Connect with us

આંતરરાષ્ટ્રીય

સ્પુતનિક Vને લઈ મહત્વના સમાચાર, વેક્સિનને ભારતમાં ઈમરજન્સી ઉપયોગ માટે મંજૂરી

Published

on

રશિયાની કોરોના વેક્સીન સ્પુતનિક V ને એક્સપર્ટ કમિટીએ ઇમરજન્સીમાં ઉપયોગની મંજૂરી આપી દીધી છે. આ સાથે કોરોના સાથે નિપટવા માટે ભારતને ત્રીજી વેક્સીન મળી ગઈ છે. મળતી માહિતી મુજબ, દેશમાં કોવિશીલ્ડ અને કોવેક્સીનનો ઉપયોગ પહેલા જ થઇ રહ્યો છે.

હવે સ્પુતનિક V ને મંજૂરી મળ્યા પછી આ મહામારીથી નિપટવા માટે ડોક્ટરો પાસે વધુ એક હથિયાર આવી ગયું છે. ઉલ્લેખનીય છે કે સૌથી પહેલા રશિયાએ જ કોરોના વેક્સીન સ્પુતનિક V બનાવવાનો દાવો કર્યો હતો.

આ પહેલા એક રિપોર્ટમાં એ વાત સામે આવી હતી કે ભારતમાં ઓક્ટોબર સુધી પાંચ વેક્સીનને મંજૂરી મળી શકે છે. રિપોર્ટ પ્રમાણે આ વેક્સીન ડૉ રેડ્ડીઝના સહયોગથી તૈયાર થઇ રહેલી સ્પુતનિક V, બાયોલોજિકલ ઇ ના સહયોગથી બની રહેલી જોનસન એન્ડ જોનસનની વેક્સીન, સીરમ ઇન્ડિયાના સહયોગથી તૈયાર કરવામાં આવી રહેલી નોવાવેક્સ વેક્સીન, ઝાયડસ કેડિલા વેક્સીન અને ભારત બાયોટેકની ઇંટ્રાનસલ વેક્સીન છે.

આવામાં સ્પુતનિક V ને મંજૂરી મળ્યા પછી ભારતના ટિકાકરણ અભિયાન ઝડપથી આગળ વધી શકશે.

Continue Reading
Advertisement
Click to comment

Leave a Reply

Your email address will not be published. Required fields are marked *

આંતરરાષ્ટ્રીય

રેમડેસિવીર ઈન્જેક્શનને લઈ સરકારે લીધો નિર્ણય

Published

on

કેન્દ્ર સરકારે રેમડેસિવીર ઇન્જેક્શનના નિકાસ પર પ્રતિબંધ લગાવી દીધો છે. દેશમાં કોરોના વાયરસના વધી રહેલા કેસને જોઈને આ નિર્ણય કરવામાં આવ્યો છે.

ઉલ્લેખનીય છે કે કોવિડ-19 સામેની લડાઇમાં રેમડેસિવીરને ખાસ કરીને તે વયસ્ક દર્દીઓ માટે મહત્વપૂર્ણ એન્ટી વાયરલ દવા માનવામાં આવે છે, જે સ્વાસ્થ્ય સંબંધી ગંભીર જટિલતાઓનો સામનો કરી રહ્યા છે. ભારત સરકારે પોતાના નિવેદનમાં કહ્યું કે જ્યાં સુધી દેશમાં કોરોના વાયરસની સ્થિતિમાં સુધારો ના થાય ત્યાં સુધી રેમડેસિવીર ઇન્જેક્શન અને રેમડેસિવીર એક્વિટ ફાર્માસ્યૂટિકલ ઇંગ્રેડિએંટ્સના (API) નિકાસ પર પ્રતિબંધ લગાવવામાં આવે છે.

સરકારે કહ્યું કે આવનાર સમયમાં રેમડેસિવીર ઇન્જેક્શનની માંગ વધવાની પૂરી સંભાવના છે અને આ માટે ફાર્માસ્યૂટિકલ ડિપાર્ટમેન્ટ રેમડેસિવીરનું ઉત્પાદન વધારવા માટે ઘરેલું નિર્માતા કંપનીઓની સાથે સંપર્કમાં છીએ.

મહત્વનું છે કે, કોરોનાના દર્દીઓ માટે રેમડેસિવીર ઈન્જેક્શની ખૂબ જ માંગ છે. ગુજરાતના વિવિધ મહાનગરોમાં આ ઈન્જેક્શન લેવા માટે કોરોના પીડિત દર્દીઓના સગા સંબંધીઓ લાઈનો લગાવી રહ્યા છે.

Continue Reading

આંતરરાષ્ટ્રીય

રશિયાએ કોરોનાની વેક્સિન બનાવ્યા હોવાનો દાવો,આટલા દેશોએ અત્યાર સુધી આપી દીધો છે ઓર્ડર

Published

on

કોરોના મહામારીના કારણે દેશ જ નહિ પરંતુ આખુ વિશ્ર્વ પરેશાન છે ત્યારે આ મહામારી વચ્ચે વ્લાદિમીર પુટિનએ મોટી જાહેરાત કરી કે દેશમાં તૈયાર કરાયેલી કોરોના વાયરસની રસીને આરોગ્ય મંત્રાલયની મંજૂરી મળી ગઈ છે.

આ વચ્ચે રશિયાએ અન્ય મોટો દાવો કરતા જણાવ્યું છે કે પોતાના દેશની રસી માટે અન્ય 20 દેશોએ અત્યાર સુધી ઓર્ડર આપી દીધો છે.રશિયાના રાષ્ટ્રપતિ વ્લાદિમીર પુટિને જણાવ્યું હતું કે હેલ્થ મિનિસ્ટ્રીએ પોતાના દેશમાં બનેલી કોરોના વાયરસની રસીને આખરે મંજૂરી આપી દીધી છે. પુટિને કહ્યું કે આ રસીની રસી પહેલેથી જ તેમની પુત્રીને આપી દેવાઈ છે. જો કે તેમણે સ્પષ્ટતા નથી કરી કે તેમણે પોતે રસી લીધી હતી કે નહીં.


મળતી માહિતી મુજબ જો કે આ વચ્ચે રશિયાએ બીજો સૌથી મોટો દાવો કર્યો છે કે વિશ્વના 20 દેશો દ્વારા આ રસીના 1 અબજ ડોઝ બનાવવાનો આદેશ આપવામાં આવ્યો છે.

પુટિને કહ્યું, ‘મારી પુત્રીએ પણ આ રસી લીધી છે, શરૂઆતમાં તેને હળવો તાવ હતો પરંતુ હવે તે એકદમ ઠીક છે.’તેઓએ કહ્યું કે મારી પુત્રી ઠીક છે અને સ્વસ્થ લાગે છે. તેમણે આ સમગ્ર ટ્રાયલમાં પણ ભાગ લીધો હતો.

આ ઘોષણા પછી, રશિયા પહેલો દેશ બન્યો છે જેણે રસી બનાવવાનું કામ પૂર્ણ કરવાનો દાવો કર્યો છે. રશિયાએ યોજના બનાવી છે કે આ રસી પ્રથમ આરોગ્ય કર્મચારીઓને, પછી વૃદ્ધોને આપવામાં આવશે.

મોસ્કોએ ઘણા દેશોમાં રસી સપ્લાય કરવાની વાત પણ કરી છે. રશિયા કહે છે કે તે સપ્ટેમ્બર સુધીમાં તેની કોરોના રસીનું મોટા પાયે ઉત્પાદન શરૂ કરી શકે છે.ઓગસ્ટ મહિનાની શરૂઆતમાં રશિયાના સ્વાસ્થ્ય મંત્રીએ કહ્યું હતું કે રસીનું ટ્રાયલ પૂરૂ થઇ ગયું છે અને સપ્ટેમબર મહિનામાં તેનું પ્રોડક્શન શરુ થઇ જશે. પરંતુ હવે અચાનક જ રસી લોન્ચ કરી દેતા શંકા થઇ રહી છે.


તેનુ કારણ એ માનવામાં આવી રહ્યું છે કે કારણ કે કોઈ પણ રસી તૈયાર કરવામાં વર્ષો લાગી જાય છે. એવામાં રશિયાએ આટલા ઓછા સમયમાં રસી લોન્ચ કરી દેતા એક્સપર્ટસને આ વાત પેટમાં પચી નથી રહી.

ત્યારે તેને લઇને પણ વિવાદ શરૂ થઇ ગયો છે,વિશ્વના નિષ્ણાતો માની રહ્યા છે કે રશિયાએ આ રસી ઉતાવળમાં લોન્ચ કરી દીધી છે. અમેરિકાના ડૉ.ફોસીએ તો ત્યાં સુધી કહી દીધું કે હું આશા રાખું છું કે રશિયા અને ચીનના વૈજ્ઞાનિકો રસી લોકોને આપતા પહેલા ખરેખર તેની ટેસ્ટિંગ કરશે.

Continue Reading

આંતરરાષ્ટ્રીય

હવે આ દેશમાં ડુંગળી થકી ફેલાઈ રહી છે નવી બીમારી, 400થી વધુ લોકો થઈ ચૂક્યા છે સંક્રમિત

Published

on

દેશ અને દુનિયામાં અત્યારે કોરોના વાયરસનો કહેર ચાલી રહ્યો છે ત્યારે હવે અમેરિકામાં એક નવી બીમારીએ દસ્તાક આપી છે, એ છે કોરોના વાયરસ પછી હવે અમેરિકાના ઘણા રાજ્યોમાં એક નવી બીમારી ફેલાઈ રહી છે. આ રોગના ફેલાવાનું કારણ લાલ અને પીળી ડુંગળી બની રહી છે. આ રોગ અત્યાર સુધીમાં અમેરિકાના 34 રાજ્યોમાં 400 થી વધુ લોકોને અસર થઈ ચૂકી છે.

યુ.એસ. સેન્ટર્સ ફોર ડિસીઝ કંટ્રોલ એન્ડ પ્રિવેન્શનએ લોકોને ડુંગળી ખાવાને લઈને સતર્ક રહેવાની ચેતવણી આપી છે. અમેરિકાના ઘણા રાજ્યોમાં લાલ અને પીળી ડુંગળીને કારણે સેલ્મોનેલ્લા બેક્ટેરિયાનું સંક્રમણ ફેલાઈ રહ્યું છે. 34 રાજ્યોમાં 400 થી વધુ લોકોને ચેપ લાગ્યો છે.

અમેરિકાની સૌથી મોટી આરોગ્ય એજન્સી સેન્ટર ફોર ડિસીઝ કંટ્રોલ એન્ડ પ્રિવેન્શનએ એક ચેતવણી જારી કરી છે.સીડીસીએ લોકોને સલાહ આપી છે કે થોમ્સન ઇન્ટરનેશનલ નામની કંપની દ્વારા પૂરી પાડવામાં આવતી ડુંગળી ન ખાવાની ભલામણ કરી છે. ચેતવણી આપે છે કે જો આ કંપની દ્વારા પૂરી પાડવામાં આવતી ડુંગળીમાંથી ખોરાક તૈયાર કરવામાં આવ્યો હોય અથવા ડુંગળીનો સંગ્રહ કર્યો હોય તો તેને યોગ્ય જગ્યાએ ફેંકી દે.

કેનેડામાં પણ સેલ્મોનેલ્લા બેક્ટેરિયલ ચેપના કિસ્સાઓ નોંધાયા છે. આ બેક્ટેરિયાને કારણે અત્યાર સુધીમાં 60 લોકો કેનેડામાં હોસ્પિટલમાં દાખલ થયા છે.સીડીસીએ લોકોને સલાહ આપી છે કે થોમ્સન ઇન્ટરનેશનલ નામની કંપની દ્વારા પૂરી પાડવામાં આવતી ડુંગળી ન ખાવાની ભલામણ કરી છે.

અમેરિકન ફૂડ એન્ડ ડ્રગ એડમિનિસ્ટ્રેશન જણાવે છે કે સાલ્મોનેલા જે અમેરિકાના 34 રાજ્યોમાં જોવા મળ્યો છે તેનો સીધો સંબંધ લાલ ડુંગળી સાથે છે. જો કે, સીડીસીએ જણાવ્યું છે કે પ્રારંભિક કેસ 19 જૂનથી 11 જુલાઇની વચ્ચે પ્રકાશમાં આવ્યા હતા.

 


થોમ્સન ઇન્ટરનેશનલને લાલ, સફેદ, પીળી અને મીઠી ડુંગળી પરત મંગાવી લીધી છે. આ કંપની દ્વારા પૂરી પાડવામાં આવતી ડુંગળીને ખાવાની કે રાખવાની જરૂર નથી. જ્યારે તમે આ બેક્ટેરિયમના કારણે બીમાર છો, ત્યારે તમને ઝાડા, તાવ અને પેટમાં દુખાવો જેવા લક્ષણો મળે છે. લક્ષણો 6 કલાકથી 6 દિવસમાં કોઈપણ સમયે દેખાઈ શકે છે.

 

 

સેલ્મોનેલ્લા બેક્ટેરિયા દ્વારા થતા સંક્રમણના મોટાભાગના કિસ્સાઓ 5 વર્ષથી ઓછી ઉંમરના બાળકો અને 65 વર્ષથી વધુ ઉંમરના વૃદ્ધોમાં વધુ જોવા મળે છે. વધુ તીવ્ર સંક્રમણ થાય તો તેની અસર આંતરડા પર જોવા મળે છે.

 

 

અમેરિકા અને કેનેડિયન સપ્લાયર થોમ્સન ઇન્ટરનેશનલએ કહ્યું છે કે તેમને ખબર પડી કે આ ડુંગળીથી રોગ ફેલાઈ રહ્યો છે તેથી તેમણે જ્યાં પણ ડુંગળી મોકલી છે. ત્યાંથી પરત મગાવી લીધી છે.

Continue Reading


Advertisement

Trending

Copyright © 2018 - 2021 Gujju Media.