Connect with us

ગુજરાત

મહારાષ્ટ્ર-ગુજરાત સરહદ પર ટાઇફોઇડની અસર, 10થી 12 ગામમાં ટાઈફોઈડની અસર

Published

on

દેશમાં કોરોના વાયરસના નવા કેસમાં ભયજનક ઉછાળો નોંધાયો છે સતત વધી રહેલા કેસોએ લોકોની ચિંતા વધારી દીધી છે. સ્થિતિ એ થઈ ગઈ છે કે દેશમાં દરરોજ એક લાખથી વધુ નવા કેસ સામે આવી રહ્યાં છે તેવામાં છેલ્લા કેટલાક દિવસોથી બે લાખથી વધુ કેસ નોંધાઈ રહ્યાં છે. ત્યારે ગુજરાત -મહારાષ્ટ્ર બોર્ડર પરના 10થી 12 ગામમાં ટાઈફોઈડે અસર જોવા મળી રહી છે.

જેના કારણે મુશ્કેલીઓમાં વધારો થઈ રહ્યો છે. છેલ્લા 15 દિવસમાં લગભગ 900 લોકો ટાઈફોઈડના શિકાર બની ચૂક્યા છે. કોરોના વચ્ચે આ રોગ ફાટી નીકળતાં લોકોને પરેશાન કર્યા છે. ત્યારે ગુજરાતના સાયલા, મોગરાણી, ટાકલી, ભીલભવાલી, નાસેરપુર અને મહારાષ્ટ્રના પીપલોદ, ભવાલી, વિરપુર, લોય સહિતના ગામમાં ટાઈફોઈડની અસર જોવા મળી છે.

અહીં સતત ટાઈફોઈડના કેસમાં અચાનક ઉછાળો જોવા મળી રહ્યો છે. આવી સ્થિતિમાં, ધનોરા જેવા પ્રાથમિક આરોગ્ય કેન્દ્રમાં આવતા દર્દીઓની સારવાર ખુલ્લામાં અને તંબુમાં કરવી પડે છે.

Continue Reading
Advertisement
Click to comment

Leave a Reply

Your email address will not be published. Required fields are marked *

કોરોના

દેશમાં લોકડાઉન લાગ્યું તો નુકસાન થશે: BofA Securities

Published

on

દેશમાં કોરોનાનું સંક્રમણ સતત વધી રહ્યું છે. સંક્રમિતોનો આંકડો લાખને પાર થઇ ગયો છે. આ સ્થિતિમાં દેશમાં લોકડાઉનને લઈને અમેરિકાની બ્રોકરેજ કંપની બોફા સિક્યુરિટિઝએ ગતરોજ સાવધ કરતા કહ્યું કે ભારતમાં જો એક મહિનાનું લોકડાઉન લાગે તો જીડીપીમાં 2 ટકા સુધીનો ઘટાડો થઈ શકે છે.

બોફા સિક્યુરિટિઝના એનાલિસ્ટ્સે પોતાના એક રિપોર્ટમાં આ જણાવ્યું હતું.અમેરિકાની બ્રોકરેજ કંપની બોફા સિક્યુરિટિઝએ આશા વ્યક્ત કરી છે કે કોરોના મહામારીને ફેલાતી રોકવા માટે સ્થાનિક સ્તર પર જ લોકડાઉન લગાવવામાં આવશે. બોફા સિક્યુરિટિઝના એનાલિસ્ટ્સે પોતાના રિપોર્ટમાં કહ્યું કે એક મહિના પહેલા કોરોનાના 35000 કેસ હતા જે હવે સાત ગણા વધીને દૈનિક 2.61 લાખથી વધુ થઈ ગયા છે.

હાઈ ઈકોનોમિક કોસ્ટને જોતા અનુમાન છે કે કેન્દ્ર અને રાજ્ય સરકારો કોવિડ-19ની ગાઈડલાઈન્સ સંબધિત નિયમો જેમ કે માસ્ક પહેરવું, સોશિયલ ડિસ્ટન્સિંગનવું પાલન કરવું વગેરેને કડકાઈથી લાગુ કરીને, નાઈટ કર્ફ્યૂ, અને સ્થાનિક સ્તર પર લોકડાઉન દ્વારા તેના પર અંકુશ લગાવવાનો પ્રયત્ન કરશે.

Continue Reading

કોરોના

ખાનગી હોસ્પિટલોમાં સારવાર લઈ શકશે ગરીબ દર્દીઓ કેવી રીતે જાણો

Published

on

કોરોનાની મા કાર્ડ તથા આયુષ્માન કાર્ડ ધરાવતા ગરીબ દર્દીઓ ખાનગી હોસ્પિટલમાં સારવાર લઈ શકશે. ગુજરાત હાઈકોર્ટની સુઓમોટો પિટિશનની સુનાવણીમાં સરકારે રજૂ કરેલા સોગંધનામામાં આ માહિતી આપી છે. સરકાર દ્વારા લેવાયેલા આ નિર્ણયથી આયુષ્માન ભારત તથા માં વાત્સલ્ય કાર્ડ ધરાવતા કોરોનાગ્રસ્ત ગરીબ દર્દીઓ હવે ખાનગી હોસ્પિટલમાં પણ મફતમાં સારી સારવાર કરાવી શકશે.

આ સાથે સરકારે સોગંદનામામાં જણાવ્યું હતું કે, મ્યુનિસિપલ કમિશનરો તથા રાજ્યભરમાં કલેક્ટરોને જરૂર પડવા પર કોઈ પણ હોસ્પિટલને હસ્તક કરવાની સત્તા આપવામાં આવી છે. વધુમાં હોટલો, હોસ્ટેલો તથા કોમ્યુનિટી હોલને કોવિડ કેર સેન્ટર્સમાં બદલવામાં આવી રહ્યા છે જેથી અસિમ્પ્ટોમેટિક અને હળવા લક્ષણોવાળા દર્દીઓને ત્યાં રાખી શકાય.

ઉલ્લેખનીય છે કે કોરોનાના વધી રહેલા કેસો મામલે હાઈકોર્ટ સરકારની કામગીરીથી નારાજ છે. આ અંગે સુઓમોટો નોંધ લેતાં હાઈકોર્ટએ નવેસરથી જાહેરહિતની અરજી નોંધીને 12 એપ્રિલથી સુનાવણી હાથ ધરી છે.

હાઈકોર્ટની સુઓમોટો પિટિશનમાં સરકારે 15 એપ્રિલે આપેલા સોગંદનામામાં જણાવ્યું હતું કે, માં વાત્સલ્ય કાર્ડ અને આયુષ્યમાન ભારત કાર્ડમાં કોરોના સારવારનો સમાવેશ કરાયો છે.

Continue Reading

કોરોના

ભારતીય રેલ્વે રાજ્યોમાં ઓક્સિજન વહન માટે વિશેષ ઓક્સિજન એક્સપ્રેસ ટ્રેન દોડાવશે

Published

on

સમગ્ર દેશમાં કોરોનાનો કહેર જોવા મળી રહ્યો છે ત્યારે કોરોનાના દર્દીને ઉપચારમાં ઓક્સિજનની ઉપલબ્ધતા મહત્વપૂર્ણ બની રહે છે. તેવામાં હાલ દેશના વિવિધ રાજ્યોમાં ઓક્સીજનનો જથ્થો ખૂટી રહ્યો છે. ત્યારે હવે દેશમાં ઓક્સીજનની આપૂર્તિ ઝડપી પરીવહન માટે રેલ્વે વિભાગ સજ્જ બન્યું છે.

ઓક્સિજનના ઝડપી પરીવહન માટે રેલ્વે દેશભરમાં વિશેષ ઓક્સીજન એક્સપ્રેસ ટ્રેનો દોડાવશે. જેમાં ભારતીય રેલ્વેએ મુખ્ય કોરિડોરમાં લીક્વીડ મેડીકલ ઓક્સીજન અને ઓક્સિજન સિલિન્ડરોના પરિવહન માટેની સંપૂર્ણ તૈયારી કરી લીધી છે. ભારતીય રેલ્વે રાજ્યોમાં ઓક્સિજન વહન માટે વિશેષ ઓક્સિજન એક્સપ્રેસ ટ્રેન દોડાવશે. રેલ્વેના આ નિર્ણયથી દેશના વિવિધ રાજ્યોમાં ઉભી થયેલી ઓક્સીજનની અછતને નિવારી શકાશે.


રેલ્વે મંત્રાલયના જણાવ્યા મુજબ, આ ટ્રેનોમાટે ગ્રીન કોરીડોર બનાવાયો છે. રેલ્વે વિભાગ આ કોરીડોર પર લીકવીડ મેડીકલ ઓક્સિજન તથા ઓક્સિજન સીલીન્ડરના પરીવહન માટે સજ્જ છે. રેલ્વે અધિકારીઓ, પરિવહન કમિશ્નરો તથાઆ ઉદ્યોગ સાથે સંકળાયેલા પ્રતિનિધિઓ વચ્ચે બેઠક યોજાઇ હતી જેમાં આ અંગેની કાર્ય યોજના ઘડવામાં આવી હતી. રેલ્વેપ્રધાન પિયુષ ગોયલે જણાવ્યું કે, કોવિડ સામેની લડતમાં રેલ્વે વિભાગ કોઇ કસર છોડશે નહીં.

Continue Reading


Advertisement

Trending

Copyright © 2018 - 2021 Gujju Media.