Connect with us

ફૂડ

ઉપવાસમાં ખાઈ શકાય તેવા ફરાળી ગુલાબ જાંબુ બનાવો ઘરે,જાણો ફરાળી ગુલાબ જાંબુની એકદમ ઇઝી રેસિપી

Published

on

અત્યારે શ્રાવણ મહિનાના ઉપવાસ ચાલી રહ્યા છે ત્યારે ભગવાનને ધરાવવા માટે પણ આપણે અલગ- અલગ મિઠાઇ બનાવતા હોઇએ છે, તેની સાથે જ વ્રતમાં ઘણી બધી વસ્તુઓ ખાવાની ના હોય છે ત્યારે મનપસંદ મિઠાઈ ખાવાનું મન થતુ હોય છે. અને એમા પણ ગુલાબ જાંબુ એક મિઠાઈ છે જે સૌવની પ્રિય છે.

ત્યારે ઉપવાસમાં તો આપણે ગુલાબ જાંબુ ખાઇ નથી શક્તા પણ જો ફરાળી ગુલાબ જાંબુ મળી જાય તો તેની વાત જ અલગ હોય છે, ત્યારે બનાવીએ ઉપવાસમાં ખાઇ શકાય તેવા ફરાળી ગુલાબ જાંબુ

    સામગ્રી

  • 250 ગ્રામ માવો
  • 4 ટેબલસ્પૂન સિંધાડાનો લોટ
  • 5-6 કાજૂ
  • 1/2 ટીસ્પૂન એલચી પાઉડર
  • તળવા માટે ઘી
  • 1/4 ટીસ્પૂન બેકિંગ પાઉડર
  • જરૂર મુજબ પાણી
  • 1 ટીસ્પૂન ખાંડ પાઉડર

બનાવવાની રીત

ફરાળી ગુલાબ જાંબુ બનાવવા માટે સૌથી પહેલા અમે ચાશની બનાવશું .તેના માટે એક વાસણમાં ખાંડ અને સવા 1 કપ પાણી નાખી મધ્યમ તાપ પર મૂકવું.10-12 મિનિટમાં ચાશની થઈ જશે. ત્યારે તેમાં એલચી પાઉડર નાખી મિક્સ કરી દો. અને તાપથી ઉતારી લો. ચાશની પરફેક્ટ બની છે કે નહી તપાસવા માટે એક ટીંપા લઈને આંગળી અને અંગૂઠાની વચ્ચે ચોંટાડીને જુઓ જો જાડું તાર બની રહ્યું છે તો સમજી લો કે ચાશની બની ગઈ છે. જો નહી તો થોડીવાર વધુ થવા દો.

 

હવે એક પેનમાં માવા નાખી 2-3 મિનિટ હલાવતા તેને નરમ કરી લો. તાપથી ઉતારીને ઠંડા કરી લો પછી તેમાં સિંઘાડાનો લોટ અને બેકિંગ પાઉડર મિક્સ કરી લો. તેમાં માવાના ગઠ્ઠાં બિલકુલ ન રહેવા જોઈએ,એ વાતનું ખાસ ધ્યાન રાખજો હવે તે મિશ્રણના મધ્યમ આકારના ગોળા બનાવી દરેક ગોળાના વચ્ચે એક કિશમિશ દબાવી તેને ફરી ગોળ બનાવી લો. કઢાઈમાં ઘીને સારી રીતે ગરમ કરો. પછી ગેસ ધીમો કરી તેમાં ગુલાબજાંબુ તળી લો.ગુલાબજાંબુને હંમેશા ઘીમાં તાપે તળવા જોઈએ નહિ તો તે ઉપરથી કાળા અને અંદરથી કાચાં રહી જશે. ગુલાબ જાંબુને હવે ચાશનીમાં નાખી દો. તૈયાર છે તમારી ફરાળી ગુલાબ જાંબુ.

Continue Reading
Advertisement
Click to comment

Leave a Reply

Your email address will not be published. Required fields are marked *

ફૂડ

શ્રાવણ મહિનામાં ઘરે બનાવો ટેસ્ટી ફરાળી દહીંવડા,જાણો ફરાળી દહીંવડા બનાવવાની એકદમ ઇઝી રેસિપી

Published

on

હાલ શ્રાવણ મહિનો ચાલી રહ્યો છે અને તેની સાથે તહેવારોની મોસમ પણ ચાલી રહી છે ત્યારે આપણને નવી નવી ફરાળી વાનગીઓ ખાવાનું પણ ખૂબ મન થતુ હોય છે.તો દહીંવડાએ મોટાભાગે સૌવના પ્રિય હોય છે.ત્યારે શ્રાવણ મહિનામાં આપણે બનાવીએ ફરાળી દહીવડા તો જાણીએ ફરાળી દહીંવડાની રેસિપી

 

     સામગ્રી

  • 100 ગ્રામ મોરૈયો
  • 3 ચમચી શિંગોડાનો લોટ
  • મીઠું સ્વાદાનુસાર
  • ગ્રીન ચટણી
  • ખજુર-આંબલીની ચટણી
  • મસાલાવાળું દહીં

બનાવવાની રીત

સૌપ્રથમ મોરૈયાને બાફી લો. ત્યાર બાદ તેમાં શિંગોડાનો લોટ ઉમેરી બરાબર મિક્ષ કરી લો. હવે તેના ગોળા વાળવા. તેલમાં ચમચાથી લઇ તળી લેવા. પ્લેટમાં ઠંડા કરવા. પછી સહેજ દબાવવા. પછી તેમાં ગ્રીન ચટણી નાખવી.

તેના પર ખજુર-આંબલીની ચટણી નાખવી. પછી તેમાં મસાલા દહીં નાખવું. કોથમીર નાખી સર્વ કરવું .

Continue Reading

ફૂડ

જન્માષ્ટમીના તહેવાર પર બનાવો પંજરી,જાણો પંજરી બનાવવાની એકદમ ઇઝી રેસિપી

Published

on

જન્માષ્ટમીના પ્રસંગે જો પંજરી ના બનાવીએ તો જન્માષ્ટમી અધુરી લાગે,ત્યારે અત્યારે કોરોના મહામારીમાં આપણે બહારથી કોઇ વસ્તુ મંગાવી શકતા નથી ત્યારે આવા સમયે આપણે ઘરે જ વસ્તુઓ બનાવવી ખૂબ જરૂરી છે, ત્યારે ચાલો આપણે જોઇએ કે ઘરે જ એકદમ ઇઝી રીતે પંજરી કેવી રીતે બને છે.

   સામગ્રી

  • સૂકા ધાણાનો પાવડર -100 ગ્રામ
  • માવો – 50 ગ્રામ
  • બુરુ ખાંડ – 50 ગ્રામ
  • કોપરાનું છીણ -100 ગ્રામ
  • ઇલાયચી પાવડર – 4-5 ટેબલ સ્પૂન
  • સૂકો મેવો – 50 ગ્રામ

બનાવવાની રીત

સૌ પ્રથમ માવાને મસળી ધીમા તાપ પર થોડો શેકી લો. હવે તેમાં ધાણા પાવડર નાખો અને બે-પાંચ મિનિટ શેકી લો. મિશ્રણ થોડુ ઠંડુ કરી તેમાં કોપરુ અને બુરુ ખાંડ નાખી મિક્સ કરી લો. હવે તેમાં વાટેલી ઈલાયચી અને તેમા સુકામેવા, મખાના, કિશમિશ મિક્સ કરો. પંજરીને સારી રીતે ભેળવો.મિશ્રણને એકસાર કરી લો. તો તૈયાર છે પંજરી.

Continue Reading

ફૂડ

જન્માષ્ટમીના તહેવાર પર ઘરે બનાવો મથુરાના પેંડા, જાણો મથુરાના પેંડા બનાવવાની એકદમ ઇઝી રેસિપી

Published

on

શ્રાવણ મહિનો એટલે તહેવારોની મોસમ, શ્રાવણ મહિનાની શરુઆત સાથે જ તહેવારો શુરૂ થઇ જાય છે, ત્યારે આ વખત કોરોના કાળમાં આપણે તહેવારોમાં બહારથી મીઠાઇ લાવવાનું પસંદ કરતા નથી.

 

જન્માષ્ઢમી આવી રહી છે ત્યારે જન્માષ્ઢી પર ભગવાન શ્રીકુષ્ણને પ્રિય એવા મથુરાના પેંડા ઘરે બનવો,જાણો મથુરાના પેંડા બનાવવાની એકદમ ઇસી રેસિપી

   સામગ્રી

  • 250 ગ્રામ -માવો
  • 200 ગ્રામ – બૂરુંખાડ
  • 2થી 3 ટેબલ સ્પૂન-ઘી
  • 1 ટી સ્પૂન -એલચીનો ભૂકો

બનાવવાની રીત

કોઇ એક મોટી કઢાઈમાં માવો નાંખી માવો શેકો. માવો શેકતી વખતે ધ્યાન રાખો કે તે કઢાઈમાં ચોંટે નહીં. જ્યારે માવાનો રંગ બદલાવા લાગે ત્યારે તેમાં થોડું દૂધ કે ઘી નાંખો અને ત્યાં સુધી શેકો જ્યાંસુધી તે બ્રાઉન રંગ ન થાય. જ્યારે ગોલ્ડન બ્રાઉન થાય તો તેમાં 2 ચમચી ઘી નાંખો અને ફરી શેકો.

હવે માવો ઠંડો થવા દો. તે સંપૂર્ણપણે ઠંડો થઇ જાય એટલે તેમાં 200 ગ્રામ બૂરુ ખાંડ સારી રીતે મિક્સ કરો, ખાંડેલી ઇલાયચી પણ આ મિશ્રણમાં નાંખી દો.

વધેલી 100 ગ્રામ બૂરુ ખાંડને એક પ્લેટમાં નાંખો. હવે પેંડાનું જે મિશ્રણ તૈયાર કર્યું છે તેના ઇચ્છો તે માપના અને આકારના પેંડા વાળો હવે આવા દરેક પેંડાને પ્લેટમાં નાંખેલી બૂરુ ખાંડમાં રગડો જેમ-જેમ આ રીતે પેંડા તૈયાર થતા જાય તેમ-તેમ તેને અલગ પ્લેટમાં કે ડબ્બામાં કાઢતા જાઓ.તૈયાર છે તમારા મથુરાના પેંડા.

તમે તેનો સ્વાદ માણી શકો છો. વધેલા પેંડાને 2-3 કલાક માટે ખુલ્લી હવામાં રાખો. તે થોડા ડ્રાય થઇ જાય એટલે તેને ડબ્બામાં ભરી લો. ઇચ્છો ત્યારે તે ખાઇ શકો છો. જો માવો સારી રીતે સાંતળવામાં આવ્યો હોય તો તમે આ પેંડા મહિના સુધી રાખી શકો છો.

Continue Reading
Advertisement
Advertisement

Trending