Connect with us

હેલ્થ

લોકડાઉનના કારણે બ્યૂટીપાર્લર બંધ છે પરંતુ ચિંતાના કરો જાણો ઘરે જ વેક્સ બનાવવાની સરળ રીત

Published

on

હાલ કોરોના વાયરસના સંક્રમણના કારણે દેશભરમાં લોકડાઉન જાહેર કરવામાં આવ્યું છે. જેના કારણે બ્યૂટીપાર્લર અને સૂલન જેવી સેવાઓ લાંબા સમયથી બંધ છે. આ સમયે અનેક મહિલાઓને તેમના હાથ અને પગના અનિચ્છનીય વાળની લંબાઇ પરેશાન કરી રહી છે. પહેલા જે મહિલાઓ મહિનામાં એક વાર બ્યૂટીપાર્લર જઇને ક્લીનઅપ કરાવી લેવી હતી.

તે હવે બ્યૂટીપાર્લર બંધ હોવાથી મુશ્કેલીમાં મૂકાઇ ગઇ છે. વળી બજારમાં મળતા હેર રિમૂવીંગ ક્રીમ પણ આઉટ ઓફ સ્ટ્રોક થઇ ગયા છે. જેના કારણે અનેક મહિલાઓને તેમના હાથ અને પગના વેક્સનું શું કરવું અને કેવી રીતે ખાલી સમયમાં પોતાની ત્વચા અને શરીરનું ધ્યાન રાખવું? તેની મુંઝવણ અનુભવે છે.

 

જો કે તમારી આ સમસ્યામાં અમે તમારી મદદ કરી શકીએ. તમે ઘરે વેક્સ બનાવી શકો છો. અને લોકડાઉનના ખાલી સમયે વેક્સ કરીને પોતાની ત્વચાનું ધ્યાન રાખી શકો છો. સાથે જ અનિચ્છનીય વાળોથી તમને આમ કરવાથી મુક્તિ મળશે. અને તમને કોમળ ત્વચા મળશે. તો ઘરે વેક્સ બનાવવા માટે નીચેની સામગ્ર નોંધી લો.

ઘર પર વેક્સ બનાવવા માટે એક પેનમાં બે કપ ખાંડ, અડધો કપ લીંબુનો રસ અને એક ચોથાઇ પાણી નાંખો. તમે ઇચ્છો તો આમાં કોઇ એશિશિયલ ઓઇલના બે ટીપા પણ સારી સુંગધ માટે નાંખી શકો છો. તે પછી પેનને ગેસ પર મૂકી. ગેસ ચાલુ કરો. અને પછી એક મોટી ચમચીથી વચ્ચે વચ્ચે તેને હલાવતા રહો. આમ ત્યાં સુધી કરો જ્યાં સુધી ખાંડ સંપૂર્ણ પણે ઓગળી જાય અને એક ઘટ્ટ સીરપ બની જાય.

હવે કોઇ જૂની જીન્સ પડી હોય તો તેને લાંબા લંબચોરસ પટ્ટાના આકારમાં કાપી વેક્સિંગની સ્ટ્રિપ બનાવી લો. જ્યારે વેક્સ થોડો ઠંડો થાય તો એક ફ્લેટ ચમચીની મદદથી તેને સાફ સ્ક્રીન પર લગાવો. અને પછી જીન્સની સ્ટ્રિપથી વિરુદ્ધ દિશામાં ખેંચી વાળને દૂર કરો. પાછળથી તમે આ જીન્સના સ્ટ્રીપ સાબુથી સાફ કરીને ફરીથી વાપરી શકો છો. અને વધેલા વેક્સને કાચની બરણીમાં ભરી બીજી વાર માટે ઉપયોગમાં લઇ શકો છો. બીજી વાર વપરાશ કરતા પહેલા તેને ગેસ પર ગરમ કરી લો.

સાથે જ આ વાતોનું પણ ધ્યાન રાખો કે પીરિયડ્સ દરમિયાન સ્ક્રીન ખૂબ જ સેન્સિટિવ થઇ જાય છે. તો આ સમયે વેક્સિંગ કરવાનું ટાળો. વધુમાં વાળીની લંબાઇ સારી હોવી જોઇ. અને વેક્સ પહેલા જો કોઇ ક્રીમ હાથ પર લગાવ્યું હોય તો સાબુ અને પાણીથી હાથ બરાબર સાફ કરી લો. અને તમને પરસેવાની સમસ્યા રહેતી હોય તો તમે વેક્સ પહેલા થોડો પાવડર પણ હાથ પર લગાવી શકો છો. વેક્સ કર્યા પછી ફરી એક વાર ત્વચા સાફ કરી. તેની પર મનગમતો ક્રીમ લગાવવાનું ના ભૂલતા. આનાથી ત્વચા મુલાયમ અને ચમકદાર બનશે.

Continue Reading
Advertisement
Click to comment

Leave a Reply

Your email address will not be published. Required fields are marked *

હેલ્થ

રેમડેસિવિર ઈન્જેક્શનને લઈ લેવાયો મહત્વનો નિર્ણય

Published

on

દેશના વિવિધ રાજ્યોમાં કોરોનાની બીજી લહેર ખૂબ જ ખતરનાક સાબિત થઈ રહી છે. ગુજરાત, મહારાષ્ટ્ર, દિલ્હી, છત્તીસગઢમાં સ્થિતિ વધુ ખરાબ થઈ છે. વાયરસના હાહાકાર વચ્ચે રેમડેસિવિર ઈન્જેક્શનની માંગ પણ વધી છે. હાલ આ ઈન્જેક્શનની અછતથી દર્દીઓના પરિવારજનોને ભારે હાલાકીનો સામનો કરવો પડી રહ્યો છે.

ત્યારે કેન્દ્રીય મંત્રી મનસુખ માંડવિયા દ્વારા રેમડેસીવીરની ઉપલબ્ધતા અંગે ઉભી થયેલ સ્થિતિને જોતા રેમડેસીવીર ઉત્પાદકો સાથે મહત્વની બેઠક યોજી હતી. જેમાં રેમડેસીવીરના ઉત્પાદન-સપ્લાય વધારવા અને તેની કિંમતમાં ઘટાડો કરવા અંગે નિર્ણયો લેવામાં આવ્યા હતા. મળતી માહિતી મુજબ કોરોનાની સારવાર માટે ઉપયોગી એવા રેમડેસીવીર ઈન્જેક્શનની અછતને દૂર કરવા માટે કેન્દ્ર સરકાર દ્વારા મહત્વનો નિર્ણય લેવામાં આવ્યો છે.

જે મુજબ વર્તમાન 7 કંપનીઓને વધુ 10 લાખ ઈન્જેક્શન બનાવવાની મંજૂરી આપવામાં આવી છે. જ્યારે અન્ય છ કંપનીઓને મહિને 30 લાખ ઈન્જેક્શન બનાવવા માટે મંજૂરી અપાઈ છે. હાલમાં દેશના સાત રેમડેસીવીર ઉત્પાદકોની ક્ષમતા ૩૮ લાખ વાઇલ પ્રતિમાસ છે. વધારાની ૭ સાઈટ પર ૧૦ લાખ વાઇલ પ્રતિમાસની પ્રોડક્શન કેપેસીટી ધરાવતા ૬ ઉત્પાદકોને ડ્રગ કંટ્રોલર જનરલ ઓફ ઇન્ડિયા દ્વારા ફાસ્ટ-ટ્રેક એપ્રુવલ આપી દેવામાં આવી છે.

બીજી વધારાની ૩૦ લાખ વાઇલ પ્રતિમાસની વ્યવસ્થા પણ ઉભી કરાઈ રહી છે. જેથી રેમડેસીવીરની ઉત્પાદન ક્ષમતા ૭૮ લાખ વાઇલ પ્રતિમાસ નો ધરખમ વધારો થશે.

Continue Reading

હેલ્થ

રેમડેસિવીર ઈન્જેક્શનને લઈ WHOએ આપ્યું નિવેદન

Published

on

કોરોના મહામારીની બીજી લહેરે સમગ્ર દેશને પોતાના ભરડામાં લીધો છે. તેમાં પણ જો ગુજરાતની વાત કરવામાં આવે તો કોરોના સંક્રમણનો ડબલિંગ રેટ દિવસેને દિવસે વધી રહ્યો છે.

વર્તમાન સમયમાં રાજ્યમાં કોરોના પોઝિટિવ એક્ટીવ પેશન્ટની સંખ્યા રોકેટ ગતિએ વધી રહી છે. રાજ્યમાં સૌથી વધુ ખરાબ સ્થિતિ ચાર મહાનગરોમાં જોવા મળી રહી છે. લોકો પોતાના સ્વજનને બચાવવા માટે હૉસ્પિટલના બેડ અને રેમડેસિવીર ઇન્જેક્શન મેળવવા લાઈનો લગાવી રહ્યા છે.

ત્યારે રેમડેસિવીર ઈન્જેક્શનને લઈ વિશ્વ સ્વાસ્થ્ય સંગઠન whoએ એક રિપોર્ટના આધારે તારણ કાઢ્યુ છે કે રેમડેસિવીર ઈન્જેક્શન કોરોનાથી મૃત્યુ દર ઓછો કરવામાં મદદરુપ થતુ નથી. એક રિપોર્ટમાં જણાવાયુ છે કે, યુરોપના 30 અલગ અલગ દેશોના 405 હૉસ્પિટલના 5 હજાર 451 પેશન્ટ પર 10 દિવસનો રેમડેસિવીર ઇન્જેક્શનનો કોર્સ આપવા આવ્યો. જેના ડેટાના આધારે જોવા મળ્યું કે, રેમડેસિવીર ઇન્જેક્શનએ મૃત્યું દર ઓછો કરવા માટે મદદ રૂપ થતું નથી.

વિશ્વ આરોગ્ય સંસ્થા WHO એ પણ આ ડેટાના આધારે અભ્યાસ કરી જણાવ્યું છે કે, રેમડેસિવીર ઇન્જેક્શન એ મૃત્યુ દર ઓછો કરવા માટે મદદ રૂપ સાબિત થતું નથી.જો રેમડેસિવીર ઇન્જેક્શનનો ઉપયોગ કરવો હોય તો તે શરતી ભલામણ કરવામાં આવી છે.

Continue Reading

કોરોના

કોરોના સામે લડવા રશિયા બાદ ભારત પણ કરવા જઇ રહ્યું છે આ પ્રયોગ

Published

on

કોરોના વાયરસનો કહેર દિવસે દિવસે વધી રહ્યો છે,ત્યારે કોરોના વેકસીનને લઇ રશિયાએ મોટો ખુલાસો કર્યો છે.રશિયાએ કોરોનાની વેક્સિન શોધી લીધી હોવાનો દાવો કર્યો છે. રશિયાના રાષ્ટ્રપતિ પુતિને કહ્યું છે કે વેક્સિનને રશિયન આરોગ્ય મંત્રાલયે મંજૂરી આપી દીધી છે.


આપને જણાવી દઇએ કે એઈમ્સના ડાયરેક્ટર ડૉક્ટર રણદીપ ગુલેરિયા કહ્યું છે કે જો રશિયાની વેક્સિન સુરક્ષિત અને ઈમ્યૂનિટી ડેવલોપ કરનારી છે તો સારી વાત છે. પરંતુ આ વાત પહેલા ચકાસવી જોઈએ.


ડાયરેક્ટર ડૉક્ટર રણદીપ ગુલેરિયાએ વધુમાં જણાવ્યું હતું કે, જો આવું થયું તો ભારત પાસે માસ પ્રોડક્શન કરવાની શક્તિ છે. તો દેશી વેક્સિન પર ડૉક્ટર ગુલેરિયાએ કહ્યું કે, દેશમાં પોસ્ટ કોવિડ રિવકરી ક્લીનિક શરૂ કરવામાં આવશે.


ઉલ્લેખનીય છે કે, હાલ કોરોના રિકવરી બાદ દર્દીઓમાં ફેંફસાની સમસ્યા જોવા મળી રહી છે. અનેક દર્દીઓમાં પોસ્ટ કોવિડના લક્ષણો જોવા મળ્યા છે. દર્દીઓમાં શ્વાસ લેવામાં સમસ્યાની પણ ફરિયાદો મળી છે. પોસ્ટ કોવિડ ક્લીનિકમાં ફેંફસાની ક્ષમતામાં સુધારા પર કામ કરાશે..


કોરોના વાયરસ વેક્સિન પર રશિયાએ રાષ્ટ્રપતિ પુતિને મોટું એલાન કર્યું છે. તેમનું કહેવું છે કે, હેલ્થ મિનિસ્ટ્રીના અપ્રૂવલ બાદ કોરોનાનો પહેલો ડોઝ રશિયામાં લોન્ચ કરી દીધો છે. પુતિને એમ પણ જણાવ્યું કે, આ કોરોનાની રસી સૌથી પહેલા તેમની દીકરીને લગાવવામાં આવી છે.


આપણે સૌવ જણીએ છે કે રશિયા પહેલા જ જણાવી ચૂક્યું હતું કે તેમનું વેક્સિન બનાવવા માટેનું કામ પૂર્ણ થઇ ચૂક્યું છે અને તેઓ વેક્સિન લોન્ચ કરવાના છે. જણાવી દઇએ કે રશિયાના મૉસ્કોમાં એક મૉસ્કો ગમેલિયા ઇન્સ્ટિટ્યૂટ છે, તેણે આ કોરોના વેક્સિનને બનાવી છે


કોરોના વાયરસના કારણે વિશ્વભરમાં હાહાકાર છે અને ભારતમાં પણ સતત કેસમાં વધારો થઇ રહ્યો છે ત્યારે સીરમ ઇન્સ્ટીટયુટના CEO આદર પૂનાવાલાએ કહ્યું છે કે દેશને આ વર્ષના અંત સુધીમાં કોરોના વાયરસની રસી મળી જશે. સીરમ ઇન્સ્ટીટયુટ દુનિયા સૌથી મોટી વેક્સીન નિર્માતા કંપની છે. અને વર્તમાનમાં આ કંપનીએ ઓક્સફર્ડ યુનિવર્સિટી સાથે રસીનું ઉત્પાદન કરવા માટે કરાર કર્યો છે

Continue Reading
Advertisement
Advertisement

Trending