કોરોના મહામારીમાં થયેલા લોકડાઉનના કારણે ઓનલાઇન વસ્તુનું પ્રમાણ વધ્યું છે,અને તેના કારણે ડિઝીટલ ટ્રાન્ઝક્શનમાં પણ વધારો થયો છે.ત્યારે આવા સમયને ધ્યાનમાં રાખી એક મહત્વના સમાચાર સામે આવી રહ્યા છે.

મળતી માહિતી મુજબ ડિઝીટલ ટ્રાન્ઝક્શનમાં વધારો કરવા માટે રિઝર્વ બેંક ઓફ ઈન્ડિયાએ ઈન્ટરનેટ વિના જ લેણ દેણની સુવિધાને પાયલોટ આધાર ઉપર શરૂ કરી છે. જો કે, માત્ર 200 રૂપિયા સુધીની રકમ સુધી આ મર્યાદીત હશે.પરંતુ આગળ વધીને તેમાં વધારો થઈ શકે છે.

ત્યારે તાજેતરમાં જ આરબીઆઈ ગવર્નર શક્તિદાસની અધ્યક્ષતામાં એક બેઠકનું આયોજન કરવામાં આવ્યું હતું. જેમાં ઈન્ટરનેટ વિના કાર્ડ અને મોબાઈલના માધ્યમથી નાની રકમની ચુકવણી કરવા માટેની મંજૂરી આપવામાં આવી છે.

બેંકની અધિસુચના હેઠળ આ પાયલોટ યોજના હેઠળ ડેબિટ કાર્ડ, વોલેટ કે મોબાઈલથી કરવામાં આવે છે. એ માટે કોઈ વેરિફિકેશનની જરૂરત નહીં રહે. આ યોજના 31 માર્ચ 2021 સુધી ચાલશે.

આરબીઆઈએ જણાવ્યું કે, આજે પણ કેટલાક વિસ્તારોમાં જ્યાં ઈન્ટરનેટનો અભાવ છે. તેવી જગ્યાએ ડિઝીટલ પેમેન્ટમાં અવરોધો આવી શકે છે, તેને જોતા રિઝર્વબેંક ઓફ ઈન્ડિયાએ આ પગલુ ઉપાડ્યું છે.

આ જ કારણ છે કે, કાર્ડ, વોલેટ અને મોબાઈલ ઉપકરણોના માધ્યમથી ઓફલાઈન ચુકવણીનો વિકલ્પ ઉપલબ્ધ કરાવવામાં આવી રહ્યો છે.નિવેદનમાં જણાવાયું છે કે, પાયલોટ યોજના હેઠળ યુઝર્સના હિતો અને દેણદાર સુરક્ષા વિગેરેનું ધ્યાન રાખતા ઓફલાઈન માધ્યમથી અંતર્નિહિત સુવિધાઓ માટે નાની રકમની ચુકવણીની મંજૂરી અંગેનો પ્રસ્તાવ છે.

કેન્દ્રીય બેંકે પણ કહ્યું છે કે,પેમેન્ટ સિસ્ટમ ઓપરેટરને ઓનલાઈન વિવાદ સમાધાન લાગુ કરશે. ડિઝીટલ લેણદેણ વધારવાની સાથે વિવાદ અને ફરિયાદો વધી રહી ચે. ફરિયાદોમાં સમાધાનની આ વ્યવસ્થા નિયમ આધારીત અને પારદર્શી હશે. તેમાં માનવીય હસ્તક્ષેપ નહી હોય અને જો હશે તો પણ ઓછો હશે.

વોડાફોન-આઇડિયાએ આજે ​​તેનું પોસ્ટપેડ એકત્રીકરણ પૂર્ણ કરવાની જાહેરાત કરી છે. આ હેઠળ હવે આઈડિયાના પોસ્ટપેડ યુઝર્સને એક સેવા આપવામાં આવશે. કંપનીની આ ઘોષણા બાદ હવે આઈડિયા પોસ્ટપેડ સબ્સ્ક્રાઇબર્સ વોડાફોન RED યોજનાના ફાયદાથી લાભ મેળવી શકશે. આટલું જ નહીં, હવે ગ્રાહકો પણ આ જ ગ્રાહક સેવા અને ઉત્તમ ડિજિટલ અનુભવનો આનંદ માણી શકશે.

આ ઉપરાંત કંપનીના આ પગલાથી ગ્રાહકોને આઈવીઆર, યુએસએસડી, માય વોડાફોન એપ્લિકેશન અને વેબસાઇટ દ્વારા સ્વ-સેવા ચેનલનો અનુભવ મળશે. ઉપરાંત તેઓ તેમના દ્વારા ઉત્પાદનો, સેવા અને ચૂકવણી પણ કરી શકશે.

આપને જણાવી દઇએ કે વોડાફોન અને આઈડિયાનું મર્જર 31 ઓગસ્ટ, 2018 ના રોજ કરવામાં આવ્યું હતું. મર્જર પછી તેનું નામ બદલીને વોડાફોન આઈડિયા લિમિટેડ કરવામાં આવ્યું.એટલે કે, હવે આઈડિયાના પોસ્ટપેડ ગ્રાહકો બોર્ડિંગ અને સર્વિસના અનુભવ પર અલગ લેવાની રહેશે નહીં, તેના બદલે તેઓ રેડ ફેમિલીમાં સબ્સ્ક્રાઇબ કરી શકશે.

આનાથી તેમને એક જ બિલ આપવામાં આવશે અને વોડાફોન પ્લે, પ્રીમિયમ કન્ટેન્ટ અને આખા પરિવાર માટે ઘણી અન્ય વેલ્યુ એડેડ સેવાઓ.વોડાફોન આઈડિયાના ચીફ ટેક્નોલોજી ઓફિસર વિશાંત અરોરાએ કહ્યું હતું કે, “વોડાફોન અને આઈડિયા પોસ્ટપેડ ગ્રાહકોનું એકત્રીકરણ, કંપનીના નેટવર્ક, કંપની વિઝન તરફનું એક મોટું પગલું છે. આ અમને અમારા પોસ્ટપેડ વપરાશકર્તાઓ માટે ગ્રાહકનો અનુભવ વધારવામાં સક્ષમ કરે છે.

ટેલિકોમ ટ્રિબ્યુનલ ટીડીએસએટીએ તાજેતરમાં વોડાફોન-આઈડિયા લિમિટેડને મોટી રાહત આપી છે. ટીડીએસએટીએ ટેલિકોમ રેગ્યુલેટરી એન્ડ ડેવલપમેન્ટ ઓથોરિટી રેડ એક્સ પ્રીમિયમ પર વોડાફોન-આઈડિયાના નવા ગ્રાહકોને નહીં ઉમેરવા પર આદેશ આપ્યો છે.

દેશની સૌથી મોટી ટેલિકોમ કંપની રિલાયન્સ જિયોએ કરી મોટી જાહેરાત કરી છે,જિયોએ બે સસ્તા પ્લાનને બંધ કર્યા છે. આ બે પ્લાન 49 અને 69 રૂપિયાના છે. જે ખાસ કરીને જિયો ફોન યુઝર્સ માટે રજૂ કરવામાં આવ્યા હતા.

માહિતી મુજબ આ બંને પ્લાન 14 દિવસની વેલિડિટી સાથે ઉપલબ્ધ હતા. બંનેમાં અલગ-અલગ સુવિધાઓ મળતી હતી. આ બંને પ્લાનને લગભગ 5 મહિના પહેલા રજૂ કરવામાં આવ્યા હતા. 49 રૂપિયાના પ્લાનમાં જિયોથી જિયો પર અનલિમિટેડ કોલિંગ, અન્ય નેટવર્ક માટે 250 નોન-જિયો મિનિટ્સ અને 25 SMS મળતા હતા.

જ્યારે ઇન્ટરનેટ માટે ગ્રાહકોને 2 જીબી ડેટા મળતો હતો. 69 રૂપિયાના પ્લાનની વાત કરીએ તો આમાં પણ જિયોથી જિયો અનલિમિટેડ કોલિંગની સુવિધા મળતી હતી.આ સિવાય અન્ય નેટવર્ક પર 250 નોન-જિયો મિનિટ્સ અને 25 SMS મળતા હતા.

ઇન્ટરનેટ માટે દૈનિક ધોરણે 0.5 જીબી ડેટા મળતો હતો. એટલે કે 14 દિવસની વેલિડિટી માટે કુલ 7 જીબી ડેટા મળતો હતો. આ બંને પ્લાન્સમાં જિયો એપ્સનું ફ્રી સબ્સક્રિપ્શન પણ મળતું હતું.

ત્યારે હવે જિયોનો સસ્તો પ્લાન 75 રૂપિયાનો છે. જેમાં 28 દિવસની મુદ્દત અને રોજ 0.1 જીબી ડેટા મળે છે. આ રીતે કુલ 3 જીબી ડેટાનો ઉપયોગ કરી શકો છો. આમાં જિયોથી જિયો પર અનલિમિટેડ કોલિંગ, અન્ય નેટવર્ક માટે 500 જીબી નોન-જિયો મિનિટ્સ અને 50 SMS મળે છે. આ સિવાય જિયો એપ્સનું ફ્રી સબ્સક્રિપ્શન પણ મળે છે.