Connect with us

એન્ટરટેઈન્મેન્ટ

લોકડાઉનમાં લોક મનોરંજન માટે દૂરદર્શને છોડ્યુ રામ-બાણ, રામાયણ જોતા જોતા કોરોના જેવા રાવણને નાથશે દેશની જનતા

Published

on

દેશમાં અત્યારે કોરોના વાયરસના સંક્રમણને લઈને ભારે ઉથલપાથલ ચાલી રહી છે. તો દેશની જનતા લોકડાઉનના કારણે ઘરોમાં કેદ છે. ત્યારે હવે દૂરદર્શને પોતાનુ રામબાણ છોડ્યુ છે… રામાનંદ સાગરની રામાયણને એવર ગ્રીન હિટ સીરિયલ્સમાં સ્થાન મળેલું છે. 90ના દાયકાની આ સીરિયલને સુવર્ણ યુગ તરીકે ગણાવવામાં આવતો હતો. જ્યારે ટેલિવિઝન પર આ શો આવતા હતા ત્યારે લોકો ઘરની અંદર ભરાઈ રહેતા હતા, શેરી ગલીઓ સૂમસામ ભાસતી હતી. લોકો પોતાના ચપ્પલ ઉતારીને આ શો જોવા બેસતા હતા..ટીવી પર ફૂલની માળા અર્પણ કરવામાં આવતી હતી. ટેલિવિઝનની લોકપ્રિયતામાં આ  સીરિયલનો સિંહફાળો રહ્યો છે.દેશમાં કોરોના વાયરસને પગલે લોકડાઉન જાહેર કરાયું છે ત્યારે ફરી એકવખત લોકો પોતાના ઘરની અંદર ભરાઈ રહેવા મજબૂત બન્યા છે. આવા સમયે  સોશિયલ મીડિયામાં ડિમાન્ડ ઉઠી હતી કે દુરદર્શન પર ફરીથી રામાયણને શરુ કરવામાં આવે… ત્યારે દૂરદર્શને 90ના દાયકાની આ પ્રસિદ્ધ સિરીયલ રામાયણને પ્રસારીત કરશે. આવતીકાલ એટલે કે શનિવાર સવારે 9 વાગ્યાથી તેનો પ્રથમ એપિસોડ પ્રસારીત કરવામાં આવશે. સરકારના આ નિર્ણયને કોરોનાથી બચવા માટે અને સોશિયલ ડિસ્ટેન્સિંગ સાથે જોડીને પણ જોવામાં આવી રહ્યું છે. આપને જણાવી દઈએ કે રામાયણ સીરીયલમાં કામ કરતા કલાકારો અરુણ ગોવિલ (રામની ભૂમિકા ભજવનાર) અને દીપિકા (સીતાની ભૂમિકા ભજવનાર)ને લોકો ભગવાનની જેમ પૂજતા હતા. જે અંગે સીરીયલમાં કામ કરતા કલાકારોએ પણ પોતાના અનુભવ બતાવ્યા હતા…તેમજ હાલમાં જ આ કલાકારો કોમેડી શો કપિલ શર્મામાં પણ નજરે પડ્યા હતા. ત્યારે ફરી એકવાર રામાયણની સીરીયલ શરુ થવાના અહેવાલથી દેશની જનતામાં પણ એક અનેરો ઉત્સાહ જોવા મળી રહ્યો છે…

Continue Reading
Advertisement
Click to comment

Leave a Reply

Your email address will not be published.

એન્ટરટેઈનમેન્ટ

શાહરૂખ ખાન પડોશી બનશે રણવીર-દીપિકા, 119 કરોડ રૂપિયામાં ખરીદ્યું ઘર

Published

on

બોલિવૂડના લોકપ્રિય અને પાવર કપલ કહેવાતા રણવીર સિંહ અને દીપિકા પાદુકોણ હવે ટૂંક સમયમાં શાહરૂખ ખાન અને સલમાન ખાનના પડોશી બનવા જઈ રહ્યા છે. રણવીર સિંહે સાગર રેશમ રેસિડેન્શિયલ ટાવરમાં લક્ઝુરિયસ એપાર્ટમેન્ટ ખરીદ્યું છે. આ ઘર દ્વારા તેઓને બેન્ડસ્ટેન્ડ પરથી અરબી સમુદ્રનો સુંદર નજારો જોવા મળશે.

રણવીર સિંહે નવું ઘર ખરીદ્યું છે. જો કે, આ એપાર્ટમેન્ટ હજુ બાંધકામ હેઠળ છે. તેણે જે એપાર્ટમેન્ટની ડીલ કરી છે તેમાંથી સમુદ્રનો ખૂબ જ સુંદર નજારો જોવા મળે છે. અહેવાલો અનુસાર, અભિનેતાએ આ ઘર લગભગ 119 કરોડ રૂપિયામાં ખરીદ્યું છે. આ તેમના નવા ઘરને દેશના અન્ય કોઈપણ એપાર્ટમેન્ટની તુલનામાં સૌથી મોંઘા સોદાઓમાંનું એક બનાવે છે.

ખાસ વાત એ છે કે આ એપાર્ટમેન્ટ શાહરૂખ ખાનના મન્નત અને સલમાન ખાનના ગેલેક્સી એપાર્ટમેન્ટની વચ્ચે આવે છે. જણાવવામાં આવી રહ્યું છે કે તેમનું એપાર્ટમેન્ટ ટાવરના 16માં, 17માં, 18મા અને 19મા માળે આવેલું છે. તેનો કુલ કાર્પેટ એરિયા 11,266 ચોરસ ફૂટ અને 1,300 ચોરસ ફૂટનો સ્પેશિયલ ટેરેસ છે. અહેવાલ છે કે રણવીરને આ ઘર સાથે 19 પાર્કિંગ એરિયા ફાળવવામાં આવ્યા છે.

Continue Reading

એન્ટરટેઈનમેન્ટ

એક્શન એન્ટરટેઈનર ફિલ્મમાં જોવા મળશે માનુષી છિલ્લર

Published

on

ભૂતપૂર્વ મિસ વર્લ્ડ માનુષી છિલ્લરની તાજેતરમાં અક્ષય કુમાર સાથેની સમ્રાટ પૃથ્વીરાજ ફિલ્મ રિલીઝ થઈ હતી. આ ફિલ્મ થિયેટરોમાં કંઈ ખાસ કમાલ બતાવી શકી નથી. થિયેટરો ખાલી જઈ રહ્યા હતા જેના કારણે અનેક સ્થળે શો પણ રદ કરવા પડયા હતા. જો કે ફિલ્મ નિષ્ફળ જવા છતાં માનુષીએ પોતાના કેરિયરની ત્રીજી ફિલ્મ પણ સાઈન કરી હોવાની ચર્ચા છે. માનુષીની ત્રીજી ફિલ્મ એક એક્શન એન્ટરટેઈનર હશે, જેનું શૂટિંગ યુરોપમાં થશે.

 

 

આ ફિલ્મમાં તે નવા અવતારમાં જોવા મળશે. તેથી જ માનુષીને કાસ્ટ કરવામાં આવી છે. કહેવામાં આવી રહ્યું છે કે માનુષીએ વિકી કૌશલ સાથે બીજી ફિલ્મ સાઈન કરી છે. યશ રાજ ફિલ્મ તેને પ્રોડયુસ કરશે અને તેમાં બે મોટા સ્ટાર્સ લીડ રોલમાં હશે. માનુષીની પાછલી ફિલ્મ સમ્રાટ પૃથ્વીરાજની વાત કરીએ તો આ ફિલ્મમાં તે સમ્રાટ પૃથ્વીરાજની પ્રેમિકા સંયોગિતાના રોલમાં હતી.

ચંદ્રપ્રકાશ દ્વિવેદીના નિર્દેશનમાં બનેલી આ ફિલ્મમાં અક્ષય કુમારે સમ્રાટ પૃથ્વીરાજની ભૂમિકા ભજવી હતી. આ ફિલ્મમાં સમ્રાટ પૃથ્વીરાજ અને મોહમ્મદ ઘોરી વચ્ચે ૧૧૯૧ અને ૧૧૯૨માં થયેલા યુદ્ધને પણ દર્શાવવામાં આવ્યું છે.

Continue Reading

એન્ટરટેઈનમેન્ટ

નેશનલ ક્રશ રશ્મિકા મંદાનાની બોલિવૂડમાં એન્ટ્રી

Published

on

અત્યારે બોક્સઓફિસ પર સાઉથ મુવી ધૂમ મચાવી રહી છે, તેની સાથે સાઉથ સ્ટાર પર બધાના પસંદીતા છે,ત્યારે વાત કરીએ સાઉથની ટોચની સ્ટાર રશ્મિકા મંદાના હવે હિંદી ફિલ્મમાં ટાઈગર શ્રોફ સાથે જોડી જમાવતી જોવા મળશે. ટાઈગરની નવી એક્શન ફિલ્મમાં તેને મુખ્ય હિરોઈન તરીકેની ભૂમિકા મળી છે.

કરણ જોહરની ધર્મા પ્રોડ્કશન હેઠળ બનનારી આ ફિલ્મનું દિગ્દર્શન શશાકં ખૈતાન કરવાના છે. આ સંપૂર્ણપણે એક્શન આધારિત ફિલ્મ હશે પરંતુ તેમાં ટાઈગરનાં ડાન્સ સ્કિલ્સનો લાભ ઉઠાવી રો સોન્ગ સાથેનો રોમાન્ટિક ટ્રેક પણ ઉમેરવામાં આવશે. મોટાભાગે આ ફિલ્મનું શૂટિંગ આવતા સપ્ટેમ્બરથી શરુ થઈ શકે છે.

રશ્મિકા પુષ્પા ફિલ્મથી નેશનલ ક્રશનો દરજ્જો મેળવી ચુકી છે. સાઉથ સિવાયના દેશભરના સિને ચાહકો પણ તેની ફિલ્મો જોવા માટે આતુર છે. જોકે, તે ધીમે ધીમે બોલીવૂડમાં એક પછી એક પ્રોજેક્ટ સાઈન કરી રહી છે.

સિદ્ધાર્થ મલ્હોત્રા સાથેની તેની મિશન મજનૂ ઓલરેડી લાઈનમાં છે. આ ઉપરાંત તેની ગૂડબાય ફિલ્મ પણ આવી રહી છે. આ ફિલ્મમાં તે અમિતાભ બચ્ચન સાથે સ્ક્રીન શેર કરવાની છે.સાઉથની વધુ ને વધુ હિરોઈનો બોલીવૂડમાં આવી રહી છે. પુષ્પામાં જ આઈટમ સોંગ કરનારી સામંથા રુથ પ્રભુ પર હાલ બોલીવૂડમાં ઓફર્સનો વરસાદ થઈ રહ્યો છે

Continue Reading
Advertisement
Advertisement

Trending