Connect with us

આંતરરાષ્ટ્રીય

કોરોના વાયરસના કહેર વચ્ચે સારા સમાચાર,આ દેશે પ્રથમ વેક્સીન તૈયાર કરવાનો કર્યો દાવો, મનુષ્યો પર ટ્રાયલ રહી સફળ

Published

on

રૂસે કોરોના વાયરસની વેક્સીન તૈયાર કરવાનો દાવો કર્યો છે. રૂસના સેચેનોવ વિશ્વ વિદ્યાલયનું કહેવું છે કે તેણે વિશ્વની પ્રથમ કોરોના વાયરસ વેક્સીન તૈયાર કરી લીધીછે અને તેની મનુષ્યો પર ટ્રાયલ પણ સફળ રહી છે.

ઇન્સ્ટીટ્યૂટ ફોર ટ્રાન્સલેશન મેડિસિન એન્ડ બાયોટેક્નોલોડીના ડાયરેક્ટર વદિમ તરાસોવએ જણાવ્યું કે, જે વોલેન્ટિયર પર વેક્સીનનું પરીક્ષણ કરવામાં આવ્યું હતું, તેની પ્રથમ બેચને બુધવારે અને બીજી બેચને 20 જુલાઈએ હોસ્પિટલમાંથી રજા આપવામાં આવશે.

તરાસોવ અનુસાર, વિશ્વ વિદ્યાલયે 18 જૂને રૂસના ગેમલી રોગશાસ્ત્ર અને માઇક્રોબાયોલોજી ઇન્સ્ટિટ્યૂટ દ્વારા નિર્મિત રસીનું પરીક્ષણ શરૂ કર્યું હતું. વિશ્વ વિદ્યાલયે પ્રથમ વેક્સીનના વોલેન્ટિયર પર સફળતાપૂર્વક પરીક્ષણ પૂરુ કરી લીધું છે.

તો યૂનિવર્સિટીમાં ઈન્સ્ટીટ્યૂટ ઓફ મેડિકલ પેરાસિટોલોજી, ટ્રોપિકલ એન્ડ વેક્ટર-બોર્ન ડિસીઝના ડાયરેક્ટર એલેક્જેન્ડર લુકાશેવ (Alexander Lukashev)ના સ્પુતનિકને જણાવ્યું કે, આ અભ્યાસનો ઇરાદો માનવ સ્વાસ્થ્યની સુરક્ષા માટે COVID-19ની વેક્સીનને સફળતાપૂર્વક તૈયાર કરવાનો હતો. સુરક્ષાની દ્રષ્ટિએ વેક્સીનના બધા પાસાંની તપાસ કરવામાં આવી છે અને આ જલદી બજારમાં ઉપલબ્ધ થશે.

લુકાશેવે કહ્યુ કે, આગળની રણનીતિ પર પણ કામ કરી લેવામાં આવ્યું છે, અને આ વિશે જલદી જાણકારી આપવામાં આવશે. તેમણે કહ્યું કે, કોરોના મહામારી સામે લડાઇમાં વેક્સીન તૈયાર કરવામાં સેચેનોવ વિશ્વ વિદ્યાલયે મહત્વપૂર્ણ ભૂમિકા ભજવી છે. અમે આ રસીની સાથે કામ કરવાનું કરવાનું શરૂ કર્યું હતું. અભ્યા, પ્રોટોકોલ વિકાસ અને ડાયગ્નોસ્ટિક ટેસ્ટ વર્તમાનમાં ચાલી રહ્યાં છે. ઉલ્લેખનીય છે કે અમેરિકા સહિત વિશ્વના ઘણા દેશો કોરોના પર વેક્સીન તૈયાર કરવા પર કામ કરી રહ્યાં છે.

Continue Reading
Advertisement
Click to comment

Leave a Reply

Your email address will not be published. Required fields are marked *

આંતરરાષ્ટ્રીય

રેમડેસિવીર ઈન્જેક્શનને લઈ સરકારે લીધો નિર્ણય

Published

on

કેન્દ્ર સરકારે રેમડેસિવીર ઇન્જેક્શનના નિકાસ પર પ્રતિબંધ લગાવી દીધો છે. દેશમાં કોરોના વાયરસના વધી રહેલા કેસને જોઈને આ નિર્ણય કરવામાં આવ્યો છે.

ઉલ્લેખનીય છે કે કોવિડ-19 સામેની લડાઇમાં રેમડેસિવીરને ખાસ કરીને તે વયસ્ક દર્દીઓ માટે મહત્વપૂર્ણ એન્ટી વાયરલ દવા માનવામાં આવે છે, જે સ્વાસ્થ્ય સંબંધી ગંભીર જટિલતાઓનો સામનો કરી રહ્યા છે. ભારત સરકારે પોતાના નિવેદનમાં કહ્યું કે જ્યાં સુધી દેશમાં કોરોના વાયરસની સ્થિતિમાં સુધારો ના થાય ત્યાં સુધી રેમડેસિવીર ઇન્જેક્શન અને રેમડેસિવીર એક્વિટ ફાર્માસ્યૂટિકલ ઇંગ્રેડિએંટ્સના (API) નિકાસ પર પ્રતિબંધ લગાવવામાં આવે છે.

સરકારે કહ્યું કે આવનાર સમયમાં રેમડેસિવીર ઇન્જેક્શનની માંગ વધવાની પૂરી સંભાવના છે અને આ માટે ફાર્માસ્યૂટિકલ ડિપાર્ટમેન્ટ રેમડેસિવીરનું ઉત્પાદન વધારવા માટે ઘરેલું નિર્માતા કંપનીઓની સાથે સંપર્કમાં છીએ.

મહત્વનું છે કે, કોરોનાના દર્દીઓ માટે રેમડેસિવીર ઈન્જેક્શની ખૂબ જ માંગ છે. ગુજરાતના વિવિધ મહાનગરોમાં આ ઈન્જેક્શન લેવા માટે કોરોના પીડિત દર્દીઓના સગા સંબંધીઓ લાઈનો લગાવી રહ્યા છે.

Continue Reading

આંતરરાષ્ટ્રીય

સ્પુતનિક Vને લઈ મહત્વના સમાચાર, વેક્સિનને ભારતમાં ઈમરજન્સી ઉપયોગ માટે મંજૂરી

Published

on

રશિયાની કોરોના વેક્સીન સ્પુતનિક V ને એક્સપર્ટ કમિટીએ ઇમરજન્સીમાં ઉપયોગની મંજૂરી આપી દીધી છે. આ સાથે કોરોના સાથે નિપટવા માટે ભારતને ત્રીજી વેક્સીન મળી ગઈ છે. મળતી માહિતી મુજબ, દેશમાં કોવિશીલ્ડ અને કોવેક્સીનનો ઉપયોગ પહેલા જ થઇ રહ્યો છે.

હવે સ્પુતનિક V ને મંજૂરી મળ્યા પછી આ મહામારીથી નિપટવા માટે ડોક્ટરો પાસે વધુ એક હથિયાર આવી ગયું છે. ઉલ્લેખનીય છે કે સૌથી પહેલા રશિયાએ જ કોરોના વેક્સીન સ્પુતનિક V બનાવવાનો દાવો કર્યો હતો.

આ પહેલા એક રિપોર્ટમાં એ વાત સામે આવી હતી કે ભારતમાં ઓક્ટોબર સુધી પાંચ વેક્સીનને મંજૂરી મળી શકે છે. રિપોર્ટ પ્રમાણે આ વેક્સીન ડૉ રેડ્ડીઝના સહયોગથી તૈયાર થઇ રહેલી સ્પુતનિક V, બાયોલોજિકલ ઇ ના સહયોગથી બની રહેલી જોનસન એન્ડ જોનસનની વેક્સીન, સીરમ ઇન્ડિયાના સહયોગથી તૈયાર કરવામાં આવી રહેલી નોવાવેક્સ વેક્સીન, ઝાયડસ કેડિલા વેક્સીન અને ભારત બાયોટેકની ઇંટ્રાનસલ વેક્સીન છે.

આવામાં સ્પુતનિક V ને મંજૂરી મળ્યા પછી ભારતના ટિકાકરણ અભિયાન ઝડપથી આગળ વધી શકશે.

Continue Reading

આંતરરાષ્ટ્રીય

રશિયાએ કોરોનાની વેક્સિન બનાવ્યા હોવાનો દાવો,આટલા દેશોએ અત્યાર સુધી આપી દીધો છે ઓર્ડર

Published

on

કોરોના મહામારીના કારણે દેશ જ નહિ પરંતુ આખુ વિશ્ર્વ પરેશાન છે ત્યારે આ મહામારી વચ્ચે વ્લાદિમીર પુટિનએ મોટી જાહેરાત કરી કે દેશમાં તૈયાર કરાયેલી કોરોના વાયરસની રસીને આરોગ્ય મંત્રાલયની મંજૂરી મળી ગઈ છે.

આ વચ્ચે રશિયાએ અન્ય મોટો દાવો કરતા જણાવ્યું છે કે પોતાના દેશની રસી માટે અન્ય 20 દેશોએ અત્યાર સુધી ઓર્ડર આપી દીધો છે.રશિયાના રાષ્ટ્રપતિ વ્લાદિમીર પુટિને જણાવ્યું હતું કે હેલ્થ મિનિસ્ટ્રીએ પોતાના દેશમાં બનેલી કોરોના વાયરસની રસીને આખરે મંજૂરી આપી દીધી છે. પુટિને કહ્યું કે આ રસીની રસી પહેલેથી જ તેમની પુત્રીને આપી દેવાઈ છે. જો કે તેમણે સ્પષ્ટતા નથી કરી કે તેમણે પોતે રસી લીધી હતી કે નહીં.


મળતી માહિતી મુજબ જો કે આ વચ્ચે રશિયાએ બીજો સૌથી મોટો દાવો કર્યો છે કે વિશ્વના 20 દેશો દ્વારા આ રસીના 1 અબજ ડોઝ બનાવવાનો આદેશ આપવામાં આવ્યો છે.

પુટિને કહ્યું, ‘મારી પુત્રીએ પણ આ રસી લીધી છે, શરૂઆતમાં તેને હળવો તાવ હતો પરંતુ હવે તે એકદમ ઠીક છે.’તેઓએ કહ્યું કે મારી પુત્રી ઠીક છે અને સ્વસ્થ લાગે છે. તેમણે આ સમગ્ર ટ્રાયલમાં પણ ભાગ લીધો હતો.

આ ઘોષણા પછી, રશિયા પહેલો દેશ બન્યો છે જેણે રસી બનાવવાનું કામ પૂર્ણ કરવાનો દાવો કર્યો છે. રશિયાએ યોજના બનાવી છે કે આ રસી પ્રથમ આરોગ્ય કર્મચારીઓને, પછી વૃદ્ધોને આપવામાં આવશે.

મોસ્કોએ ઘણા દેશોમાં રસી સપ્લાય કરવાની વાત પણ કરી છે. રશિયા કહે છે કે તે સપ્ટેમ્બર સુધીમાં તેની કોરોના રસીનું મોટા પાયે ઉત્પાદન શરૂ કરી શકે છે.ઓગસ્ટ મહિનાની શરૂઆતમાં રશિયાના સ્વાસ્થ્ય મંત્રીએ કહ્યું હતું કે રસીનું ટ્રાયલ પૂરૂ થઇ ગયું છે અને સપ્ટેમબર મહિનામાં તેનું પ્રોડક્શન શરુ થઇ જશે. પરંતુ હવે અચાનક જ રસી લોન્ચ કરી દેતા શંકા થઇ રહી છે.


તેનુ કારણ એ માનવામાં આવી રહ્યું છે કે કારણ કે કોઈ પણ રસી તૈયાર કરવામાં વર્ષો લાગી જાય છે. એવામાં રશિયાએ આટલા ઓછા સમયમાં રસી લોન્ચ કરી દેતા એક્સપર્ટસને આ વાત પેટમાં પચી નથી રહી.

ત્યારે તેને લઇને પણ વિવાદ શરૂ થઇ ગયો છે,વિશ્વના નિષ્ણાતો માની રહ્યા છે કે રશિયાએ આ રસી ઉતાવળમાં લોન્ચ કરી દીધી છે. અમેરિકાના ડૉ.ફોસીએ તો ત્યાં સુધી કહી દીધું કે હું આશા રાખું છું કે રશિયા અને ચીનના વૈજ્ઞાનિકો રસી લોકોને આપતા પહેલા ખરેખર તેની ટેસ્ટિંગ કરશે.

Continue Reading
Advertisement
Advertisement

Trending