દુનિયામાં જ્યારથી કોરોના આવ્યો છે ત્યારથી લોકોની મનોરંજનની રીત બદલાઈ ગઈ છે. પહેલા લોકો દર શુક્રવારે થિયેટરમાં ફિલ્મ જોવા જતા હતા, પરંતુ હવે ઓટીટીની દુનિયાને માણવા લાગ્યા છે. જો તમને પણ થિયેટર કરતાં ઓટીટીની દુનિયામાં વધુ રસ હોય તો અમે તમારા માટે શુક્રવાર ઓટીટી રિલીઝની યાદી લઇને આવ્યા છીએ. આ વીકેંડમાં જો તમે વિચારી રહ્યા છો કે ઘરે જ આરામ કરવો છે તો અમે તમારા માટે કેટલીક વેબ સીરિઝ અને ફિલ્મોનું લિસ્ટ લઇને આવ્યા છીએ, જે ઘરે બેઠા તમારું મનોરંજન કરશે. તો ચાલો નજર કરીએ આવી વેબ સિરીઝ અને ફિલ્મો પર.

જો તમે સાઉથ ઇન્ડિયન ફિલ્મોના શોખીન હશો તો તેમની વેબ સીરિઝ પણ તમને ખૂબ જ પસંદ આવશે. આ શુક્રવારે તમિલ વેબ સિરીઝ ‘સુઝલ’ પ્રાઈમ વીડિયો પર રિલીઝ થઈ રહી છે. આ એક ક્રાઇમ-થ્રિલર વેબ સિરીઝ છે. હવે જો તમે વિચારી રહ્યા છો કે તમને આ સીરિઝ કેમ સમજાશે તો ગભરાશો નહીં કારણ કે ‘સુઝલ’ હિન્દી સહિત 30 અન્ય ભાષાઓમાં રિલીઝ થશે. તમને જાણીને આશ્ચર્ય થશે કે આ વેબ સિરીઝના લેખક એ જ છે, જેમણે હૃતિક રોશન અને સૈફ અલી ખાન સ્ટારર ફિલ્મ ‘વિક્રેમ વેધા’ લખી છે.

આશ્રમમાં પમ્મી પહેલવાનનું પાત્ર ભજવતી અદિતિ પોહનકર ફરી એકવાર કેસ સોલ્વ કરતી જોવા મળશે. આ શુક્રવારે નેટફ્લિક્સ પર રિલીઝ થઈ રહેલી વેબ સિરીઝ ‘શી’ સીઝન 2 લોકોનું ઘણું મનોરંજન કરી શકે છે. આ સિરિઝમાં મુંબઇ પોલીસમાં કામ કરતા એક કોન્સ્ટેબલની કથા છે જે અંડર કવર બનીને ડ્રગ્સ માફિયાઓનો પર્દાફાશ કરે છે. આ શોના નિર્માતા અને લેખક ઇમ્તિયાઝ અલી છે.

 

દિવંગત સ્ટાર સુશાંત સિંહ રાજપૂતની આજે એટલે કે 14 જૂનના રોજ બીજી ડેથ એનિવર્સરી છે. ચાહકો, મિત્રો તથા પરિવારે સો.મીડિયામાં પોસ્ટ શૅર કરીને સુશાંતને યાદ કર્યો હતો. રિયા ચક્રવર્તીએ સુશાંત સાથેની તસવીરો શૅર કરીને કહ્યું હતું, ‘હું તને રોજ યાદ કરું છું.’ આ સાથે જ રિયાએ બ્લેક હાર્ટ ઇમોજી શૅર કરી હતી. આ તમામ ફોટોમાં રિયા તથા સુશાંત રોમેન્ટિક ટાઇમ સ્પેન્ડ કરતાં જોવા મળ્યાં હતાં.

સુશાંતની બહેન શ્વેતા સિંહે કહ્યું હતું, ભાઈ, તને તારું નશ્વર શરીર છોડે બે વર્ષ થઈ ગયા, પરંતુ તું તારી વેલ્યૂને કારણે અમર થઈ ગયો. દયા, કરુણા તથા સૌને પ્રેમ કરવો તારા ગુણ હતા. તું અનેક લોકો માટે ઘણું બધું કરવા માગતો હતો.વધુમાં શ્વેતા સિંહે કહ્યું હતું, ‘અમે તારા સન્માનમાં તારા અદ્દભૂત ગુણો તથા આદર્શોનું અનુકરણ કરતાં રહીશું. ભાઈ, તે દુનિયાને સારી બનાવવા માટે બદલી નાખી છે અને તારી અનુપસ્થિતિમાં અમે આવું કરવાનું ચાલુ રાખીશું. આવો આપણે તમામ આજે દીવો પ્રગટાવીએ અને કોઈના ચહેરા પર હાસ્ય લાવવા માટે નિઃસ્વાર્થ ભાવે કર્મ કરીએ.’

સુશાંત 2020માં 14 જૂનના રોજ મુંબઈના ભાડાના ઘરમાં મૃત અવસ્થામાં મળી આવ્યો હતો. આ કેસમાં પહેલાં મુંબઈ ક્રાઇમ બ્રાંચે તપાસ કરી હતી. ત્યારબાદ આ તપાસ CBIને આપવામાં આવી હતી.

સિદ્ધાર્થ શુક્લા અને શહેનાઝ ગિલની અનોખી પ્રેમકહાની બિગ-બૉસના ઘરમાંથી શરૂ થઈ હતી અને ફરી એકવાર શહનાઝ ગિલ બિગ-બૉસના ઘરમાં જોવા મળવાની છે. જો આ વખતે વાત અલગ હશે. એવું છે કે, આ વખતે તેમની સાથે સિદ્ધાર્થ શુક્લા જોવા મળશે નહીં.

‘બિગ બોસ-15’નો ફિનાલે ટૂંક સમયમાં શરૂ થવા જઈ રહ્યો છે અને આ દરમિયાન તેમનો પ્રોમો શો સોશિયલ મીડિયા પર ખૂબ જ પ્રસારિત થઈ ગયો છે. નોંધનીય છે કે, શહનાઝ ગિલ પણ તેના ફિનાલેમાં દેખાવાના છે અને આ વખતે બિગ બોસના સેટ પર શહનાઝ એક ખાસ હેતુ માટે ત્યાં પહોંચી રહ્યા છે.

આ સમયગાળા દરમિયાન ફિનાલે સાથે જોડાયેલો વીડિયો સોશિયલ મીડિયા ખૂબ પ્રસારિત થઈ રહ્યા છે. તેમના કહેવા પ્રમાણે, શહેનાઝ ગિલ શોમાં પહોંચતાની સાથે જ તેમણે સલમાન ખાનને ગળે લગાડ્યા અને સિદ્ધાર્થ શુક્લાને યાદ કરીને ખૂબ જ રડવા લાગ્યા.

આ સમયગાળા દરમિયાન પ્રોમો સાથે સંબંધિત વીડિયો પ્રસારિત થયો છે. આમાં શહનાઝ ગિલ પીચ રંગની સાડીમાં સ્ટેજ પર પહોંચ્યા છે અને આ સાડીમાં શહનાઝ ખૂબ જ સુંદર લાગી રહ્યા છે. એટલું જ નહીં, તેમના દેખાવને સંપૂર્ણ કરવા માટે શહનાઝે નેકલેસ પણ પહેર્યો છે અને તેમના વાળ ખુલ્લા રાખ્યા છે. જેમાં તેઓ અંત્યત મોહક લાગી રહ્યા છે.

આ સિવાય, તમે આ પ્રોમોમાં જોઈ શકો છો કે સલમાન ખાનને જોઈને શહેનાઝ કેવી રીતે રડે છે અને તે સલમાન ખાનને કહે છે કે, તમને જોઈને હું થોડી ભાવુક થઈ ગઈ છું. આ સમય પછી શહનાઝ સલમાન ખાનને ગળે લગાવીને રડવા લાગે છે.

તે પછી કંઈક એવું બને છે, જેની કોઈને બિલકુલ અપેક્ષા પણ ન હોય. સલમાન ખાને શહેનાઝ ગિલને ગળે લગાડીને તેમને હેન્ડલ કરવાનો પ્રયાસ કરતા જોઈ અને જ્યારે શહેનાઝ તેમનાથી હેન્ડલ નથી થતા, ત્યારે તે પોતે જ રડવા લાગે છે.

શહનાઝ સિદ્ધાર્થ શુક્લાને શ્રદ્ધાંજલિ આપવા બિગ બોસના સેટ પર પહોંચ્યા હતા અને તેમણે ‘મેરે દિલ કો પતા હૈ’ ગીત સાથે સિદ્ધાર્થને શ્રદ્ધાંજલિ આપી હતી. પ્રોમો પરથી જોવા મળે છે. આ શોનો ‘ગ્રાન્ડ ફિનાલે’ 29 અને 30 જાન્યુઆરીએ યોજાશે.