Connect with us

રમત

પબજી સહિત 118 એપ પર પ્રતિબંધ, જાણો કઈ એપ પર મુક્યો પ્રતિબંધ

Published

on

ભારત-ચીન વચ્ચે સરહદ પર થયેલા વિવાદ બાદ ભારત સરકાર ચીન પર એક બાદ એક આકરા પગલા ભરી રહી છે. પહેલા ભારતે ટિકટોક સહિત અનેક ચાઇનીઝ એપ પર પ્રતિબંધ લગાવ્યો હતો.

હવે કેન્દ્ર સરકારે યુવાનોમાં સૌથી લોકપ્રિય બનેલી મોબાઇલ ગેમ પબજી પર આખરે પ્રતિબંધ મુક્યો છે. સરકારે પબજી સહિત અન્ય 118 એપ પર પ્રતિબંધ લગાવી દીધો છે.

મળતી માહિતી મુજબ, ભારતે સરકારે જાહેર કરેલ એક નોટિફિકેશન મુજબ પબજી ઉપરાંત એપ લોક, એપલોક લાઈટ, ગેમ ઓફ સુલતાન્સ સહિતની 118 એપ પર ભારતમાં પ્રતિબંધ મુક્યો છે. ઉલ્લેખનીય છે કે, ભારત અને ચીન વચ્ચે છેલ્લા કેટલાક સમયથી સરહદ વિવાદ ચાલી રહ્યો છે.

જેને લઈ બન્ને દેશોની સેના આમને સામને છે અને તણાવ ભરેલી સ્થિતિ સર્જાયેલી છે. આ પહેલા સરહદ વિવાદ વચ્ચે કેન્દ્ર સરકારે 69 એપ્સ પર પ્રતિબંધ મૂક્યો હતો. જો કે, ત્યારબાદ 106 એપ્સ પર અને હવે 118 એપ્લીકેશન પર પ્રતિબંધ મૂકવામાં આવ્યો છે.

Continue Reading
Advertisement
Click to comment

Leave a Reply

Your email address will not be published. Required fields are marked *

જાણવા જેવું

ક્રિકેટ રસિયાઓ માટે સૌથી મોટા સમાચાર,ભારતમાં રમાશે 2021નો ટી-20 વર્લ્ડ કપ

Published

on

કોરોના કહેર વચ્ચે ક્રિકેટ રસિયાઓ માટે સૌથી મોટા સમાચાર સામે આવી રહ્યા છે. મળતી માહિતી પ્રમાણે 2021નો ટી-20 વર્લ્ડ કપ ભારતમાં રમાશે. શુક્રવારના ભારતીય ક્રિકેટ બૉર્ડ અને ક્રિકેટ ઑસ્ટ્રેલિયા તેમજ આઈસીસીની બેઠક થઈ જેમાં આ નિર્ણય લેવામાં આવ્યો છે.


મળતી માહિતી મુજબ તો 2022માં ઑસ્ટ્રેલિયામાં ટી-20 વિશ્વ કપ રમાશે.ઉલ્લેખનીય છે કે 18 ઑક્ટોબરથી ઑસ્ટ્રેલિયામાં આઈસીસી ટી-20 વર્લ્ડ કપનું આયોજન થવાનું હતુ, પરંતુ કોવિડ-19 મહામારીના કારણે આને સ્થગિત કરવામાં આવ્યો છે, જેનાથી ઇન્ડિયન પ્રીમિયર લીગનો રસ્તો સાફ થયો છે, જે દુબઈમાં 19 સપ્ટેમ્બરથી શરૂ થશે.

2021નો ટી-20 અને 2023નો વનડે વર્લ્ડ કપ ભારતમાં થવાનું નક્કી થઈ ગયું છે, જ્યારે 2022નો ટી-20 વર્લ્ડ કપ ઑસ્ટ્રેલિયાની યજમાનીમાં રમાશે.બીજી તરફ આઈસીસીએ મહિલા વનડે વર્લ્ડ કપ 2021ને રદ્દ કરી દીધો છે.

ત્યારે હવે આ ટૂર્નામેન્ટ 2022માં 6 ફેબ્રુઆરીથી 7 માર્ચ સુધી ન્યૂઝીલેન્ડમાં રમાશે. ભારતમાં થનારો ટી-20 વર્લ્ડ કપ આવતા વર્ષે ઑક્ટોબર-નવેમ્બરમાં રમાશે. ટૂર્નામેન્ટની ફાઇનલ 14 નવેમ્બરના નક્કી કરવામાં આવી છે. ઑસ્ટ્રેલિયામાં થનારો ટી-20 વર્લ્ડ 2022 ઑક્ટોબર-નવેમ્બરમાં રમાશે, જ્યારે ફાઇનલ 13 નવેમ્બરના થશે.

Continue Reading

રમત

આઇપીએલ ૧૩ની શરૂ કરાઇ તડામાર તૈયારીઓ, ખેલાડીઓએ રાખવુ પડશે આટલી વસ્તુઓનું ખાસ ધ્યાન

Published

on

કોરોના વાયરસની વચ્ચે ક્રિકેટપ્રેમીઓ વચ્ચે સારા સમાચાર આવી રહ્યા છે,ભારતીય ક્રિકેટ બોર્ડે આઇપીએલની ૧૩મી સિઝન માટે તડામાર તૈયારીઓ શરૂ કરી દીધી છે. યુઇએમાં રમાનારી આ ટી૨૦ લીગ પ્રેક્ષકોની ગેરહાજરીમાં બંધબારણે રમાશે.

ત્યારે મળતી માહિતી મુજબ આઇપીએલ પહેલાં તમામ ખેલાડીઓના બે સપ્તાહમાં ચાર-ચાર વખત કોરોના ટેસ્ટ થશે. આ ઉપરાંત કોમેન્ટેટર્સ પણ છ ફૂટના અંતરે બેસીને લાઇવ કોમેન્ટરી આવશે. પોસ્ટ મેચ પ્રેઝન્ટેશનમાં પણ સોશિયલ ડિસ્ટન્સનો ચુસ્ત રીતે અમલ કરવામાં આવશે.

આ વખતની આઇપીએલમાં ઘણા ફેરફારો જોવા મળશે. ગ્રાઉન્ડ ઉપર મૂકવામાં આવતા ડગઆઉટમાં ગણતરીના ખેલાડીઓ તથા સહાયક સ્ટાફ રહેશે. આ ઉપરાંત ડ્રેસિંગરૂમમાં ૧૫ કરતાં વધારે ખેલાડીઓની મંજૂરી આપવામાં આવશે નહીં. બીસીસીઆઇ ચુસ્ત રીતે ટૂર્નામેન્ટમાં સ્ટાન્ડર્ડ ઓપરેટિંગ પ્રોસિઝર લાગુ કરશે.

જાણવા મળી રહ્યુ છે કે પ્રત્યેક ખેલાડી ટૂર્નામેન્ટ પહેલાં બે સપ્તાહના ગાળામાં ચાર કોવિડ-૧૯ ટેસ્ટમાંથી પસાર થશે. બે ટેસ્ટ ભારતથી યુઇએ જતાં પહેલાં અને બાકીના બે ટેસ્ટ યુએઇ ખાતે ક્વોરન્ટાઇનના સમયગાળા દરમિયાન કરવામાં આવશે.

એસઓપીને વેસ્ટ ઇન્ડિઝ સામેની ટેસ્ટ શ્રેણી માટે ઇસીબીએ તૈયાર કરેલા માપદંડ મુજબ તૈયાર કરવામાં આવી છે. એક વખત જો કોઈ ટીમને હોટેલ આપવામાં આવશે તો પાછળથી કોઈ પણ કિંમતે તેને બદલવામાં આવશે નહીં.

તેની સાથે એક મહત્વનો નિર્ણય પણ લેવા આવશે કે સપ્ટેમ્બરથી નવેમ્બરની વચ્ચે રમાનારી આઇપીએલમાં ખેલાડીઓની પત્ની તથા ગર્લફ્રેન્ડને સાથે લઈ જવી કે નહીં કે અંગે ગર્વિંનગ કાઉન્સિલ નિર્ણય લેશે.

 

 

 

જોકે આઇપીએલ ૨૦૨૦ માટે હજુ સુધી ભારત સરકારની મંજૂરી મળી નથી પરંતુ યુએઇએ યજમાની કરવાની સહમતી વ્યક્ત કરી દીધી છે. બીસીસીઆઇના અધિકારીએ જણાવ્યું હતું કે માત્ર ખેલાડીઓ જ નહીં પરંતુ ફ્રેન્ચાઇઝીના માલિકો, ખેલાડીઓની પત્ની કે ગર્લફ્રેન્ડને પણ બાયો સિક્યોર બબલ તોડવાની મંજૂરી મળશે નહીં. એક વખત બાયો-બબલ આવી ગયા બાદ કોઈને તે તોડવાની મંજૂરી મળશે નહીં.

Continue Reading

એન્ટરટેઈનમેન્ટ

ભારતીય ઓલરાઉન્ડર હાર્દિક પંડ્યા બન્યો પિતા,પત્ની નતાશાએ આપ્યો બેબી બોયને જન્મ

Published

on

ભારતીય ઓલરાઉન્ડર હાર્દિક પંડ્યા પિતા બન્યો છે. તેની પત્ની નતાશાએ ગુરુવારે બેબી બોયને જન્મ આપ્યો છે. હાર્દિકે ટ્વીટ કરીને આ ગુડ ન્યૂઝ શેર કર્યા હતા.હાર્દિકના પરિવારમાં નવા મહેમાનના આગમન પર તેના લાખો ફેન્સે સોશિયલ મીડિયા પર શુભેચ્છા પાઠવી છે.

નતાશા અને હાર્દિકની એક તસવીર ડિલિવરી પહેલા જ સોશિયલ મીડિયા પર આવી હતી જેમાં બંને ડિલિવરી માટે જતા જોવા મળી રહ્યાં છે.હાર્દિકે દિકરાની એક તસવીર શેર કરી છે. તેની પહેલા તેણે નતાશા સાથે તસવીર શેર કરતાં કેપ્શન લખ્યું હતુ, કમિંગ સૂન.આ તસવીર સાથે તેણે ફેન્સને હિન્ટ આપી હતી કે તે ટૂંક સમયમાં પોતાના બાળકનો પિતા બનવા જઇ રહ્યો છે અને મૉમ ટુ બી નતાશા પણ આ ખાસ પળને લઇને ઉત્સુક છે.

હાર્દિક પંડ્યા અને નતાશા બંનેએ આ સમય ખૂબ જ સારી રીતે માણ્યો છે. બંનેની રોમેન્ટિક તસવીરો સોશિયલ મીડિયા પર ખૂબ વાયરલ થઈ છે. ગર્ભાવસ્થાના સમયગાળા દરમિયાન, નતાશાએ તેની ઘણી તસવીરો લીધી અને લોકડાઉનનો મોટો ફાયદો એ થયો કે હાર્દિક તેની સાથે સતત રહેતો હતો.

હાર્દિકના પહેલા બાળકના જન્મના સમાચાર બહાર આવ્યા બાદ હવે ચાહકો ઉત્સાહિત છે કે તે તેના બાળકનું નામ શું રાખશે. જોકે, હજી સુધી માહિતી જાહેર થઈ નથી. ક્રિકેટ ઉદ્યોગ અને મનોરંજન જગતના ઘણા લોકોએ પણ હાર્દિક અને નતાશાને માતાપિતા બનવા બદલ અભિનંદન આપ્યા છે.

તમને જણાવી દઇએ કે નતાશા ઘણી બોલીવુડની ફિલ્મો ઉપરાંત રિયાલિટી શોમાં પણ જોવા મળી છે. સલમાન ખાનના શો ‘બિગ બોસ સીઝન 8’માં પણ નતાશા સ્પર્ધક તરીકે જોવા મળી હતી. ઇમરાન હાશમી અને ઋષિ કપૂરની ફિલ્મ ‘ધ બોડી’ના એક ગીતમાં નતાશા સ્ટેનકોવિક છેલ્લે જોવા મળી હતી.

હાર્દિક અને નતાશાએ ગત વર્ષે દુબઇમાં સગાઇ કરી હતી. સગાઇ બાદ હાર્દિકે સોશિયલ મીડિયા પર ફેન્સને આ વિશે જાણકારી આપી હતી.હાર્દિક અને નતાશાએ આ વર્ષના પ્રથમ દિવસે એટલે કે પહેલી જાન્યુઆરી 2020ના રોજ સોશિયલ મીડિયા દ્વારા ફેન્સને કહ્યું હતું કે, બંનેની દુબઈમાં સગાઈ થઈ ગઈ છે.

 

તે સમયે દંપતીની સગાઈના ફોટા પણ સોશિયલ મીડિયા પર વાયરલ થયા હતા. નતાશા મૂળ સર્બિયાની છે.તે 2013ની બોલિવૂડ ફિલ્મ ‘સત્યાગ્રહ’ના આઈટમ સોંગમાં જોવા મળી હતી. નતાશા રેપર બાદશાહના મ્યુઝિક વીડિયો ‘ડીજે વાલે બાબુ મેરા ગાના બજા દે’થી ખૂબ પ્રખ્યાત થઇ હતી.

Continue Reading


Advertisement

Trending

Copyright © 2018 - 2021 Gujju Media.