ચોમાસાની આ ઋતુમાં ગુજરાત સહિત દેશના અન્ય રાજ્યોમાં મુશળધાર વરસાદ પડી રહ્યો છે. ચોમાસાની ઋતુમાં આખો દિવસ ઘરમાં બેસી રહેવું મુશ્કેલ બની જાય છે. કોઈના કોઈ કામ માટે તો બહાર નીકળવું જ પડે છે. એવામાં રેઈનકોટની જરૂર પડે છે. ઘરની બહાર નીકળીને થોડે દૂર પહોંચતા જ જો વરસાદ શરૂ થઈ જાય તો સમસ્યા ઊભી થાય છે. એવામાં અમે તમારા માટે આ સમસ્યાનું સમાધાન લઈને આવ્યા છીએ. માર્કેટમાં એક એવો Smart Rain Coat રેઈનકોટ આવ્યો છે, જે વરસાદ પડતાની સાથે જ શરીરમાં ફીટ થઈ જશે. આવો જાણીએ આ રેઈનકોટ વિશે.

Smart Rain Coat For Monsoon Season

આ Smart Rain Coat સ્માર્ટફોન સાથે કનેક્ટ થાય છે. આગળની તરફ ઑટો ઝિપ આપવામાં આવી છે, જેવો વરસાદ પડે કે તરત જ પોતાની જાતે જ ખુલી જાય છે. પરંતુ આ માટે તમારે મોબાઈલ ફોન પરથી કમાન્ડ આપવી પડશે. એપ પર કમાન્ડ આપતાની સાથે જ રેઈનકોટ તમારા શરીરમાં ફીટ થઈ જશે. પરંતુ મહત્વની વાત એ છેકે આને ભારતમાં નહીં પરંતુ ચીનમાં લોન્ચ કરવામાં આવ્યો છે. ચીની બજારમાં આ રેઈનકોટ ખૂબ વેંચાઈ રહ્યો છે.

કેવી રીતે કામ કરે છે Smart Rain Coat?

ચીનમાં આ Smart Rain Coatને Robotics કહેવામાં આવે છે. આને તમારે શરીર પર ફીટ કરવાનું રહેશે. જેવો વરસાદ આવે કે તરત જ તમારા શરીર પર આગળના ભાગથી ફીટ થઈ જાય છે. ચીનમાં આ પ્રોડક્ટ ઑનલાઈન અવેલેબલ છે. માત્ર પુરુષ જ નહીં આ Smart Rain Coatને બાળકો અને મહિલાઓ માટે પણ લૉન્ચ કરવામાં આવ્યો છે. ખાસ કરીને બાળકો માટે આ રેઈનકોટ પર ડિસ્કાઉન્ટ પણ મળે છે.

Smart Rain Coat Price In India
કિંમતની વાત કરીએ તો સ્માર્ટ રેઈનકોટની કિંમત ઘણી ઓછી છે. આની કિંમત ટી-શર્ટ કરતા પણ ઓછી છે. એટલે કે કોઈપણ વ્યક્તિ આને ખરીદી શકે છે. ભારતીય રૂપિયામાં આ રેઈનકોટની કિંમત 400-1000 રૂપિયાની વચ્ચે છે. ચીની માર્કેટથી પણ આને ખરીદી શકાય છે.

રાજ્યભરમાં પડી રહેલા વરસાદે લોકોનું જનજીવન ખોરવી નાખ્યું છે. ઘણા લોકોના ઘરમાં પાણી ઘુસી ગયા છે તો ઘણા એપાર્ટમેન્ટના પાર્કિંગમાં પાણી ભરાઈ ગયા છે. ત્યારે લોકોએ પોતાના વાહનોની ચિંતા થઇ રહી છે કે જો તેમના વાહનમાં પાણી ઘુસી જશે તો શું થશે ત્યારે આજે આપણે આ વિશે ચર્ચા કરી લઈએ કે જો વાહનમાં પાણી જતું રહે તો શું કરવું જોઈએ અને કેવી રીત્તે આપણા વાહનોની આ વરસાદમાં કાળજી લઇ શકીએ.

જયારે પણ ભરાયેલ વરસાદી પાણીમાંથી ગાડી કાઢવામાં આવે છે ત્યારે એર ફિલ્ટરમાં પાણી જવાથી ગાડી બંધ થઇ જતી હોય છે. ત્યારે તમારે એ વાતનું ખાસ ધ્યાન રાખવાનું છે કે પાણીમાં જયારે ગાડી કાઢતા હોય ત્યારે કાર ઓટોમેટિક હોય કે મેન્યુઅલ પહેલા કાર ધીમે કરવી જો કાર મેન્યુઅલ હોય તો પહેલા ગિયરમાં ધીરે ધીરે કારને પાણીમાંથી કાઢવી જોઈએ. બને ત્યાં સુધી ક્લચનો ઉપયોગ ન કરવો અને એક્સેલેટરથી કંટ્રોલ કરવો જોઈએ.

જયારે પણ પાણીમાં કાર બંધ પડે તો ચાલુ કરવાનો પ્રયત્ન કરવો જોઈએ નહીં. અને કાર ટો દ્વારા અથવા અન્ય રીતે વર્કશોપમાં લઈ જવી અને ત્યાં તેમને રીપેર કરાવવી જોઈએ. જો ચાલુ કાર પાણીમાં બંધ પડી જાય તો તેને સેલ ક્યારેય મારવો નહીં. જયારે પણ સેલ મારવામાં આવે છે ત્યારે કારનું સકશન પાણીને ખેચી લે છે અને કારના એન્જિન સુધી પાણી પહોચી જાય છે જે કારને નુકશાન કરે છે.

તમારે ચોમાસા પહેલા એક કાર ચૅક-અપ કરાવી લેવું જોઈએ જેથી કરીને બેટરી અને બીજા નાનામોટા પ્રોબ્લેમને ચોમાસા સમયે ટાળી શકાય છે. અને જો બની શકે તો પાણીમાં કાર ન લઈ જવી જોઈએ.

જો તમારો સ્માર્ટફોન જૂનો છે અને તમે તેની ધીમી સ્પીડના પર્ફોર્મન્સથી પરેશાન છો, તો કેટલીક સરળ રીતોથી તમે તમારા ફોનનું પર્ફોર્મન્સ સુધારી શકો છો. તમારું ડિવાઈસ પણ સ્લો થઈ ગયું છે અને તમે તેના પર્ફોર્મન્સને સુધારવા માંગો છો, તો અમે તમને એવી કેટલીક ટિપ્સ જણાવવા જઈ રહ્યા છીએ, જેનાથી તમારા ડિવાઈસનું પરફોર્મન્સ પહેલા જેવું થઈ જશે.

ફોનનું પરફોર્મન્સ વધારવાનો સૌથી સારો રસ્તો ફોનને રીસેટ કરવાનો છે. જો કે, તમારા સ્માર્ટફોનને સેટ કરવામાં સમય લાગશે. એકવાર તમે તમારા સ્માર્ટફોનને રીસેટ કરી લો, પછી તમે તેના પ્રદર્શનમાં મોટો તફાવત જોશો. તમારી એપ્સ પહેલા કરતાં વધુ ઝડપથી ખુલશે, મલ્ટી–ટાસ્કિંગ વધુ સરળ બનશે અને તમને એવું લાગશે કે તમે જે ઉપકરણનો ઉપયોગ કરી રહ્યાં છો તે જૂનું નથી પણ હમણાં જ ખરીદ્યું છે.

આ સિવાય સારા પરફોર્મન્સ માટે ફોનની સ્ટોરેજ સ્પેસ સાફ રાખવી જરૂરી છે, નહીં તો સિસ્ટમ ધીમી પડી જશે. ફોનના સ્ટોરેજને સાફ કરવા માટે, તમારે પહેલા સેટિંગ્સ વિભાગમાં બાકીની સ્ટોરેજ જગ્યા તપાસવી જોઈએ અને જો તે ભરાઈ ગઈ છે, તો તમારો ફોન ધીમો થઈ જશે. આ કિસ્સામાં, તમારે તમારા ફોન પરની બિનજરૂરી એપ્સને દૂર કરવી પડશે. તમે એપ કેશ ફાઈલો પણ ડિલીટ કરી શકો છો. લોકો પાસે સામાન્ય રીતે તેમના ફોનમાં વર્ષોના ફોટા અને વિડિયો હોય છે, જેથી તેઓ અમુક સ્ટોરેજ સ્પેસ બનાવવા માટે કેટલાક વીડિયો અથવા ફોટા કાઢી શકે છે.

ઉલ્લેખનીય છે કે તમારા સ્માર્ટફોનને રીસેટ કરતા પહેલા તમામ સર્વિસના આઈડી અને પાસવર્ડને સેવ કરવાની ખાતરી કરો. ઉપરાંત, તમે બધા ડેટાનો ઓનલાઈન બેકઅપ લીધો છે કે નહીં તે પણ તપાસો. જો તમે તમારો ડેટા ગુમાવવા માંગતા નથી, તો કંઈપણ કાઢી નાખતા પહેલા તમારા બેકઅપ સ્થાનને બે વાર તપાસવાની ખાતરી કરો.

એટલું જ નહીં, પ્લે સ્ટોરમાં એપ્સ માટે ઓટો–અપડેટ બંધ કરીને ફોનનું પરફોર્મન્સ પણ સુધારી શકાય છે. તમે પ્લે સ્ટોરમાંથી ભારે ગ્રાફિક ગેમ્સને દૂર કરી શકો છો અને સંપાદન એપ્લિકેશનને બંધ કરી શકો છો, કારણ કે તે તમારા ઉપકરણને ધીમું કરે છે.

આ સિવાય ફોનના સારા પરફોર્મન્સ માટે એ જરૂરી છે કે તમે સમયાંતરે તમારા સોફ્ટવેરને અપડેટ કરતા રહો. કારણ કે, અપડેટ કરવાથી ફોનમાં સ્થિરતા આવે છે. આ સિવાય કેટલીકવાર તમને નવા ફીચર્સ પણ મળે છે, જે તમારા સ્માર્ટફોનનો અનુભવ વધુ સારો બનાવે છે.

ફોનના સારા પ્રદર્શન માટે તે મહત્વનું છે કે તમે ન્યૂનતમ વિજેટ્સનો ઉપયોગ કરો અને લાઇવ વૉલપેપર્સનો ઉપયોગ કરવાનું ટાળો, કારણ કે તે ફક્ત તમારા ફોનના પ્રદર્શન પર જ નહીં પરંતુ બેટરીનો વપરાશ પણ કરે છે. જો તમે Google Feed નો ઉપયોગ કરતા નથી, તો તમે તેને ડિસએબલ પણ કરી શકો છો.