ICC વર્લ્ડ કપ 2023માં વિરાટ કોહલી જોરદાર ફોર્મમાં જોવા મળી રહ્યો છે. ગત વર્ષે એશિયા કપ દરમિયાન વિરાટ કોહલી જે રીતે ફોર્મમાં પરત ફર્યો હતો તે જોઈને લાગે છે કે તેનું બેટ રન બનાવવા માટે તૈયાર છે. વર્લ્ડ કપ 2023માં સૌથી વધુ રન બનાવવાના મામલે વિરાટ કોહલી બીજા નંબર પર છે. આઠ મેચોમાં વિરાટે 108.60ની એવરેજથી 543 રન બનાવ્યા છે. વિરાટે જે રીતે બેટિંગ કરી છે, તે જોઈને લાગે છે કે તે તેની કારકિર્દીની શ્રેષ્ઠ ફ્રેમમાં છે. વિરાટ કોહલીએ 5 નવેમ્બરે દક્ષિણ આફ્રિકા સામે રમાયેલી વર્લ્ડ કપ 2023 મેચમાં સદી ફટકારી હતી, જે તેની કારકિર્દીની 49મી ODI સદી પણ હતી. પોતાના જન્મદિવસના ખાસ અવસર પર વિરાટે પોતાના આદર્શ સચિન તેંડુલકરના વર્લ્ડ રેકોર્ડની બરાબરી કરી હતી.
ODI ઈન્ટરનેશનલ: સચિન પછી 49 ODI સદી ફટકારનાર વિરાટ માત્ર બીજો બેટ્સમેન છે. જ્યારે વિરાટ દક્ષિણ આફ્રિકા સામે બેટિંગ કરી રહ્યો હતો અને 74 રન પર રમી રહ્યો હતો ત્યારે કોમેન્ટ્રી કરી રહેલા ઓસ્ટ્રેલિયાના પૂર્વ કેપ્ટન રિકી પોન્ટિંગે કંઈક એવું કહ્યું જે વાયરલ થયું છે. તેણે કહ્યું, ‘ભારતીય પ્રશંસકો સિવાય, મને નથી લાગતું કે અન્ય કોઈ દેશના પ્રશંસકો ઈચ્છશે કે વિરાટ કોહલી આગામી વર્લ્ડ કપમાં રમે.’ હવે આગામી વર્લ્ડ કપ 2027માં રમાશે. વિરાટ કોહલી 35 વર્ષનો થઈ ગયો છે, તેથી તે આગામી વર્લ્ડ કપ રમશે કે નહીં તે તો સમય જ કહેશે.
“Any other cricket fan other than Indian fan will not want him to play next world cup”
Ponting pic.twitter.com/loBydhUnbE
— S P Y (@Kohli_Spy) November 7, 2023
વિરાટે સચિન કરતા બરાબર 175 ઓછી ઈનિંગ્સમાં 49 ODI સદી પૂરી કરી હતી. વિરાટ જે પ્રકારના ફોર્મમાં છે તે ટીમ ઈન્ડિયા માટે ખૂબ જ સારો સંકેત છે. જ્યારે વિરાટે વર્લ્ડ કપ 2023માં એન્કર બેટ્સમેનની ભૂમિકા ભજવી છે, ત્યારે રોહિત શર્માએ શરૂઆતથી જ આક્રમણ કરીને વિરોધી બોલરો પર વર્ચસ્વ જમાવવાનું કામ કર્યું છે.
