બધું કુદરતી સૌન્દર્ય ગુજરાતમાં છે. આ ઉપરાંત ગુજરાતની ખમીરવંતી પ્રજાએ પણ અહીં ઘણું સર્જન કર્યું છે

 

આ બધું જોવું જાણવું હોય તો ગુજરાતના પ્રવાસે નીકળવું જ પડે.જ્યાં કોઇપણ ગીત વાગતું હોય ને એ ગીત પર ગરબાના સ્ટેપ શરુ થઈ જાય.અને એટલે કેવાય કે ….લટક મટકતી ચાલ ચાલતી ને બોલ બોલતો તોળી તોળી આ નાર ગુર્જરી સંગે છેલછબીલો ગુજરાતી..મેરનો રોટલો મળતો હોય..આશરો આહીરનો હોય..આસન અવધુતનું હોય..વાણી નાગરની ને દાતારી પરમારની હોયને ચતુરાઈ ચારણની હોય.સચ્ચાઈ સેયદની હોય અને ખેરાતી મેમળની હોય વાલા ….એમાય રીત રાજપૂતની હોય,પ્રીત પારસીની,બ્રાહ્મણની રસોઈ હોય.

 

અનુપમ શોભતે ગુણીયલ ઉજ્જવળ ઉર્વીસાર ગુજરાત આતો ભારતના ગોરવનો નમણો નમસ્કાર છે ગુજરાત…મીઠી ને તીખી વાનગીઓ સાથે ખાય જેમ કે , જલેબી-ફાફડા ને મરચાં ..અને જીભે રાખે મીઠાસ ..આવું અલાયદું ગુજરાત કોને ન ગમે..જ્યાં સૌરાષ્ટ્રમાં છાશ ના દરિયા ઘરે ઘરે હોય અને મહેમાન નવાઝી તો સ્વર્ગની જ અનુભૂતિ કરાવે.ઘરે આવેલા મહેમાનને તાણ કરી કરી ને રોકવા.

 

અને માથે પાઘડી બાંધેલા દાદાઓ જાણે ગામનો ચોરો એમના નામ પર જ હોય જાણે..માથે પાઘડી બાંધી હોય,હાથમાં એમના ભાથું હોય,ગાય ભેસનું ટોળું હોય..ખભે મોટી લાકડી હોય..એ જ આપણા માલધારી ભાઈઓ હોય..ગુજરાતનું નામ વિશ્વમાં અમર કરતા ગયા હોય એવા આપણા મહાત્મા ગાંધી હોય,એવા આપણા સરદાર પટેલ હોય,નાના ગામડામાંથી આવતા હોય દેશના પ્રશ્ન સાંભળતા હોય,ને પ્રધાનમંત્રીના હોદ્દા પર બેઠા હોય એ જ આપણા નરેન્દ્રભાઈ મોદી હોય.જ્યાં સુરત જેવા શહેર હોય ત્યાં હીરાનો ધમધમાટ ચાલતો હોય.ગુજરાતી એટલે એક એવી પ્રકૃતિ કે જેને માણવી હોય તો ગુજરાતીને ત્યાં જ જન્મવું પડે… પણ હાલ જે લોકો ગુજરાત માં રહે છે વર્ષો થી એ પણ ગુજરાતી થઈ ગયા છે.

.એનો સ્વભાવ પણ ‘મોજીલો’ થઈ ગયો છે..કારણકે ગુજરાતી ઓને ટેન્શન લેતા આવડતું જ નથી…એને માત્ર મુંજાતા જ આવડે .. પણ ‘મુંજાતા’ શબ્દ માં પણ ‘મોજ’ શબ્દ રહેલો છે… એટલે ગુજરાતી ઓ પણ એવા જ છે..મૂંઝવણમાં ય મોજમાં રહેવા વાળા.ગુજરાતી એટલે દેશના કોઇપણ ખૂણે જાય પણ પોતાની ભાષા તો હોઠે જ હોય,જ્યાં સોરઠની ધરતી પર સિંહની ગર્જના સંભળાતી હોય.રૂડું ગીર સાવજથી ભરેલું હોય..સોરઠની ધરતી પર જોગીદાસ ખુમાણ જેવા મહાન વ્યક્તિઓ જન્મ્યા હોય,,ને વળી હાલતા ને ચાલતા ભજન અને ડાયરાની મોજ હાલતી હોય..

મિત્રો વચ્ચે ગપાટા ચાલતા હોય તેમજ મહાન કવીઓ ગુજરાતને મળ્યા છે..જેમની કવિતા સાંભળવાથી એક ઝન્ન્ત મળતી હોય,,,એવા આપણા મહાન રાષ્ટ્રીય શાયર ઝવેરચંદ મેઘાણી હોય.જેમના ધડ લડતા હોય મસ્તક પડતા એવા દાદા વચ્છરાજ પણ ગુજરાતના ખોળે જન્મ્યા હોય.જ્યાં ખોડલ,મોગલ,અંબે,કાલીકાના ગરબા ચારેકોર વાગતા હોય,શાકની લારી પાસે ઉભા ઉભા બધી જ પંચાત કરીને માત્ર એક લીંબુ જ ખરીદે એ પાક્કો ગુજરાતી.જ્યાં કડિયું,જેમાં આભલા ટાંકેલા હોય તેવી ચનીયાચોલી એ તો જાણે ગુજરાતની અલગ જ ઓળખ હોય,દેશ વિદેશના લોકો ગુજરાતમાં આવતા હોય,મીઠો આવકાર મળતો હોય.જેના લોહીમાં ધન અને ધંધો તો હોય જ.વેપાર અને વાણીજ્ય એના રક્તમાં જ છે.ખંત ખમીરવન્તા એટલે જ ગુજરાતીઓ.

સોમનાથ,દ્વારકા,તુલસીશ્યામ,બગદાણા,ઊંજા,ચોટીલા,રાજપરા,કાગવડ,શેત્રુંજય પર્વત હોય,અને વિશાળ છાતી કાઢીને ઉભો દીવ,ઝાંઝમેર,અખાત,કુડા,ડુમ્મસ ,નકળંગ,ભવાનીનો દરિયો હોય,,જ્યાં સીધી સૈયદની જાળી,રાનકીની વાવ,અડાલજની વાવ સરખેજનો રોજો,રાણી સિપ્રીની મસ્જીદ,સહસ્ત્રલિંગ તળાવ,ભદ્રનો કિલ્લો જેવા બેનમુન સ્થાપત્ય જેના અલંકારો હોય,તેમજ માધવપુરનો,વવઠાનો મેળો કે ભવનાથનો મેળો જામેલો હોય.અને અહી સ્ફેદરણ જોવા દુનિયાના લોકો આવતા હોય.રણ વિસ્તાર,ડુંગરો,ઝાડીઓ,નદીઓ,પ્રકૃતિ ગુજરાતની સુંદરતા વધારતી હોય.

જ્યાં શરદપૂનમની રઢિયાળી રાત હોય ખુલ્લું આકાશ અને ચાંદ અને ચાંદની મન મુકીને અજવાળું પાથરતા હોય.વાતા વાયરા માં પ્રેમી યુગલો ગરબાનો લ્હાવો લઈ મોજશોખ માણતા હોય અને ત્યાં અનંત વિકાસનું નુતન પ્રભાત હોય.કચ્છમાં આશાપુરા બિરાજમાન હોય,ઉન્જામાં ઉમિયા હોય,ચોટીલામાં ચામુંડા,પાવાગઢમાં કાલકા બિરાજતા હોય.તેવું જ મહાન ગુજરાત હોય.કલા,કસબને પામીએ ખ્લાસેક સાથે એક જ ઘડા પર હોય એ વસુંધરા પર જન્મ મળે..મિત્રો પાક્કા ગુજરાતી એટલે કોણ ખબર છે? ગુજરાતી એટલે કોઈની સાઇકલ કે બાઈક પડી હોય ને તેની હવા કાઢીને જતા રેવું.ખિસ્સામાં ભલે કઈ ન હોય પણ વાતો તો મોટી મોટી કરવાની..આવતા જતા લોકોને પ્રશ્ન પૂછવો કેમ છો ને એ જ પાછા જવાબ આપે મજામાને..એવો મસ્તીખોર ગુજરાતી જે પોતાનું બેલેન્સ પાછું મેળવવા વારંવાર કંપનીમાં ફોન કરે.

અને ગાડી કે ટ્રક કે પછી બસ હોય ભગવાનનું નામ તો જોવા મળે જ જેઓ મસ્તી પણ કરતા જાય ભક્તિ પણ હોય તે જ ગુજરાત.ખરેખર સદભાગ્ય આને જ કહેવાય.ગરબા,ગાંધીને ગીરનાર ગુજરાતની ઓળખ હોય.વેપાર,વાનીજ્ય ને વિકાસ જેનો ઉદ્દેશ હોય.ગુજરાતની સંસ્કૃતિ વિશ્વિખ્યાત હોય.તેમજ ગુજરાતી એટલે દિલના સાફ અને ખોપડી હટે તો બધાના બાપ બની જાય છે.

ગુજરાતના લોકો દલીલ કરવામાં ફેમસ સામેવાળાને વાતમાં જ ગૂંચવી નાખે.આવું મારું ગુજરાત હોય……અને અહી નાત જાત ભૂલી ભાઈચારો જોવા મળે છે.અને અહી સ્ટેચ્યુ ઓફ યુનિટી એ મહાન સરદાર વલ્લભભાઈ પટેલ દુનિયાના બધા સ્ટેચ્યુથી ઊંચા છે અહી .તહેવારો ધામધુમથી ઉજવાય છે.આ છે ગુજરાત …એથી વ્હાલા છે ગુજરાતીઓ …

ગુજરાત

અમદાવાદમાં જ્યાં જુઓ ત્યાં “પાણીપાણી”, મૂશળધાર વરસાદે શહેરની હાલત કરી કફોડી

Published

on

Wherever you look in Ahmedabad, "Panipani", torrential rains have made the city miserable

ભારે વરસાદના કારણે અમદાવાદમાં ઠેર-ઠેર પાણી ભરાઇ ગયા છે. સાથે ટ્રાફિક જામના દ્રશ્યો પણ સર્જાયા છે. બીજી બાજુ અમદાવાદમાં ધોધમાર વરસાદના કારણે વાહનચાલકોએ પણ ભારે હાલાકી વેઠવાનો વારો આવ્યો છે. વાત કરીએ શહેરના હેલમેટ સર્કલ વિસ્તારની તો અહીંયા પણ પાણીમાં AMTSની બસ ગરકાવ થયેલી જોવા મળી રહી છે. હેલમેટ સર્કલની આસપાસના વિસ્તારો પણ પાણીમાં ગરકાવ થયેલા જોવા મળી રહ્યાં છે.

Wherever you look in Ahmedabad, "Panipani", torrential rains have made the city miserable

અમદાવાદનો પોશ વિસ્તાર એવો સિંધુભવન રોડ પણ પાણીમાં ગરકાવ થઇ ગયો હતો. બોપલ અને ઘુમાને જોડતા માર્ગ પર પણ પાણી-પાણી જ જોવા મળી રહ્યું છે. ભારે વરસાદથી અમદાવાદમાં જ્યાં જોવો ત્યાં માત્રને માત્ર પાણી જ જોવા મળી રહ્યું છે. ઠેર-ઠેર ગાડીઓ ફસાયેલી જોવા મળી રહી છે. ઠેર-ઠેર ઝાડ પડવાની અને રોડ પર ભુવા પડવાની ઘટના બની રહી છે. આમ, એકવાર ફરી વરસાદ આગળ AMCનો પ્રિ-મોનસૂન પ્લાન એકદમ ફલોપ જોવા મળ્યો હતો.

Wherever you look in Ahmedabad, "Panipani", torrential rains have made the city miserable

અમદાવાદમાં ગઇકાલે રાત્રે પડેલા ધોધમાર વરસાદે અમદાવાદને બાનમાં લીધુ હોય તેવો માહોલ સર્જાયો છે. અમદાવાદમાં ઠેર-ઠેર પાણી ભરાઇ ગયા છે. અમદાવાદના હેલ્મેટ સર્કલ, આયોજનનગર, સિંધુભવન રોડ અને બોપલ પાણીમાં ગરકાવ થઇ ગયા છે. ભારે વરસાદથી અમદાવાદમાં અફરાતફરીનો માહોલ સર્જાયો છે. ઠેર-ઠેર અવ્યવસ્થા સર્જાઇ છે. હેલ્મેટ સર્કલ પર AMTSની બસ ફસાઇ હતી તો જીવરાજપાર્ક વિસ્તારની આયોજનનગર સોસાયટીમાં તો પાણી ફરી વળ્યા હતા.

Wherever you look in Ahmedabad, "Panipani", torrential rains have made the city miserable

અમદાવાદના ભારે વરસાદે તારાજી સર્જતા શહેરના પૂર્વ વિસ્તારમાં સરસપુર વિસ્તાર પાણીમાં ગરકાવ થઇ ગયો છે. ભારે વરસાદના કારણે સરસપુર બેટમાં ફેરવાઇ ગયો છે. વરસાદે વિરામ લીધો પરંતુ પાણી ઓસરવાનું નામ નથી લેતું. આથી તંત્રની કામગીરી પર સવાલ ઉઠી રહ્યાં છે. દર ચોમાસામાં સરસપુર વિસ્તાર પાણીમાં ગરકાવ થઇ જતો હોય છે.

Wherever you look in Ahmedabad, "Panipani", torrential rains have made the city miserable

શહેરનો આંબાવાડી વિસ્તાર પણ બેટમાં ફેરવાયો છે. શહેરના હીરાબાગ ક્રોસિંગ નજીકના ઘૂંટણસમા પાણી ભરાઇ જતા લોકોએ હાલાકી વેઠવાનો વારો આવ્યો છે. શહેરના નિકોલ, નરોડા સહિતના પૂર્વ વિસ્તારો પણ જાણે કે બેટમાં ફેરવાઇ ગયા હોય તેવી સ્થિતિ જોવા મળી રહી છે.

 

Continue Reading

ગુજરાત

વરસાદી માહોલમાં સ્ટેચ્યૂ ઓફ યુનિટી પાસે સર્જાયા મનમોહક દ્રશ્યો! જુઓ તસવીરોમાં

Published

on

Captivating scenes created near the Statue of Unity in rainy weather! See in pictures

નર્મદા જિલ્લામાં પાંચેય તાલુકામાં સાર્વત્રિક વરસાદ નોંધાયો છે, જેમાં સૌથી વધુ કેવડિયા અને સાગબારા ડેડિયાપાડા પંથકમાં વરસાદ નોંધાયો છે. ગત રાતથી જિલ્લાના ડેડિયાપાડા સાગબારા અને કેવડિયામાં ધીમી ધારે વરસાદ સતત પડ્યો છે, જેનાથી ખેડૂતોને ખેતીમાં ફાયદો થયો છે અને ચારેકોર જિલ્લામાં ઠંડક પ્રસરી છે.

Captivating scenes created near the Statue of Unity in rainy weather! See in pictures

કેવડિયા વિસ્તારમાં આજે સવારે 6 વાગ્યા સુધી બેઠ્ઠો વરસાદ વરસતાં આહલાદક વાતાવરણ જોવા મળી રહ્યું છે. સ્ટેચ્યૂ ઓફ યુનિટી પાસે પડેલા વરસાદને લીધે પ્રકૃતિ સોળા કળાએ ખીલી ઊઠી છે, જેના લીધે નર્મદા ડેમ અને સ્ટેચ્યૂ ઓફ યુનિટી પાસે મિની કાશ્મીર જેવાં આહલાદક દૃશ્યો સર્જાયાં છે.

Captivating scenes created near the Statue of Unity in rainy weather! See in pictures

કેવડિયા પંથકમાં સતત વરસાદને પગલે સરદાર સરોવર નર્મદા ડેમની સપાટીમાં વધારો નોંધાયો છે. ઉપરવાસમાંથી 8 હજાર 558 ક્યુસેક પાણી આવક થઇ રહી છે. હાલ નર્મદા ડેમ 114.38 મીટર પર પહોંચી છે. ધીમે ધીમે સપાટીમાં વધારો થઈ રહ્યો છે.

Captivating scenes created near the Statue of Unity in rainy weather! See in pictures

સરદાર સરોવરના CHPHના 2 પાવર હાઉસ ચાલુ કરાયા છે અને વીજ ઉપ્તાદન કરવામાં આવી રહ્યું છે. આ વર્ષે સારા વરસાદને પગલે નર્મદા ડેમ તેની મહત્તમ સપાટી 138.68 મીટરે પહોંચશે અને સરદાર સરોવર છલોછલ ભરાશે એવી શક્યતાઓ નર્મદા નિગમના આધિકારીઓ રાખીને બેઠા છે. હાલ પાણીની આવક થતાં સૌરાષ્ટ્ર કચ્છ સુધી પાણી પહોંચાડવા નર્મદાની મુખ્ય કેનાલમાં 8409 ક્યુસેક પાણી છોડવામાં આવી રહ્યું છે.

Continue Reading

ગુજરાત

સૌરાષ્ટ્ર અને ઉતર ગુજરાતમાં આગામી 4 દિવસ વરસાદની આગાહી! અમદાવાદે હજુ રાહ જોવી પડશે

Published

on

rainfall-forecast-for-next-4-days-in-saurashtra-and-north-gujarat-ahmedabad-will-still-have-to-wait

દક્ષિણ ગુજરાત અને મધ્ય ગુજરાતના વિસ્તારોમાં છેલ્લા ત્રણેક દિવસથી ધોધમાર વરસાદ પડી રહ્યો છે અને આગામી 4 દિવસ દરમિયાન પણ દક્ષિણ ગુજરાતમાં ભારે અને કેટલાક વિસ્તારોમાં અતિભારે વરસાદ પડવાના હવામાન ખાતા દ્વારા સંકેતો આપવામાં આવ્યાં છે.જો કે અમદાવાદ શહેરમાં આગામી 4 દિવસ દરમિયાન હજુ સારા વરસાદની શક્યતાઓ જણાતી નથી. હવામાન ખાતાએ કરેલી આગાહી મુજબ, આગામી ચાર દિવસ દરમિયાન ઉત્તર ગુજરાત અને દક્ષિણ ગુજરાતના વિવિધ વિસ્તાર તેમજ સૌરાષ્ટ્રમાં ભારે વરસાદ પડી શકે છે. સુરત, વલસાડ અને નવસારીમાં આગામી મંગળવારે ભારેથી અતિભારે વરસાદ પડવાની આગાહી કરવામાં આવી છે.

rainfall-forecast-for-next-4-days-in-saurashtra-and-north-gujarat-ahmedabad-will-still-have-to-wait

છેલ્લા 24 કલાકમાં રાજ્યના 176 તાલુકાઓમાં વરસાદ ખાબક્યો છે. જેમાં સૌથી વધુ વરસાદ સુરતના પલસાણામાં 209 મિમી. બનાસકાંઠાના દિયોદરમાં 190 મિમી અને નવસારીના ખેરગામમાં 144 મિમી વરસાદ થતાં લોકોએ રાહત અનુભવી છે. તે ઉપરાંત આજે સવારે 6 વાગ્યાથી લઈને આઠ વાગ્યા સુધીમાં 57 તાલુકાઓમાં વરસાદ થયો છે. વાંસદા, તલાલા અને ગણદેવીમાં સૌથી વધુ વરસાદ આજે સવારે થયો છે.

rainfall-forecast-for-next-4-days-in-saurashtra-and-north-gujarat-ahmedabad-will-still-have-to-wait

હવામાન ખાતાએ કરેલી આગાહી મુજબ, શનિવારે બનાસકાંઠા, સાબરકાંઠા, અરવલ્લી, નવસારી, વલસાડ, દમણ, દાદરા નગર હવેલી, જામનગર, પોરબંદર, દ્વારકા અને કચ્છ, રવિવારે બનાસકાંઠા, પાટણ, સાબરકાંઠા, અરવલ્લી, નવસારી, વલસાડ, જામનગર, પોરબંદર, દ્વારકા અને કચ્છમાં અને સોમવારે નવસારી, વલસાડ, પોરબંદર, દ્વારકા અને કચ્છ, જ્યારે મંગળવારના રોજ સુરત, વલસાડ, નવસારી, દમણ, દાદરા નગર હવેલીમાં ભારેથી અતિભારે જ્યારે આણંદ, વડોદરા, છોટા ઉદેપુર, નર્મદા, ભરૂચ, ડાંગ, તાપી, અમરેલી, ભાવનગર, ગીર સોમનાથ અને દીવમાં ભારે વરસાદ પડશે.

rainfall-forecast-for-next-4-days-in-saurashtra-and-north-gujarat-ahmedabad-will-still-have-to-wait

રાજ્યમાં એક તરફ અનેક વિસ્તારોમાં નોંધપાત્ર વરસાદ થયો છે ત્યારે કચ્છ અને ઉત્તર ગુજરાતના અનેક વિસ્તારો વરસાદ માટે તરસી રહ્યા છે. આ બંને ઝોનમાં સિઝનનો માત્ર 4 ટકા જેટલો વરસાદ નોંધાયો છે. કચ્છના અબડાસા, લખપત અને રાપર તાલુકામાં એક ટીપું વરસાદ પડ્યો નથી.

Continue Reading
Advertisement
Advertisement

Trending