Connect with us

કોરોના

કોરોના વાયરસના કારણે રાજ્યમાં ટુરિઝમ ઉદ્યોગને પડ્યો કરોડોનો ફટકો,ટ્રાવેલ્સ એજન્સી-હોટેલો બંધ અવસ્થામાં

Published

on

ઘાતક કોરોના વાયરસની મહામારીને પગલે ગુજરાતીઓ ઘરમાં કેદ થયાં છે જેના કારણે ગુજરાતમાં ટુરિઝમ ઉદ્યોગને વધુ અસર થઇ છે. કોરોનાને લીધે લોકોએ હરવાફરવાના સ્થળોએ જવાનુ ટાળ્યુ છે પરિણામે રાજ્યમાં ટુર ટ્રાવેલ્સ એજન્સીઓ જ નહીં પણ હોટલો ય જાણે બંધ અવસ્થામાં પડી છે, લોકડાઉન બાદ ગુજરાતમાં મૃતપ્રાય અવસ્થામાં મૂકાયેલાં ટુરિઝમ ઉદ્યોગને રૂા.700 કરોડનું નુકશાન થયા હોવાનો અંદાજ છે.

એટલું જ નહીં , ટુરિઝમ ઉદ્યોગની એવી દશા થઇ છેકે, ટ્રાવેલ્સ એજન્સી, હોટલ ઉપરાંત ટ્રાન્સપોર્ટમાંથી કુલ મળીને 3 લાખ લોકોએ નોકરી ગુમાવવાનો વારો આવ્યો છે.એક અંદાજ મુજબ ગુજરાતમાંથી વર્ષે દહાડે 15-20 લાખ ગુજરાતીઓ આંતર રાજ્ય અને અન્ય દેશોમાં ફરવા જાય છે. ખાસ કરીને શિયાળુ અને ઉનાળુ વેકેશનમાં ગુજરાતીઓ વિવિધ ટુરપેકેજ થકી પ્રવાસે જાય છે.

ગુજરાતમાં આજે 10 હજાર કરતાં વધુ ટ્રાવેલ્સ એજન્ટો છે. કોરોનાને લીધે લોકોમાં એવો ડરનો માહોલ પ્રવર્તી રહ્યો છે કે,પ્રવાસ તો ઠીક, લોકો ઘરની બહાર નીકળતાં ય ડર અનુભવી રહ્યાં છે. આ ઉપરાંત હજુય મોટાભાગની રાજ્ય સરકારોએ પ્રવાસન સૃથળોએ જવાની છુટ આપી નથી. લોકડાઉન બાદ આ પરિસ્થિતીને પગલે ગુજરાતમાં ટુર ટ્રાવેલ્સ એજન્સીઓની એવી દશા છે કે,કર્મચારીઓને પગાર આપવાના ફાફાં છે.કેટલીય ટુર ટ્રાવેલ્સ એજન્સીઓએ તો કર્મચારીઓને છુટા કરી દીધા છે.

ટ્રાવેલ એજન્ટ એસોસિએશન ઓફ ઇન્ડિયા,ગુજરાત ચેપ્ટરના પ્રમુખ વિરેન્દ્ર શાહનું કહેવુ છેકે, સપ્ટેમ્બર પછી ટુરિઝમ ઉદ્યોગ શરૂ થાય તેવા અણસાર છે.હજુ બે મહિના સુધી રાહ જોવી પડશે. એટલું ચોક્કસ છેકે, બધુ રાબેતા મુજબ થશે ત્યારે ટુરિઝમને વેગ મળશે કેમકે, લોકડાઉન બાદ લોકો એટલી હદે કંટાળ્યાં છે અને માનસિક રીતે ભાંગી પડયાં છે કે, લોકો ચોક્ક્સ પરિવાર સાથે ફરવા જશે તેવુ અત્યારે લાગી રહ્યુ છે. કેન્દ્ર અને રાજ્ય સરકારે પણ બધાય સેકટર માટે રાહત પેકેજ જાહેર કર્યા પણ ટુરિઝમ ઉદ્યોગ પ્રત્યે ઝાઝુ ધ્યાન અપાયુ નથી.

ટ્રાવેલ એજન્ટ ફેડરેશન ઓફ ઇન્ડિયાના ગુજરાત ચેપ્ટરના પ્રમુખ જીગર દુદકિયા કહે છેકે, ટુરિઝમ ઉદ્યોગને રિસ્ક ફેક્ટરમાં મુકાયુ છે જેના કારણે બેંકો લોન સુદ્ધા આપતી નથી. લોકડાઉન બાદ ટુર ઓપરેટરોની એવી સ્થિતી છેકે, જયારે બિઝનેસ જ ન હોય તો કર્મચારીને પગાર કેવી રીતે કરવો. ઓફિસના ભાડાં, પગાર, લાઇટબિલ સહિત મેઇન્ટેન્સ કયાંથી લાવવો. હજુ સપ્ટેમ્બર-ઓક્ટોબર સુધી ટુરિઝમ ધમધમે તેવી આશા છે. અત્યારે તો ટુરિઝમ સેક્ટર બંધ અવસ્થામાં પડયુ છે.


લોકડાઉન પછી અત્યાર સુધી ઘરમાં પુરાયેલાં ગુજરાતીઓ હવે કંટાળ્યાં છે જેથી કોરોનાની સતકર્તા સાથે પરિવાર સાથે વન ડે ટ્રીપ કરતાં થયાં છે. સાપુતારા,પોળો અને નળ સરોવર જેવા સૃથળો પરિવાર સાથે સવારે જઇને સાંજે પિકનીક કરવાનો ટ્રેન્ડ વધ્યો છે જેના કારણે આવા પ્રવાસન સૃથળોેએ લોકોની અવર જવર વધી છે. અત્યારે ચારેકોર કોરોનાનો શબ્દ સંભળાઇ રહ્યો છે ત્યારે લોકો માનસિક શાંતિ મેળવવા પિકનીક સ્થળોએ પરિવાર સાથે દિવસ ગાળી રિલેક્સ થઇ રહ્યાં છે.

Continue Reading
Advertisement
Click to comment

Leave a Reply

Your email address will not be published. Required fields are marked *

કોરોના

મહિલા ખાઈ રહી છે ફાયરબોલ્સ: આઈપીએસ બોલ્યા કોરોનાથી બચવાનો છેલ્લો ઉપાય

Published

on

સોશ્યલ મીડિયા પર એક વીડિયો ખૂબ જ ઝડપથી વાયરલ થઈ રહ્યો છે, જેમાં એક મહિલા ખુરશી પર બેઠેલી છે અને તેણે પ્લેટમાં કંઈક એવું રાખ્યું છે, જે અગ્નિના ગોળા જેવું લાગે છે. વિડિઓમાં, તમે જોશો કે સ્ત્રી ચમચી વડે એક પછી એક આ ફાયરબોલ્સ ખાઈ રહી છે.

કોરોનાએ દેશભરમાં હાહાકાર મચાવ્યો છે. દરેક જગ્યાએ લોકો કોરોના સામે સાથે સંઘર્ષ કરી રહ્યા છે. હોસ્પિટલોમાં દર્દીઓને ન તો બેડ મળી રહ્યા છે તો કેટલીક જગ્યાએ ઓક્સિજનને લઇને સમસ્યા આવી રહી છે. આવી સ્થિતિમાં, કોરોના પોઝિટિવ આવતા લોકો ઘરે રહીને પોતાને ઇલાજ કરવાનો પ્રયાસ કરી રહ્યા છે. અને જે લોકો કોરોનાનાં લક્ષણો બતાવી રહ્યાં છે તે તરત જ ઘરેલું ઉપચાર શરૂ કરી રહ્યા છે.

તેવામાં સોશિયલ મીડિયા પર એક વીડિયો ખૂબ જ ઝડપથી વાયરલ થઈ રહ્યો છે, જેમાં એક મહિલા ખુરશી પર બેઠેલી છે અને તે ચમચી વડે એક પછી એક આ ફાયરબોલ્સ ખાય છે. આ વીડિયો આઈપીએસ અધિકારી રૂપીન શર્માએ સોશિયલ મીડિયા પર શેર કર્યો છે. વીડિયોની સાથે તેમણે કેપ્શનમાં લખ્યું છે, ‘સ્ટીમ લીધા પછી, મીઠાના પાણીથી કોગળા કર્યા પછી, હળદરનું દૂધ પીધા પછી, રોજ ગરમ પાણી પીધા પછી, આ છેલ્લો ઉપાય બાકી છે. કોરોના જીવતો ભસ્મ થઇ જશે.’. સાથે જ તેમણે એમ પણ લખ્યું છે કે તમે લોકોએ આ કરવાનો પ્રયાસ ન કરવો જોઈએ, ફક્ત વેક્સિન લો.

Continue Reading

કોરોના

સીઆઈએસસીઈ બોર્ડે ધોરણ 10ની બોર્ડ પરીક્ષાઓ રદ કરી

Published

on

કોરોનાના સંક્રમણના વધતા જતા કેસોને ધ્યાનમાં રાખીને કાઉન્સીલ ફોર ધ ઇન્ડિયન સ્કૂલ સર્ટિફિકેટ એક્ઝામિનેશન એ ધોરણ 10 બોર્ડની પરીક્ષાઓ રદ કરી દીધી છે. આઈસીએસઈ બોર્ડે કહ્યુ છે કે 12માંની પરીક્ષા પર નિર્ણય જૂન, 2021માં લેવામાં આવશે. આ અગાઉ બોર્ડના નોટિફિકેશનમાં ધોરણ 10ના વિદ્યાર્થીઓ માટે પરીક્ષા વૈકલ્પિક રાખવામાં આવી હતી.

ધોરણ 10ના જે વિદ્યાર્થીઓ પરીક્ષામાં બેસી શકવા નથી માગતા, બોર્ડ તેમના માટે વિશેષ મૂલ્યાંકન પદ્ધતિથી પરિણામ તૈયાર કરશે. તો વળી જે વિદ્યાર્થીઓ પરીક્ષા આપવા માગે છે, તે ધોરણ 12ના વિદ્યાર્થીઓ સાથે પરીક્ષામાં ભાગ લઈ શકશે. સીઆઈએસસીઇ બોર્ડે કહ્યું હતું કે વર્ગ 12 ની પરીક્ષાઓ ઓફલાઇન પછીથી લેવામાં આવશે. આ માટે જૂનની તારીખમાં જાહેરાત કરી શકાય છે.

સીઆઈએસસીઇ બોર્ડની 10 મી પરીક્ષા 04 મેથી શરૂ થવાની હતી. છેલ્લુ પેપર 07 જૂને યોજાવાનું હતું. જ્યારે 12 માંની પરીક્ષા 8 એપ્રિલથી ચાલુ થવાની હતી અને 18 જૂનના રોજ તેનું સમાપન થવાનું હતું. સીઆઈએસસીઇ બે બોર્ડથી બનેલુ છે. આ અંતર્ગત આઈસીએસઇ બોર્ડ દ્વારા દસમું અને આઈએસસી બોર્ડ હેઠળ 12 માની પરીક્ષા લેવામાં આવે છે.

Continue Reading

કોરોના

દેશમાં લોકડાઉન લાગ્યું તો નુકસાન થશે: BofA Securities

Published

on

દેશમાં કોરોનાનું સંક્રમણ સતત વધી રહ્યું છે. સંક્રમિતોનો આંકડો લાખને પાર થઇ ગયો છે. આ સ્થિતિમાં દેશમાં લોકડાઉનને લઈને અમેરિકાની બ્રોકરેજ કંપની બોફા સિક્યુરિટિઝએ ગતરોજ સાવધ કરતા કહ્યું કે ભારતમાં જો એક મહિનાનું લોકડાઉન લાગે તો જીડીપીમાં 2 ટકા સુધીનો ઘટાડો થઈ શકે છે.

બોફા સિક્યુરિટિઝના એનાલિસ્ટ્સે પોતાના એક રિપોર્ટમાં આ જણાવ્યું હતું.અમેરિકાની બ્રોકરેજ કંપની બોફા સિક્યુરિટિઝએ આશા વ્યક્ત કરી છે કે કોરોના મહામારીને ફેલાતી રોકવા માટે સ્થાનિક સ્તર પર જ લોકડાઉન લગાવવામાં આવશે. બોફા સિક્યુરિટિઝના એનાલિસ્ટ્સે પોતાના રિપોર્ટમાં કહ્યું કે એક મહિના પહેલા કોરોનાના 35000 કેસ હતા જે હવે સાત ગણા વધીને દૈનિક 2.61 લાખથી વધુ થઈ ગયા છે.

હાઈ ઈકોનોમિક કોસ્ટને જોતા અનુમાન છે કે કેન્દ્ર અને રાજ્ય સરકારો કોવિડ-19ની ગાઈડલાઈન્સ સંબધિત નિયમો જેમ કે માસ્ક પહેરવું, સોશિયલ ડિસ્ટન્સિંગનવું પાલન કરવું વગેરેને કડકાઈથી લાગુ કરીને, નાઈટ કર્ફ્યૂ, અને સ્થાનિક સ્તર પર લોકડાઉન દ્વારા તેના પર અંકુશ લગાવવાનો પ્રયત્ન કરશે.

Continue Reading
Advertisement
Advertisement

Trending