સફાઈ કામદારનો પગાર ખૂબ ઓછો હોય છે. પરંતુ આજે અમે તમને એક એવી જગ્યા વિશે જણાવવા જઇ રહ્યાં છે, જ્યાં સફાઈ કામદારનુ કામ કરનારા લોકોને બમ્પર પગાર મળી રહ્યો છે. એક રિપોર્ટ મુજબ, સફાઈ કામદારની નોકરી માટે ત્યાં 8 લાખ રૂપિયા દર મહિને પેકેજ મળી રહ્યું છે. ત્યારબાદ પણ કોઈ ત્યાં કામ કરવા રાજી નથી. મીડિયાના એક રિપોર્ટ મુજબ, ઓસ્ટ્રેલિયામાં હાલમાં સફાઈ કામદારની ભારે કમી છે. જેના કારણે સફાઈ કામદારના પગારમાં વધારો જોવા મળી રહ્યો છે. સફાઈ કામદારની કમી હોવાથી અનેક કંપનીઓ સફાઈ કામદારોને એકસ્ટ્રા રજાની સાથે અનેક સુવિધાઓ આપી રહી છે. સ્થિતિ એવી છે કે એક કંપની સફાઈ કામદારની જોબ માટે 8 લાખ રૂપિયા દર મહિને પેકેજ આપી રહી છે.

રિપોર્ટ મુજબ, ઓસ્ટ્રેલિયાના સિડનીની સિડની સ્થિત સફાઈ કંપની એબ્સોલ્યુટ ડોમેસ્ટિકસ સફાઈ કામદારો માટે અનેક પેકેજની જાહેરાત કરી છે. જો કોઈ આ નોકરી કરવા માગે છે તો તેનો ઈન્ટરવ્યુ થશે. ત્યારબાદ 72 લાખથી 1 કરોડની વચ્ચે તેને પેકેજ આપવામાં આવશે. એટલું જ નહીં, સફાઈ કામદારોને અઠવાડિયામાં 2 દિવસની રજા પણ મળશે. અન્ય કર્મચારીઓની જેમ સફાઈ કામદારોને પણ 5 દિવસ કામ કરવુ પડશે. આ સાથે સફાઈ કામદારોને દિવસમાં 8 કલાકથી વધુ કામ નહીં કરવુ પડે.

એબ્સોલ્યુટ ડોમેસ્ટિકસના મેનેજમેન્ટ નિર્દેશક જો વીસે જણાવ્યું કે કંપનીને હાલમાં સફાઈ કામદારો મળી રહ્યાં નથી. જેને જોઇને કંપનીએ આ ઑફર લોન્ચ કરી છે. તેમણે કહ્યું કે જો કોઈ સફાઈ કામદાર ઓવર શિફ્ટ કામ કરવા માગે છે, તો તેને 3600 રૂપિયા પ્રતિ કલાક એકસ્ટ્રા મળશે. સફાઈ કામદારોની તલાશમાં કંપની નવી-નવી જાહેરાત કરી રહી છે. ત્યારબાદ પણ કંપનીને સફાઈ કામદારનુ કામ કરનારા લોકો મળતા નથી.

દિલ્હી પોલીસનાં ઓફિશિયલ એકાઉન્ટ પરથી એક ટ્વીટ શેર કરવામાં આવ્યું છે, જેમાં લોકો ટ્રાફિકનાં નિયમો તોડયાં બાદ દંડ ના ભરવો પડે તે માટે કેવી-કેવી વિચિત્ર યુક્તિઓ શોધી કાઢે છે, તેના વિશે જણાવ્યું. જેમ કે ‘મારાં કૂતરાંએ મારું ડ્રાઇવિંગ લાઇસન્સ ખાઈ લીધું’, ‘હું ગર્ભવતી છું એટલે સીટ બેલ્ટ પહેરી નથી’ અને એકસ્ટ્રા ઓર્ડિનરી બહાનું ‘ગર્લફ્રેન્ડ રાહ જોઈ રહી છે, જવા દો નહિતર બ્રેકઅપ થઈ જશે.’

દિલ્હી પોલીસે કરેલાં ટ્વીટનાં જવાબમાં લોકોએ ચોંકાવનારાં બહાનાં શોધી કાઢ્યાં છે. સોશિયલ મીડિયાનો ઉપયોગ કરનારાં ઘણાં લોકોનું માનવું છે કે, તેમણે પહેલી વાર આ ગુનો કર્યો છે તેવું ટ્રાફિક પોલીસને કહેવાથી તેઓ દંડથી બચી જાય છે. દિલ્હી પોલીસે ટ્વીટ કરીને લોકોને પૂછ્યું હતું કે, ‘ટ્રાફિક નિયમોનું ઉલ્લંઘન થયા બાદ દંડથી બચવા માટેનાં વિચિત્ર બહાનાં શું હોય શકે?’

દિલ્હી પોલીસનાં આ ટ્વિટનાં જવાબમાં સોશિયલ મીડિયા યુઝર્સે ખૂબ જ ગજબ બહાનાઓ વિશે વાત કરી હતી. એક મહિલાએ લખ્યું, ‘હું ગર્ભવતી છું એટલે સીટ બેલ્ટ પહેરી શકતી નથી.’ એક સોશિયલ મીડિયા યુઝરે લખ્યું, ‘હું તમને મારાં એક મિત્રએ અજમાવેલ બહાનું કહી રહ્યો છું, સર પત્નીનું કોઈની સાથે અફેર ચાલી રહ્યું છે અને તે તેની સાથે અત્યારે તળાવની પાળે બેઠી છે, મને જવા દો.’ આ રીતે લોકોએ ટ્વીટનાં રિપ્લાયમાં જુદાં-જુદાં બહાનાં જણાવ્યા. આ પછી જ્યારે ન્યૂઝ એજન્સીએ ટ્રાફિક પોલીસ અધિકારીને આ બહાનાઓ વિશે પૂછ્યું તો તેમણે કહ્યું કે, જ્યારે નિયમોનું ઉલ્લંઘન કરતાં લોકો પકડાય છે તો સામાન્ય રીતે તે પરિવાર સાથે જોડાયેલાં બહાનાં વધુ બનાવે છે અને આ પ્રકારના બહાના કાઢવામાં દિલ્હીનાં લોકો સૌથી આગળ છે.

એક યુઝરે લખ્યું, ‘સર, મારી ગર્લફ્રેન્ડ રાહ જોઈ રહી છે. મને જવા દો નહીંતર બ્રેકઅપ થઈ જશે અને આ રીત દરેક વખતે સફળ થાય છે.’ અન્ય એક વ્યક્તિએ ટ્વિટર પર લખ્યું, ‘સર, આ પહેલી વાર છે… જવા દો… પાકકું આગલી વખતે આવું નહીં થાય.’ સૌરભ શ્યામલ નામનાં અન્ય એક વ્યક્તિએ લખ્યું, ‘એક દિવસ જ્યારે હું હેલ્મેટ ન પહેરવાનાં કારણે પકડાયો હતો ત્યારે મેં કહ્યું ‘સર, અમે વિદ્યાર્થીઓ છીએ, અમારી પાસે પૈસા જ નથી હોતાં.’

પોલીસે કહ્યું કે, જે લોકોને પકડીએ તે નવા-નવા બહાના કાઢે છે. આ બહાનાઓની ચકાસણી કર્યા બાદ તેમને કામચલાઉ જેલમાં મોકલવામાં આવ્યા હતા. મોટી કારમાં નીકળેલાં લોકો પણ કારણ વગર નીકળી રહ્યા હતા.

એક વ્યક્તિ સાથે ખૂબ જ ચોંકાવનારી ઘટના બની છે. 33 વર્ષીય યુવક એ પેશાબમાં લોહી નીકળવાની સમસ્યા સામે ઝઝૂમી રહ્યો હતો, પરંતુ જ્યારે તે સારવાર માટે ડૉક્ટર પાસે ગયા ત્યારે તેમને એ જાણીને આશ્ચર્ય થયું, કે તેમનાં શરીરમાં મહિલાઓનાં અંગો અંડાશય અને ગર્ભાશય છે. ફક્ત એટલું જ નહીં, જેને તે યુરિનમાં બ્લડ આવવાનું સમજી રહ્યો હતો તે ખરેખર પીરિયડ્સનાં લક્ષણો હતાં, જે તેને 20 વર્ષથી આવી રહ્યા હતાં.

આ ઘટના ચીનના સિચુઆન પ્રાંતની છે. આ યુવકની તપાસ કરનારાં ડૉક્ટરોએ જણાવ્યું, કે બાયોલોજીકલી તે ફિમેલ છે. આશ્ચર્યની વાત એ છે, કે 33 વર્ષથી આ યુવકને ખ્યાલ જ નહોતો કે, તે મહિલા છે. ડૉક્ટરોના મત મુજબ આ વ્યક્તિમાં મેલ જેનિટલ ઓર્ગન્સ તો હતાં જ પણ સાથે-સાથે જન્મજાત તેનામાં ફિમેલ સેક્સ ક્રોમોસોમ્સ, અંડાશય અને ગર્ભાશય પણ હતું.

‘સાઉથ ચાઈના મોર્નિંગ પોસ્ટ’ ના અહેવાલ મુજબ ડૉક્ટરોને પહેલાં એવું લાગ્યું, કે યુવકને પેટમાં દર્દ છે, પરંતુ ડૉક્ટરોની ટ્રિટમેન્ટ પછી પણ જ્યારે તેનો દુખાવો ઓછો ના થયો ત્યારે ડૉક્ટરોએ ફરી તેનું આખું બોડી સ્કેન કર્યું હતું અને સાચું કારણ શોધી કાઢ્યું. ગયા મહિને ડૉક્ટર્સે 3 કલાક સર્જરી કરીને તેના શરીરમાંથી અંડાશય અને ગર્ભાશય દૂર કરી દેવામાં આવ્યું.

વર્ષ 2018માં ઝારખંડના ગિરીહિડમાં એક યુવકના શરીરમાં સ્ત્રીના અંગો જોવા મળ્યાં હતાં. 25 વર્ષના રાકેશ (બદલેલું નામ)ના શરીરમાં પુરુષના પ્રજનન અંગોની સાથે-સાથે ગર્ભાશય, અંડાશય અને ફેલોપિયન ટ્યુબ જેવાં સ્ત્રીનાં પ્રજનન અંગો પણ વિકસિત થયા હતાં. રાકેશની પત્ની માન્યતા(બદલેલું નામ) એ બીબીસીને જણાવ્યું હતું કે, ‘તેમને (રાકેશને) બાળપણથી હાર્નિયા નામની બીમારી હતી. તેના કારણે તેમને ઘણીવાર અસહ્ય પીડાં થતી અને તે પરેશાન થઈ જતાં. તે કોઈ કામ પણ કરી શકતાં ન હતાં, આ કારણોસર અંતે અમે ઓપરેશન કરવાનો નિર્ણય લીધો. ઓપરેશન માટે તેમને ધનબાદના પાટલિપુત્રા કોલેજ એન્ડ હોસ્પિટલ (PMCH) લઈ આવવામાં આવ્યા. અહીં ડૉક્ટરોએ હાર્નિયાનું ઓપરેશન કરીને આ અંગોને બહાર કાઢ્યાં.

આવો જ એક બીજો કિસ્સો વર્ષ 2017માં પુણેમાં રહેતાં વ્યક્તિ સાગર ગાયકવાડ સાથે જોડાયેલો છે. મેડિકલ ટેસ્ટ રિપોર્ટથી ખ્યાલ આવ્યો, કે તેમના શરીરમાં સ્ત્રીઓના પ્રજનન અંગો અંડાશય અને ગર્ભાશય હાજર છે. જો કે જ્યારે સાગરે બીજી પ્રાઈવેટ હોસ્પિટલમાં તપાસ કરાવી તો આ રિપોર્ટ ખોટો સાબિત થયો હતો. વિશેષજ્ઞો મુજબ આવાં કેસો હજારોમાં એક હોય છે. વધુ પડતાં કિસ્સાઓમાં જ્યારે વ્યક્તિની સર્જરી કરવામાં આવે તો તેની પ્રજનન ક્ષમતા ખત્મ થઈ જાય છે.