Connect with us

એન્ટરટેઈનમેન્ટ

ફિલ્મ અને ટીવી સીરિયલ્સના શૂટિંગ ફરીથી થઇ શકે છે શરૂ,આ નિયમો કરવા પડશે ફોલો

Published

on

સમગ્ર દુનિયામાં કોરોનાએ તબાહી મચાવી છે. લોકડાઉનને કારણે દેશભરના કામ-ધંધા બંધ છે અને લોકો ઘરમાં કેદ રહેવા મજબૂર બન્યા છે. હમેશાં બિઝી રહેતાં બોલિવૂડ સ્ટાર્સ પણ ફિલ્મો અને ટીવી ઈન્ડસ્ટ્રી બંધ રહેવાથી ઘરે જ સમય વિતાવી રહ્યાં છે. લોકડાઉનને કારણે એન્ટરટેનમેન્ટ ઈન્ડસ્ટ્રીને ઘણું મોટું નુકસાન થયું છે.

છેલ્લા 2 મહિના પ્રોડક્શન અને પોસ્ટ પ્રોડક્શનનું કામ બંધ છે. એવામાં ઘણાં કલાકાર પરેશાન છે તો કેટલાક આર્થિક તંગીનો શિકાર પણ થયા છે. ત્યારે ફરી શૂટિંગ શરૂ કરવા માટે પ્રોડ્યૂસર્સ ગિલ્ડ ઓફ ઈન્ડિયા દ્વારા કેટલાક નવા વર્કિંગ પ્રોટોકોલ બનાવવામાં આવ્યા છે. જેનું પાલન કરીને શૂટિંગ કરવામાં આવશે.

પ્રોડ્યૂસર્સ ગિલ્ડ ઓફ ઈન્ડિયાએ હાલમાં જ 37 પાનાની માર્ગદર્શિકા બહાર પાડી છે. જેમાં શૂટિંગ દરમિયાન તમામ પ્રકારની સાવધાનીઓ રાખવાની સૂચના આપવામાં આવી છે. પ્રોડ્યૂસર્સ ગિલ્ડ મુજબ જ્યારે પણ ફિલ્મ અને ટીવી ઈન્ડસ્ટ્રીને શૂટિંગની મંજૂરી આપવામાં આવશે ત્યારે સેટ પર સોશિયલ ડિસ્ટન્સિંગ, કાસ્ટ અને ક્રૂનું મેડિકલ ચેકઅપનું ધ્યાન રાખવું પડશે.

ફિલ્મમેકર્સની મહારાષ્ટ્રના મુખ્યમંત્રી સાથે હાલમાં જ એક વર્ચ્યુઅલ મીટિંગ થઈ હતી, જે બાદ માર્ગદર્શિકા જારી કરવામાં આવી છે. લોકડાઉનમાં મળી રહેલી છૂટછાટને કારણે મેકર્સને આશા જાગી છે કે ટૂંક સમયમાં એ લોકો પણ તેમના બંધ પડેલાં શોઝ અને ફિલ્મોનું શૂટિંગ ફરી શરૂ કરી શકશે. જેથી આ અંગે કેટલીક ગાઈડલાઈન જારી કરવામાં આવી છે.

સેટ પર હાથ ધોવા અને સેનિટાઈઝેશન કરવું ફરજિયાત કરવામાં આવે. ક્રૂના દરેક મેમ્બરને ટ્રીપલ લેયર માસ્ક અને ગ્લોવ્સ આપવામાં આવે, જે તેમને સંપૂર્ણ શૂટ દરમિયાન પહેરવું પડશે.

    જાણો ક્યા છે નિયમો

  • હાથ મિલાવવા, હગ કરવી અને કિસ કરવી નહીં.
  • સેટ / ઓફિસ / સ્ટુડિયોમાં એકબીજાની સિગરેટ શેર કરવી નહીં
  • સાથીદારો વચ્ચે 2 મીટરનું અંતર જાળવવું.
  • 60 વર્ષથી ઉપરનાં વરિષ્ઠ કલાકારોએ પ્રથમ ત્રણ મહિના સેટ પર ન આવવાની સૂચના આપવામાં આવી છે.
  • સેટને રોજ સેનિટાઈઝ કરવામાં આવશે અને સેનિટાઇઝેશનનું કામ ફક્ત સરકારી એજન્સીઓને આપવામાં આવશે.
  • ક્રૂ મેમ્બર્સને ફિટનેસ અને ડિક્લેરેશન ફોર્મ જમા કરાવવું પડશે. તેમના સ્વાસ્થ્યની સમસ્યાઓ જણાવવી પડશે અને એ પણ બતાવવું પડશે કે, કોઈપણ કોવિડ પોઝિટિવના સંપર્કમાં તો આવ્યું નથી. જ્યારે પણ આ લોકો સેટ પર આવશે આ કામ કરવું પડશે.
    દરરોજ શૂટિંગ શરૂ કરવાના 45 મિનિટ પહેલા, સેટ પરના તમામ લોકોને કોરોનાને રોકવા માટેના તમામ ઉપાયો અને સેટ પર શું સાવચેતી રાખવાની છે તેની સંપૂર્ણ માહિતી આપવી પડશે.
  • થોડા મહિનામાં જાતે જ સોશિયલ ડિસ્ટન્સિંગ જાળવવાનો પ્રયાસ કરો, કારણ કે તેને આદત બનાવવાની જરૂર છે.
  • સેટ પર હમેશાં એક એમ્બ્યુલન્સ, બે ડોક્ટર, એક નર્સ હોવી ફરજિયાત છે. જો શૂટિંગ બે શિફ્ટમાં થશે તો બંને શિફ્ટમાં આ લોકો હોવા જરૂરી છે.
  • કોઈપણ ફિલ્મ માટે કાસ્ટિંગ હવે માત્ર ઓનલાઈન જ થશે. એ માટે કલાકારોએ વીડિયો બનાવીને મોકલવો પડશે.
  • કોસ્ટયૂમને લઈને પણ સાવધાની રાખવી જરૂરી છે. એ મેનેજ કરવા પણ બને એટલા ઓછાં લોકો રાખવામાં આવે અને બધાં જ કોસ્ટયૂમ ક્લિન કરીને પ્લાસ્ટિક બેગમાં રાખવા.
    ટેક્નિકલ ટીમે ધ્યાન રાખવું કે કેમેરા સહિતની જે કોઈ વસ્તુઓનો ઉપયોગ વારંવાર કરવામાં આવે છે તેને સેનેટાઈઝ કરતા રહેવું, જેથી સંક્રમણનો ખતરો રહે નહીં.
    રોટેશન અટેન્ડન્સમાં દરેક ડિપાર્ટમેન્ટને ઓછાંમાં ઓછા વર્ક ફોર્સમાં કામ કરવાની સૂચના આપવામાં આવી છે.
  • કેટરિંગ અને ટ્રાન્સપોર્ટને પણ તમામ સૂચનાઓનું ફરજિયાત પાલન કરવાની સલાહ આપવામાં આવી છે

Continue Reading
Advertisement
Click to comment

Leave a Reply

Your email address will not be published.

એન્ટરટેઈનમેન્ટ

શાહરૂખ ખાન પડોશી બનશે રણવીર-દીપિકા, 119 કરોડ રૂપિયામાં ખરીદ્યું ઘર

Published

on

બોલિવૂડના લોકપ્રિય અને પાવર કપલ કહેવાતા રણવીર સિંહ અને દીપિકા પાદુકોણ હવે ટૂંક સમયમાં શાહરૂખ ખાન અને સલમાન ખાનના પડોશી બનવા જઈ રહ્યા છે. રણવીર સિંહે સાગર રેશમ રેસિડેન્શિયલ ટાવરમાં લક્ઝુરિયસ એપાર્ટમેન્ટ ખરીદ્યું છે. આ ઘર દ્વારા તેઓને બેન્ડસ્ટેન્ડ પરથી અરબી સમુદ્રનો સુંદર નજારો જોવા મળશે.

રણવીર સિંહે નવું ઘર ખરીદ્યું છે. જો કે, આ એપાર્ટમેન્ટ હજુ બાંધકામ હેઠળ છે. તેણે જે એપાર્ટમેન્ટની ડીલ કરી છે તેમાંથી સમુદ્રનો ખૂબ જ સુંદર નજારો જોવા મળે છે. અહેવાલો અનુસાર, અભિનેતાએ આ ઘર લગભગ 119 કરોડ રૂપિયામાં ખરીદ્યું છે. આ તેમના નવા ઘરને દેશના અન્ય કોઈપણ એપાર્ટમેન્ટની તુલનામાં સૌથી મોંઘા સોદાઓમાંનું એક બનાવે છે.

ખાસ વાત એ છે કે આ એપાર્ટમેન્ટ શાહરૂખ ખાનના મન્નત અને સલમાન ખાનના ગેલેક્સી એપાર્ટમેન્ટની વચ્ચે આવે છે. જણાવવામાં આવી રહ્યું છે કે તેમનું એપાર્ટમેન્ટ ટાવરના 16માં, 17માં, 18મા અને 19મા માળે આવેલું છે. તેનો કુલ કાર્પેટ એરિયા 11,266 ચોરસ ફૂટ અને 1,300 ચોરસ ફૂટનો સ્પેશિયલ ટેરેસ છે. અહેવાલ છે કે રણવીરને આ ઘર સાથે 19 પાર્કિંગ એરિયા ફાળવવામાં આવ્યા છે.

Continue Reading

એન્ટરટેઈનમેન્ટ

એક્શન એન્ટરટેઈનર ફિલ્મમાં જોવા મળશે માનુષી છિલ્લર

Published

on

ભૂતપૂર્વ મિસ વર્લ્ડ માનુષી છિલ્લરની તાજેતરમાં અક્ષય કુમાર સાથેની સમ્રાટ પૃથ્વીરાજ ફિલ્મ રિલીઝ થઈ હતી. આ ફિલ્મ થિયેટરોમાં કંઈ ખાસ કમાલ બતાવી શકી નથી. થિયેટરો ખાલી જઈ રહ્યા હતા જેના કારણે અનેક સ્થળે શો પણ રદ કરવા પડયા હતા. જો કે ફિલ્મ નિષ્ફળ જવા છતાં માનુષીએ પોતાના કેરિયરની ત્રીજી ફિલ્મ પણ સાઈન કરી હોવાની ચર્ચા છે. માનુષીની ત્રીજી ફિલ્મ એક એક્શન એન્ટરટેઈનર હશે, જેનું શૂટિંગ યુરોપમાં થશે.

 

 

આ ફિલ્મમાં તે નવા અવતારમાં જોવા મળશે. તેથી જ માનુષીને કાસ્ટ કરવામાં આવી છે. કહેવામાં આવી રહ્યું છે કે માનુષીએ વિકી કૌશલ સાથે બીજી ફિલ્મ સાઈન કરી છે. યશ રાજ ફિલ્મ તેને પ્રોડયુસ કરશે અને તેમાં બે મોટા સ્ટાર્સ લીડ રોલમાં હશે. માનુષીની પાછલી ફિલ્મ સમ્રાટ પૃથ્વીરાજની વાત કરીએ તો આ ફિલ્મમાં તે સમ્રાટ પૃથ્વીરાજની પ્રેમિકા સંયોગિતાના રોલમાં હતી.

ચંદ્રપ્રકાશ દ્વિવેદીના નિર્દેશનમાં બનેલી આ ફિલ્મમાં અક્ષય કુમારે સમ્રાટ પૃથ્વીરાજની ભૂમિકા ભજવી હતી. આ ફિલ્મમાં સમ્રાટ પૃથ્વીરાજ અને મોહમ્મદ ઘોરી વચ્ચે ૧૧૯૧ અને ૧૧૯૨માં થયેલા યુદ્ધને પણ દર્શાવવામાં આવ્યું છે.

Continue Reading

એન્ટરટેઈનમેન્ટ

નેશનલ ક્રશ રશ્મિકા મંદાનાની બોલિવૂડમાં એન્ટ્રી

Published

on

અત્યારે બોક્સઓફિસ પર સાઉથ મુવી ધૂમ મચાવી રહી છે, તેની સાથે સાઉથ સ્ટાર પર બધાના પસંદીતા છે,ત્યારે વાત કરીએ સાઉથની ટોચની સ્ટાર રશ્મિકા મંદાના હવે હિંદી ફિલ્મમાં ટાઈગર શ્રોફ સાથે જોડી જમાવતી જોવા મળશે. ટાઈગરની નવી એક્શન ફિલ્મમાં તેને મુખ્ય હિરોઈન તરીકેની ભૂમિકા મળી છે.

કરણ જોહરની ધર્મા પ્રોડ્કશન હેઠળ બનનારી આ ફિલ્મનું દિગ્દર્શન શશાકં ખૈતાન કરવાના છે. આ સંપૂર્ણપણે એક્શન આધારિત ફિલ્મ હશે પરંતુ તેમાં ટાઈગરનાં ડાન્સ સ્કિલ્સનો લાભ ઉઠાવી રો સોન્ગ સાથેનો રોમાન્ટિક ટ્રેક પણ ઉમેરવામાં આવશે. મોટાભાગે આ ફિલ્મનું શૂટિંગ આવતા સપ્ટેમ્બરથી શરુ થઈ શકે છે.

રશ્મિકા પુષ્પા ફિલ્મથી નેશનલ ક્રશનો દરજ્જો મેળવી ચુકી છે. સાઉથ સિવાયના દેશભરના સિને ચાહકો પણ તેની ફિલ્મો જોવા માટે આતુર છે. જોકે, તે ધીમે ધીમે બોલીવૂડમાં એક પછી એક પ્રોજેક્ટ સાઈન કરી રહી છે.

સિદ્ધાર્થ મલ્હોત્રા સાથેની તેની મિશન મજનૂ ઓલરેડી લાઈનમાં છે. આ ઉપરાંત તેની ગૂડબાય ફિલ્મ પણ આવી રહી છે. આ ફિલ્મમાં તે અમિતાભ બચ્ચન સાથે સ્ક્રીન શેર કરવાની છે.સાઉથની વધુ ને વધુ હિરોઈનો બોલીવૂડમાં આવી રહી છે. પુષ્પામાં જ આઈટમ સોંગ કરનારી સામંથા રુથ પ્રભુ પર હાલ બોલીવૂડમાં ઓફર્સનો વરસાદ થઈ રહ્યો છે

Continue Reading
Advertisement
Advertisement

Trending