જ્યારે ઓસ્ટ્રેલિયન ટીમે સચિન તેંડુલકરને નિવૃત્તિમાંથી પાછા લાવવાનો માસ્ટર પ્લાન બનાવ્યો હતો: મેલબોર્ન સ્ટાર્સની એક અજાણી કહાની
ક્રિકેટ જગતમાં ભારત અને ઓસ્ટ્રેલિયા વચ્ચેની હરીફાઈ હંમેશા ચરમસીમા પર રહી છે. આ હરીફાઈના કેન્દ્રમાં વર્ષો સુધી એક જ નામ રહ્યું – સચિન રમેશ તેંડુલકર. ઓસ્ટ્રેલિયાના દિગ્ગજ બોલરો સામે સચિનની બેટિંગ જોવી એ દરેક ક્રિકેટ પ્રેમી માટે એક લહાવો હતો. પરંતુ, જરા કલ્પના કરો કે જે ખેલાડીએ આખી જિંદગી ઓસ્ટ્રેલિયા સામે રનનો પહાડ ખડક્યો, તે જ ખેલાડી ઓસ્ટ્રેલિયાની કોઈ લોકલ ટીમ તરફથી પીળી કે લીલી જર્સી પહેરીને મેદાન પર ઉતરે! સાંભળવામાં જ આ વિચાર કેટલો અજીબ અને અશક્ય લાગે છે ને? પરંતુ વર્ષ ૨૦૧૩માં આ અશક્ય લાગતી ઘટના વાસ્તવિકતા બનવાની ખૂબ જ નજીક પહોંચી ગઈ હતી.
નવેમ્બર ૨૦૧૩માં જ્યારે સચિને આંતરરાષ્ટ્રીય ક્રિકેટને અલવિદા કહ્યું, ત્યારે ઓસ્ટ્રેલિયાની પ્રતિષ્ઠિત ટ્વેન્ટી-૨૦ લીગ ‘બિગ બેશ લીગ’ (BBL) ની ફ્રેન્ચાઇઝી મેલબોર્ન સ્ટાર્સે એક એવો પ્લાન બનાવ્યો હતો જે આખા ક્રિકેટ જગતને હચમચાવી મુકે તેવો હતો. તેમણે સચિન તેંડુલકરને તેમની નિવૃત્તિમાંથી બહાર લાવીને, માત્ર એક મેચ માટે દિવંગત સ્પિન જાદુગર શેન વોર્ન સાથે જોડી બનાવવાનો પ્રયાસ કર્યો હતો.
સચિન અને ઓસ્ટ્રેલિયા: એક અનોખો અને અતૂટ સંબંધ
ભારતીય ચાહકો માટે સચિન તેંડુલકર માત્ર એક ખેલાડી નથી, પરંતુ એક લાગણી છે. ભારત સિવાય અન્ય કોઈ પણ ટીમ માટે, અને તેમાં પણ ખાસ કરીને ઓસ્ટ્રેલિયન ધરતી પર ઓસ્ટ્રેલિયન ફ્રેન્ચાઈઝી માટે સચિન રમે તે વિચારવું જ ભારતીય ચાહકો માટે અસ્વીકાર્ય હતું. ઓસ્ટ્રેલિયા એ જ ટીમ હતી જેની સામે સચિનને બેટિંગ કરવી સૌથી વધુ ગમતી હતી. ૧૯૯૮માં શારજાહના મેદાન પર આવેલું તે અવિસ્મરણીય ‘ડેઝર્ટ સ્ટોર્મ’ (વાવાઝોડું), જેમાં સચિને ઓસ્ટ્રેલિયાના બોલરોની ધજ્જીયા ઉડાવી દીધી હતી, તે આજે પણ દરેક ક્રિકેટ પ્રેમીના હૃદયમાં જીવંત છે. આ ઉપરાંત, ઓસ્ટ્રેલિયા સામે જ સચિને ટેસ્ટ ક્રિકેટમાં પોતાનો બીજો સૌથી મોટો વ્યક્તિગત સ્કોર (સિડનીમાં અણનમ ૨૪૧ રન) નોંધાવ્યો હતો. આવા કડક હરીફ દેશની સ્થાનિક લીગમાં સચિન રમે, તે વાત જ પચાવવી મુશ્કેલ હતી.
મેલબોર્ન સ્ટાર્સની લાચારી અને એડી મેકગુઇરનો માસ્ટર સ્ટ્રોક
બિગ બેશ લીગના શરૂઆતના દિવસોમાં મેલબોર્ન સ્ટાર્સની ટીમ ખૂબ જ મજબૂત હતી, પરંતુ ઓસ્ટ્રેલિયાની રાષ્ટ્રીય ટીમની મેચોને કારણે તેમના મુખ્ય ખેલાડીઓ વારંવાર રાષ્ટ્રીય ટીમમાં પસંદ થઈ જતા હતા. આના કારણે ફ્રેન્ચાઈઝી તેના મોટા નામોને જાળવી રાખવા માટે સતત સંઘર્ષ કરી રહી હતી. ટીમના તત્કાલીન ચેરમેન એડી મેકગુઇરે તાજેતરમાં જ આ સમયગાળાની એક અજાણી વાત શેર કરી છે.
મેકગુઇરે જણાવ્યું કે જ્યારે ઓસ્ટ્રેલિયન ક્રિકેટ બોર્ડ (CA) તેમની ટીમના મુખ્ય ખેલાડીઓને આંતરરાષ્ટ્રીય ફરજ અથવા અન્ય પ્રવાસો માટે લઈ જતું હતું, ત્યારે ટીમ નબળી પડી જતી હતી. ઘણીવાર એવું થતું કે ખેલાડીઓને ટીમ બસમાં બેસાડીને તાસ્માનિયા જેવા સ્થળોએ લઈ જવામાં આવતા, પરંતુ તેમને અંતિમ અગિયારમાં રમવાની તક પણ ન મળતી. આનાથી નારાજ થઈને મેકગુઇરે ક્રિકેટ બોર્ડ સામે લોબિંગ શરૂ કર્યું. તેમણે બોર્ડ સમક્ષ માંગણી કરી કે, “જો તમે મારા ચાર મુખ્ય બેટ્સમેન કે બોલરોને છીનવી લેવાના હો, તો મને તેના બદલામાં એક એવો આંતરરાષ્ટ્રીય ખેલાડી લાવવાની છૂટ આપો જે આખી લીગનો નકશો બદલી શકે.” અને એ સમયે તેમના મગજમાં જે નામ આવ્યું, તે હતું – સચિન રમેશ તેંડુલકર.
“હું આ મેદાન પાંચ વખત ભરી દઈશ” એક ભવ્ય વિઝન
એડી મેકગુઇર આંતરરાષ્ટ્રીય સ્તરે ક્રિકેટની લોકપ્રિયતા અને સચિનના નામના પ્રભાવને સારી રીતે જાણતા હતા. મેલબોર્ન સ્ટાર્સ દ્વારા શેર કરવામાં આવેલી એક વીડિયો ક્લિપમાં મેકગુઇરે તે દિવસોને યાદ કરતા કહ્યું, “મેં એ સમયે બોર્ડને સ્પષ્ટ શબ્દોમાં કહ્યું હતું કે, જો મને સચિન તેંડુલકરને ટીમમાં સામેલ કરવાની મંજૂરી મળશે, તો હું મેલબોર્ન ક્રિકેટ ગ્રાઉન્ડ (MCG) ને એક નહિ પણ પાંચ વખત ખીચોખીચ ભરી દઈશ.”
Imagine
Eddie McGuire wanted Sachin Tendulkar in green!
More on Episode 5 of 𝑾𝒊𝒕𝒉 𝒕𝒉𝒆 𝑺𝒕𝒂𝒓𝒔 pic.twitter.com/WSkCyvy92f
— Melbourne Stars (@StarsBBL) May 26, 2026
તેમનો પ્લાન ખૂબ જ સરળ પણ અત્યંત પ્રભાવશાળી હતો. તેઓ સચિનને આખી ટૂર્નામેન્ટ માટે નહિ, પરંતુ માત્ર એક ખાસ રાત ગ્રાન્ડ ફાઈનલ મેચ માટે નિવૃત્તિમાંથી બહાર લાવવા માંગતા હતા. તેઓ ઈચ્છતા હતા કે મેલબોર્ન સ્ટાર્સ તરફથી બેટિંગમાં માસ્ટર બ્લાસ્ટર સચિન તેંડુલકર હોય અને બોલિંગની આગેવાની શેન વોર્ન કરે. સચિન અને વોર્ન – ક્રિકેટ ઈતિહાસના બે સૌથી મોટા પ્રતિસ્પર્ધીઓ જ્યારે એક જ ટીમમાં, એક જ જર્સીમાં સાથે રમે, તો તે દ્રશ્ય જોવા માટે આખી દુનિયા ટીવી સ્ક્રીન સામે ગોઠવાઈ જાય.
મેકગુઇરે ઉમેર્યું, “મેં બોર્ડને કહ્યું કે આ ઓસ્ટ્રેલિયાના ક્રિકેટ ઇતિહાસની સૌથી મોટી ટી૨૦ મેચ બની જશે. સ્ટેડિયમ નાનું પડશે અને અમારે સ્ટેડિયમની બહાર પાર્કમાં મોટી સ્ક્રીનો લગાવવી પડશે જેથી લાખો લોકો આ ઐતિહાસિક ક્ષણના સાક્ષી બની શકે.”
જોડાણ જે સપનું જ રહ્યું, પણ ભવિષ્યમાં હકીકત બન્યું
જો કે, ઓસ્ટ્રેલિયન ક્રિકેટના કડક નિયમો, સચિનની પોતાની નિવૃત્તિ પ્રત્યેની પ્રતિબદ્ધતા અને અન્ય તકનીકી કારણોસર આ મહા-જોડાણ ક્યારેય બિગ બેશ લીગમાં સાકાર થઈ શક્યું નહીં. સચિને પોતાની નિવૃત્તિનો નિર્ણય પાછો ન ખેંચ્યો અને ચાહકો આ અદ્ભુત ક્ષણથી વંચિત રહી ગયા.
પરંતુ, કુદરત પાસે કંઈક અલગ જ પ્લાન હતો. બિગ બેશ લીગમાં જે સપનું તૂટી ગયું હતું, તે ૨૦૧૫માં અમેરિકાની ધરતી પર પૂરું થયું. સચિન તેંડુલકર અને શેન વોર્ને સાથે મળીને ‘ક્રિકેટ ઓલ સ્ટાર્સ શ્રેણી’નું આયોજન કર્યું. યુનાઇટેડ સ્ટેટ્સમાં ક્રિકેટના પ્રચાર અને પ્રસાર માટે રમાયેલી આ ત્રણ મેચોની શ્રેણીમાં દુનિયાભરના નિ
