એશિયા કપ રાઈઝિંગ સ્ટાર્સ 2026: ભારત A મહિલા ટીમનો યુએઇ સામે મુકાબલો ક્યારે, ક્યાં અને લાઈવ સ્ટ્રીમિંગ કેવી રીતે જોવા?
આશિયા કપ રાઈઝિંગ સ્ટાર્સ 2026 (Women’s Asia Cup Rising Stars 2026) ટૂર્નામેન્ટ 13 ફેબ્રુઆરીથી શરૂ થઈ રહ્યો છે અને તેનો ફાઇનલ મેચ 22 ફેબ્રુઆરીએ રમાશે. આ ટૂર્નામેન્ટમાં ભાગ લેતી ટીમોમાં અનેક યુવા અને પ્રતીભાશાળી મહિલા ક્રિકેટરો પોતાની છાપ છોડવા માટે ઉત્સુક છે. ટૂર્નામેન્ટમાં ભારત A મહિલા ટીમનો પ્રથમ મુકાબલો યુએઇ (UAE) સામે થશે.
ટૂર્નામેન્ટની શરૂઆત અને પૃષ્ઠભૂમિ
આ ટૂર્નામેન્ટનું આયોજન એશિયન ક્રિકેટ કાઉન્સિલ (ACC) દ્વારા કરવામાં આવે છે. આ પ્રથમ વખત નથી, પહેલાં પણ આ સ્પર્ધાનું પહેલું આવૃત્તિ 2023માં “Women’s Emerging Teams Asia Cup” તરીકે યોજાયું હતું. એ સિઝનમાં ભારતીય મહિલા ટીમે શાનદાર પ્રદર્શન કરતાં બાંગ્લાદેશ સામે ફાઇનલ જીતી અને ખિતાબ જીત્યો હતો. હવે આ નવું નામ અને નવા ફોર્મેટ સાથે આ ટૂર્નામેન્ટ ફરીથી શરૂ થઈ રહ્યું છે.
ભારત A vs યુએઇ (IND A vs UAE) મેચ ક્યારે શરૂ થશે?
આ ટૂર્નામેન્ટ 13 ફેબ્રુઆરીથી 22 ફેબ્રુઆરી સુધી ચાલશે. કુલ 8 ટીમો ભાગ લેશે, જેમાં:
- બાંગ્લાદેશ A
- ભારત A
- પાકિસ્તાન A
- શ્રીલંકા A
- નેપાળ
- યુએઇ
- મલેશિયા
- થાઈલેન્ડ
આ વર્ષે ટૂર્નામેન્ટનો પ્રારંભ પાકિસ્તાન A મહિલા ટીમ અને નેપાળ મહિલા ટીમ વચ્ચે રમાતી મેચથી થયો હતો. 13 ફેબ્રુઆરીના દિવસે બીજી મેચમાં ભારત A મહિલા ટીમ અને યુએઇ મહિલા ટીમ વચ્ચે મુકાબલો જોવા મળશે.
આ મેચનો સમય:
12:30 PM IST (ભારતીય સમય અનુસાર)
લાઈવ સ્ટ્રીમિંગ અને ટેલિકાસ્ટ ક્યાં જોવા મળશે?
ભારતમાં ભારત A મહિલા ટીમ અને યુએઇ વચ્ચેની મેચ Sony Sports Network પર લાઈવ ટેલિકાસ્ટ થશે. જો તમે મોબાઇલ પર જોઈ રહ્યા હો તો Sony Liv એપ દ્વારા લાઈવ સ્ટ્રીમિંગ પણ જોઈ શકો છો.
લાઈવ સ્ટ્રીમિંગ માટે:
- તમારા સ્માર્ટફોનમાં Sony Liv એપ ડાઉનલોડ કરો
- એપમાં લોગિન/સાઇનઅપ કરો
- લાઈવ મેચ વિભાગમાં જઈને India A vs UAE પસંદ કરો
ભારત A ટીમનું નેતૃત્વ અને ગ્રુપ સ્ટેજની માહિતી
ભારત A મહિલા ટીમનું નેતૃત્વ રાધા યાદવ (Radha Yadav) કરશે. ભારત A ટીમ ગ્રુપ Aમાં છે, જેમાં તેમની સાથે નીચેની ટીમો છે:
- પાકિસ્તાન A
- યુએઇ
- નેપાળ
જ્યારે ગ્રુપ Bમાં નીચેની ટીમો છે:
- બાંગ્લાદેશ A
- શ્રીલંકા A
- મલેશિયા
- થાઈલેન્ડ
દરેક ટીમ ગ્રુપ સ્ટેજમાં ત્રણ મેચો રમશે. ગ્રુપમાં ટોચની બે ટીમો સેમી ફાઇનલમાં પ્રવેશ કરશે. ત્યારબાદ સેમી ફાઇનલ બાદ 22 ફેબ્રુઆરીએ ફાઇનલ રમાશે.
ક્યારે ભારત અને પાકિસ્તાનનો મુકાબલો?
ભારત A માટે સૌથી વધુ રાહ જોવાતો મુકાબલો ભારત vs પાકિસ્તાનનો છે, જે રવિવારે યોજાશે. આ મેચ માટે પણ દર્શકોમાં ખાસ ઉત્સાહ જોવા મળશે.
તમામ મેચ ક્યાં રમાશે?
આ ટૂર્નામેન્ટની બધી મેચો Terdthai Cricket Ground, Bangkok ખાતે રમાશે.
