Connect with us

એન્ટરટેઈનમેન્ટ

સિંગર કનિકા કપૂરે આખરે તોડ્યું મૌન, ઓફિશિયલ સ્ટેટમેન્ટ કર્યું રિલીઝ

Published

on

સિંગર કનિકા કપૂર પહેલી ભારતીય સેલિબ્રિટી હતી જેનો કોરોના ટેસ્ટ પોઝિટિવ આવ્યો હતો. કનિકાને થોડા સમય પહેલાં જ હોસ્પિટલથી ડિસ્ચાર્જ કરી દેવાઈ હતી.કનિકાને લઈને ઘણા ન્યૂઝ ફરતા હતા અને તે ટોક ઓફ ધ ટાઉન બની ગઈ હતી. આ બાબતે આખરે હવે કનિકાએ મૌન તોડ્યું છે અને એક ઓફિશિયલ સ્ટેટમેન્ટ રિલીઝ કર્યું છે. સોશિયલ મીડિયા પર તેણે સ્ટે હોમ સ્ટે સેફના કેપ્શન સાથે એક સ્ટેટમેન્ટ શેર કર્યું છે.

તેમાં લખ્યું છે કે, મને ખબર છે કે મારી સ્ટોરીના ઘણા અલગ અલગ વર્ઝન બહાર ફરી રહ્યા છે. અમુક વધારી ચડાવીને ફેલાવવામાં આવ્યા છે કારણકે મેં અત્યારસુધી ચૂપ રહેવાનું પસંદ કર્યું હતું. હું ખોટી હતી એટલે ચૂપ રહી ન હતી અને મને પૂરી ખાતરી હતી કે લોકો વાતને ખોટી રીતે સમજશે અને ખોટી માહિતી શેર કરશે. હું સત્ય જાતે બહાર આવે તેની રાહ જોઈ રહી હતી. હું મારા પરિવાર, મિત્રો અને સપોટર્સનો આભાર માનું છું કે તેઓએ મને હું વાત કરવા માટે તૈયાર થાઉં ત્યાં સુધી મને સમય આપ્યો.

કનિકાએ આગળ અમુક હકીકત શેર કરતા લખ્યું કે, મને અમુક ફેક્ટ્સ તમારી સાથે શેર કરવા છે. હું હાલ લખનઉમાં ઘરે છું અને મારાં માતાપિતા સાથે સમય વિતાવી રહી છું. યુકે, મુંબઈ અને લખનઉમાં હું જેટલા લોકોના સંપર્કમાં આવી હતી તેમાંના કોઈપણ લોકોને કોવિડ -19ના લક્ષણ ન હતા અને એ તમામના રિપોર્ટ્સ પણ નેગેટિવ આવ્યા છે.

હું યુકેથી મુંબઈ 10 માર્ચના આવી અને ઇન્ટરનેશનલ એરપોર્ટ પર મારું ડયુઅલી સ્ક્રીનિંગ થયું હતું. એ દિવસે કોઈ એવી એડવાઈઝરી રિલીઝ થઇ ન હતી કે મારે ખુદને ક્વોરન્ટીન કરવાની જરુર છે. યુકે ટ્રાવેલ એડવાઈઝરી 18 માર્ચના રિલીઝ થઇ હતી. મારી તબિયત એકદમ સારી હતી અને મેં ખુદને ક્વોરન્ટીન કરી ન હતી.

 

હું પરિવારને મળવા માટે 11 માર્ચે લખનઉ આવી. ત્યાં ડોમેસ્ટિક ફ્લાઈટ્સ માટે કોઈ સ્ક્રીનીંગનું સેટ અપ ન હતું. 14 અને 15 માર્ચના રોજ મેં ફ્રેન્ડને ત્યાં લંચ અને ડિનર અટેન્ડ કર્યા હતા. મેં કોઈપણ પાર્ટી હોસ્ટ કરી ન હતી અને મારી તબિયત એકદમ સ્વસ્થ હતી. મને 17 અને 18 માર્ચના લક્ષણો દેખાયા અને મેં ટેસ્ટ માટે રિકવેસ્ટ કરી હતી. 19 માર્ચના મારો ટેસ્ટ થયો અને 20 માર્ચે મને ખબર પડી કે રિપોર્ટ પોઝિટિવ આવ્યો છે. મેં હોસ્પિટલ એડમિટ થવાનું નક્કી કર્યું. 3 નેગેટિવ ટેસ્ટ આવ્યા બાદ મને ડિસ્ચાર્જ કરવામાં આવી અને ત્યારબાદથી હું 21 દિવસ સુધી મારા ઘરમાં જ હતી.

તેણે ડોક્ટર્સ અને નર્સનો પણ આભાર માન્યો છે. તેણે એવું પણ લખ્યું કે, માણસ પર ગમે એટલી નેગેટિવિટી થોપો પરંતુ સત્ય બદલવાનું નથી.

Continue Reading
Advertisement
Click to comment

Leave a Reply

Your email address will not be published.

એન્ટરટેઈનમેન્ટ

શાહરૂખ ખાન પડોશી બનશે રણવીર-દીપિકા, 119 કરોડ રૂપિયામાં ખરીદ્યું ઘર

Published

on

બોલિવૂડના લોકપ્રિય અને પાવર કપલ કહેવાતા રણવીર સિંહ અને દીપિકા પાદુકોણ હવે ટૂંક સમયમાં શાહરૂખ ખાન અને સલમાન ખાનના પડોશી બનવા જઈ રહ્યા છે. રણવીર સિંહે સાગર રેશમ રેસિડેન્શિયલ ટાવરમાં લક્ઝુરિયસ એપાર્ટમેન્ટ ખરીદ્યું છે. આ ઘર દ્વારા તેઓને બેન્ડસ્ટેન્ડ પરથી અરબી સમુદ્રનો સુંદર નજારો જોવા મળશે.

રણવીર સિંહે નવું ઘર ખરીદ્યું છે. જો કે, આ એપાર્ટમેન્ટ હજુ બાંધકામ હેઠળ છે. તેણે જે એપાર્ટમેન્ટની ડીલ કરી છે તેમાંથી સમુદ્રનો ખૂબ જ સુંદર નજારો જોવા મળે છે. અહેવાલો અનુસાર, અભિનેતાએ આ ઘર લગભગ 119 કરોડ રૂપિયામાં ખરીદ્યું છે. આ તેમના નવા ઘરને દેશના અન્ય કોઈપણ એપાર્ટમેન્ટની તુલનામાં સૌથી મોંઘા સોદાઓમાંનું એક બનાવે છે.

ખાસ વાત એ છે કે આ એપાર્ટમેન્ટ શાહરૂખ ખાનના મન્નત અને સલમાન ખાનના ગેલેક્સી એપાર્ટમેન્ટની વચ્ચે આવે છે. જણાવવામાં આવી રહ્યું છે કે તેમનું એપાર્ટમેન્ટ ટાવરના 16માં, 17માં, 18મા અને 19મા માળે આવેલું છે. તેનો કુલ કાર્પેટ એરિયા 11,266 ચોરસ ફૂટ અને 1,300 ચોરસ ફૂટનો સ્પેશિયલ ટેરેસ છે. અહેવાલ છે કે રણવીરને આ ઘર સાથે 19 પાર્કિંગ એરિયા ફાળવવામાં આવ્યા છે.

Continue Reading

એન્ટરટેઈનમેન્ટ

એક્શન એન્ટરટેઈનર ફિલ્મમાં જોવા મળશે માનુષી છિલ્લર

Published

on

ભૂતપૂર્વ મિસ વર્લ્ડ માનુષી છિલ્લરની તાજેતરમાં અક્ષય કુમાર સાથેની સમ્રાટ પૃથ્વીરાજ ફિલ્મ રિલીઝ થઈ હતી. આ ફિલ્મ થિયેટરોમાં કંઈ ખાસ કમાલ બતાવી શકી નથી. થિયેટરો ખાલી જઈ રહ્યા હતા જેના કારણે અનેક સ્થળે શો પણ રદ કરવા પડયા હતા. જો કે ફિલ્મ નિષ્ફળ જવા છતાં માનુષીએ પોતાના કેરિયરની ત્રીજી ફિલ્મ પણ સાઈન કરી હોવાની ચર્ચા છે. માનુષીની ત્રીજી ફિલ્મ એક એક્શન એન્ટરટેઈનર હશે, જેનું શૂટિંગ યુરોપમાં થશે.

 

 

આ ફિલ્મમાં તે નવા અવતારમાં જોવા મળશે. તેથી જ માનુષીને કાસ્ટ કરવામાં આવી છે. કહેવામાં આવી રહ્યું છે કે માનુષીએ વિકી કૌશલ સાથે બીજી ફિલ્મ સાઈન કરી છે. યશ રાજ ફિલ્મ તેને પ્રોડયુસ કરશે અને તેમાં બે મોટા સ્ટાર્સ લીડ રોલમાં હશે. માનુષીની પાછલી ફિલ્મ સમ્રાટ પૃથ્વીરાજની વાત કરીએ તો આ ફિલ્મમાં તે સમ્રાટ પૃથ્વીરાજની પ્રેમિકા સંયોગિતાના રોલમાં હતી.

ચંદ્રપ્રકાશ દ્વિવેદીના નિર્દેશનમાં બનેલી આ ફિલ્મમાં અક્ષય કુમારે સમ્રાટ પૃથ્વીરાજની ભૂમિકા ભજવી હતી. આ ફિલ્મમાં સમ્રાટ પૃથ્વીરાજ અને મોહમ્મદ ઘોરી વચ્ચે ૧૧૯૧ અને ૧૧૯૨માં થયેલા યુદ્ધને પણ દર્શાવવામાં આવ્યું છે.

Continue Reading

એન્ટરટેઈનમેન્ટ

નેશનલ ક્રશ રશ્મિકા મંદાનાની બોલિવૂડમાં એન્ટ્રી

Published

on

અત્યારે બોક્સઓફિસ પર સાઉથ મુવી ધૂમ મચાવી રહી છે, તેની સાથે સાઉથ સ્ટાર પર બધાના પસંદીતા છે,ત્યારે વાત કરીએ સાઉથની ટોચની સ્ટાર રશ્મિકા મંદાના હવે હિંદી ફિલ્મમાં ટાઈગર શ્રોફ સાથે જોડી જમાવતી જોવા મળશે. ટાઈગરની નવી એક્શન ફિલ્મમાં તેને મુખ્ય હિરોઈન તરીકેની ભૂમિકા મળી છે.

કરણ જોહરની ધર્મા પ્રોડ્કશન હેઠળ બનનારી આ ફિલ્મનું દિગ્દર્શન શશાકં ખૈતાન કરવાના છે. આ સંપૂર્ણપણે એક્શન આધારિત ફિલ્મ હશે પરંતુ તેમાં ટાઈગરનાં ડાન્સ સ્કિલ્સનો લાભ ઉઠાવી રો સોન્ગ સાથેનો રોમાન્ટિક ટ્રેક પણ ઉમેરવામાં આવશે. મોટાભાગે આ ફિલ્મનું શૂટિંગ આવતા સપ્ટેમ્બરથી શરુ થઈ શકે છે.

રશ્મિકા પુષ્પા ફિલ્મથી નેશનલ ક્રશનો દરજ્જો મેળવી ચુકી છે. સાઉથ સિવાયના દેશભરના સિને ચાહકો પણ તેની ફિલ્મો જોવા માટે આતુર છે. જોકે, તે ધીમે ધીમે બોલીવૂડમાં એક પછી એક પ્રોજેક્ટ સાઈન કરી રહી છે.

સિદ્ધાર્થ મલ્હોત્રા સાથેની તેની મિશન મજનૂ ઓલરેડી લાઈનમાં છે. આ ઉપરાંત તેની ગૂડબાય ફિલ્મ પણ આવી રહી છે. આ ફિલ્મમાં તે અમિતાભ બચ્ચન સાથે સ્ક્રીન શેર કરવાની છે.સાઉથની વધુ ને વધુ હિરોઈનો બોલીવૂડમાં આવી રહી છે. પુષ્પામાં જ આઈટમ સોંગ કરનારી સામંથા રુથ પ્રભુ પર હાલ બોલીવૂડમાં ઓફર્સનો વરસાદ થઈ રહ્યો છે

Continue Reading
Advertisement
Advertisement

Trending