કોમનવેલ્થ ગેમ્સની શરૂઆત 28 જુલાઈથી ઈંગ્લેન્ડના બર્મિગહામ શહેરમાં થવા જઈ રહી છે. 12 દિવસ સુધી ચાલનારી આ ટુર્નામેન્ટનું સમાપન 8 ઓગસ્ટે થશે. આ વર્ષે ભારતના કુલ 215 ખેલાડીઓ ભાગ લેશે. જોકે કોમનવેલ્થ ગેમ્સના ઈતિહાસની વાત કરીએ તો તેની પહેલી સિઝન 1930માં રમવામાં આવી હતી. જેમાં ભારતે ભાગ લીધો ન હતો. ભારતે પહેલીવાર 1934 કોમનવેલ્થ ગેમ્સમાં ભાગ લીધો હતો. જ્યાં 1 મેડલ ભારતના ખાતામાં આવ્યો હતો. અત્યાર સુધી કોમનવેલ્થ ગેમ્સની 21 સિઝન પૂરી થઈ ગઈ છે. જેમાં ભારતે 1930, 1950, 1962 અને 1986માં ચાર વખત ભાગ લીધો ન હતો.

રાશિદ અનવરે અપાવ્યો પ્રથમ મેડલ:
રેસલર રાશિદ અનવરે ભારતને સૌથી પહેલો મેડલ ડેબ્યુ સિઝન 1934માં અપાવ્યો હતો. તેમણે બ્રોન્ઝ મેડલ જીતીને ભારતનું ખાતું ખોલાવ્યું હતું. આ દરમિયાન કોમનવેલ્થ ગેમ્સને બ્રિટિશ એમ્પાયર ગેમ્સ કહેવામાં આવતી હતી.

આઝાદી પછી ભારતે પહેલીવાર 1954માં ભાગ લીધો:
ભારતે કોમનવેલ્થ ગેમ્સમાં પહેલીવાર 1954માં ભાગ લીધો. તે વર્ષે ભારતની ઝોળીમાં એકપણ મેડલ આવ્યો નહતો. 1966માં પહેલીવાર ભારત મેડલની યાદીમાં બેનો આંકડો સ્પર્શ કરવામાં સફળ રહ્યું. તે સમયે ભારતે કુલ 10 મેડલ જીત્યા. તેના પછી સતત ભારતના મેડલની યાદીમાં વધારો થતો ગયો.

2010માં ભારતનું સર્વશ્રેષ્ઠ પ્રદર્શન રહ્યું:
ભારતને એક વાર કોમનવેલ્થ ગેમ્સની યજમાની કરવાની તક મળી અને તે દરમિયાન ટીમ ઈન્ડિયાએ સૌથી વધુ મેડલ પોતાના નામે કરવામાં સફળતા મેળવી. 2010 કોમનવેલ્થ ગેમ્સનું આયોજન દિલ્લીમાં થયું હતું અને ભારતે કુલ 101 મેડલ જીત્યા હતા. તે સિવાય ભારત ક્યારેય 100નો આંકડો સ્પર્શ કરવામાં સફળ રહ્યું નથી.

છેલ્લી સિઝન ભારત માટે કેવી રહી:
2018માં કોમનવેલ્થ ગેમ્સનું આયોજન અમેરિકામાં થયું હતું. આ દરમિયાન ભારતે 26 ગોલ્ડની સાથે 20 સિલ્વર અને તેટલાં જ બ્રોન્ઝ સાથે કુલ 66 મેડલ પોતાના નામે કર્યા હતા. મેડલની યાદીમાં ભારતે ઓસ્ટ્રેલિયાના 198 મેડલ અને ઈંગ્લેન્ડ 136 મેડલ પછી ત્રીજું સ્થાન મેળવ્યું.

કોમનવેલ્થ ગેમ્સમાં ભારતે જીત્યા 503 મેડલ:
કોમનવેલ્થ ગેમ્સમાં ભારતે અત્યાર સુધી કુલ 503 મેડલ જીત્યા છે. જેમાં ટીમ ઈન્ડિયાનું સર્વશ્રેષ્ઠ પ્રદર્શન 2010 કોમનવેલ્થ ગેમ્સમાં જોવા મળ્યું હતું. ભારતે તે સમયે 101 મેડલ જીતીને બીજું સ્થાન મેળવ્યું હતું. ભારતે કોમનવેલ્થ ગેમ્સમાં અત્યાર સુધી 181 ગોલ્ડ, 173 સિલ્વર અને 149 બ્રોન્ઝ મેડલ જીત્યા છે.

કઈ ગેમ્સમાં ભારત મજબૂત:
કોમનવેલ્થ ગેમ્સમાં ભારતનું પ્રદર્શન શૂટિંગ, વેઈટલિફ્ટિંગ અને રેસલિંગમાં શાનદાર રહ્યું છે. અત્યાર સુધી શૂટિંગમાં ભારત 63 ગોલ્ડની સાથે 135 મેડલ, વેઈટલિફ્ટિંગમાં 43 ગોલ્ડની સાથે 125 મેડલ અને રેસલિંગમાં 43 ગોલ્ડની સાથે 102 મેડલ જીત્યા છે. 503માંથી 362 મેડલ તો ભારતે આ ત્રણ રમતમાં જ જીત્યા છે

પૂર્વ ભારતીય ક્રિકેટ ટીમના કેપ્ટન અને હાલના બીસીસીઆઈના વડા આજે 50 વર્ષના થયા છે. ભારતીય ખેલાડીઓને વિદેશી ખેલાડીઓને ઓન ફિલ્ડ જવાબ આપતા શિખવાડ્યું હતું ગાંગુલીએ. સૌરવ ગાંગુલીનો આજે 50મો જન્મદિવસ છે. પ્રિન્સ ઓફ કોલકતા કહેવાતા આ ખેલાડી ભારતીય પ્લેયર્સમાં લડવાની અલગ આગ આપી હતી. તેમના જ કારણે આજે ભારત આજે ઓસ્ટ્રેલિયન પ્લયર્સના સ્લેજિંગની જડબાતોડ જવાબ આપતા શિખ્યા છે.

એ કેપ્ટન જેણે યુવી-ભજ્જી, સહેવાગ અને ધોની જેવા અનેક ખેલાડીઓની બનાવી દીધી લાઈફઃ
વર્ષ 2000માં મેચ ફિક્સિંગના સ્કેન્ડલ બાદ સૌરવ ગાંગુલીએ ભારતીય ટિમની સુકાની મેળવી હતી, અને તેમની આગેવાનીમાં ઘણા યુવા ક્રિકેટરો તૈયાર થયા હતા. યુવરાજ સિંહ, મહેન્દ્ર સિંહ ધોની, ઝહિર ખાન, હરભજન સિંહ, વિરેન્દ્ર સહેવાગ, આશિષ નેહરા, મોહમ્મદ કેફ જેવા પ્રતિભાશાળી ક્રિકેટરોએ ગાંગુલીની આગેવાનીમાં ડેબ્યુ કર્યું હતું.

ગાગુંલીએ જ વિરેન્દ્ર સહેવાગને ટેસ્ટ ક્રિકેટમાં ઓપનિંગ કરવા માટે કહ્યું હતું, જે બાદ સહેવાગની ગેમમાં અને કરિયરમાં બદલાવ આવ્યો હતો. સહેવાગ ટેસ્ટ ક્રિકેટમાં ઓપનિંગ કરતા બે ત્રિપલ સેન્ચુરી ફટકારી હતી.ગાંગુલીએ પોતાની કેપ્ટનશીપ દરમિયાન કેટલા બહાદુરી ભર્યા નિર્ણયો પણ લીધા હતા. જેમકે, જ્યારે ભારત પાસે કોઈ વિકેટ કિપર બેટર ન હતો. ત્યારે, પોતાના વાઈસ કેપ્ટન રાહુલ ડ્રવિડની તેમણે વિકેટ કિપિંગ કરવા કિધી હતી. અને તેમાં તેઓ સફળ પણ રહ્યા હતા. તેમની જ આગેવાનીમાં ભારતે 2001માં ઓસ્ટ્રેલિયાને ઓસ્ટ્રિલાયામાં જ હરાવ્યું હતું. ઈંગ્લેન્ડનમાં 2002 નેટવેસ્ટ ટ્રોફી ભારતને જીતાવી હતી. અને તેમની સૌથી મોટી સિદ્ધી ગણી શકાય તે બતી 2003નો વિશ્વ કપ, જેમાં ભારત ફાઈનલ સુધી પહોંચ્યું હતું. 2005માં તેમણે ભારતના કટ્ટર હરિફ એવા પાકિસ્તાન સામે પણ ટેસ્ટ શ્રેણી જીતી હતી.

ઉપનામોના રાજા સૌરવઃ
‘દાદા’, ‘પ્રિન્સ ઓફ કોલકતા’, ‘ગોડ ઓફ ઘ સ્ટાઈલ્સ’, ‘કિંગ ઓફ કમ્બેક્સ’, મહારાજ, ‘રોયલ બેંગોલ ટાયગર’ આ નામ સૌરવ ગાંગુલીને તેમના ફેન્સ અને તેમના સાથી ખેલાડીઓ દ્વારા અવામાં આવ્યા હતા. જ્યોફ્રી બોયકોટે તેમને ‘ધ પ્રિન્સ ઓફ કોલકતાનું નાંમ આપ્યું હતું. તેમના પરિવાર દ્વારા તેમને ‘મહારાજ’ નામન આપવામાં આવ્યું હતું. સ્ટિવ વોઘને ટોસ માટે રાહ જોવળાવી કે પછી લોર્ડસની બાલકનીમાંથી ટીશર્ટ કાઢી લહેરાવી દરેક વાત ગાંગુલીની આજે પણ લોકોને યાદ છે.

લોર્ડસના રાજાઃ
સૌરવ ગાંગુલીએ 1992માં વેસ્ટ ઈન્ડિઝ સામેની વન ડે મેચમાં ડેબ્યુ કર્યું હતું. પણ બાદમાં તેમનું વર્તન ખરાબ હોવાનું કારણ આપી તેમને ટિમમાંથી બરતરફ કરાયા હતા.

જોકે, ડોમેસ્ટિક ક્રિકેટમાં તેમણે પોતાના પર્ફોમન્સથી લોકોને સતબ્ધ કર્યા હતા અને 1996માં તેમના ટીમમાં લેવા માટે મજબૂર કર્યા હતા. ગાંગુલીનો લોર્ડસ મેદાન ખાતેની ડેબ્યુ ટેસ્ટ મેચ કોઈ સપાનથી ઓછી ન હતી. તેમણે પોતાની પ્રથમ ટેસ્ટમાં સેન્ચુરી બનાવી હતી.
ગાંગુલીએ પોતાના 311 મેચના વન ડે કરિયરમાં 11,163 રન બનાવ્યા હતા. જેમાં, 22 સદી અને 72 અર્ધ સદી સામેલ છે. જ્યારે, 113 ટેસ્ટ મેચમાં ગાંગુલીએ 7,212 રન કર્યા છે. જેમાં, 16 સેન્ચુરી અને 35 હાફ સેન્ચુરી કરી હતી.

ગાંગુલી, એક સંચાલકઃ
2008માં ક્રિકેટને અલવિદા કહ્યા બાદ દાદાએ પસંદ કર્યું ક્રિકેટને પરત કઈ આપવું. તેઓ ક્રિકેટ એસોશિયેશન ઓફ બેંગાલના પ્રેસિડેન્ટ બન્યા હતા. અને 23 ઓક્ટોબર 2019ના રોજ બીસીસીઆઈના 39માં પ્રેસિડેન્ટ બન્યા.

 

ટેસ્ટ ક્રિકેટના ઈતિહાસમાં પ્રથમવાર થયું છે, જ્યારેટ ટીમ ઈન્ડિયા વિરુદ્ધ કોઈ ટીમે ટેસ્ટ ક્રિકેટમાં 378 રનનો મોટો ટાર્ગેટ હાસિલ કર્યો છે. ઈંગ્લેન્ડે ન માત્ર આ ટાર્ગેટ હાસિલ કર્યો, પરંતુ જે રીતે એકતરફો ટાર્ગેટ હાસિલ કર્યો, તેણે ટીમ ઈન્ડિયાની અનેક કમીને ઉઘાડી પાડી દીધી છે. રોહિત શર્માની ગેરહાજરીમાં જસપ્રીત બુમરાહે ટીમની કમાન સંભાળી હતી. બુમરાહે જે રીતે પ્રથમ ઈનિંગમાં ટીમની કમાન સંભાળી, તેનાથી બધા પ્રભાવિત થયા હતા. પરંતુ બીજી ઈનિંગમાં કમી જોવા મળી હતી.

ભારતે પ્રથમ ઈનિંગમાં 416 રન બનાવી ઈંગ્લેન્ડને 284 રનમાં ઓલઆઉટ કરી દીધુ હતું. ત્યારબાદ ટીમ ઈન્ડિયા બીજી ઈનિંગમાં 245 રનમાં ઓલઆઉટ થઈ ગઈ હતી. ઈંગ્લેન્ડને 378 રનનો ટાર્ગેટ આપ્યો હતો. આ લક્ષ્ય મોટો હતો પરંતુ જે રીતે જો રૂટ અને જોની બેયરસ્ટોએ બેટિંગ કરી, અહીં 500 રન પણ ઓછા પડ્યા હોત. જો રૂટ 142 રન અને બેયરસ્ટો 114 રન બનાવી અણનમ રહ્યા હતા. ઈંગ્લેન્ડે સાત વિકેટે જીત મેળવીને સિરીઝ 2-2થી બરોબરી કરી લીધી છે. 2021માં શરૂ થયેલી ટેસ્ટ સિરીઝનો આવો અંત કોઈ ભારતીયોએ વિચાર્યું પણ નહીં હોય.

આર અશ્વિનને પ્લેઇંગ ઇલેવનમાં સામેલ ન કરાયો
આર અશ્વિનને પ્લેઇંગ ઇલેવનમાં સામેલ કરવામાં આવ્યો નહીં. ભારતીય ટીમને ચાર ફાસ્ટ બોલરો સાથે ઉતરવાનું ભારે પડ્યું. અશ્વિન એવો બોલર છે, જે ગમે તે બેટરને આઉટ કરી શકે છે. એજબેસ્ટનમાં ભારતને આ ભૂલ ભારે પડી છે.

પ્રથમ ઈનિંગમાં ટોપ ઓર્ડર ફ્લોપ
પ્રથમ ઈનિંગમાં ભારતે 98 રનમાં પાંચ વિકેટ ગુમાવી દીધી હતી. ગિલ, પુજારા, હનુમા વિહારી, વિરાટ કોહલી અને અય્યરે હથિયાર હેઠા મુકી દીધા હતા. રિષભ પંત અને જાડેજાએ સદી ન ફટકારી હોત તો ભારતીય ટીમ આટલા રન પણ બનાવી શકત નહીં.

ઈંગ્લેન્ડને વાપસીની તક આપી
416 રન બનાવ્યા બાદ ટીમ ઈન્ડિયાએ 83 રનમાં ઈંગ્લેન્ડના પાંચ બેટરોને આઉટ કરી દીધા હતા. પરંતુ ત્યારબાદ વિરાટ કોહલીએ સ્લેજિંગ કર્યું અને બેયરસ્ટોએ ત્યારબાદ પોતાનો ગેર બદલી નાખ્યો હતો. બેયરસ્ટોએ શાનદાર સદી ફટકારી હતી. જેની મદદથી ઈંગ્લેન્ડની ટીમ 284 રન સુધી પહોંચવામાં સફળ રહી હતી. જેના કારણે ભારતને માત્ર 132 રનની લીડ મળી હતી.

બીજી ઈનિંગમાં ભારતની બેટિંગ ફેલ
પ્રથમ ઈનિંગની મદદથી મળેલી લીડ બાદ ટીમ ઈન્ડિયાના બેટરો બીજી ઈનિંગમાં ફ્લોપ રહ્યાં. પુજારા અને પંતે અડધી સદી ફટકારી હતી. આ સિવાય કોઈ બેટર મોટો સ્કોર કરી શક્યો નહીં. કોહલી હોય કે  વિહારી… તમામ બેટરોએ પોતાની વિકેટ ફેંકી દીધી હતી. બીજી ઈનિંગમાં ખરાબ બેટિંગ ટીમ ઈન્ડિયાને ભારે પડી છે.

ખરાબ ફીલ્ડિંગ અને ખરાબ બોલિંગ ભારે પડી
બ્રેન્ડન મેક્કુલમ જ્યારથી ઈંગ્લેન્ડના કોચ બન્યા છે, ત્યારથી ઈંગ્લેન્ડ ટીમે હાર શબ્દ પોતાની ડિક્શનરીમાંથી હટાવી દીધો છે. ન્યૂઝીલેન્ડ સામે સતત ત્રણ ટેસ્ટમાં લક્ષ્ય હાસિલ કરીને ઈંગ્લેન્ડે જીત મેળવી હતી, તો હવે ભારત સામે પણ ઈંગ્લેન્ડે રેકોર્ડ રનચેઝ કર્યો છે. ઈંગ્લેન્ડે ભારતીય બોલરો સામે આક્રમક બેટિંગ કરી હતી. તો ટીમ ઈન્ડિયાની ખરાબ ફીલ્ડિંગ પણ રહી હતી. ઈંગ્લેન્ડના બેટરો સરળતાથી બાઉન્ડ્રી ફટકારી રહ્યાં હતા. ટીમ ઈન્ડિયાના આ ખરાબ પ્રદર્શનની સમીક્ષા જરૂર થવી જોઈએ.