હાલ શ્રાવણ મહિનો ચાલી રહ્યો છે અને તેની સાથે તહેવારોની મોસમ પણ ચાલી રહી છે ત્યારે આપણને નવી નવી ફરાળી વાનગીઓ ખાવાનું પણ ખૂબ મન થતુ હોય છે.તો દહીંવડાએ મોટાભાગે સૌવના પ્રિય હોય છે.ત્યારે શ્રાવણ મહિનામાં આપણે બનાવીએ ફરાળી દહીવડા તો જાણીએ ફરાળી દહીંવડાની રેસિપી

     સામગ્રી

• 100 ગ્રામ મોરૈયો
• 3 ચમચી શિંગોડાનો લોટ
• મીઠું સ્વાદાનુસાર
• ગ્રીન ચટણી
• ખજુર-આંબલીની ચટણી
• મસાલાવાળું દહીં

બનાવવાની રીત

સૌપ્રથમ મોરૈયાને બાફી લો. ત્યાર બાદ તેમાં શિંગોડાનો લોટ ઉમેરી બરાબર મિક્ષ કરી લો. હવે તેના ગોળા વાળવા. તેલમાં ચમચાથી લઇ તળી લેવા. પ્લેટમાં ઠંડા કરવા. પછી સહેજ દબાવવા. પછી તેમાં ગ્રીન ચટણી નાખવી.

તેના પર ખજુર-આંબલીની ચટણી નાખવી. પછી તેમાં મસાલા દહીં નાખવું. કોથમીર નાખી સર્વ કરવું .

જન્માષ્ટમીના પ્રસંગે જો પંજરી ના બનાવીએ તો જન્માષ્ટમી અધુરી લાગે,ત્યારે અત્યારે કોરોના મહામારીમાં આપણે બહારથી કોઇ વસ્તુ મંગાવી શકતા નથી ત્યારે આવા સમયે આપણે ઘરે જ વસ્તુઓ બનાવવી ખૂબ જરૂરી છે, ત્યારે ચાલો આપણે જોઇએ કે ઘરે જ એકદમ ઇઝી રીતે પંજરી કેવી રીતે બને છે.

   સામગ્રી

• સૂકા ધાણાનો પાવડર -100 ગ્રામ
• માવો – 50 ગ્રામ
• બુરુ ખાંડ – 50 ગ્રામ
• કોપરાનું છીણ -100 ગ્રામ
• ઇલાયચી પાવડર – 4-5 ટેબલ સ્પૂન
• સૂકો મેવો – 50 ગ્રામ

બનાવવાની રીત

સૌ પ્રથમ માવાને મસળી ધીમા તાપ પર થોડો શેકી લો. હવે તેમાં ધાણા પાવડર નાખો અને બે-પાંચ મિનિટ શેકી લો. મિશ્રણ થોડુ ઠંડુ કરી તેમાં કોપરુ અને બુરુ ખાંડ નાખી મિક્સ કરી લો. હવે તેમાં વાટેલી ઈલાયચી અને તેમા સુકામેવા, મખાના, કિશમિશ મિક્સ કરો. પંજરીને સારી રીતે ભેળવો.મિશ્રણને એકસાર કરી લો. તો તૈયાર છે પંજરી.

શ્રાવણ મહિનો એટલે એક પછી તહેવારની મોસમ અને અત્યારે કોરોનાવાયરસના કારણે આપણે બહારથી મીઠાઇ લાવવાનું પસંદ કરતા નથી ત્યારે ઘરે જ આપણે અલગ-અલગ મીઠાઇ બનાવતા હોઇએ છે ત્યારે એકની એક મીઠાઇ પણ પસંદ નથી આવતી ત્યારે આ તહેવારોમાં કઇક નવુ બનાવો જે તમારા ઘરમાં દરેકને ખૂબ જ ભાવશે.

મિલ્ક કેક ક્લાસિક ઈન્ડિયન ડિશ છે જેને દૂધ અને ખાંડ મિક્સ કરીને બનાવવામાં આવે છે. આ ડિઝર્ટ રેસિપી તહેવારો અને ખાસ પ્રસંગે બનાવાય છે. મિલ્ક કેક ક્રિમી ઈન્ડિયન સ્વીટ ડિશ છે.

  સામગ્રી

• 1 લીટર દૂધ
• 1/4 ટી સ્પૂન ઈલાયચી પાઉડર
• 2 ટેબલ સ્પૂન ટુકડા કરેલા પિસ્તા
• 3 ટીસ્પૂન લીંબુનો જ્યૂસ
• અડધો કપ ખાંડ

બનાવવાની રીત

મિલ્ક કેક બનાવવા માટે સૌપ્રથમ એક સૉસપેનમાં દૂધ ગરમ કરો. 2/3 ભાગ જેટલું દૂધ બચે ત્યાં સુધી ઉકાળો. બાદમાં તેમાં લીંબુનો રસ બરાબર મિક્સ કરો. તમને દેખાશે કે દૂધ અને પાણી અલગ થવા લાગશે. પછી વધારાનું પાણી કાઢીને અલગ કરી દો.

હવે પાણી કાઢ્યા બાદ સૉસપેનમાં જે મિશ્રણ બચ્યું તેને મીડિયમ આંચ પર ગરમ કરો અને તેમા ખાંડ ઉમેરો. ખાંડ ઓગળી જાય ત્યાં સુધી હલાવો.હવે ઘી ઉમેરીને ધીમે-ધીમે હલાવો જેથી પેનમાં ચોંટે નહીં.

જ્યારે મિશ્રણ ઘટ્ટ થાય ત્યારે તેમાં ઈલાયચી પાઉડર અને પિસ્તા ઉમેરો. હવે ટ્રેને ગ્રીઝ કરીને મિશ્રણને આખી ટ્રેમાં પાથરી દો. ઠંડું થયા બાદ મનપસંદ આકારમાં કાપી લો. એર-ટાઈટ ડબ્બામાં ભરીને મૂકો અને જ્યારે ઈચ્છા થાય ત્યારે ખાવ. આ મિલ્ક કેકને 7 દિવસ સુધી સ્ટોર કરી શકાય છે.