Connect with us

લાઈફ સ્ટાઈલ

ડાયેટિંગ જરૂર નથી, આ ટિપ્સ ફૉલો કરીને શરીરને રાખો ફિટ

Published

on

દરેકને હેલ્ધી અને ફિટ રહેવુ ગમે છે. તેના માટે તમે હેલ્ધી ભોજનથી લઈને જીમમાં એક્સરસાઈઝ પણ કરો છે. પણ તેમ છતા પણ તમે તમારા શરીરણે ફીટ રાખી શકતા નથી. જાણકારોનું કહેવુ છે કે ફિટ રહેવા માટે ફક્ત ડાયેટિંગ અને એક્સસાઈઝ જ પુરતી નથી. આ માટે ભરપૂર ઉંઘ અને વધારે પાણી પીવાની સાથે-સાથે ઘણા કામ કરવા જરૂરી છે. આ માટે તમે નાની-નાની હેલ્ધી ટિપ્સ અપનાવીને પણ તમે ફિટ રહી શકો છો. આજે અમે તમને કેટલીક ટિપ્સ આપવા જઈ રહ્યા છીએ જેને અપનાવીને તમે તમારા શરીરને હેલ્ધી અને ફીટ રાખી શકો છો.

૧. સંતુલિત આહાર

ફિટ રહેવા અને વજન ઓછુ કરવા માટે ડાયેટિંગને બદલે સંતુલિત આહાર ખાવવો જરૂરી છે. આ માટે તમે તમારા સવારના નાસ્તાથી લઈને રાતના ખાવામાં વિટામિન્સ, મિનરલ્સ, પોટેશિયમ, ફોલેટ, ફાઈબર અને પ્રોટીન યુક્ત ખોરાક વાળા આહારનું સેવન કરો.

2. પાણી

શરીરને ચુસ્ત, સ્ફૂર્તિલુ અને હાઈડ્રેટેડ રાખવા માટે વધુને વધુ પાણી પીવું જરૂરી છે. જો તમને ખાલી પાણી પીવુ નથી ગમતુ તો તમે લીંબૂ પાણી જેવા હળવા પીણા પણ પી શકો છો. તેનાથી તમે દિવસભર સ્ફૂર્તિ અને તાજગી મેહાસુસ કરશો અને અનેક બીમારીથી દુર રેહશો. આથી દિવસમાં વધુમાં વધુ પાણી પીવું જરૂરી છે.

3. પુરતી ઉંઘ

વધારે પડતા કામને કારણે તમે રાત્રે મોડા સૂવો છો અને સવારે જલ્દી ઉઠી જાવ છો. જે ખોટુ છે. જો તમે હેલ્દી અને ફિટ તેમજ અનેક પ્રકારની બીમારીઓથી બચવા માંગો છો તો તમારી ઉંઘ સાથે સમજૂતી ન કરવી જોઈએ. જાણકારો માને છે કે દરેક વ્યક્તિ માટે ઓછામાં ઓછી 7 થી 8 કલાકની ઉંઘ જરૂરી છે. તેનાથી તમારુ શરીર અને મગજ બંને સ્વસ્થ રહે છે.

૪. ચા – કોફી નું સેવન ઓછું કરવું

સવારે ઉઠતા જ તમે કોફી કે ચા નુ સેવન કરો છો. પણ શું તમને કબર છે કે તેમા રહેલ કૈફીન અને શુગર તમારા આરોગ્યને માટે હાનીકારક છે. તમે ઈચ્છો તો તમારી ચા માં સ્વીટનરનો ઉપયોગ કરી શકો છો. આ એક નેચરલ સ્વીટનર છે જે તમને સ્વસ્થ રાખવા સાથે જાડાપણું, હાર્ટ ડિસીઝ અને ડાયાબિટીસનો ખતરો પણ ઓછો કરવાનુ કામ કરશે.

૫. જરૂરીયાત પ્રમાણે આહાર 

મોટાભાગે તમે તમારુ બ્રેકફાસ્ટ નથી લેતા ત્યારે ભૂખ લાગતા વધારે પડતો આહાર લઇ લો છો, પણ એકવારમાં જ વધુ ખાવાથી આરોગ્યને નુકશાન થાય છે. ફિટ રહેવા માટે જરૂરી છે કે તમારે સમય મુજબ અને જરુંર પ્રમાણે આહાર લો.

૬. શાકભાજી અને ફ્રુટનું સેવન કરવું

અલગ અલગ કલરના ફ્રુટ અને શાકભાજીમાં દરેક પ્રકારના પોષક તત્ત્તવો હોય છે, જે શરીર માટે બહુ જરૂરી છે. એટલા માટે તમારા આહારમાં સફરજન, ટામેટા, રાસબરી, લાલ જામફળ, ચેરી, સ્ટ્રોબેરી, તરબૂચ અને કાકડીનું સેવન કરવું.

૭. લીંબૂ પાણી કે લસ્સીનુ સેવન કરો

ઉનાળાની ગરમીમાં જયારે ઠંડુ પીવાનુ મન થાય ત્યારે ક્યારેય પણ કોલ્ડ ડ્રિંકનું સેવન ન કરશો. તેનાથી શરીરમાં જાડાપણું વધે છે. તેને બદલે તમે લીંબૂ પાણી કે લસ્સીનુ સેવન કરો. આ ઉપરાંત ફિટ રહેવા માટે રોજ એક ગ્લાસ વેજીટેબલ જ્યુસ પીવો. તેનાથી તમે ફિટ રહેવા સાથે સાથે હેલ્ધી પણ રહેશો.

૮. કાચી શાકભાજીઓનુ સેવન કરો

ફિટ રહેવા માટે તમારી ડાયેટમાં થોડો ફેરફાર કરો. ચીઝ, તેલ, માખણ અને સૉસવાળા ભોજનને બદલે થોડા દિવસ ફળ અને કાચી શાકભાજીઓનુ સેવન કરો. બાફેલા ભોજનમાં ચાટ મસાલા કે ફક્ત મીઠુ અને લીંબુ નાખીને ખાવ. ફુલ ક્રીમ દૂધને બદલે ટોન્ડ કે ડબલ ટૉન્ડ દૂધનો ઉપયોગ કરો.

૯.  વ્યાયામ કરો

વ્યાયામ, એક્સરસાઈઝ અને યોગાસનને તમારી દિનચર્યામાં સામેલ કરો. સવારે સમયસર ઉઠીને વ્યાયામ અને યોગાસન કરવાથી તમારુ મગજ ફ્રેશ રહે છે. તેથી સવારે ઉઠીને વ્યાયામ જરૂર કરો જેથી કરીને શરીરને ફિટ તેમજ હેલ્દી રાખી શકાય.

Continue Reading
Advertisement
Click to comment

Leave a Reply

Your email address will not be published.

જાણવા જેવું

લોખંડના વાસણ સાફ કરવા એટલે ત્રાસ લાગે છે? તો આ ટેકનિક કરો ફોલો.

Published

on

આપણાં દાદી અને નાની જ્યારે રસોઈ બનાવતા ત્યારે તેઓ લોખંડના વાસણમાં જમવાનું બનાવવાનો આગ્રહ રાખતા. તેના લીધે જ હજી પણ આપણાં ઘરમાં પણ તેલમાં કાઇ પણ તળવાનું હોય કે પછી રોટલી ભાખરી બનાવવાની હોય તો લોખંડનું જ વાસણ ઉપયોગમાં લેવામાં આવે છે.

એક્સપર્ટનું કહેવું છે કે જ્યારે પણ લોખંડના વાસણમાં ભોજન બનાવવામાં આવે છે તો તેમાંથી ભોજનમાં આયરન અને બીજા પોષકતત્વો ભોજનમાં સારી રીતે ભળી જાય છે. પણ આ વાસણ વાપરવા માટેની સૌથી મોટી મુશ્કેલી એ હોય છે કે તેને સાફ કરવી એ માથાનો દુખાવો લાગતું હોય છે. તો જો તમને પણ લોખંડના વાસણ સાફ કરવામાં પ્રોબ્લેમ આવે છે તો આજે અમે તમારા માટે કેટલીક સરળ ટિપ્સ લઈને આવ્યા છે.

સૌથી પહેલા તમે જણાવી દઈએ કે લોખંડના વાસણ કાળા કેમ પડી જતાં હોય છે. તો તમને જણાવી દઈએ કે આ વાસણમાં કાર્બન જમા થતો હોય છે. આ ફેટ અને તેલને વધારે ગરમ કરવાને લીધે થતું હોય છે.

આટલું જ નહીં જ્યારે પણ તમે આવા વાસણમાં જમવાનું બનાવો છો તો કાર્બનનો ભાગ ભોજનમાં ભળે છે અને તેના લીધે તે કાળો રંગ થઈ જાય છે. ઘણીવાર સારી રીતે સફાઇ ના કરવામાં આવે તો પણ લોખંડના વાસણ કાળા થઈ જતાં હોય છે. આ સાથે આ વાસણમાં કાટ પણ જમા થવા લાગે છે.

ઘણીવાર લોખંડના વાસણ પડ્યા રાખવાથી તેમાં કાટ આવી જતો હોય છે. એવામાં આ વાસણ કેવીરીતે સાફ કરવું એ હવે તમને જણાવી દઈએ. તમને જણાવી દઈએ કે તમારે સૌથી પહેલા તો એ વાસણને સારી રીતે સાફ પાણીથી સાફ કરી લેવું. આ પછી તેને કોરા કપડાંથી સૂકવી લેવું.

હવે આ વાસણમાં થોડું સરસવનું તેલ નાખીને બધે જ તેલ લગાવી દેવું આ પ્રોસેસમાં ધ્યાનમાં રાખો કે વાસણમાં બધે જ તેલ લગાઈ જવું જોઈએ. હવે ટિશ્યૂ પેપર કે પછી કપડાંની મદદથી વધારાનું તેલ લૂછી લેવું. હવે આ વાસણને સાફ અને કોરી જગ્યાએ મૂકી દો. આઆમ કરવાથી લોખંડના વાસણ ખરાબ થશે નહીં.

જો તમે પણ રોટલી કે ભાખરી બનાવવા માટે લોખંડનો તવો વાપરો છો તો તેને કેવીરીતે સાફ કરશો એ પણ અમે તમને જણાવી રહ્યા છે. તવાને સાફ કરવા માટે થોડું મીઠું લેવું અને તેમાં થોડો લીંબુનો રસ અથવા તો વિનેગર ઉમેરો આ પછી તવા પર તેને બધે જ સારી રીતે ફેલાવી દો. આ પછી 15 મિનિટ માટે તેને એમજ રહેવા દો. હવે વાસણ સાફ કરવાના એક સપન્ચ અને ગરમ પાણીની મદદથી આ તવો સાફ કરી દેવો. આવીરીતે તવો સાફ કરશો તો તમારો તવો નવા જેવો ચમકી ઉઠશે.

Continue Reading

ફૂડ

ગણેશચતુર્થી પર ઘરે બનાવો ગણપતિના પ્રિય બૂંદીના લાડુ,જાણો બૂંદીના લાડુ બનાવવાની રીત

Published

on

આવતી કાલે ગણેશચતુર્થી અને ત્યારે ગણપતિના ભક્તો ગણપતિની પૂજા સાથે તમને મનપસંદ ભોગ પણ ધરાવતા હોય છે,એમા પણ ગણેજીના પ્રિય મોદક તો અચૂક ધરાવતા હોઇએ છે પરંતુ આ સમયમાં આપણે મોદક બહારથી લાવતા ટાળતા હોય છે.ત્યારે આવા સમયે કોરોના કાળમાં ઘરે જ બનાવો ગણપતિના પ્રિય બૂંદીના લાડુ .

સામગ્રી

  • 1 કપ મોળી બૂંદી
  • 11/2 કપ માવો
  • 1 કપ દળેલી ખાંડ
  • 1/2 કપ દૂધ
  • બદામ જરૂર મુજબ

બનાવવાની રીત

જ્યારે પણ તમે માવો લાવો ત્યારે તે માવાને પહેલાં તો હાથ વડે સારી રીતે મસળી લો. હવે કઢાઈમાં માવો નાંખીને 5 મિનિટ સુધી ધીમા તાપ પર તેને શેકી લો. હવે તેમાં ખાંડ નાખીને સારી રીતે મિક્સ કરો.

બૂંદી નાંખો તેમજ વારેઘડીએ દૂધની છાલક મારતા રહો. જ્યારે એકરસ થઈ જાય ત્યારે તાપ પરથી ઉતારી ઠંડુ થવા દો. થોડુંક ઠંડુ થાય એટલે તેના ગોળ-ગોળ મોદક બનાવો. તૈયાર છે સ્વાદિષ્ટ બૂંદી લાડુ. તેના પર બદામના ટુકડા લગાવીને ગાર્નિશ કરો. ત્યાર બાદ ગણપતિ દાદાને ભોગ લગાવો.


જો તમારી પાસે મોળી બૂંદી ન હોય તો તમે ઘરે જ બેસનનું ખીરું તૈયાર કરીને ઝારાની મદદથી ઝીણી બૂંદી બનાવી શકો છો. આ બૂંદી ખૂબ જ ઝડપથી તૈયાર થઈ જાય છે.

Continue Reading

લાઈફ સ્ટાઈલ

લક્ઝરી કાર, 16 કરોડનું ઘર, અબજોની સંપત્તિ, આ અભિનેતા એક ફિલ્મ બનાવવા કેટલા પૈસા ચાર્જ લે તે જાણો.

Published

on

સાઉથ ફિલ્મના ઘણા કલાકારો બોલીવુડ ફિલ્મના કલાકારો જેવી જ ઓળખ ધરાવે છે. સાઉથ ફિલ્મમાં આવું જ એક જાણીતું નામ છે અભિનેતા રવિ તેજા. રવિ તેજા સાઉથ ફિલ્મોના સુપરસ્ટાર છે. રવિ તેજા તેના શ્રેષ્ઠ અભિનય માટે ખૂબ જ લોકપ્રિય છે. તેઓ છેલ્લા 31 વર્ષથી ફિલ્મી દુનિયામાં સક્રિય છે.

દક્ષિણ ભારતની બહાર પણ હિન્દી બેલ્ટના દર્શકોમાં રવિ તેજાની સારી પકડ છે. હિન્દી બેલ્ટના પ્રેક્ષકોમાં પણ તેઓ એક ખાસ ઓળખ ધરાવે છે. અત્યાર સુધી ઘણી ફિલ્મોમાં કામ કરી ચુકેલા રવિ તેજા એક રાજાની જેમ જીવન જીવે છે. ચાલો આજે તમને રવિ તેજાની લક્ઝરી લાઈફસ્ટાઈલ, તેની નેટવર્થ, કાર કલેક્શન, ફિલ્મ ફી વગેરે વિશે જણાવીએ.

રવિ તેજા 54 વર્ષના થઈ ગયા છે. તેમનો જન્મ 26 જાન્યુઆરી 1968ના રોજ આંધ્ર પ્રદેશના જગ્ગમપેટામાં થયો હતો. 3 દાયકાની કારકિર્દીમાં રવિ તેજએ ચાહકોના દિલમાં ખાસ જગ્યા બનાવી છે. આજે તેમને કોઈ ઓળખમાં રસ નથી. પ્રસિદ્ધિની સાથે રવિએ ફિલ્મી દુનિયામાંથી પણ અઢળક સંપત્તિ કમાઈ છે.

રવિ તેજાએ પોતાના ફિલ્મી કરિયરની શરૂઆત સાઉથની ફિલ્મ ‘કર્તવ્યમ’થી કરી હતી. મોહન ગાંધી દ્વારા નિર્દેશિત આ ફિલ્મ વર્ષ 1990માં રિલીઝ થઈ હતી. ફિલ્મમાં રવિ તેજા સાથે વિજયા શાંતિ, વિનોદ કુમાર, સાંઈ કુમાર વગેરે જોવા મળ્યા હતા. રવિને તેમની ફિલ્મી કરિયરની શરૂઆતના સમયમાં વધારે સફળતા અને લોકપ્રિયતા મળી ન હતી.

રવિ તેજાની શરૂઆતની ફિલ્મી કરિયર ફ્લોપ રહી હતી. જો કે તે આવા સંજોગોમાં પણ તૂટ્યો નહીં અને ફિલ્મોમાં કામ કરવાનું ચાલુ રાખ્યું. શરૂઆતમાં ભલે તે ફ્લોપ ફિલ્મો આપતો હતો, પછીથી તેના નસીબનો સિતારો ચમક્યો અને તે પોતે સ્ટાર બની ગયો. ધીમે-ધીમે એકથી વધુ ફિલ્મો આપ્યા પછી તેઓ દક્ષિણ ભારતીય ફિલ્મના સુપરસ્ટાર કહેવાય છે.

રવિ તેજાની ગણતરી આજે સફળ કલાકારોમાં થાય છે. સાઉથ ફિલ્મોનો આ સુપરસ્ટાર એક ફિલ્મ માટે લગભગ 5 થી 6 કરોડ રૂપિયા ચાર્જ કરે છે. એક વર્ષમાં તેમની કમાણી 12 થી 13 કરોડ રૂપિયા થઈ જાય છે. ફિલ્મોની સાથે રવિ જાહેરાતોમાંથી પણ ઘણી કમાણી કરે છે. હાલમાં તેઓ ઘણી બ્રાન્ડ્સના બ્રાન્ડ એમ્બેસેડર છે.

હવે વાત કરીએ રવિ તેજાની નેટવર્થ વિશે. ફિલ્મો અને જાહેરાતોથી ઘણી કમાણી કરનાર રવિ તેજાની નેટવર્થ અબજોમાં છે. સોશિયલ મીડિયા રિપોર્ટ્સ અનુસાર, રવિ તેજા પાસે કુલ 121 કરોડ રૂપિયાની સંપત્તિ છે.

રવિ તેજાને મોંઘા અને લક્ઝરી વાહનોનો પણ શોખ છે. તેમના કાર કલેક્શનમાં રેન્જ રોવર ઇવોક, મર્સિડીઝ બેન્ઝ એસ ક્લાસ અને BMW M6 વગેરેનો સમાવેશ થાય છે.

રવિ તેજા તેમના પરિવાર સાથે આંધ્રપ્રદેશના જગ્ગમપેટામાં એક આલીશાન મકાનમાં રહે છે. તેમનું આ ઘર બહારથી અને અંદરથી ખૂબ જ સુંદર છે. તેની કિંમત 16 કરોડ રૂપિયા હોવાનું કહેવાય છે.

Continue Reading
Advertisement
Advertisement

Trending

Copyright © 2018 - 2021 Gujju Media.