જ્યારે હાથમાં રોકડ ન હોય અને તાત્કાલિક પૈસાની જરૂરિયાત હોય તો તમે પર્સનલ લોન લઈ શકો છો. આ લોન ગોલ્ડ લોનની જેમ જ હોય છે, જેમાં તમે ગોલ્ડનો સિક્યોરિટી તરીકે ઉપયોગ કરી શકો છો. જોકે, પર્સનલ લોન સિક્યોરિટી તરીકે કંઈ જ જમા કરાવવાની જરૂર રહેતી નથી. પર્સનલ લોન લેવા માટે તમારે જે બેન્ક ઓછો વ્યાજ દર વસૂલ કરે તેવી બેન્કમાં લોન માટે એપ્લાય કરવું જોઈએ. જે ગ્રાહકોનો ક્રેડિટ સ્કોર સારો હોય તેને બેન્ક સૌથી ઓછા વ્યાજ દરની લોન આપે છે.

જ્યારે પણ તમે લોન માટે એપ્લાય કરો છો ત્યારે તમારે બેન્ક પાસેથી સુનિશ્ચિત કરવું જોઈએ કે, વ્યાજદર નિશ્ચિત છે કે, અસ્થાયી. જો નિશ્ચિત વ્યાજદર હોય તો તમારા માસિક હપ્તા (EMI) પર કોઈ અસર પડતી નથી. પર્સનલ લોન અસુરક્ષિત હોય છે તથા અન્ય લોન કરતા પર્સનલ લોન પર વ્યાજદર વધુ વસૂલવામાં આવે છે. પર્સનલ લોન માટે તમે મિત્રો અથવા પરિવારને પણ વાત કરી શકો છો. બેન્ક, નોન બેન્કિંગ સંગઠનો (NBFCs) પણ પર્સનલ લોનની સુવિધા આપે છે. ટાટા કેપિટલ, બજાજ ફિનસર્વ, સ્ટેટ બેન્ક ઓફ ઈન્ડિયા (SBI), HDFC સહિત અન્ય બેન્ક પણ પર્સનલ લોનની સુવિધા આપે છે.

– બેન્ક અથવા NBFC પર્સનલ લોન માટે સ્ટેમ્પ ડ્યુટી ચાર્જ, સ્ટેચ્યુટરી ચાર્જ તથા અન્ય ચાર્જ વસૂલ કરે છે. તમામ લોન પ્રોવાઈડર પર્સનલ લોન પર અલગ અલગ ચાર્જ વસૂલ કરે છે.

– લોન લેનાર વ્યક્તિને પ્રિ-ક્લોઝર અથવા પ્રિ-પેમેન્ટ ચાર્જ જમા કરાવવાનો હક છે. લોન પ્રોવાઈડર પર્સનલ લોન પર કયા કયા ચાર્જ વસૂલ કરે છે, તેની લોન લેનારે સંપૂર્ણ જાણકારી મેળવી લેવી જોઈએ.

– લોન પ્રોવાઈડર વધુમાં વધુ પાંચ વર્ષ માટે પર્સનલ લોન (Personal loans) આપે છે. તમામ કેસમાં લોનની ચૂકવણી કરવાનો કાર્યકાળ અલગ અલગ હોય છે.

પર્નલ લોન માટે એપ્લાય કરવા લોન એપ્લિકેશનની સાથે સાથે અહીં જણાવેલ ડોક્યુમેન્ટ જમા કરાવવાના રહેશે.

– પાસપોર્ટ સાઈઝ ફોટો- 2
– એમ્પ્લોયર તરફથી આપવામાં આવેલ ID કાર્ડ
– છેલ્લા 6 મહિનાની સેલેરી સ્લીપ અથવા ફોર્મ 16
– પાન કાર્ડ (Permanent Account Number)
– ઓળખ માટે એક આઈન્ડેટીટી પ્રૂફ અને હાલના એડ્રેસનો પુરાવો
– પાસપોર્ટ
– ડ્રાઈવિંગ લાયસન્સ
– આધાર કાર્ડ
– ચૂંટણી કાર્ડ
– NREGA દ્વારા જાહેર કરેલ જોબ કાર્ડમાં રાજ્ય સરકારના અધિકારીની સહી હોવી જોઈએ.
– રાષ્ટ્રીય જનસંખ્યા રજિસ્ટરે જાહેર કરેલ પત્રમાં નામ અને એડ્રેસ હોવું જોઈએ.

સામાન્ય રીતે, જ્યારે આપણે ફળો વિશે વાત કરીએ છીએ, ત્યારે તે આપણા સારા સ્વાસ્થ્ય સાથે સંબંધિત હોય છે. પરંતુ શું તમે જાણો છો કે કેટલાક ફળો એવા પણ છે જેને ખાવાથી જીવ જોખમમાં પણ મુકાઈ શકે છે. જી હા, દુનિયામાં એવા ઘણા ફળ છે જે જોવામાં જેટલા સ્વાદિષ્ટ અને સુંદર હોય છે, તેટલા જ સ્વાસ્થ્ય માટે પણ ઘાતક હોય છે. તો ચાલો જાણીએ તેમના વિશે.

સ્ટાર ફ્રુટ એક ખાટુ અને મીઠુ ફળ છે. તેમાં કેલરી ઓછી હોય છે અને તેમાં ફાઈબર અને વિટામિન સી પણ ભરપૂર માત્રામાં હોય છે. પણ જો તમને કિડનીની સમસ્યા છે, તો તમારે આ ફળ ખાતા પહેલા એકવાર ડૉક્ટરની સલાહ અવશ્ય લેવી જોઈએ. અસલમાં પીળા સ્ટાર ફ્રુટમાં ઓક્સાલેટની વધુ માત્રા જોવા મળે છે, જે કિડનીની સમસ્યાવાળા લોકો માટે જોખમી છે. તેના વધુ પડતા સેવનથી ખાવાથી કિડનીને નુકસાન, હાર્ટ એટેક અને મૃત્યુ પણ થઈ શકે છે.

જો તમને પીચ ખાવાનું પસંદ છે, તો તમને જણાવી દઈએ કે પીચ પર 60થી વધુ જંતુનાશકો મળી આવ્યા છે. તેના બીજમાં એમીગડાલિન નામનું સંયોજન હોય છે જે પેટમાં પીવાથી હાઇડ્રોજન સાયનાઇડમાં ફેરવાય છે અને ઝેર બની જાય છે.
જટરોફા છોડ ઉષ્ણકટિબંધીય અથવા ઉપ-ઉષ્ણકટિબંધીય આબોહવા સાથે વિશ્વના લગભગ તમામ ખૂણાઓમાં જોવા મળે છે. કમનસીબે, ભારતના ઘણા ભાગોમાં બાળકો આ ઝેરી ફળના સેવનથી પ્રભાવિત થયા છે.

અસલમાં આ મીઠા, પીળા ફળમાં જોવા મળતા બીજ ખતરનાક ઝેરનું કામ કરે છે. જટરોફાના બીજ ઉલ્ટી, ઝાડા અને કિડનીને નુકસાન પહોંચાડી શકે છે. તેનાથી મૃત્યુ પણ થઈ શકે છે.

કાળી અને જાંબલી પોકબેરી (Pokeberry) જે દેખાવમાં દ્રાક્ષ જેવી લાગે છે, તે ગંભીર સ્વાસ્થ્ય સમસ્યાઓનું કારણ બની શકે છે. તેનું સેવન કર્યા પછી પેટમાં દુખાવો, ઉબકા, ઉલટી અને લોહીવાળા ઝાડા થઈ શકે છે. તેના બીજ પણ ખૂબ જ ઝેરી હોય છે અને તમારી નર્વસ સિસ્ટમને પણ અસર કરે છે.

આ નારંગી રંગની સી બકથ્રોન બેરી (Sea Buckthorn Berries) જોવામાં જેટલી આકર્ષક છે તેટલી જ ઝેરી છે. આ બેરી અમેરિકા, કેનેડા, પૂર્વ એશિયાના ઘણા દેશોમાં જોવા મળે છે. જો કોઈ આકસ્મિક રીતે ઝેરી તત્વોથી ભરપૂર આ બેરી ખાય છે, તો નર્વસ સિસ્ટમમાં સોજો અને ઘણી ગંભીર સમસ્યાઓ થઈ શકે છે.

શું તમે ક્યારેય વિચાર્યું છે કે આપણે શા માટે રડીએ છીએ? દુઃખમાં નીકળતા આંસુ ક્યારેક ખુશીના પ્રસંગોમાં પણ કેમ વરસવા લાગે છે? આંસુનો સીધો સંબંધ તમારા મનની લાગણી સાથે છે. દુ:ખ કે મુશ્કેલી કે પરમ સુખની લાગણીઓ, લાગણીઓના દબાણને કારણે આંસુ બેકાબૂ થઈ વહેવા લાગે છે. વેબ એમડીના જણાવ્યા અનુસાર, સુખ હોય કે કોઈ દુ:ખ, આપણા આંસુ પોતાની મેળે જ નીકળી જાય છે. લોકો ઘણીવાર દુ:ખ અને મુશ્કેલીમાં રડે છે, પરંતુ જ્યારે ખુશીમાં તેમની આંખમાંથી આંસુ નીકળે છે ત્યારે આપણે તેને ખુશીના આંસુ કહીએ છીએ.

કેટલીકવાર બહુ હસતી વખતે ઘણી વખત આંખમાં આંસુ આવી જાય છે. હસતી વખતે આપણા ચહેરાના કોષો અનિયંત્રિત રીતે કામ કરવા લાગે છે અને લૅક્રિમલ ગ્રંથીઓ પરથી મગજનો કંટ્રોલ જતો રહે છે. જેના કારણે હસતી વખતે આંખોમાંથી આંસુ નીકળી જાય છે. હસતી વખતે આંખોમાંથી આંસુ આવવાનું બીજું કારણ વ્યક્તિની લાગણીઓ છે.

ઘણી વાર તમે વધુ પડતી ખુશીને કારણે ભાવુક થઈ જાવ છો, જેના કારણે ચહેરાના કોષો પર દબાણ વધી જાય છે અને આંસુ નીકળે છે. આ સિવાય ભાવનાત્મક આંસુને કારણે તણાવ સમાપ્ત થાય છે.રડતી વખતે કે હસતી વખતે આંસુ નીકળવામાં સૌથી મહત્વની ભૂમિકા શરીરના હોર્મોન્સની હોય છે. આપણું મગજ જે રીતે દરેક સમયે સક્રિય રહે છે, તે જ રીતે મગજનો એક ભાગ રડતી વખતે અને હસતી વખતે સક્રિય બને છે.

details

મગજની કોશિકાઓ પર તણાવને કારણે હસતી વખતે અથવા રડતી વખતે શરીરમાં થતી વિવિધ પ્રતિક્રિયાઓ માટે કાર્ટીસોલ અને એડ્રેનાલિન જેવા હોર્મોન્સ જવાબદાર છે. તેના કારણે જ્યારે આપણે હસીને રડીએ છીએ ત્યારે આપણી આંખોમાં આંસુ આવી જાય છે. એટલે જ આંખના આંસુ ફક્ત ઉદાસી કે દુઃખ પૂરતા જ સીમિત નથી.