સોમવારે પણ બોક્સ ઓફિસ પર છવાઈ રહી ‘દૃશ્યમ 3’, બહુ જલ્દી પાર કરશે 200 કરોડનો આંકડો

અજય દેવગણની ‘દૃશ્યમ 3’એ પાસ કર્યો મંડે ટેસ્ટ, 200 કરોડ ક્લબમાં એન્ટ્રીથી બસ થોડે જ દૂર!

બોલિવૂડ અભિનેતા અજય દેવગનની સસ્પેન્સ-થ્રિલર ફિલ્મ ‘દૃશ્યમ 3: ધ કન્ક્લુઝન’ બોક્સ ઓફિસ પર ધૂમ મચાવી રહી છે. આ ફિલ્મે રિલીઝના પહેલા દિવસથી જ થિયેટરોમાં પ્રેક્ષકોની ભારે ભીડ એકત્રિત કરવાનું શરૂ કરી દીધું હતું. ઓપનિંગ વીકેન્ડમાં શાનદાર કમાણી કર્યા બાદ, ફિલ્મે તેની મહત્વપૂર્ણ ‘સોમવારની કસોટી’ (મન્ડે ટેસ્ટ) પણ સફળતાપૂર્વક પાર કરી લીધી છે. ચાલો જોઈએ કે રિલીઝના ચોથા દિવસે આ ક્રાઈમ થ્રિલર ફિલ્મે બોક્સ ઓફિસ પર કેટલો બિઝનેસ કર્યો છે.

રિલીઝના ચોથા દિવસે ‘દૃશ્યમ 3’નું શાનદાર કલેક્શન

અભિષેક પાઠક દ્વારા નિર્દેશિત આ ફિલ્મ ‘દ્રશ્યમ’ ફ્રેન્ચાઇઝીનો અંતિમ અધ્યાય છે, જેને લઈને ચાહકોમાં ભારે ઉત્સાહ જોવા મળી રહ્યો છે. ફિલ્મે પહેલા દિવસે ₹62 કરોડની જબરદસ્ત ઓપનિંગ સાથે બોક્સ ઓફિસ પર શરૂઆત કરી હતી. ત્યારબાદ બીજા દિવસે (શનિવારે) ₹53.50 કરોડ અને રજાનો લાભ ઉઠાવતા ત્રીજા દિવસે (રવિવારે) ₹61 કરોડની શાનદાર કમાણી કરી હતી.

વીકેન્ડ પૂરતો થયા પછી સોમવારે વર્કિંગ ડે હોવાના કારણે ફિલ્મોની કમાણીમાં અવારનવાર મોટો ઘટાડો જોવા મળે છે, પરંતુ ‘દશ્યમ 3’એ આ મંડે ટેસ્ટમાં પણ મજબૂત પકડ જાળવી રાખી છે. ટ્રેન્ડ રિપોર્ટ મુજબ, રિલીઝના ચોથા દિવસે એટલે કે પહેલા સોમવારે ફિલ્મે 21 કરોડ રૂપિયાનો કારોબાર કર્યો છે. આની સાથે જ ભારતમાં ફિલ્મનું 4 દિવસનું કુલ નેટ કલેક્શન હવે 197.50 કરોડ રૂપિયા થઈ ગયું છે.

200 કરોડ ક્લબમાં સામેલ થવાથી બસ થોડા જ કદમ દૂર

રવિવારની સરખામણીમાં પહેલા સોમવારે ફિલ્મની કમાણીમાં થોડો ઘટાડો જરૂર આવ્યો છે, પરંતુ આ ફિલ્મ એક ખૂબ જ મોટા સીમાચિહ્ન સુધી પહોંચવાની ખૂબ જ નજીક આવી ગઈ છે. ‘દૃશ્યમ 3’ હવે 200 કરોડ રૂપિયાનો જાદુઈ આંકડો સ્પર્શવાથી માત્ર 7 કરોડ રૂપિયા દૂર છે. આશા વ્યક્ત કરવામાં આવી રહી છે કે મંગળવારે આ ફિલ્મ આસાનીથી 200 કરોડના ક્લબમાં એન્ટ્રી કરી લેશે.

આની સાથે જ, આ ફિલ્મ વર્ષ 2026ની સૌથી મોટી ફિલ્મોની યાદીમાં પોતાની સ્થિતિ ખૂબ મજબૂત કરી રહી છે. ફિલ્મ ‘ભૂત બંગ્લા’ના 199.23 કરોડ રૂપિયાના લાઇફટાઇમ કલેક્શનને પાછળ છોડવાથી માત્ર થોડા જ લાખ દૂર છે અને જલ્દી જ તે આ વર્ષની પાંચમી સૌથી મોટી ફિલ્મ બની શકે છે.

વર્ષ 2026ની ટોપ 10 ફિલ્મોની યાદી પર એક નજર:

• ધુરંધર 2 – 1186.32 કરોડ

• બોર્ડર 2 – 362.76 કરોડ

• હનુમાન અંશ – 324.73 કરોડ

• મિર્ઝાપુર ધ મૂવી – 233.07 કરોડ

• ભૂત બંગલા – 199.23 કરોડ

• દશ્યમ 3 – 197.50 કરોડ (ચાર દિવસનું કલેક્શન)

• ધમાલ 4 – 177.92 કરોડ

• આવારાપન 2 – ₹156.12 કરોડ

• ટોક્સિક (હિન્દી) – 143.92 કરોડ

• વેલકમ ટુ ધ જંગલ – 137.93 કરોડ