એર ઈન્ડિયાની મુંબઈ-ન્યૂયોર્ક ફ્લાઈટમાં અચાનક ટેકનિકલ ખામી સર્જાતા ફ્લાઈટને ઈરાન એરસ્પેસમાંથી પરત ફરવું પડ્યું હતું. સત્તાવાર સૂત્રોએ માહિતી આપી હતી કે ટેક્નિકલ ખામીના કારણે એર ઈન્ડિયાની મુંબઈ-ન્યૂયોર્ક ફ્લાઈટને મંગળવારે સવારે ઈરાની એરસ્પેસથી પરત ફરવું પડ્યું હતું. ફ્લાઇટ AI-119, ન્યૂયોર્કના JFK એરપોર્ટ માટે જતી હતી, લગભગ 2.20 વાગ્યે ઉપડી અને થોડા કલાકો પછી પાછી આવી.
સૂત્રોએ જણાવ્યું હતું કે વિમાનમાં કેટલીક તકનીકી સમસ્યાઓ હતી અને મુસાફરો અને ક્રૂની સલામતીના હિતમાં સાવચેતીપૂર્વક તપાસ કરવા માટે તેને મુંબઈ પરત ઉડાડવાનો નિર્ણય લેવામાં આવ્યો હતો.
એરક્રાફ્ટ આજે સવારે છત્રપતિ શિવાજી મહારાજ ઈન્ટરનેશનલ એરપોર્ટ (CSMIA) પર સુરક્ષિત રીતે ઉતર્યું હતું અને તેને ટેકનિકલ તપાસ માટે મોકલવામાં આવ્યું હતું, જ્યારે AI અધિકારીઓએ તમામ મુસાફરોની સંભાળ રાખવાની વ્યવસ્થા કરી હતી.
સૂત્રોએ જણાવ્યું હતું કે ફસાયેલા મુસાફરોને ઝડપથી બહાર કાઢવા માટે વૈકલ્પિક ફ્લાઇટની વ્યવસ્થા કરવામાં આવી રહી છે, સાથે તેમને હોટલમાં રહેવાની સગવડ, ફ્લાઇટના વિકલ્પો, કેબ્સ, ભોજન વગેરેની વ્યવસ્થા કરવામાં આવી રહી છે.
