હમણાં જ આપણાં દેશના પ્રધાનમંત્રી આપણાં ગુજરાતની મુલાકાતએ આવ્યા હતા. આ દરમિયાન આપણાં ગુજરાતીઓએ તેમનું ખૂબ ભવ્ય સ્વાગત કર્યું હતું. લોકો ઘણા સમયથી તેમની રાહ જોઈ રહ્યા હતા. જે પણ વ્યક્તિને જયા પણ જગ્યા મળી ત્યાંથી તેમણે પ્રધાનમંત્રીની એક ઝલક જોવા માટે ઊભા રહી ગયા હતા.

ઘણા ઉત્સાહથી લોકો તેમના સ્વાગતમાં જોડાયા હતા. આ બધા લોકોમાં એક વ્યક્તિ હતો કે જેણે પોતાની છાતી પર નરેન્દ્ર મોદી સાહેબનું ટેટૂ બનાવ્યું હતું. અમુક તો પોતાના આખા શરીરને ભગવા રંગમાં રંગીને લાવ્યા હતા. તો સામે આપણાં પ્રધાનમંત્રી નરેન્દ્ર મોદીએ પણ આપણાં ગુજરતીઓને નિરાશ થવા દીધા નથી. તેમણે બધાનું જ ખૂબ સારી રીતે અભિવાદન કર્યું હતું. તેમણે લગભગ 3400 કરોડ રૂપિયાની અલગ અલગ યોજનાઓની ગિફ્ટ ગુજરાતીઓને આપી છે.

ચાલો તમને હવે બતાવીએ નરેન્દ્ર મોદીના ગુજરાત વિઝિટના કેટલાક ખાસ ફોટો. જેમાં તમે ગુજરાતીઓનો અનોખો ઉત્સાહ જોઈ શકશો.

1. પ્રધાનમંત્રીના ગુજરાત મુલાકાત દરમિયાનના રોડ શૉમાં ઘણા ગુજરાતીઓની સારી એવી ભીડ જોવા મળી હતી.

2. પ્રધાનમંત્રીના રોડ શો દરમિયાન તેમણે સુરતના લોકોના ખૂબ વખાણ કર્યા હતા એ વિડીયો તમે પણ જોયો જ હશે પણ તમને જણાવી દઉં કે તેમણે કહ્યું હતું કે સુરતના લોકો ખૂબ મહેનતુ હોય છે.

3. આ દિવસે પ્રધાનમંત્રી નરેન્દ્ર મોદીએ લગભગ 3400 કરોડની અનેક વિકાસ યોજનાઓની આધારશીલા રાખી હતી.

4. તેમણે સુરત શહેર વિષે જણાવ્યું હતું કે આ શહેરના લોકો મહેનતને જશ અપએ છે. આપણાં દેશનું એકપણ એવું રાજ્ય નહીં હોય કે જેના લોકો સુરતમાં આવીને વસ્યા નહીં હોય.

5. પ્રધાનમંત્રી નરેન્દ્ર મોદીએ સુરતના લોકો માટે વધુ જણાવ્યું હતું કે સુરતના લોકો એકતા અને જનભાગીદારી માટેનું ખૂબ સારું ઉદાહરણ છે.

6. તેમણે જણાવ્યું કે આ સદીની શરૂઆતમાં જ્યારે વિશ્વમાં 3 Pની ખૂબ ચર્ચા થતી હતી આ Pમાં પબ્લિક, પ્રાઇવેટ અને પાર્ટનરશીપનો સમાવેશ થતો હતો.

7. મોદીજીએ જણાવ્યું કે તેઓ જાણે છે કે સુરત 4 P માટેનું સૌથી સારું ઉદાહરણ છે. તેમાં પીપલ, પબ્લિક, પ્રાઇવેટ અને પાર્ટનરશીપ શામેલ છે.

8. સુરતના લોકો એ સમય ક્યારેય નહીં ભૂલી શકે કે જ્યારે મહામારીને લીધે મુશ્કેલીઓ આવતી રહી હતી. ત્યારે અફવાઓ પણ ફેલાવવામાં આવી હતી.

9. આ દરમિયાન સુરતમાં શહેરમાં સુરક્ષા પણ ખૂબ સારી હટી. ખૂણે ખૂણે પોલીસ હાજર હતા. સુરતની જનતા પણ પ્રધાનમંત્રી નરેન્દ્ર મોદીના આવવાથી ખૂબ ખુશ થયા હતા.

10. તેમણે જણાવ્યું હતું કે વેપારીઓને મે એક વાત કહી હટી કે જો સુરતમાં કોઈ બ્રાન્ડિંગ કરવામાં આવે છે તો દરેક સેક્ટર, દરેક કંપનીની બ્રાન્ડિંગ એની જાતે જ થઈ જાય છે.

ભારે વરસાદના કારણે અમદાવાદમાં ઠેર-ઠેર પાણી ભરાઇ ગયા છે. સાથે ટ્રાફિક જામના દ્રશ્યો પણ સર્જાયા છે. બીજી બાજુ અમદાવાદમાં ધોધમાર વરસાદના કારણે વાહનચાલકોએ પણ ભારે હાલાકી વેઠવાનો વારો આવ્યો છે. વાત કરીએ શહેરના હેલમેટ સર્કલ વિસ્તારની તો અહીંયા પણ પાણીમાં AMTSની બસ ગરકાવ થયેલી જોવા મળી રહી છે. હેલમેટ સર્કલની આસપાસના વિસ્તારો પણ પાણીમાં ગરકાવ થયેલા જોવા મળી રહ્યાં છે.

અમદાવાદનો પોશ વિસ્તાર એવો સિંધુભવન રોડ પણ પાણીમાં ગરકાવ થઇ ગયો હતો. બોપલ અને ઘુમાને જોડતા માર્ગ પર પણ પાણી-પાણી જ જોવા મળી રહ્યું છે. ભારે વરસાદથી અમદાવાદમાં જ્યાં જોવો ત્યાં માત્રને માત્ર પાણી જ જોવા મળી રહ્યું છે. ઠેર-ઠેર ગાડીઓ ફસાયેલી જોવા મળી રહી છે. ઠેર-ઠેર ઝાડ પડવાની અને રોડ પર ભુવા પડવાની ઘટના બની રહી છે. આમ, એકવાર ફરી વરસાદ આગળ AMCનો પ્રિ-મોનસૂન પ્લાન એકદમ ફલોપ જોવા મળ્યો હતો.

અમદાવાદમાં ગઇકાલે રાત્રે પડેલા ધોધમાર વરસાદે અમદાવાદને બાનમાં લીધુ હોય તેવો માહોલ સર્જાયો છે. અમદાવાદમાં ઠેર-ઠેર પાણી ભરાઇ ગયા છે. અમદાવાદના હેલ્મેટ સર્કલ, આયોજનનગર, સિંધુભવન રોડ અને બોપલ પાણીમાં ગરકાવ થઇ ગયા છે. ભારે વરસાદથી અમદાવાદમાં અફરાતફરીનો માહોલ સર્જાયો છે. ઠેર-ઠેર અવ્યવસ્થા સર્જાઇ છે. હેલ્મેટ સર્કલ પર AMTSની બસ ફસાઇ હતી તો જીવરાજપાર્ક વિસ્તારની આયોજનનગર સોસાયટીમાં તો પાણી ફરી વળ્યા હતા.

અમદાવાદના ભારે વરસાદે તારાજી સર્જતા શહેરના પૂર્વ વિસ્તારમાં સરસપુર વિસ્તાર પાણીમાં ગરકાવ થઇ ગયો છે. ભારે વરસાદના કારણે સરસપુર બેટમાં ફેરવાઇ ગયો છે. વરસાદે વિરામ લીધો પરંતુ પાણી ઓસરવાનું નામ નથી લેતું. આથી તંત્રની કામગીરી પર સવાલ ઉઠી રહ્યાં છે. દર ચોમાસામાં સરસપુર વિસ્તાર પાણીમાં ગરકાવ થઇ જતો હોય છે.

શહેરનો આંબાવાડી વિસ્તાર પણ બેટમાં ફેરવાયો છે. શહેરના હીરાબાગ ક્રોસિંગ નજીકના ઘૂંટણસમા પાણી ભરાઇ જતા લોકોએ હાલાકી વેઠવાનો વારો આવ્યો છે. શહેરના નિકોલ, નરોડા સહિતના પૂર્વ વિસ્તારો પણ જાણે કે બેટમાં ફેરવાઇ ગયા હોય તેવી સ્થિતિ જોવા મળી રહી છે.

નર્મદા જિલ્લામાં પાંચેય તાલુકામાં સાર્વત્રિક વરસાદ નોંધાયો છે, જેમાં સૌથી વધુ કેવડિયા અને સાગબારા ડેડિયાપાડા પંથકમાં વરસાદ નોંધાયો છે. ગત રાતથી જિલ્લાના ડેડિયાપાડા સાગબારા અને કેવડિયામાં ધીમી ધારે વરસાદ સતત પડ્યો છે, જેનાથી ખેડૂતોને ખેતીમાં ફાયદો થયો છે અને ચારેકોર જિલ્લામાં ઠંડક પ્રસરી છે.

કેવડિયા વિસ્તારમાં આજે સવારે 6 વાગ્યા સુધી બેઠ્ઠો વરસાદ વરસતાં આહલાદક વાતાવરણ જોવા મળી રહ્યું છે. સ્ટેચ્યૂ ઓફ યુનિટી પાસે પડેલા વરસાદને લીધે પ્રકૃતિ સોળા કળાએ ખીલી ઊઠી છે, જેના લીધે નર્મદા ડેમ અને સ્ટેચ્યૂ ઓફ યુનિટી પાસે મિની કાશ્મીર જેવાં આહલાદક દૃશ્યો સર્જાયાં છે.

કેવડિયા પંથકમાં સતત વરસાદને પગલે સરદાર સરોવર નર્મદા ડેમની સપાટીમાં વધારો નોંધાયો છે. ઉપરવાસમાંથી 8 હજાર 558 ક્યુસેક પાણી આવક થઇ રહી છે. હાલ નર્મદા ડેમ 114.38 મીટર પર પહોંચી છે. ધીમે ધીમે સપાટીમાં વધારો થઈ રહ્યો છે.

સરદાર સરોવરના CHPHના 2 પાવર હાઉસ ચાલુ કરાયા છે અને વીજ ઉપ્તાદન કરવામાં આવી રહ્યું છે. આ વર્ષે સારા વરસાદને પગલે નર્મદા ડેમ તેની મહત્તમ સપાટી 138.68 મીટરે પહોંચશે અને સરદાર સરોવર છલોછલ ભરાશે એવી શક્યતાઓ નર્મદા નિગમના આધિકારીઓ રાખીને બેઠા છે. હાલ પાણીની આવક થતાં સૌરાષ્ટ્ર કચ્છ સુધી પાણી પહોંચાડવા નર્મદાની મુખ્ય કેનાલમાં 8409 ક્યુસેક પાણી છોડવામાં આવી રહ્યું છે.