Connect with us

Featured

જાણો ધનવાન લોકોની એવી કેટલીક આદતો જે તમને પણ સફળતાની સીડી પર ચઢાવી શકે છે…

Published

on

આજકાલની મોડર્ન લાઈફમાં મોટાભાગના લોકોની એક માત્ર સમસ્યા એ છે કે, તેઓ કામ કરવા માટે કેપેબલ હોય છે, પરંતુ કોઈ કારણસર તેમને પોતાની કાબિલિયત પર ભરોશો નથી હોતો. જેને લીધે તેઓ જીવનમાં આગળ વધી શકતા નથી. અહીં આપણે કેટલીક એવી આદતો વિશે વાત કરીશું, જે સફળતા પામનાર લોકોએ પોતાના જીવનમાં અપનાવી છે.

મનુષ્યનું જીવન એ તેની આવક પર આધાર રાખે છે. પરંતુ જો તમે એ નોકરી કરવાનું છોડી દો, અને ત્યારબાદના 3 મહિના પણ સામાન્ય રીતે જીવન ન જીવી શકો, તો તમારે તમારી જીવનશૈલી બદલવાની ખાસ જરૂર છે.

1 ) આવકના માધ્યમ :


દર મહીને પોતાની આવકમાંથી કેટલોક હિસ્સો બચાવીને રાખવો જોઈએ. આ ઉપરાંત પેસીવ આવક માટેનું કોઈ માધ્યમ શોધવું જોઈએ. જેમાં કોઈ શેરમાં ઇન્વેસ્ટમેન્ટ કરવું અથવા કોઈ સિક્યોરીટી અથવા રીઅલ એસ્ટેટમાં જરૂરથી ઇન્વેસ્ટમેન્ટ કરવું. આથી વ્યક્તિની આવકમાં પણ નોંધપાત્ર વધારો થાય છે.

2 ) સેલ્સ અને ડિસ્કાઉન્ટ :


મોટા ભાગના લોકો ખરીદી કરતી વખતે વસ્તુની કિંમત પર વધારે ધ્યાન આપે છે. આ ઉપરાંત ખાસ કરીને લોકો સેલ તથા ડિસ્કાઉન્ટના લેબલ જોઇને ખરીદી કરવા માટે જતા હોય છે. જો તમને પણ આ આદત હોય તો તે ખોટી છે, કારણ કે, સસ્તા દરે વસ્તુની ખરીદી કરવાથી તેની ગુણવત્તા યોગ્ય હોતી નથી, જેથી તેના રીપેરીંગમાં વધારે ખર્ચો કરવો પડે છે, જે તે વસ્તુની અસલ કિંમત કરતાં 3 ઘણું વધારે મોંઘુ પડે છે.

3) સમય :


જો ઓફિસ અને ઘર વચ્ચે આવવા જવાનો સમય એક કલાક કરતાં વધારે હોય તો તે યોગ્ય નથી. કારણ કે, આના કારણે એક મહિનામાં ઘણો એવો સમય વ્યર્થ થઇ જાય છે. એક રીસર્ચ અનુસાર, મોટા ભાગના અમીર લોકો પોતાના કામના સ્થળ અને ઘર વચ્ચે ઓછામાં ઓછુ અંતર રહે તેવું પ્રીફર કરે છે, અથવા તો આ સમય અન્ય રીતે ઉપયોગમાં લઇ લે છે, જેથી સમયનો બગાડ ન થાય.

4) વાંચન :


મહત્વનું છે કે, સમયનો બને તેટલો સદુપયોગ કરવો જોઈએ, કારણ કે, વીતેલો સમય પાછો આવી શકતો નથી. આથી અમીર લોકો પોતાના સમયનો હંમેશા સદુપયોગ કરતા હોય છે. જેમાં કોઈ નવી આંતરરાષ્ટ્રીય ભાષા શીખવી કે પછી કોઈ પર્સનાલીટી ડેવલોપમેન્ટનું પુસ્તક કે અન્ય પુસ્તક વાંચવું વગેરેનો સમાવેશ થઇ શકે છે. એક રીસર્ચ અનુસાર, ૮૫ % અમીર લોકો દરરોજ કોઈ સારું પુસ્તક વાંચવાનું પ્રીફર કરે છે, જે તેમના જીવનમાં ઘણો મહત્વનો ભાગ ભજવે છે.

5) ક્રેડિટકાર્ડ :


આજકાલની મોડર્ન લાઈફમાં ક્રેડિટકાર્ડ સરળતાથી મળી રહે છે, જેને લીધે મોટાભાગના લોકો કાર , મકાન તેમજ અન્ય કોઈ મોટી વસ્તુઓ લેવા માટે ક્રેડિટકાર્ડનો ઉપયોગ કરે છે. પરંતુ આ ક્રેડિટકાર્ડનો યોગ્ય રીતે ઉપયોગ કરવો જોઈએ, નહિ તો તે ખતરનાક સાબિત થઇ શકે છે. એક રીસર્ચ અનુસાર, કોઈ પણ વ્યક્તિની આવક કરતાં તેની દેવાની રકમ ૪૦% કરતાં વધુ ન હોવી જોઈએ.

6) શોર્ટટર્મ ગોલ :


મોટાભાગના લોકો લાંબા ગાળાનો વિચાર કર્યા વિના ટૂંક સમયનો નફો વિચારે છે, જે વ્યક્તિને અમીરીથી દુર લઇ જાય છે. ઉલ્લેખનીય છે કે, જોબ ઇન્ટરવ્યુ વખતે મોટાભાગના લોકો પોતાની એક મહિના પછી મળતી સેલરી પર ધ્યાન આપે છે. તેઓ લાંબા ગાળાનું વિચારતા જ નથી. જયારે જોબ ઇન્ટરવ્યુ વખતે ખાસ પગાર પર નહિ પરંતુ કંપની પર આપવું જોઈએ. ભલે પગાર ઓછો હોય પણ ધીમે ધીમે કંપનીમાં બઢતી મળી શકે છે. આથી જો સારી કંપની હોય તો ઓછા પગારે પણ જોબ લેવી એ ભવિષ્ય માટે ઘણી લાભકારી સાબિત થઇ શકે છે.

7) સેવિંગ્સ :


કહેવામાં આવે છે કે, દુનિયામાં 3 પ્રકારના લોકો હોય છે. 1) જેમની પાસે વસ્તુ છે. 2)જેમની પાસે વસ્તુ નથી. 3) જેમની પાસે વસ્તુ છે પણ તેની કિંમત ચુકવવામાં નથી આવી. મે ૨૦૧૬માં, અમેરિકામાં ફેડરલ રિઝર્વ સિસ્ટમ દ્વારા કરવામાં આવેલા રીસર્ચ અનુસાર, ૫૦% અમેરિકન લોકો પાસે કોઈ જ પ્રકારની સેવિંગ્સ નથી. આવા સમયે કોઈ આકસ્મિક ખર્ચો આવી જતાં સિચ્યુએશન ઘણી કપરી બની શકે છે.

આમ ઉપરોક્ત જણાવેલ સારી આદતોને અપનાવવાથી તેમજ પોતાની આર્થિક સમસ્યાને સમજીને પછી જ આગળ ડગલું ભરવાથી જીવનમાં ઘણો લાભ થઇ શકે છે. જે તમને સફળતાની સીડી સુધી અવશ્ય લઇ જશે.

Continue Reading
Advertisement
Click to comment

Leave a Reply

Your email address will not be published.

Featured

જાણો દુનિયાની એવી કેટલીક રહસ્યમય જગ્યાઓ વિશે, જેના રહસ્યનો ભેદ ઉકેલવામાં હજુ સુધી કોઈને સફળતા મળી શકી નથી.

Published

on

1 ) બ્લડ ફોલ્સ :


એન્ટાર્કટિકાના ટેલર ગ્લેશિયર પર જામેલા બરફમાં એક અનોખી જગ્યા આવેલી છે, જ્યાં લાલ રંગનું ઝરણું વહે છે. ઉલ્લેખનીય છે કે , આ ઝરણાંને જોઈને એવું લાગે છે કે આ લોહીનું ઝરણું વહી રહ્યુ છે. જો કે વૈજ્ઞાનિકોએ આના પર ઘણું સંશોધન કર્યા બાદ તેનો રાઝ સામે આવ્યો. જેમાં જણાવવામાં આવ્યું કે, ઝરણાનાં પાણીમાં આયર્ન ઓકસાઈડ અથવા રસ્ટનું પ્રમાણ હોવાથી તે બ્લડ રેડ કલરનું દેખાય છે.

2 ) ફાયરી ગેટ :


આશરે ૫૦ વર્ષથી આગમાં ઘેરાયેલો અને ૨૨૬ ફૂટ ઊંડો ખાડો કારકુમના તુર્કમેન રણની મધ્યમાં સ્થિત છે. જે તુર્કમેનિસ્તાનમાં આવેલું છે. ઉલ્લેખનીય છે કે, ૧૯૭૧ માં નવા કુદરતી ગેસ ક્ષેત્રે ડ્રિલિંગનું કામ ચાલી રહ્યું હતું. જેમાં ડ્રિલિંગ રિગ તેમજ બીજા એવા ઉપકરણોના વપરાશથી પૃથ્વીના છિદ્રમાંથી હાનિકારક ગેસનું નિર્માણ થયું. આથી આ ગેસનો નાશ કરવા માટે તેને બાળી નાખવાનો નિર્ણય કરવામાં આવ્યો. લોકો આ આગના બુઝાવાની રાહ જોતા રહ્યા પરંતુ આ આગ હજુ સુધી ઓલવાઈ નથી. આથી તેને ‘નરકના દરવાજા’ તરીકે પણ ઓળખવામાં આવે છે.

3 ) નેવર એન્ડીંગ લાઈટ સ્ટોર્મ :


પશ્ચિમી વેનેઝુએલામાં આવેલ કટાટમ્બો નદી પર દરરોજ આશરે 260 જેટલા વીજળીના તોફાન નોંધાયા છે. એમ માનવામાં આવે છે કે, પર્વતોના આકારમાંથી નીકળતી ગરમ હવા સાથે ઠંડી હવા અથડાતા આ પવન સર્જાયા, જે પછી એકબીજા સાથે ટકરાઈને બાષ્પીભવન થતાં, પાણી અને નજીકના તેલ ક્ષેત્રના મિથેન દ્વારા બળતણ કરવામાં આવ્યું . અને ત્યારથી આ કદી પૂરું ના થનારું વીજળીનું તોફાન યથાવત રહ્યું છે. ઉલ્લેખનીય છે કે, આ વીજળીનું તોફાન એટલી ક્ષમતા ધરાવે છે કે , તે એકસાથે ૧૦૦ મિલિયન લાઈટના બોકસને ઉજાગર કરી શકે છે.

4 ) ધ બોઇલિંગ રિવર :


પેરુનાં જંગલોમાં અંશાનિકા ક્ષેત્રમાં એક ઉકળતી નદી વહે છે. આશરે 25 મીટર પહોળી અને 6 મીટર ઊંડી આ નદીનું તાપમાન 100 ડિગ્રી સેલ્સિયસ છે. આ નદીની આસપાસનું વાતાવરણ પાણીમાંથી નીકળતા ધુમાડાને કારણે ધૂંધળું અને ડરામણું લાગે છે. ઉલ્લેખનીય છે કે, એમેઝોન બેસિનની આ નદી એક સક્રિય જ્વાળામુખીથી આશરે 400-450 કિલોમીટર જેટલી દૂર આવેલી છે, છતાંય આ નદીનું પાણી એક્દમ ગરમ રહે છે. આથી આ નદીને ‘ધ બોઇલિંગ રિવર’ તરીકે પણ ઓળખવામાં આવે છે.

5 ) ટ્વીન ટાઉન :


કેરાલામાં આવેલું એક અનોખું ગામ, જેને ‘કોડીન્હી’ ના નામથી ઓળખવામાં આવે છે. અહીની ખાસ વાત એ છે કે અહી મોટા ભાગે જોડિયા બાળકો જોવા મળે છે. ઉલ્લેખનીય છે કે, આ નાનકડા ગામની વસ્તી આશરે ૨૦૦૦ આસપાસ નોંધવામાં આવી છે. અને તેમાં પણ ૪૫૦ જેટલાં બાળકો જોડિયા જોવા મળે છે. મહત્વનું છે કે, વિશ્વમાં સૌથી વધારે પ્રમાણમાં જોડિયા બાળકો કોડીન્હી ગામમાં જોવામાં આવે છે.

6 ) ધ સ્લીપિંગ સિટી :


કઝાકિસ્તાનના કલાચી નામના ગામમાં લોકો એવી રીતે સૂવે છે અને એટલું સૂવે છે જેની કોઇ કલ્પના પણ કરી શકતું નથી. નોંધનીય છે કે, ઉત્તરી કઝાકિસ્તાનમાં વસેલાં આ ગામમાં લોકો રહસ્યમયી રીતે સૂવાની બીમારીથી પીડિત છે. જ્યારે આ લોકો એકવાર સૂઇ જાય છે ત્યારે અનેક દિવસો અને મહિનાઓ સુધી ઊઠતાં જ નથી. આ ગામની વસ્તી લગભગ 600 છે. આ ગામના લગભગ 14 ટકા લોકો આ બીમારીથી પીડિત છે. નોંધનીય છે કે, કઝાકિસ્તાનના આ ગામની પાસે એક સમયે યૂરેનિયમની ખાણ હતી. જે હાલ બંધ થઇ ચૂકી છે. આ ખાણમાં ઝેરી રેડિએશન થતું રહેતું હતું. રિપોર્ટ પ્રમાણે આ ખાણના કારણે જ લોકોને આવી અજીબોગરીબ બીમારીએ જકડી લીધા છે.

Continue Reading

Featured

શું તમે વિશ્વની મુસાફરી કરવાની ઈચ્છા રાખો છો? તો શિષ્ટાચારના આ કેટલાક નિયમોને જરૂરથી યાદ રાખો.

Published

on

જે લોકોને વિશ્વની મુસાફરી કરવાનો શોખ હોય તે લોકો માટે જુદા જુદા દેશમાં અપનાવતા ડેટિંગ શિષ્ટાચારની જાણકારી હોવી અતિ આવશ્યક બની જાય છે. કારણ કે, જુદા જુદા દેશોમાં પોતાની લાગણીઓને દર્શાવવાની રીત જુદી જુદી હોઈ શકે છે. વળી ઘણા દેશોમાં એવું પણ બને કે આપણા ત્યાં જે સામાન્ય બાબત હોય ત્યાં તે જ બાબત સજાને પાત્ર બની શકે છે. તો ચાલો જાણીએ એવી કેટલીક બાબતો વિશે…

1 ) પબ્લિક અફેક્શન :


પહેલાનાં સમયમાં હાઇ સ્કૂલમાં ભણતાં બાળકો પોતાની લાગણીઓને પબ્લિકમાં દર્શાવતાં નજરે પડતા અને આ જ પબ્લિક અફેક્શન તેમના માટે મુશ્કેલીનું કારણ બની જતું હતું. પરંતુ હાલ કેટલાક દેશોમાં આ એક સામાન્ય બાબત ગણવામાં આવે છે. ઉલ્લેખનીય છે કે, જાપાન અથવા કોરિયા જેવા કેટલાક સ્થળોએ પબ્લિકમાં અફેક્શન દર્શાવવું તે ખૂબ જ અસંસ્કારી માનવામાં આવે છે. આ ઉપરાંત સાઉદી અરેબિયા અને અન્ય અરબી દેશોમાં પબ્લિક અફેક્શન એ એક ગુનો ગણાય છે, જેના બદલ ધરપકડ પણ થઇ શકે છે.

2 ) પીડીએનો નિયમ :


કોઈ પણ દેશના લોકો સાથે દોસ્તી કરવા અથવા તેમના ગ્રુપમાં શામેલ થવા માટે તે દેશના પીડીએના નિયમને અવશ્યથી જાણી લેવો જોઈએ. જેનાથી લોકો સાથે સારા સંબંધો બનાવવામાં ઘણી મદદ મળી રહે છે. ઉલ્લેખનીય છે કે, દુનિયામાં એવા ઘણા દેશો આવેલા છે જ્યાં પબ્લિક અફેક્શન દર્શાવવું આવશ્યક બની જાય છે. કારણ કે, જો તેમની સંસ્કૃતિ અનુસાર, જો પબ્લિક અફેક્શન દર્શાવવામાં ન આવે તો તેને અસભ્ય વર્તણુકમાં ગણવામાં આવે છે. મધ્ય અને દક્ષિણ અમેરિકાના દેશોમાં, મોટા ભાગે લોકો પબ્લિક અફેક્શન દર્શાવીને જ એકબીજા સાથે મુલાકાત કરે છે.

3 ) બિલનું વિભાજન :


સામાન્ય રીતે, પશ્ચિમના દેશોમાં, બિલનું વિભાજન કરવું એ એક સારી બાબત ગણવામાં આવે છે. પરંપરાગતરૂપે, પુરુષો સ્ત્રીઓ માટે ચૂકવણી કરતા હોય છે. પરંતુ ઘણાને તે વસ્તુ અપમાનજનક લાગે છે, કારણ કે તે સૂચવે છે કે સ્ત્રીઓ પોતાની સંભાળ રાખી શકતી નથી. ઉલ્લેખનીય છે કે, દક્ષિણ કોરિયામાં બિલનું વિભાજન કરવું તે અપમાનજનક માનવામાં આવે છે. સામાન્ય રીતે, જે વ્યક્તિ વધુ પૈસા કમાય, તેની પાસેથી ચૂકવણી કરવાની અપેક્ષા રાખવામાં આવે છે. એટલે કે ત્યાં મહિલાઓ પણ તેમના બોયફ્રેન્ડ્સ માટે બીલની ચૂકવણી કરી શકે છે. અને તે સામાજિક રીતે સ્વીકાર્ય પણ છે.

4 ) કિસિંગ :


કિસિંગનો સમાવેશ પબ્લિક ડિસ્પ્લે ઓફ અફેક્શનમાં થઇ જાય છે, પરંતુ તે એક જટિલ સમસ્યા છે. કારણ કે, કેટલીક સંસ્કૃતિઓમાં, પીડીએના વિવિધ પ્રકારના શિષ્ટાચારના સ્વરૂપો હોય છે. જેમ કે, કેટલાક યુરોપિયન દેશો જેવા કે જર્મની અને પોલેન્ડમાં, ડેટ પર એકબીજાને ભેટવું એ મળવાની યોગ્ય રીત છે. ત્યાંના દેશોમાં કિસ એ સીરીઅસ રીલેશન માટે આરક્ષિત રાખવામાં આવે છે.

5 ) યોગ્ય સમય :


ઉલ્લેખનીય છે કે, ડેટ પર જતી વખતે અમેરિકામાં લોકો પોતાનો સમય લેવાનું પસંદ કરે છે. ત્યાંની સંસ્કૃતિ અનુસાર, ડેટ પર વહેલા જવાથી ખરાબ છાપ પડી શકે છે. ત્યાં ડેટ પર લેટ જવાનો ટ્રેન્ડ છે અને તેને યોગ્ય પણ માનવામાં આવે છે. જોકે, બીજી બાજુ જર્મની જેવા કેટલાક સ્થળોએ, વ્યક્તિના સમયને ઘણો મૂલ્યવાન માનવામાં આવે છે. ત્યાં કોઈને રાહ જોવડાવવી તે ઘણું અસભ્ય માનવામાં આવે છે.

6 ) ગિફ્ટ :

કોઈને ‘ગિફ્ટ આપવી’ એ આભાર કે પ્રેમ દર્શાવવાની એક રીત છે. ભેટ આપવી એ કાળજી બતાવવાની મહત્વપૂર્ણ રીત છે. ઉલ્લેખનીય છે કે, પશ્ચિમના દેશોમાં ગિફ્ટ આપવી એ ઘણું અગત્યનું છે, કારણ કે, તે દર્શાવે છે કે, તમે જે પ્રાપ્ત કર્યું તેના માટે તમે આભારી છો. જોકે, આ ગિફ્ટને ગિફ્ટ આપનાર સામે ખોલવામાં ન આવે તો તે અત્યંત અસંસ્કારી ગણવામાં આવે છે. જોકે, ચીન અથવા ભારત જેવા કેટલાક એશિયન દેશોમાં, જે વ્યક્તિએ ગિફ્ટ આપી હોય તેની સામે ભેટ ખોલવાનું યોગ્ય ગણવામાં આવતું નથી. કારણ કે, ત્યાં ,કોઈએ આપેલી ગિફ્ટ ઝડપથી ખોલવામાં આવે તો તે વ્યક્તિ લોભી લાગે છે.

7 ) ફૂલોનો ગુલદસ્તો :


મોટાભાગે પુરુષો પાસે અપેક્ષા રાખવામાં આવે છે કે, ડેટ પર જતી વખતે તેઓ એક સુંદર ફૂલોનો ગુલદસ્તો પોતાની ડેટને આપે. મહત્વનું છે કે, રશિયામાં આ ફૂલોના ગુલદસ્તામાં ફૂલોની સંખ્યા બેકી ન હોવી જોઈએ. કારણ કે, બેકી સંખ્યામાં ફૂલો એ અંતિમ સંસ્કારમાં આપવામાં આવે છે. આ ઉપરાંત વિક્ટોરિયન યુગમાં, કોઈને પીળા રંગનું ગુલાબ મોકલવું તે અપમાનજનક ગણવામાં આવતું. કારણ કે તે ઈર્ષ્યા અને બેવફાઈનું પ્રતિનિધિત્વ ધરાવે છે. જોકે, આજના સમયમાં પીળા રંગનું ફૂલ મિત્રતાનું પ્રતીક ગણવામાં આવે છે.

Continue Reading

Featured

શું તમે આજની મોડર્ન જનરેશનમાં સ્ટ્રેસ ફ્રી થઈને જીવવા માંગો છો? તો ચાલો જોઈએ સ્ટ્રેસ ફ્રી રહેવાની આ અનોખી લાઈફસ્ટાઈલ વિશે…

Published

on

આજકાલના ભાગદોડ ભર્યા જીવનમાં લોકોને શ્વાસ લેવાનો પણ પૂરતો સમય મળતો નથી. ત્યારે મોટાભાગના લોકો સ્ટ્રેસમાં જીવતા હોય છે. પરંતુ તેમાંના અમુક લોકો પોતાના જીવનમાં આ સ્ટ્રેસને દુર ભગાવીને ખુશીથી જીવન જીવતા હોય છે. મોટાભાગે આ જ કારણથી લોકો શ્વાનને પોતાની સાથે રાખવાનું પ્રીફર કરતા હોય છે. તો જાણો આવા લોકોની લાઈફસ્ટાઈલ… કે કેવી રીતે આ લોકો પોતાના સ્ટ્રેસને દુર ભગાવે છે.

1 ) હૃદયને લગતી સમસ્યા :


આજકાલના મોડર્ન યુગમાં મોટાભાગે લોકોને રક્તવાહિનીને લગતી સમસ્યાઓ વધારે પ્રમાણમાં જોવા મળે છે. કારણ કે, મોટાભાગના લોકો જોબ કરતા હોય છે, આથી મોટા ભાગનો સમય તેઓ બેઠા બેઠા પસાર કરતા હોય છે. આથી તેમના શરીરને જરૂરી હલનચલન મળતું નથી. પરંતુ જેમના પાસે ડોગ હોય છે, તેઓ રોજ પોતાના ડોગને વોક માટે લઇ જતા હોય છે તેમજ તેની સાથે રમતા હોય છે. આથી તેમના શરીરને જરૂરી હલનચલન પણ મળી રહે છે તેમજ તેમનો સ્ટ્રેસ પણ દુર થઇ જાય છે. એક રીસર્ચ અનુસાર, ડોગ રાખનાર વ્યક્તિને ગંભીર સમસ્યાઓ થવાનું જોખમ 33% ઓછું થઇ જાય છે.

2 ) બીમારીની રિકવરી :


એક સંશોધન અનુસાર , જેમને હાર્ટ એટેક અથવા સ્ટ્રોકની સમસ્યા છે, તે લોકો માટે શ્વાનની સંગત ઘણી ચમત્કારરૂપ સાબિત થઇ છે. આ ઉપરાંત ઘણા કાર્ડિયોલોજિસ્ટ્સ સત્તાવાર પ્રિસ્ક્રિપ્શન તરીકે દર્દીઓને શ્વાન સાથે સમય પસાર કરવાનું સૂચન કરતા હોય છે. આનાથી દર્દીની રિકવરીમાં નોંધપાત્ર સુધારો પણ જોવા મળ્યો છે. આ ઉપરાંત ઘણી એવી હોસ્પિટલો છે જ્યાં શ્વાનને દર્દીઓની સાથે હિલીંગ પ્રોસેસ માટે રાખવામાં આવે છે.

3 ) જરૂરી એક્સેસાઇઝ:


શ્વાનને ઘરમાં રાખવું અને તેની યોગ્ય રીતે સંભાળ રાખવી એ ખુબ જ જરૂરી છે. ગમે તેવી ઠંડી હોય કે ગરમી કે વરસાદ, પરંતુ શ્વાનને તેના સમય પર વોક કરવા માટે લઇ જવું પડે છે. તેમજ તેની સાથે સમય સમય પર રમવું પણ પડે છે. તેમજ અન્ય પ્રવૃત્તિઓ પણ કરાવી પડે છે, જેનાથી શ્વાનને ખુશ રાખી શકાય. આથી શ્વાન રાખનાર વ્યકિતને જરૂરી એક્સેસાઇઝ મળી રહે છે, આથી તેમનામાં સ્વાસ્થ્યને લગતી સમસ્યાઓ થવાનું જોખમ ઓછા પ્રમાણમાં રહે છે.

4 ) માનસિક સ્વાસ્થ્ય :


આજકાલની મોડર્ન લાઇફમાં લોકો મોટાભાગે માનસિક રીતે અસ્વસ્થ જોવા મળે છે. પરંતુ શું તમે જાણો છો કે, શ્વાન એ માનસિક રીતે અસ્વસ્થ લોકો માટે યોગ્ય સપોર્ટર સાબિત થયેલ છે. ભલે તમે મોટા હો કે પાતળા, યુવાન હો કે વૃદ્ધ , તમારા શ્વાન માટે તમે એનું સંપૂર્ણ બ્રહ્માંડ છો. અને તે અવશ્યથી તમારા ચહેરા પર સ્મિત લાવે છે.

5 ) સ્ટ્રેસ ફ્રી જીવન :


એક રીસર્ચ અનુસાર, ડોગ રાખનાર વ્યક્તિ કોઈ પણ બીમારીમાંથી જલ્દી રીકવરી મેળવી શકે છે. જેને હાઈ બીપીની સમસ્યા હોય તેવા લોકો માટે ડોગ એન્ટીડિપ્રેસન્ટ્સ તરીકે કામ કરે છે. ઉલ્લેખનીય છે કે, ડોગ એ એક માત્ર એવા એન્ટીડિપ્રેસન્ટ્સ છે, જેમની કોઈ સાઈડ ઈફેક્ટ થતી નથી. મહત્વનું છે કે, જો ઘરમાં કોઈ પણ પાલતુ પ્રાણી રાખવામાં આવે તો તે ઘરમાં ખુશીનો માહોલ બનાવી દે છે. આથી જો આ પાલતુ પ્રાણીની દેખરેખ રાખવાની ક્ષમતા હોય તો ઘરમાં અવશ્ય તેને રાખવું જોઈએ.

Continue Reading
Advertisement
Advertisement

Trending