Connect with us

ફૂડ

ઉપવાસમાં ખાસ બનાવો કેળાં ના પકોડા: સ્વાદિષ્ટ ફરાળી વાનગી

Published

on

banana pakora recipe

અત્યારે શ્રાવણ માસ ચાલી રહ્યો છે. તેમાં ઉપવાસનું ખાસ મહત્વ હોય છે. ત્યારે ઉપવાસમાં શું ખાવું એ મોટી સમસ્યા હોય છે. આપણે રોજ એકના એક ફરાળી વાનગી ખાઈને કંટાળી જતા હોઈએ છીએ. તેમજ રોજ અલગ અલગ પ્રકારની સ્વાદિષ્ટ, સાત્વિક વાનગીની મળી જાય તો મજા આવી જાય.આથી જ આજે અમે તમારા માટે નવા જ પ્રકારની ફરાળી વાનગીની રેસિપી લઈને આવ્યા છીએ. બસ તો ટ્રાઈ કરો આ સ્વાદિષ્ટ ફરાળી વાનગીની રેસિપી કેળાં ના પકોડા.

કેળાં ના પકોડા:

સામગ્રી

  1. 4 પાકાં કેળાં
  2. શિંગોડા નો લોટ પ્રમાણસર
  3. 1 ટી સ્પૂન વાટેલા આદુ-મરચાં
  4. 1 ટી સ્પૂન જીરું
  5. દહીં પ્રમાણસર
  6. તેલ પ્રમાણસર
  7. મીઠું પ્રમાણસર

રીત:

કેળાં ને છોલીને છૂંદી નાખવા.

તેમાં પકોડા મૂકી શકાય એટલો જ શિંગોડા નો લોટ નાખવો.

તેમાં બધો મસાલો તેમજ અધકચરું ખાંડેલું જીરું નાખી દહીંથી પકોડા મૂકી શકાય એવું ખીરું તૈયાર કરવું.

હવે તેલ મૂકી પકોડા ધીમા તાપે તળવા.

તેલ માં આછા ગુલાબી તળવા.

તો હવે ગ્રીન ચટણી સાથે સર્વ કરી માણો આ નવી ફરાળી વાનગી.

ફૂડ

શ્રાવણ મહિનામાં ઘરે બનાવો ટેસ્ટી ફરાળી દહીંવડા,જાણો ફરાળી દહીંવડા બનાવવાની એકદમ ઇઝી રેસિપી

Published

on

હાલ શ્રાવણ મહિનો ચાલી રહ્યો છે અને તેની સાથે તહેવારોની મોસમ પણ ચાલી રહી છે ત્યારે આપણને નવી નવી ફરાળી વાનગીઓ ખાવાનું પણ ખૂબ મન થતુ હોય છે.તો દહીંવડાએ મોટાભાગે સૌવના પ્રિય હોય છે.ત્યારે શ્રાવણ મહિનામાં આપણે બનાવીએ ફરાળી દહીવડા તો જાણીએ ફરાળી દહીંવડાની રેસિપી

 

     સામગ્રી

  • 100 ગ્રામ મોરૈયો
  • 3 ચમચી શિંગોડાનો લોટ
  • મીઠું સ્વાદાનુસાર
  • ગ્રીન ચટણી
  • ખજુર-આંબલીની ચટણી
  • મસાલાવાળું દહીં

બનાવવાની રીત

સૌપ્રથમ મોરૈયાને બાફી લો. ત્યાર બાદ તેમાં શિંગોડાનો લોટ ઉમેરી બરાબર મિક્ષ કરી લો. હવે તેના ગોળા વાળવા. તેલમાં ચમચાથી લઇ તળી લેવા. પ્લેટમાં ઠંડા કરવા. પછી સહેજ દબાવવા. પછી તેમાં ગ્રીન ચટણી નાખવી.

તેના પર ખજુર-આંબલીની ચટણી નાખવી. પછી તેમાં મસાલા દહીં નાખવું. કોથમીર નાખી સર્વ કરવું .

Continue Reading

ફૂડ

જન્માષ્ટમીના તહેવાર પર બનાવો પંજરી,જાણો પંજરી બનાવવાની એકદમ ઇઝી રેસિપી

Published

on

જન્માષ્ટમીના પ્રસંગે જો પંજરી ના બનાવીએ તો જન્માષ્ટમી અધુરી લાગે,ત્યારે અત્યારે કોરોના મહામારીમાં આપણે બહારથી કોઇ વસ્તુ મંગાવી શકતા નથી ત્યારે આવા સમયે આપણે ઘરે જ વસ્તુઓ બનાવવી ખૂબ જરૂરી છે, ત્યારે ચાલો આપણે જોઇએ કે ઘરે જ એકદમ ઇઝી રીતે પંજરી કેવી રીતે બને છે.

   સામગ્રી

  • સૂકા ધાણાનો પાવડર -100 ગ્રામ
  • માવો – 50 ગ્રામ
  • બુરુ ખાંડ – 50 ગ્રામ
  • કોપરાનું છીણ -100 ગ્રામ
  • ઇલાયચી પાવડર – 4-5 ટેબલ સ્પૂન
  • સૂકો મેવો – 50 ગ્રામ

બનાવવાની રીત

સૌ પ્રથમ માવાને મસળી ધીમા તાપ પર થોડો શેકી લો. હવે તેમાં ધાણા પાવડર નાખો અને બે-પાંચ મિનિટ શેકી લો. મિશ્રણ થોડુ ઠંડુ કરી તેમાં કોપરુ અને બુરુ ખાંડ નાખી મિક્સ કરી લો. હવે તેમાં વાટેલી ઈલાયચી અને તેમા સુકામેવા, મખાના, કિશમિશ મિક્સ કરો. પંજરીને સારી રીતે ભેળવો.મિશ્રણને એકસાર કરી લો. તો તૈયાર છે પંજરી.

Continue Reading

ફૂડ

જન્માષ્ટમીના તહેવાર પર ઘરે બનાવો મથુરાના પેંડા, જાણો મથુરાના પેંડા બનાવવાની એકદમ ઇઝી રેસિપી

Published

on

શ્રાવણ મહિનો એટલે તહેવારોની મોસમ, શ્રાવણ મહિનાની શરુઆત સાથે જ તહેવારો શુરૂ થઇ જાય છે, ત્યારે આ વખત કોરોના કાળમાં આપણે તહેવારોમાં બહારથી મીઠાઇ લાવવાનું પસંદ કરતા નથી.

 

જન્માષ્ઢમી આવી રહી છે ત્યારે જન્માષ્ઢી પર ભગવાન શ્રીકુષ્ણને પ્રિય એવા મથુરાના પેંડા ઘરે બનવો,જાણો મથુરાના પેંડા બનાવવાની એકદમ ઇસી રેસિપી

   સામગ્રી

  • 250 ગ્રામ -માવો
  • 200 ગ્રામ – બૂરુંખાડ
  • 2થી 3 ટેબલ સ્પૂન-ઘી
  • 1 ટી સ્પૂન -એલચીનો ભૂકો

બનાવવાની રીત

કોઇ એક મોટી કઢાઈમાં માવો નાંખી માવો શેકો. માવો શેકતી વખતે ધ્યાન રાખો કે તે કઢાઈમાં ચોંટે નહીં. જ્યારે માવાનો રંગ બદલાવા લાગે ત્યારે તેમાં થોડું દૂધ કે ઘી નાંખો અને ત્યાં સુધી શેકો જ્યાંસુધી તે બ્રાઉન રંગ ન થાય. જ્યારે ગોલ્ડન બ્રાઉન થાય તો તેમાં 2 ચમચી ઘી નાંખો અને ફરી શેકો.

હવે માવો ઠંડો થવા દો. તે સંપૂર્ણપણે ઠંડો થઇ જાય એટલે તેમાં 200 ગ્રામ બૂરુ ખાંડ સારી રીતે મિક્સ કરો, ખાંડેલી ઇલાયચી પણ આ મિશ્રણમાં નાંખી દો.

વધેલી 100 ગ્રામ બૂરુ ખાંડને એક પ્લેટમાં નાંખો. હવે પેંડાનું જે મિશ્રણ તૈયાર કર્યું છે તેના ઇચ્છો તે માપના અને આકારના પેંડા વાળો હવે આવા દરેક પેંડાને પ્લેટમાં નાંખેલી બૂરુ ખાંડમાં રગડો જેમ-જેમ આ રીતે પેંડા તૈયાર થતા જાય તેમ-તેમ તેને અલગ પ્લેટમાં કે ડબ્બામાં કાઢતા જાઓ.તૈયાર છે તમારા મથુરાના પેંડા.

તમે તેનો સ્વાદ માણી શકો છો. વધેલા પેંડાને 2-3 કલાક માટે ખુલ્લી હવામાં રાખો. તે થોડા ડ્રાય થઇ જાય એટલે તેને ડબ્બામાં ભરી લો. ઇચ્છો ત્યારે તે ખાઇ શકો છો. જો માવો સારી રીતે સાંતળવામાં આવ્યો હોય તો તમે આ પેંડા મહિના સુધી રાખી શકો છો.

Continue Reading
Advertisement
Advertisement

Trending