Connect with us

ગુજરાત

ગુજરાતની મોસ્ટ ડિઝાયરેબલ વુમન 2019 જાનકી બોડીવાલા..

Published

on

ડી-ટાઉન ડીવા જાનકી બોડીવાલા જેટલી સુંદર અને ચાર્મિંગ છે એટલી જ ટેલેન્ટેડ પણ છે. એક્ટ્રેસ એકદમ નેચરલ અદાકારા છે સાથે જ ગુજરાતી ફિલ્મોમાં ધાંસૂ પર્ફોર્મન્સ આપીને વાહવાહી પણ ખૂબ મેળવી રહી છે. 2019માં આવેલી તેની ફિલ્મ ‘બઉ ના વિચાર’માં તેણે પોતાના શ્રેષ્ઠ અભિનયથી દર્શકોને મંત્રમુગ્ધ કરી દીધા હતા. જાનકીને મોસ્ટ ડિઝાયરેબલ વુમન 2019 ના ખિતાબથી સન્માનિત કરવામાં આવી છે.


જાનકીએ જણાવ્યું હતું કે આ ટાઈટલ મારા માટે ખૂબ મહત્વનું છે. મને લાગે છે કે કોઈપણ લિસ્ટમાં પહેલા નંબર પર આવી હોય તેવું ખૂબ લાંબા સમય બાદ બન્યું છે. છેલ્લે અમદાવાદ ટાઈમ્સ ફ્રેશ ફેસ 2014 બની હતી. આ સન્માન માટે મને અને અમદાવાદ ટાઈમ્સને વોટ આપવા માટે હું મારા તમામ ફેનનો આભાર માનું છું.

https://www.instagram.com/p/BsSTeQTDmob/?utm_source=ig_web_copy_link

મને નવી-નવી વસ્તુઓ શીખવાનો શોખ છે. ફેમિના મિસ ઈન્ડિયા પણ મારા માટે એક પડકાર સમાન હતું, તેમાંથી પણ મને ઘણું શીખવા મળ્યું. છેલ્લા કેટલાક મહિનાથી હું ડાન્સ શીખી રહી છું અને મારી લિસ્ટમાં હવે સિંગિંગ છે. હાલ તો હું એક્ટર તરીકે એન્જોય કરી રહી છું અને કેમેરાની સામે હોવું તે મને સૌથી વધારે સંતોષ આપે છે. હું મારી જાતને માત્ર મસાલા ફિલ્મ પૂરતી સીમિત રાખવા માગતી નથી, ગુજરાતી ફિલ્મોમાં પણ હું અલગ-અલગ રોલ પ્લે કરવા માગું છું.

Continue Reading
Advertisement
Click to comment

Leave a Reply

Your email address will not be published.

ગુજરાત

એકબીજાના પ્રેમમાં છે Yash Soni અને Janki Bodiwala, ફિલ્મ ‘છેલ્લો દિવસ’માં સાથે કર્યું હતું કામ

Published

on

યશ સોની (Yash Soni) અને જાનકી બોડીવાલાની (Janki Bodiwala) પ્રેમ કહાણી રીલમાંથી રિયલ લાઈફમાં પરિણમી છે. ફિલ્મ ‘છેલ્લો દિવસ’માં તેમને કપલ તરીકે દેખાડવામાં આવ્યા હતા અને રિલેશનશિપમાં છે યશ સોની અને જાનકી બોડીવાલા

હાઈલાઈટ્સ:
રિયલ લાઈફમાં રિલેશનશિપમાં છે યશ સોની અને જાનકી બોડીવાલા
સોશિયલ મીડિયા પર જાહેરાત કરતાં યશ સોની અને જાનકી બોડીવાલાએ તસવીર શેર કરી
ફિલ્મ ‘છેલ્લો દિવસ’માં યશ સોની અને જાનકી બોડીવાલાએ પહેલીવાર સાથે કામ કર્યું હતું

ઢોલીવુડ ઈન્ડસ્ટ્રીના ટોપ અને પોપ્યુલર એક્ટર્સમાંથી એક યશ સોની (Yash Soni) હાલ તેની પર્સનલ લાઈફને લઈને ચર્ચામાં છે. વાત એમ છે કે, યશ સોનીને તેના જીવનની સાચો પ્રેમ મળી ગયો છે. તે જેના પ્રેમમાં છે તે બીજું કોઈ નહીં પરંતુ ફિલ્મ ‘છેલ્લો દિવસ’માં તેની ઓપોઝિટમાં જોવા મળેલી જાનકી બોડીવાલા (Janki Bodiwala) છે. હા, તમે સાચું વાંચ્યું યશ સોની અને જાનકી બોડીવાલા એકબીજાને ડેટ કરી રહ્યા છે. બંનેને તેમના પરિવારના પણ આશીર્વાદ મળી ગયા છે. કપલે સોશિયલ મીડિયા પર રવિવારે ફેન્સ સાથે આ ન્યૂઝ શેર કર્યા હતા. આ ખબર સાંભળી માત્ર ઈન્ડસ્ટ્રીના તેમના ફ્રેન્ડ્સ જ નહીં પરંતુ ફેન્સ પણ ખુશ થયા છે અને તેમના પર અભિનંદનનો વરસાદ કર્યો છે.

યશ સોની અને જાનકી બોડીવાલાએ તેમના ઈન્સ્ટાગ્રામ હેન્ડલ પર એકબીજા સાથેની સુંદર સેલ્ફી શેર કરી છે. જેમાં તેઓ ખુશ જણાઈ રહ્યા છે. જાનકીના હાથની આંગળીમાં રિંગ પણ દેખાઈ રહી છે, તેના પરથી બંનેએ સગાઈ કરી હોય તેમ લાગી રહ્યું છે. આ સાથે લખ્યું છે ‘1+1= પરિવાર… ઉફ…સમસ્યાઓ હોવા છતાં, તે વાતની જાહેરાત કરતાં આનંદ થઈ રહ્યો છે કે અમે સાથે ખુશ છીએ! અમારા પરિવારના આશીર્વાદની સાથે જીવનના આ સુંદર સફર પર તમારી શુભેચ્છાઓ અમારા પર વરસાવજો. વધુ તસવીરો ખૂબ જલ્દી જોવા મળશે…જોડાયેલા રહેજો!’.

પોસ્ટ પર કોમેન્ટ કરતાં દીક્ષા જોશીએ રેડ હાર્ટ ઈમોટીકોન્સ ડ્રોપ કર્યા છે. તો થોડા દિવસ પહેલા જ બોયફ્રેન્ડ સાથે સગાઈ કરનારી ઈશા કંસારાએ લખ્યું છે ‘અરે અરે’. આ સિવાય ભવ્ય ગાંધીએ પણ અભિનંદન પાઠવ્યા છે. તો કિંજલ રાજપ્રિયાએ લખ્યું છે ‘યાય!! તમને બંનેને અભિનંદન’. સિંગર જીગરદાન ગઢવીએ લખ્યું છે ‘તમને બંનેને ખૂબ બધા આશીર્વાદ’. આ સિવાય ફેન્સે પણ અભિનંદનનો વરસાદ કર્યો છે.

વર્ક ફ્રંટની વાત કરીએ તો, યશ સોની છેલ્લો દિવસ સિવાય શું થયું? અને ચાલ જીવી લઈએ!માં જોવા મળ્યો હતો. જેમાંથી ચાલ જીવી લઈએ! હિટ ફિલ્મ સાબિત થઈ હતી. ફિલ્મે ન માત્ર બોક્સઓફિસ પર સારું કલેક્શન કર્યું પરંતુ તે જોનારાને તેની કહાણીથી રડાવી પણ દીધા. બીજી તરફ જાનકી બોડીવાલા ઓ તારી, તંબુરો, છુટી જશે છક્કા, તારી માટે વન્સ મોર જેવી ફિલ્મોમાં કામ કરી ચૂકી છે. આ સિવાય તે મ્યૂઝિક વીડિયો ‘રાધાને શ્યામ’માં પણ જોવા મળી હતી.ઘરની બહાર કોની સાથે વાતોએ વળગી કરીના? ફોટોગ્રાફર્સને Hi કરીને નીકળી ગઈ

Continue Reading

ગુજરાત

‘તારક મહેતા’ ફૅમ નટુકાકા ઉર્ફે ઘનશ્યામ નાયકનું નિધન,77 વર્ષની ઉંમરે દુનિયાને કહ્યું અલવિદા

Published

on

‘તારક મહેતા’ ફૅમ નટુકાકાનું 77 વર્ષની ઉંમરે નિધન, છેલ્લાં એક વર્ષથી કેન્સર હતું. ‘તારક મહેતા કા ઉલ્ટા ચશ્મા’ ફૅમ 77 વર્ષીય નટુકાકા એટલે કે ઘનશ્યાન નાયકને ગયા વર્ષે સપ્ટેમ્બરમાં ગળામાં કેન્સરની ગાંઠ હોવાનું નિદાન થયું હતું. એ સમયે નટુકાકા 13 દિવસ હોસ્પિટલમાં રહ્યા હતા અને ઓપરેશનમાં 8 ગાંઠ બહાર કાઢવામાં આવી હતી. ઓપરેશન બાદ નટુકાકાએ રેડિયેશન તથા કિમોથેરપી લીધી હતી. હાલમાં જ નટુકાકાના દીકરા વિકાસ નાયકે સો.મીડિયામાં કેન્સરે ઊથલો માર્યો હોવાની વાત કરી હતી.

વિકાસ નાયકની સો.મીડિયા પોસ્ટ પ્રમાણે, ગયા સપ્ટેમ્બર મહિનામાં નટુકાકાનું કેન્સરનું ઓપરેશન કરવામાં આવ્યું હતું. ત્યાર બાદ રેડિયેશનના 30 તથા કિમોના પાંચ સેશન લીધા હતા. ઓક્ટોબર મહિના સુધી નટુકાકાની કેન્સરની સારવાર ચાલી હતી. આ સારવારના છ મહિના બાદ નટુકાકાનો પેટ સ્કેન કરાવવામાં આવ્યો હતો. આ ટેસ્ટમાં નટુકાકાને ગળામાં જ્યાંથી આઠેક ગાંઠો બહાર કાઢી હતી ત્યાં ફરી વાર એકાદ-બે સ્પોટ જોવા મળ્યા હતા. આટલું જ નહીં, ફેફસાંમાં પણ એક-બે નવા શંકાસ્પદ સ્પોટ દેખાયા હતા. આ કેન્સરના જ સ્પોટ હોવાનું પછીથી નિદાન થયું હતું અને એ માટે કિમોથેરપી ફરી એકવાર કરવી પડશે, એમ ડૉક્ટર્સે જણાવ્યું હતું. ઘનશ્યામ નાયકની ઉંમર 76 વર્ષની હોવાથી કિમો માટે દર વખતે નસ પકડવી સહેલી નહોતી, આથી જ ડૉક્ટર્સે તેમના શરીરમાં કેમો પાર્ટ બેસાડવાનું સૂચન કર્યું હતું.

આના માટે ઘનશ્યામ નાયકે નાનકડી સર્જરી પણ કરાવી હતી. કેમો પાર્ટ એટલે એક નાની ડબ્બી શરીરમાં ફિટ કરવામાં આવે છે અને કિમોથેરપીના ઈન્જેક્શન આપી શકાય છે.
ઘનશ્યામ નાયકે થોડાં મહિના પહેલાં ગુજરાતની નેચરલ ફર્ટિલાઇઝર કંપનીની જાહેરાતમાં કામ કર્યું હતું. આ જાહેરાત ઘનશ્યામ નાયકની છેલ્લી જાહેરાત હતી. નટુકાકાએ છેલ્લીવાર કેમેરા સામે એક્ટિંગ કરી હતી.
શોમાં નટુકાકાનું પાત્ર ભજવનાર એક્ટર ઘનશ્યામ નાયકને ગયા વર્ષે કેન્સર થયું હતું. તેઓ દોઢ વર્ષમાં માત્ર 4-5 એપિસોડ શૂટ કરી શક્યા હતા. જોકે, તેમના અકાઉન્ટમાં દર મહિને સેલરી જમા થતી હતી. તેમણે દર મહિને 1 લાખનો પગાર મળતો હતો. આ ઉપરાંત તેમને જેટલા એપિસોડ શૂટ કર્યા હોય તે પ્રમાણે ફી મળતી હતી.

Continue Reading

ગુજરાત

મહારાષ્ટ્ર-ગુજરાત સરહદ પર ટાઇફોઇડની અસર, 10થી 12 ગામમાં ટાઈફોઈડની અસર

Published

on

દેશમાં કોરોના વાયરસના નવા કેસમાં ભયજનક ઉછાળો નોંધાયો છે સતત વધી રહેલા કેસોએ લોકોની ચિંતા વધારી દીધી છે. સ્થિતિ એ થઈ ગઈ છે કે દેશમાં દરરોજ એક લાખથી વધુ નવા કેસ સામે આવી રહ્યાં છે તેવામાં છેલ્લા કેટલાક દિવસોથી બે લાખથી વધુ કેસ નોંધાઈ રહ્યાં છે. ત્યારે ગુજરાત -મહારાષ્ટ્ર બોર્ડર પરના 10થી 12 ગામમાં ટાઈફોઈડે અસર જોવા મળી રહી છે.

જેના કારણે મુશ્કેલીઓમાં વધારો થઈ રહ્યો છે. છેલ્લા 15 દિવસમાં લગભગ 900 લોકો ટાઈફોઈડના શિકાર બની ચૂક્યા છે. કોરોના વચ્ચે આ રોગ ફાટી નીકળતાં લોકોને પરેશાન કર્યા છે. ત્યારે ગુજરાતના સાયલા, મોગરાણી, ટાકલી, ભીલભવાલી, નાસેરપુર અને મહારાષ્ટ્રના પીપલોદ, ભવાલી, વિરપુર, લોય સહિતના ગામમાં ટાઈફોઈડની અસર જોવા મળી છે.

અહીં સતત ટાઈફોઈડના કેસમાં અચાનક ઉછાળો જોવા મળી રહ્યો છે. આવી સ્થિતિમાં, ધનોરા જેવા પ્રાથમિક આરોગ્ય કેન્દ્રમાં આવતા દર્દીઓની સારવાર ખુલ્લામાં અને તંબુમાં કરવી પડે છે.

Continue Reading
Advertisement
Advertisement

Trending