દેશભરમાં વધી રહેલા કોરોના વાયરસના સંકટ વચ્ચે CBSE ની પરીક્ષાઓને લઈને ભારત સરકારે મોટો નિર્ણય લીધો છે. CBSE ની ધોરણ 10ની પરીક્ષાઓ કેન્સલ કરવામાં આવી છે. તો સાથે જ ધોરણ 12ની પરીક્ષા મોકૂફ રાખવામાં આવી છે.

મળતી માહિતી મુજબ, CBSEની બોર્ડની પરીક્ષાઓ મુદ્દે પીએમ મોદીએ બુધવારે તાબડતોબ બેઠક બોલાવી હતી જેમાં શિક્ષણમંત્રી સહિત અધિકારીઓ સામેલ થયા હતા. આ બેઠકના અંતે નિર્ણય લેવામાં આવ્યો છે કે ધોરણ 10ની પરીક્ષા લેવામાં આવશે નહીં.

જ્યારે ધોરણ 12 માટે નિર્ણય લેવામાં આવ્યો છે કે પહેલી જૂન બાદ પરિસ્થિતિને જોયા બાદ પરીક્ષા લેવામાં આવશે. દેશમાં કોરોના મહામારીથી પેદા થયેલી હાલની સ્થિતિઓને ધ્યાનમાં રાખીને આ જાહેરાત કરવામાં આવી છે. મહત્વનું છે કે એવુ પ્રથમવાર બન્યુ છે કે જ્યારે સીબીએસઈએ ધોરણ 10ની બોર્ડની પરીક્ષા કેન્સલ કરવી પડી છે.

હવે પ્રશ્ન એ પણ છે કે આવામાં વિદ્યાર્થીઓનું રિઝલ્ટ કેવી રીતે તૈયાર કરવામાં આવશે. બેઠકમાં આ વિષય પર પણ ચર્ચા કરવામાં આવી હતી. આ માટે સીબીએસઈ માપદંડ બનાવશે, તેના આધારે ધોરણ 10નું પરિણામ તૈયાર કરવામાં આવશે.

કેટલાય વર્ષોમાં એકાદ ગીત એવું આવે છે, જેને સાંભળીને તમારા હૈયાના તાર હચમચી ઉઠે, છેલ્લા ઘણાં સમયમાં ગીતો તો ઘણાં આવ્યા પણ જેને સતત સાંભળતા રહેવાનું મન થાય અને દિલમાં એક અલગ જ ભાવ ઉભરાઈ આવે એવા ગીત આંગળીઓના વેઢે ગણાય એટલા છે. પણ હવે આવા ગણ્યા ગાંઠ્યા ગીતોના લિસ્ટમાં એક ગીત વધુ ઉમેરાવા જઈ રહ્યું છે. એ ગીત છે “ઝંખે રમવા રાસ”.

ગીતનું શીર્ષક જ હૃદયમાં એક ઝંખના જન્માવી જાય. દરેક વ્યક્તિના દિલમાં કોઈને કોઈ પ્રિયજનના સાથની ઝંખના હોય છે અને આ ઝંખના આપણા દિલમાં જન્માવી છે “રાધા-કૃષ્ણ”ના પ્રેમે. કૃષ્ણના વિરહમાં કાન્હા સાથે રાસ રમવા ઝંખતી રાધાની વેદનાને શબ્દોમાં બાંધવી ઘણી જ મુશ્કેલ છે તે છતાં પણ “ઝંખે રમવા રાસ” ગીતની અંદર આ ઝંખના તમને સાંભળવા જ નહીં પરંતુ અનુભવવા પણ મળશે.આ હૃદયસ્પર્શી ગીતને સાંભળવાનો વધારે આંનદ એટલા માટે આવે છે કે આ ગીતમાં કર્ણપ્રિય અવાજ બૉલીવુડના ખ્યાતનામ પ્લેબેક સિંગર શ્રીરામ ઐયર અને ગુજરાતની સૌથી લોકપ્રિય ગાયિકા સાંત્વની ત્રિવેદીએ આપ્યો છે.

વળી આ દિવસો પણ નવરાત્રીના ચાલી રહ્યા છે, કોરોનાકાળમાં દરવર્ષની જેમ ગરબા મહોત્સવ નથી ઉજવાઈ રહ્યા પરંતુ ભક્તોના હૈયામાં જે શ્રધ્ધા અને ભક્તિ વસેલી છે તેને કોઈ વાયરસ દૂર કરી શકે એમ નથી.
આવા ભક્તિ અને આસ્થામાં રંગાયેલા આ વાતાવરણમાં ઘણા ગરબા રસિકોના આ વર્ષે પોતાના પ્રિયજન સાથે રાસ રમવાના ઓરતા અધૂરા રહી ગયા હશે. તેમના દિલમાં પણ મન ગમતા વ્યક્તિ સાથે રાસ રમવાની ઝંખના જન્મી હશે. ત્યારે “ઝંખે રમવા રાસ” ગીતના શબ્દો તેમની આ ઝંખનાને બહાર લાવવામાં એક મોટો ભાગ ભજવે છે.

આ ગીતના એક એક શબ્દની અંદર એક અલગ જ દર્દ છલકે છે. એક એવા દર્દનો અનુભવ થાય છે જે તમે જોજનો દૂર છોડીને આવ્યા છતાં તમારા હૈયાના કોઈ ખૂણામાં ઘર કરી ગયું છે. રાધા કૃષ્ણની વાતમાં તમને તમારા પ્રિયજનનો અહેસાસ થાય છે. તમારા પ્રિયજન સાથેનો ઝૂરાપો આ ગીતના શબ્દોમાં અભિવ્યક્ત થાય છે.

વાત કરીએ આ ગીતમાં પોતાનો કંઠ આપનાર શ્રીરામ ઐયરની તો તેમને બૉલીવુડની મણિકર્ણિકા, ઇકબાલ, નો વેન કિલ જેસિકા જેવી ફિલ્મોમાં પ્લેબેક સિંગરની ભૂમિકા ભજવી છે. તો સાંત્વની ત્રિવેદીનો અવાજ તો હાલમાં ગુજરાતના સંગીત રસિયાઓના હૈયામાં ઘર કરી ગયો છે. તેમને પણ ઘણાં ગુજરાતી ગીતો યુટ્યુબ દ્વારા રજૂ કર્યા છે અને તેમના દરેક ગીત ચાહકોને ખૂબ જ પસંદ પણ આવ્યા છે. તો “ઝંખે રમવા રાસ” ગીતમાં શ્રીરામ ઐયર અને સાંત્વની ત્રિવેદીની જુગલબંધી સાંભળવાનો પણ એક મોટો લ્હાવ્યો છે.

જે શબ્દો સાંભળીને તમે મંત્રમુગ્ધ થઈ જાઓ છો એ શબ્દો લખ્યા છે સૌરભ પંડ્યાએ. સાંભળતા જ દિમાગને એક અલગ દુનિયામાં પહોંચાવનારું સંગીત પીરસ્યું છે. તો આ ગીતની અંદર રાધા-કૃષ્ણના નૃત્યમાં જોવા મળી રહ્યા છે રિયાલિટી ડાન્સ શો દ્વારા ખ્યાતિ મેળવનાર પંક્તિ પાઠક અને તમેનો સાથ આપ્યો હર્ષ અડવાણીએ આપ્યો છે.

આ ગીતને સાંત્વની ત્રિવેદીની ઓફિશિયલ યુટ્યુબ ચેનલ ઉપર પ્રસારિત કરવામાં આવ્યું છે અને આ ગીતને દર્શકો દ્વારા ખૂબ સારો પ્રતિસાદ મળી રહ્યો છે.

બોલિવૂડનાં મિસ્ટર ખિલાડી અક્ષય કુમાર (Akshay Kumar) અને બેર ગ્રિલ્સનાં શો Into The Wildમાં એડવેન્ચર્સ જર્ની દર્શાવવામાં આવશે. આ પહેલાં પ્રધાનમંત્રી નરેન્દ્ર મોદી અને સુપરસ્ટાર રજનીકાંત બેર ગ્રેલ્સની સાથે આ જર્ની કરી ચુક્યા છે. હવે અક્ષય કુમાર આ જર્નીમાં બેરની સાથે નજર આવશે. અક્ષય અને બેરની આ જર્ની જોવા માટે ડિસ્કવરી ચેનલનાં દર્શકો આતૂર છે.

હવે આ શોનો નવો પ્રોમો સામે આવ્યો છે. જેમાં બેર ગ્રિલ્સની સાથે અક્ષય કુમાર તેનો દમ દર્શાવે છે. આ શો જોઇને દર્શકો રોમાન્ચ અનુભવશે. પ્રોમોમાં અક્ષય અને બેર ગ્રિલ્સ બંને જંગલની લાઇફમાં મસ્તી કરતાં નજર આવશે.

 

View this post on Instagram

 

A post shared by Akshay Kumar (@akshaykumar) on Aug 30, 2020 at 10:30pm PDT

આ વીડિયોએ અક્ષય કુમારે તેનાં ઇન્સ્ટાગ્રામ પેજ પર શેર કર્યો છે. બેરે અક્ષય કુમારને હાથીનાં ગોબરની ચા પીવડાવી હતી.

પ્રોમોમાં બંને ખતરનાક સ્ટંટ કરતાં નજર આવે છે. અક્ષય અને બેર બંને જંગલમાં એન્ટ્રી કરતાં નજર આવે છે. જે બાદ તેમની એડવેન્ચરિયસ્સ જર્ની શરૂ થયા છે. ક્યારેક નદી ઉપરથી પસાર થતા તો ક્યારેક બ્રિજ પર લટકતા બંને નજર આવે છે. આ શો 11 સ્પટેમ્બરનાં ઓનએર થશે.