Connect with us

એન્ટરટેઈનમેન્ટ

શાહરૂખ ખાનની ફિલ્મના પ્રોડ્યુસર કોરોનાની લપેટમાં, હોસ્પિટલમાં દાખલ

Published

on

કોરોના વાયરસે સમગ્ર દુનિયામાં પગપેસારો કર્યો છે. દુનિયાભરમાં લાખો લોકો આ વાયરસથી સંક્રમિત થયા છે અને હજારો લોકોએ પોતાના જીવ ગુમાવ્યા છે. ભારતમાં પણ જીવલેણ કોરોના વાયરસના કેસ સતત વધી રહ્યા છે. ત્યારે બોલિવૂડ પ્રોડ્યૂસર કરીમ મોરાનીનો કોરોનાવાઈરસનો ટેસ્ટ પોઝિટિવ આવ્યો છે. તેની બંને દીકરીઓના ટેસ્ટ પણ પોઝિટિવ આવ્યા હતાં. કરીમ મોરાની હાલમાં હોસ્પિટલમાં સારવાર હેઠળ છે. નોંધનીય છે કે કરીમ મોરાની તથા શાહરુખ ખાન ખાસ મિત્રો છે. અંગ્રેજી અખબાર મુંબઈ મીરર સાથેની વાતચીતમાં કરીમ મોરાનીના ભાઈ મોહમ્મદ મોરાનીએ કહ્યું હતું કે તેના ભાઈનો ટેસ્ટ પોઝિટિવ આવ્યો છે. ઘરમાં બંને દીકરીઓ પોઝિટિવ હોવાથી પરિવારનો ટેસ્ટ કરવામાં આવ્યો હતો. હાલમાં તેનો ભાઈ કરીમ નાણાવટી હોસ્પિટલમાં એડમિટ છે. ઉલ્લેખનીય છે કે કરીમ મોરાનીની નાની દીકરી શાઝા પણ આ જ હોસ્પિટલમાં સારવાર લઈ રહી છે. જ્યારે મોટી દીકરી ઝોયા કોકિલાબેન ધીરુભાઈ અંબાણી હોસ્પિટલમાં છે.

બંને દીકરીઓના ટેસ્ટ પોઝિટિવ આવ્યા હતાં

કરીમ મોરાનીની પુત્રી શાજા મોરાનીને સૌથી પહેલા કોરોનાના લક્ષણ બાદ તપાસ માટે મોકલવામાં આવ્યા હતા. શાજાનો ટેસ્ટ પોઝિટિવ આવ્યા બાદ તેની બીજી દીકરી જોયા મોરાનીને પણ કોરોના વાયરસ સંક્રમણ પોઝિટિવ આવ્યો હતો. બન્ને દીકરીઓના કોરોના પોઝિટિવ આવ્યા બાદ તેમના પુરા પરિવારનો ટેસ્ટ કરવામાં આવ્યો હતો. સોમવારે સવારે પહેલા કરીમ મોરાનીની દીકરી શાજા મોરાનીનો મુંબઇની નાનાવટી હોસ્પિટલમાં ટેસ્ટ કરવામાં આવ્યો હતો અને તે કોરોના પોઝિટિવ આવી હતી. બપોર બાદ તેની બીજી દીકરી જોયા મોરાનીને પણ આ હોસ્પિટલમાં લાવવામાં આવી હતી. જ્યા તપાસ બાદ તે પણ પોઝિટિવ આવી હતી. બન્ને દીકરીઓ બાદ હવે કરીમ મોરાની પણ કોરોના પોઝિટિવ આવ્યા છે.

કરીમ મોરાનીએ આ ફિલ્મ પ્રોડ્યૂસ કરી છે

કરીમ મોરાનીએ ‘રા.વન’, ‘ચેન્નઈ એક્સપ્રેસ’, ‘હેપી ન્યૂ યર’ તથા ‘દિલવાલે’ સહિતની ફિલ્મ પ્રોડ્યૂસ કરી છે. ઝોયાએ શાહરુખ ખાનની ફિલ્મ ‘ઓમ શાંતિ ઓમ’માં આસિસ્ટન્ટ ડિરેક્ટરથી કરિયરની શરૂઆત કરી હતી. તે અજય દેવગન તથા વિદ્યા બાલનની ફિલ્મ ‘હલ્લા બોલ’માં પણ આસિસ્ટન્ટ ડિરેક્ટર હતી. ઝોયાએ વર્ષ 2011માં ‘ઓલવેઝ કભી કભી’માં કામ કર્યું હતું. ફિલ્મમાં અલી ફઝલ લીડ રોલમાં હતો. કુનાલ ખેમુ સાથે ‘ભાગ જોની’માં કામ કર્યું હતું. તેની નાની બહેન શાઝા લાઈમ લાઈટથી દૂર રહે છે. ઉલ્લેખનીય છે કે બોલિવૂડમાં આ પહેલાં સિંગર કનિકા કપૂરને કોરોનાવાઈરસ થયો હતો અને તેને રજા આપી દેવામાં આવી છે. હાલમાં જ લંડનમાં રહેતા બોલિવૂડ એક્ટર પૂરબ કોહલીએ પરિવારને કોરોનાવાઈરસ થયો હોવાની પોસ્ટ કરી હતી. હાલમાં તેઓ ઠીક છે અને સેલ્ફ ક્વૉરન્ટીન પીરિયડમાંથી બહાર આવી ગયા હોવાનું કહ્યું હતું.

Continue Reading
Advertisement
Click to comment

Leave a Reply

Your email address will not be published.

એન્ટરટેઈનમેન્ટ

શાહરૂખ ખાન પડોશી બનશે રણવીર-દીપિકા, 119 કરોડ રૂપિયામાં ખરીદ્યું ઘર

Published

on

બોલિવૂડના લોકપ્રિય અને પાવર કપલ કહેવાતા રણવીર સિંહ અને દીપિકા પાદુકોણ હવે ટૂંક સમયમાં શાહરૂખ ખાન અને સલમાન ખાનના પડોશી બનવા જઈ રહ્યા છે. રણવીર સિંહે સાગર રેશમ રેસિડેન્શિયલ ટાવરમાં લક્ઝુરિયસ એપાર્ટમેન્ટ ખરીદ્યું છે. આ ઘર દ્વારા તેઓને બેન્ડસ્ટેન્ડ પરથી અરબી સમુદ્રનો સુંદર નજારો જોવા મળશે.

રણવીર સિંહે નવું ઘર ખરીદ્યું છે. જો કે, આ એપાર્ટમેન્ટ હજુ બાંધકામ હેઠળ છે. તેણે જે એપાર્ટમેન્ટની ડીલ કરી છે તેમાંથી સમુદ્રનો ખૂબ જ સુંદર નજારો જોવા મળે છે. અહેવાલો અનુસાર, અભિનેતાએ આ ઘર લગભગ 119 કરોડ રૂપિયામાં ખરીદ્યું છે. આ તેમના નવા ઘરને દેશના અન્ય કોઈપણ એપાર્ટમેન્ટની તુલનામાં સૌથી મોંઘા સોદાઓમાંનું એક બનાવે છે.

ખાસ વાત એ છે કે આ એપાર્ટમેન્ટ શાહરૂખ ખાનના મન્નત અને સલમાન ખાનના ગેલેક્સી એપાર્ટમેન્ટની વચ્ચે આવે છે. જણાવવામાં આવી રહ્યું છે કે તેમનું એપાર્ટમેન્ટ ટાવરના 16માં, 17માં, 18મા અને 19મા માળે આવેલું છે. તેનો કુલ કાર્પેટ એરિયા 11,266 ચોરસ ફૂટ અને 1,300 ચોરસ ફૂટનો સ્પેશિયલ ટેરેસ છે. અહેવાલ છે કે રણવીરને આ ઘર સાથે 19 પાર્કિંગ એરિયા ફાળવવામાં આવ્યા છે.

Continue Reading

એન્ટરટેઈનમેન્ટ

એક્શન એન્ટરટેઈનર ફિલ્મમાં જોવા મળશે માનુષી છિલ્લર

Published

on

ભૂતપૂર્વ મિસ વર્લ્ડ માનુષી છિલ્લરની તાજેતરમાં અક્ષય કુમાર સાથેની સમ્રાટ પૃથ્વીરાજ ફિલ્મ રિલીઝ થઈ હતી. આ ફિલ્મ થિયેટરોમાં કંઈ ખાસ કમાલ બતાવી શકી નથી. થિયેટરો ખાલી જઈ રહ્યા હતા જેના કારણે અનેક સ્થળે શો પણ રદ કરવા પડયા હતા. જો કે ફિલ્મ નિષ્ફળ જવા છતાં માનુષીએ પોતાના કેરિયરની ત્રીજી ફિલ્મ પણ સાઈન કરી હોવાની ચર્ચા છે. માનુષીની ત્રીજી ફિલ્મ એક એક્શન એન્ટરટેઈનર હશે, જેનું શૂટિંગ યુરોપમાં થશે.

 

 

આ ફિલ્મમાં તે નવા અવતારમાં જોવા મળશે. તેથી જ માનુષીને કાસ્ટ કરવામાં આવી છે. કહેવામાં આવી રહ્યું છે કે માનુષીએ વિકી કૌશલ સાથે બીજી ફિલ્મ સાઈન કરી છે. યશ રાજ ફિલ્મ તેને પ્રોડયુસ કરશે અને તેમાં બે મોટા સ્ટાર્સ લીડ રોલમાં હશે. માનુષીની પાછલી ફિલ્મ સમ્રાટ પૃથ્વીરાજની વાત કરીએ તો આ ફિલ્મમાં તે સમ્રાટ પૃથ્વીરાજની પ્રેમિકા સંયોગિતાના રોલમાં હતી.

ચંદ્રપ્રકાશ દ્વિવેદીના નિર્દેશનમાં બનેલી આ ફિલ્મમાં અક્ષય કુમારે સમ્રાટ પૃથ્વીરાજની ભૂમિકા ભજવી હતી. આ ફિલ્મમાં સમ્રાટ પૃથ્વીરાજ અને મોહમ્મદ ઘોરી વચ્ચે ૧૧૯૧ અને ૧૧૯૨માં થયેલા યુદ્ધને પણ દર્શાવવામાં આવ્યું છે.

Continue Reading

એન્ટરટેઈનમેન્ટ

નેશનલ ક્રશ રશ્મિકા મંદાનાની બોલિવૂડમાં એન્ટ્રી

Published

on

અત્યારે બોક્સઓફિસ પર સાઉથ મુવી ધૂમ મચાવી રહી છે, તેની સાથે સાઉથ સ્ટાર પર બધાના પસંદીતા છે,ત્યારે વાત કરીએ સાઉથની ટોચની સ્ટાર રશ્મિકા મંદાના હવે હિંદી ફિલ્મમાં ટાઈગર શ્રોફ સાથે જોડી જમાવતી જોવા મળશે. ટાઈગરની નવી એક્શન ફિલ્મમાં તેને મુખ્ય હિરોઈન તરીકેની ભૂમિકા મળી છે.

કરણ જોહરની ધર્મા પ્રોડ્કશન હેઠળ બનનારી આ ફિલ્મનું દિગ્દર્શન શશાકં ખૈતાન કરવાના છે. આ સંપૂર્ણપણે એક્શન આધારિત ફિલ્મ હશે પરંતુ તેમાં ટાઈગરનાં ડાન્સ સ્કિલ્સનો લાભ ઉઠાવી રો સોન્ગ સાથેનો રોમાન્ટિક ટ્રેક પણ ઉમેરવામાં આવશે. મોટાભાગે આ ફિલ્મનું શૂટિંગ આવતા સપ્ટેમ્બરથી શરુ થઈ શકે છે.

રશ્મિકા પુષ્પા ફિલ્મથી નેશનલ ક્રશનો દરજ્જો મેળવી ચુકી છે. સાઉથ સિવાયના દેશભરના સિને ચાહકો પણ તેની ફિલ્મો જોવા માટે આતુર છે. જોકે, તે ધીમે ધીમે બોલીવૂડમાં એક પછી એક પ્રોજેક્ટ સાઈન કરી રહી છે.

સિદ્ધાર્થ મલ્હોત્રા સાથેની તેની મિશન મજનૂ ઓલરેડી લાઈનમાં છે. આ ઉપરાંત તેની ગૂડબાય ફિલ્મ પણ આવી રહી છે. આ ફિલ્મમાં તે અમિતાભ બચ્ચન સાથે સ્ક્રીન શેર કરવાની છે.સાઉથની વધુ ને વધુ હિરોઈનો બોલીવૂડમાં આવી રહી છે. પુષ્પામાં જ આઈટમ સોંગ કરનારી સામંથા રુથ પ્રભુ પર હાલ બોલીવૂડમાં ઓફર્સનો વરસાદ થઈ રહ્યો છે

Continue Reading
Advertisement
Advertisement

Trending