Connect with us

આંતરરાષ્ટ્રીય

અમેરિકામાં કોરોનાના કહેરની વચ્ચે રાષ્ટ્રપતિ ડોનાલ્ડ઼ ટ્રમ્પે કરી આ મોટી વાત

Published

on

અમેરિકામાં કોરોનાના કહેરની વચ્ચે રાષ્ટ્રપતિ ડોનાલ્ડ઼ ટ્રમ્પે સોમવારે કહ્યું કે અમેરિકા દુનિયામાં સોથી વધારે COVID-19 ટેસ્ટિંગ કાર્યક્રમ ચલાવી રહ્યું છે. જે રુસ, ચીન, ભારત અને બ્રાઝીલ જેવા મોટા દેશોની સરખાણીમાં ઘણુ સારુ છે. તેમણે ભાર મુક્યો કે .’દુનિયામાં કોરોના વાયરસથી થનારા મોતમાં ‘અમેરિકામાં મૃત્યદર ઓછો છે.

ટ્રમ્પે વ્હાઈટ હાઉસ ગોળમેજી બેઠક દરમિયાન કહ્યું કે ,‘આપણે એ દેશોમાં છીએ જ્યાં મૃત્યુદર સૌથી ઓછો છે. ’અમેરિકામાં અત્યાર સુધીમાં 34 લાખથી વધારે લોકો કોરોનાગ્રસ્ત છે તેમજ 1.37 લાખ લોકોના મોત નિપજ્યા છે. અન્ય દેશોની સરખાણીએ તે સૌથી વધારે છે.

ટ્રમ્પ સરકાર મોટા પાયે ટેસ્ટિંગ અભિયાન ચલાવી રહ્યું છે. જેને કારણે અન્ય દેશોની સરખાણીએ અહીં કેસ વધારે છે. તેમણે કહ્યું કે‘અમે અત્યાર સુધીમાં અન્ય દેશોની વધારે ટેસ્ટ કર્યા છે. તમે જ્યારે કેસ કરો છો તો નવા કેસ સામે આવે જ છે. એટલા માટે આપણે ત્યાં કોરોનાના કેસ વધારે સામે આવ્યા છે. હું તમને જણાવવા માંગુ છુ કે કેટલાક દેશો છે જે ફક્ત ત્યારે ટેસ્ટ કરે છે જ્યારે બીમાર વ્યક્તિ હોસ્પિટલ જાય છે અથવા ડૉક્ટરનીપાસે જાય છે. તેઓ આ રીતે ટેસ્ટિંગ કરી રહ્યા છે માટે ત્યાં કેસ નથી. આ બે ધારી તલવાર છે.’


ટ્રમ્પે કહ્યું કે અમેરિકામાં કોરોનાથી મૃત્યુદર સૌથી ઓછો છે કે પછી સૌથી ઓછા મૃત્યુદરની સૌથી નજીક છે. તેમણે કહ્યું કે આપણે સારુ કામ કરી રહ્યા છીએ. આપણે વેક્સીનના મોર્ચા પર, થેરાપીના મોર્ચા પર સારુ કામ કરી રહ્યા છીએ, મને લાગે છે કે આપણા પાસે જલ્દી જ સારા સમાચાર હશે.

ટ્રમ્પે કહ્યું કે ‘આપણી પાસે સૌથી સારા અને નિશ્ચિત રુપથી દુનિયામાં સૌથી મોટું પરિક્ષણ કાર્યક્રમ છે. જો તમને ચીન અથવા રુસ અથવા કોઈ મોટા દેશની વાત કરો અથવા ભારતનું જઉદાહરણ લઈ લો તો જો આ રીતે આપણી જેમ ટેસ્ટિંગ કરે તો ત્યાં આશ્ચર્યજનક આંકડા હશે. બ્રાઝિલમાં પણ. બ્રાઝિલ મોટા સંકટમાંથી પસાર થઈ રહ્યા છે પણ તેણે એવી રીતે ટેસ્ટિંગ નથી કર્યુ જે રીતે આપણે કરી રહ્યા છીએ.

Continue Reading
Advertisement
Click to comment

Leave a Reply

Your email address will not be published. Required fields are marked *

આંતરરાષ્ટ્રીય

રેમડેસિવીર ઈન્જેક્શનને લઈ સરકારે લીધો નિર્ણય

Published

on

કેન્દ્ર સરકારે રેમડેસિવીર ઇન્જેક્શનના નિકાસ પર પ્રતિબંધ લગાવી દીધો છે. દેશમાં કોરોના વાયરસના વધી રહેલા કેસને જોઈને આ નિર્ણય કરવામાં આવ્યો છે.

ઉલ્લેખનીય છે કે કોવિડ-19 સામેની લડાઇમાં રેમડેસિવીરને ખાસ કરીને તે વયસ્ક દર્દીઓ માટે મહત્વપૂર્ણ એન્ટી વાયરલ દવા માનવામાં આવે છે, જે સ્વાસ્થ્ય સંબંધી ગંભીર જટિલતાઓનો સામનો કરી રહ્યા છે. ભારત સરકારે પોતાના નિવેદનમાં કહ્યું કે જ્યાં સુધી દેશમાં કોરોના વાયરસની સ્થિતિમાં સુધારો ના થાય ત્યાં સુધી રેમડેસિવીર ઇન્જેક્શન અને રેમડેસિવીર એક્વિટ ફાર્માસ્યૂટિકલ ઇંગ્રેડિએંટ્સના (API) નિકાસ પર પ્રતિબંધ લગાવવામાં આવે છે.

સરકારે કહ્યું કે આવનાર સમયમાં રેમડેસિવીર ઇન્જેક્શનની માંગ વધવાની પૂરી સંભાવના છે અને આ માટે ફાર્માસ્યૂટિકલ ડિપાર્ટમેન્ટ રેમડેસિવીરનું ઉત્પાદન વધારવા માટે ઘરેલું નિર્માતા કંપનીઓની સાથે સંપર્કમાં છીએ.

મહત્વનું છે કે, કોરોનાના દર્દીઓ માટે રેમડેસિવીર ઈન્જેક્શની ખૂબ જ માંગ છે. ગુજરાતના વિવિધ મહાનગરોમાં આ ઈન્જેક્શન લેવા માટે કોરોના પીડિત દર્દીઓના સગા સંબંધીઓ લાઈનો લગાવી રહ્યા છે.

Continue Reading

આંતરરાષ્ટ્રીય

સ્પુતનિક Vને લઈ મહત્વના સમાચાર, વેક્સિનને ભારતમાં ઈમરજન્સી ઉપયોગ માટે મંજૂરી

Published

on

રશિયાની કોરોના વેક્સીન સ્પુતનિક V ને એક્સપર્ટ કમિટીએ ઇમરજન્સીમાં ઉપયોગની મંજૂરી આપી દીધી છે. આ સાથે કોરોના સાથે નિપટવા માટે ભારતને ત્રીજી વેક્સીન મળી ગઈ છે. મળતી માહિતી મુજબ, દેશમાં કોવિશીલ્ડ અને કોવેક્સીનનો ઉપયોગ પહેલા જ થઇ રહ્યો છે.

હવે સ્પુતનિક V ને મંજૂરી મળ્યા પછી આ મહામારીથી નિપટવા માટે ડોક્ટરો પાસે વધુ એક હથિયાર આવી ગયું છે. ઉલ્લેખનીય છે કે સૌથી પહેલા રશિયાએ જ કોરોના વેક્સીન સ્પુતનિક V બનાવવાનો દાવો કર્યો હતો.

આ પહેલા એક રિપોર્ટમાં એ વાત સામે આવી હતી કે ભારતમાં ઓક્ટોબર સુધી પાંચ વેક્સીનને મંજૂરી મળી શકે છે. રિપોર્ટ પ્રમાણે આ વેક્સીન ડૉ રેડ્ડીઝના સહયોગથી તૈયાર થઇ રહેલી સ્પુતનિક V, બાયોલોજિકલ ઇ ના સહયોગથી બની રહેલી જોનસન એન્ડ જોનસનની વેક્સીન, સીરમ ઇન્ડિયાના સહયોગથી તૈયાર કરવામાં આવી રહેલી નોવાવેક્સ વેક્સીન, ઝાયડસ કેડિલા વેક્સીન અને ભારત બાયોટેકની ઇંટ્રાનસલ વેક્સીન છે.

આવામાં સ્પુતનિક V ને મંજૂરી મળ્યા પછી ભારતના ટિકાકરણ અભિયાન ઝડપથી આગળ વધી શકશે.

Continue Reading

આંતરરાષ્ટ્રીય

રશિયાએ કોરોનાની વેક્સિન બનાવ્યા હોવાનો દાવો,આટલા દેશોએ અત્યાર સુધી આપી દીધો છે ઓર્ડર

Published

on

કોરોના મહામારીના કારણે દેશ જ નહિ પરંતુ આખુ વિશ્ર્વ પરેશાન છે ત્યારે આ મહામારી વચ્ચે વ્લાદિમીર પુટિનએ મોટી જાહેરાત કરી કે દેશમાં તૈયાર કરાયેલી કોરોના વાયરસની રસીને આરોગ્ય મંત્રાલયની મંજૂરી મળી ગઈ છે.

આ વચ્ચે રશિયાએ અન્ય મોટો દાવો કરતા જણાવ્યું છે કે પોતાના દેશની રસી માટે અન્ય 20 દેશોએ અત્યાર સુધી ઓર્ડર આપી દીધો છે.રશિયાના રાષ્ટ્રપતિ વ્લાદિમીર પુટિને જણાવ્યું હતું કે હેલ્થ મિનિસ્ટ્રીએ પોતાના દેશમાં બનેલી કોરોના વાયરસની રસીને આખરે મંજૂરી આપી દીધી છે. પુટિને કહ્યું કે આ રસીની રસી પહેલેથી જ તેમની પુત્રીને આપી દેવાઈ છે. જો કે તેમણે સ્પષ્ટતા નથી કરી કે તેમણે પોતે રસી લીધી હતી કે નહીં.


મળતી માહિતી મુજબ જો કે આ વચ્ચે રશિયાએ બીજો સૌથી મોટો દાવો કર્યો છે કે વિશ્વના 20 દેશો દ્વારા આ રસીના 1 અબજ ડોઝ બનાવવાનો આદેશ આપવામાં આવ્યો છે.

પુટિને કહ્યું, ‘મારી પુત્રીએ પણ આ રસી લીધી છે, શરૂઆતમાં તેને હળવો તાવ હતો પરંતુ હવે તે એકદમ ઠીક છે.’તેઓએ કહ્યું કે મારી પુત્રી ઠીક છે અને સ્વસ્થ લાગે છે. તેમણે આ સમગ્ર ટ્રાયલમાં પણ ભાગ લીધો હતો.

આ ઘોષણા પછી, રશિયા પહેલો દેશ બન્યો છે જેણે રસી બનાવવાનું કામ પૂર્ણ કરવાનો દાવો કર્યો છે. રશિયાએ યોજના બનાવી છે કે આ રસી પ્રથમ આરોગ્ય કર્મચારીઓને, પછી વૃદ્ધોને આપવામાં આવશે.

મોસ્કોએ ઘણા દેશોમાં રસી સપ્લાય કરવાની વાત પણ કરી છે. રશિયા કહે છે કે તે સપ્ટેમ્બર સુધીમાં તેની કોરોના રસીનું મોટા પાયે ઉત્પાદન શરૂ કરી શકે છે.ઓગસ્ટ મહિનાની શરૂઆતમાં રશિયાના સ્વાસ્થ્ય મંત્રીએ કહ્યું હતું કે રસીનું ટ્રાયલ પૂરૂ થઇ ગયું છે અને સપ્ટેમબર મહિનામાં તેનું પ્રોડક્શન શરુ થઇ જશે. પરંતુ હવે અચાનક જ રસી લોન્ચ કરી દેતા શંકા થઇ રહી છે.


તેનુ કારણ એ માનવામાં આવી રહ્યું છે કે કારણ કે કોઈ પણ રસી તૈયાર કરવામાં વર્ષો લાગી જાય છે. એવામાં રશિયાએ આટલા ઓછા સમયમાં રસી લોન્ચ કરી દેતા એક્સપર્ટસને આ વાત પેટમાં પચી નથી રહી.

ત્યારે તેને લઇને પણ વિવાદ શરૂ થઇ ગયો છે,વિશ્વના નિષ્ણાતો માની રહ્યા છે કે રશિયાએ આ રસી ઉતાવળમાં લોન્ચ કરી દીધી છે. અમેરિકાના ડૉ.ફોસીએ તો ત્યાં સુધી કહી દીધું કે હું આશા રાખું છું કે રશિયા અને ચીનના વૈજ્ઞાનિકો રસી લોકોને આપતા પહેલા ખરેખર તેની ટેસ્ટિંગ કરશે.

Continue Reading
Advertisement
Advertisement

Trending