ટોપ ફેશન ડિઝાઈનર પ્રત્યૂષા ગરિમેલા હૈદરાબાદમાં પોતાના ઘરમાંથી મૃત અવસ્થામાં મળી આવી છે. પોલીસના જણાવ્યા અનુસાર બપોરે બંજારા હિલ્સમાં પોતાના ઘરમાં સંદિગ્ધ અવસ્થામાં મૃત હાલતમાં મળી આવી હતી. 35 વર્ષિય પ્રત્યૂષાનું ઘર બંજારા હિલ્સ પોલીસ સ્ટેશનના ફિલ્મ નગરમાં આવેલું છે. પ્રત્યૂષા દેશની ટોપ 30 ફેશન ડિઝાઈનરોમાંની એક હતી.

હકીકતમાં જોઈએ તો, ઘટના ત્યારે સામે આવી જ્યારે તેણે શનિવારે બપોરે જવાબ ન આપ્યો, જે બાદ સિક્યુરિટીએ પોલીસને જાણ કરી હતી. જેના પર પોલીસે ઘરનો દરવાજો તોડી અંદર જઈને તેની લાશ કબ્જામાં લીધી હતી. પોલીસે મૃતદેહને ઓસ્માનિયા હોસ્પિટલના શબઘરમાં પોસ્ટમોર્ટમ માટે રાખ્યો છે અને શંકાસ્પદ મૃત્યુનો કેસ નોંધ્યો છે. પોલીસે જણાવ્યું કે દિલ્હીમાં રહેતા તેના સંબંધીઓને આ અંગે જાણ કરવામાં આવી છે.

કોરોનાની ત્રીજી લહેર બાદ કોરોના કેસમાં ઘટાડો જોવા મળતા લોકોમાં અને તંત્રમાં રાહત જોવા મળી હતી, જોકે છેલ્લા થોડા દિવસોથી ભારતમાં ફરી કોરોના કેસમાં ઉછાળો આવતા ફરી ચિંતા જોવા મળી રહી છે. કેન્દ્ર સરકારે રાજ્ય સરકારોને જરૂરી સૂચનો પણ આ મામલે આપ્યા છે. ત્યારે કોરોનાનેને લઇ લોકોએ સાવચેત રહેવા અપીલ પણ કરવામાં આવી છે. આ વખતે કોરોનાએ બોલીવુડને ઝપેટમાં લીધું છે. પહેલા અક્ષય કુમાર અને હવે બોલીવુડના કિંગખાન શાહરૂખ  પણ કોરોના સંક્રમિત થયાના સમાચાર સામે આવી રહ્યા છે.

મળતી માહિતી મુજબ કરણ જોહરની પાર્ટીમાં ગયેલ ૫૦ જેટલા સેલીબ્રીટી કોરોના સંક્રમિત થયા હોવાની આશંકા વ્યક્ત કરવમાં આવી રહી છે. ત્યારે કિંગખાન પણ કોરોના સંક્રમિત થાય છે. એ સાથેજ એક્ટ્રેસ કેટરીના કેફ પણ કોરોના પોઝીટીવ આવ્યા છે.

દેશ ભરમાં કોરોનાની સ્થિતિનો જો વાત કરવામાં આવે તો દેશમાં ફરી એક વાર કોરોના કેસમાં મોટો વધારો જોવા મળ્યો છે. છેલ્લા ૨૪ કલાકમાં ૪૫૨૮ કોરોનાના નવા કેસ નોંધાયા છે. જે અંક ગઈકાલે ૪૨૭૦ હતો. ખાસ કરીને મુંબઈમાં ગઈકાલે સૌથી વધારે કેસ નોંધાયા છે, એકજ દિવસમાં 889 કેસ નોંધાયા છે.

મુંબઈમાં સતત કોરોના કેસમાં વધારો થવાને કારણ એ મહારષ્ટ્રમાં ફરી માસ્ક ફરજીયાત કરવામાં આવ્યું છે. આવીજ સ્થિત રહી તો આગામી સમયમાં કોરોનાનો અંક મોટો થવાની સંભાવના સેવાઈ રહી છે. હાલ સમગ્ર દેશમાં ૨૪૦૦૦થી વધુ કોરોનાના એક્ટીવ કેસ છે.

ભારતીય ટીવી ઈન્ડસ્ટ્રી બોલીવુડ જેવા લોકોમાં ઝડપથી તેમના ક્રેઝ વધારી રહ્યા છે. અભિનેતાઓ, અભિનેત્રીઓ, સિરિયલ મેકર્સ બધાએ મોટી કમાણી શરૂ કરી દીધી છે. જો તમે એ જાણવું હોય કે, ભારતીય ફિલ્મ ઈન્ડસ્ટ્રીની સૌથી વધુ કમાણી કરનાર અભિનેત્રી કોણ છે, તો તેનું નામ જાણીને તમે ચોંકી જશો. તે સિરિયલ અનુપમાની અભિનેત્રી રૂપાલી ગાંગુલી છે. રૂપાલી ગાંગુલીએ માત્ર ભારતીય ટીવી જગતની નવી પેઢીને જ નહીં, પણ ઘણા પીઢ પુરૂષ ટીવી કલાકારોને પણ પાછળ છોડી દીધા છે.

ભારતીય ટીવી જગતમાંથી સમાચાર આવી રહ્યા છે કે, સિરિયલ અનુપમાની અભિનેત્રી રૂપાલી ગાંગુલી ભારતીય ટીવીની સૌથી વધુ કમાણી કરનાર અભિનેત્રી બની ગઈ છે. સૂત્રોના હવાલાથી આ ખુલાસો થયો છે. પોતાના રિપોર્ટમાં બોલિવૂડ લાઈફે સૂત્રોને ટાંકીને રૂપાલી ગાંગુલીની ફીમાં વધારો કરવાની માહિતી આપી છે. સોશિયલ મીડિયાના રિપોર્ટ અનુસાર, રૂપાલીને પહેલા દિવસની ફી 1.5 લાખ મળતી હતી. હવે અભિનેત્રી પ્રતિદિન 3 લાખ રૂપિયા લે છે. આ સાથે રૂપાલી ગાંગુલી ભારતીય ટીવી જગતની સૌથી વધુ કમાણી કરનાર અભિનેત્રી બની ગઈ છે.

આ કરીને રૂપાલી ગાંગુલીએ અનેક યુવા પ્રતિભાઓને માત આપી છે. અભિનેત્રીઓને છોડી દો, રૂપાલીએ ફીના મામલામાં ટીવીના દિગ્ગજ કલાકારો રામ કપૂર, રોનિત રોયને પણ પાછળ છોડી દીધા છે. એવી અટકળો છે કે, અભિનેત્રીએ થોડા મહિના પહેલા જ તેમની ફી વધારી દીધી છે. જો કે અમે સૂત્રો પાસેથી આ સમાચારની પુષ્ટિ કરતા નથી, પણ જો રૂપાલી ગાંગુલી ખરેખર ટીવીની સૌથી વધુ કમાણી કરનાર અભિનેત્રી બની ગઈ હોય, તો તેમાં શંકા કરવાનું કંઈ નથી કારણ કે, અભિનેત્રી આ સિદ્ધિની હકદાર છે. વર્ષોથી શોબિઝ ઈન્ડસ્ટ્રીમાં કામ કરી રહેલી રૂપાલી ગાંગુલીએ પોતાની જોરદાર એક્ટિંગથી લોકોના દિલ જીતી લીધા છે.

સોશિયલ મીડિયાના રિપોર્ટ્સ અનુસાર, અનુપમા સિરિયલમાં રૂપાલી ગાંગુલીનો કો-સ્ટાર ગૌરવ ખન્ના રોજના 1.5 લાખ રૂપિયા લે છે. સાથે જ સુધાંશુ પાંડેને પણ એટલી જ રકમ મળી રહી છે.

રૂપાલી ગાંગુલીનો શો અનુપમા ટીઆરપી પર ધમાલ મચાવી રહ્યો છે. જ્યારથી આ શો ઓન-એર થયો છે, ત્યારથી તે દર્શકોનો ફેવરિટ રહ્યો છે. રાજન શાહીના આ શોએ ટીવી ક્વીન એકતા કપૂરના મોટા શોને માત આપી દીધી છે. ‘અનુપમા’ સુપરહિટ થવા પાછળનું કારણ સ્ટારકાસ્ટના ઉત્કૃષ્ટ પ્રદર્શનની સાથે નિર્માતાઓની સખત મહેનત છે.

ટીવી શોમાં ગૃહિણીનું પાત્ર ભજવતી અનુપમાને અગાઉ તેના જ પતિ વનરાજે છેતર્યા હતા. જેણે તેમણે છોડીને ઓફિસમાં સાથે કામ કરતી કાવ્યાને ગર્લફ્રેન્ડ બનાવી. આ બધા વચ્ચે, અનુનો ભૂતકાળ પાછો આવે છે, જે તેમના જીવનને સંપૂર્ણપણે બદલી નાખે છે. રૂપાલી ઉપરાંત, આ શોમાં નિધિ શાહ, પારસ કાલનવત, અનેરી વાજા, સુધાંશુ પાંડે, મદાલસા શર્મા અને ગૌરવ ખન્ના પણ મુખ્ય ભૂમિકામાં છે.

અનુપમા પહેલા રૂપાલી ગાંગુલીને સારાભાઈ Vs સારાભાઈ સિરિયલમાં મોનિષાની ભૂમિકા ભજવીને ઘણી લોકપ્રિયતા મળી હતી, પણ સ્ટાર પ્લસની સિરિયલ અનુપમાએ તેને વધુ ઊંચાઈ સુધી પહોંચવામાં મદદ કરી કારણ કે, હવે રૂપાલી લગભગ દરેક ઘરમાં અનુપમા તરીકે લોકપ્રિય થઈ ગઈ છે.