Connect with us

રાષ્ટ્રીય

અર્થતંત્રને વેગ આપવા કેન્દ્ર સરકારે લીધો આ મહત્વનો નિર્ણય

Published

on

કોરોનાના કહેર વચ્ચે કેન્દ્ર સરકારે મહત્વનો નિર્ણય કર્યો છે,કેન્દ્ર સરકારે ગ્રીન ઝોનમાં ખુલ્લી રાખી શકાય તેવી દુકાનોની યાદી વધારી દીધી છે. ગૃહમંત્રાલયના નવા આદેશ મુજબ શહેરી ક્ષેત્રોમાં સંબંધિત રાજ્યો કે કેન્દ્ર શાસિત પ્રદેશોના શોપ્સ એન્ડ એસ્ટાબ્લિસમેન્ટ એક્ટ હેઠળ નોંધાયેલી તમામ દુકાનો ખોલી શકાશે.

તેમાં ગલી મોહલ્લાની દુકાનો તથા સ્ટેન્ડ એલોન શોપ અને નિવાસી પરિસરમાં બનેલી દુકાનોનો પણ સમાવેશ થાય છે. જો કે શહેરોમાં માર્કેટ કોમ્પલેક્સ, મલ્ટિબ્રાન્ડ અને સિંગલ બ્રાન્ડ મોલ ખોલી શકાશે નહીં. આ તમામ દુકાનો અડધા કર્મચારીથી કામ ચલાવશે. તેમણે માસ્ક પહેરવું પડશે અને સોશિયલ ડિસ્ટન્સિંગનું પાલન કરવું પડશે.

સરકારે જણાવ્યું હતું કે, હોટસ્પોટ જાહેર કરાયા હોઈ તેવા વિસ્તારો અને કન્ટેઇનમેન્ટ કરાયા હોઈ તેવા વિસ્તારોમાં કોઈ પણ દુકાનો કે ધંધા રોજગારને શરુ કરવામાં આવશે નહિ. હાલની પરિસ્થિતિએ આવા તમામ સ્થળોએ દુકાનો બંધ જ રહેશે.


ઓર્ડર મુજબ જે લોકો પોતાની દુકાનો ખોલે છે તેઓએ પોતાના સ્ટાફ માટે માસ્ક અને ગ્લોવ્ઝ સહીત સલામતીની તમામ વ્યવસ્થા કરવાની રહેશે. આ ઉપરાંત સોશિયલ ડિસ્ટન્સિંગનું પણ કડક રીતે પાલન કરવાનું રહેશે.

કેન્દ્ર સરકારના ઓર્ડર મુજબ મહાનગરપાલિકાની હદમાં આવેલા માર્કેટ કોમ્પ્લેક્સ, મોલ, સિંગલ બ્રાંડ અને મલ્ટી બ્રાંડ મોલ્સમાં આવેલી દુકાનો માટે આ નિયમ લાગુ પડશે નહી એટલે કે આ દુકાનો ખોલવા માટે મંજુરી આપવામાં આવી નથી.

રાષ્ટ્રીય

ભારતનો સૌથી મોટો પાણીમાં તરતો સોલાર પાવર પ્રોજેકટ તૈયાર: જાણો શું થશે ફાયદો

Published

on

indias-largest-floating-solar-power-project-ready-know-what-the-benefits-will-be

NTPC એ દેશના સૌથી મોટા ફ્લોટિંગ સોલાર પાવર પ્રોજેક્ટનું કામ પૂર્ણ કરી દીધું છે. તેલંગાણાના રામાગુંડમના આ પ્રોજેક્ટથી 100 મેગાવોટ પાવર મળશે. તેના કમિશનિંગ સાથે, દક્ષિણ ભારતમાં ફ્લોટિંગ સોલાર ક્ષમતાનું વ્યાવસાયિક ઉત્પાદન વધીને 217 મેગાવોટ થઈ ગયું છે. અગાઉ એનટીપીસીએ કેરળના કયામકુલમ ખાતે 92 મેગાવોટના ફ્લોટિંગ સોલાર પાવર પ્રોજેક્ટ અને આંધ્રપ્રદેશના સિમ્હાદ્રી ખાતે 25 મેગાવોટથી વીજ ઉત્પાદન શરૂ કર્યું હતું.

indias-largest-floating-solar-power-project-ready-know-what-the-benefits-will-be

એનટીપીસીના આ પ્રોજેક્ટમાં 423 કરોડનો ખર્ચ કરવામાં આવ્યો છે. તે એક જળાશયના 500 એકર વિસ્તારમાં ફેલાયેલું છે. પ્રોજેક્ટને 40 વિભાગોમાં વહેંચવામાં આવ્યો છે, દરેક સેગમેન્ટ 2.5 મેગાવોટ વીજળી ઉત્પન્ન કરે છે. ફ્લોટિંગ સોલાર પેનલ્સને કારણે દર વર્ષે લગભગ 32.5 લાખ ઘન મીટર પાણીનું બાષ્પીભવન અટકાવવામાં આવશે.

નોંધનિય છે કે, આ સિસ્ટમ વોટર બોડી સોલર મોડ્યુલનું તાપમાન સંતુલન જાળવવામાં પણ મદદ કરશે. ઉત્પન્ન થતી વીજળી આડકતરી રીતે કોલસાના વપરાશમાં વાર્ષિક 1,65,000 ટન જેટલો ઘટાડો કરશે, જેનાથી દર વર્ષે 2,10,000 ટન ઓછા કાર્બન ડાયોક્સાઇડનું ઉત્સર્જન થશે.

Continue Reading

ગુજરાત

‘તારક મહેતા’ ફૅમ નટુકાકા ઉર્ફે ઘનશ્યામ નાયકનું નિધન,77 વર્ષની ઉંમરે દુનિયાને કહ્યું અલવિદા

Published

on

‘તારક મહેતા’ ફૅમ નટુકાકાનું 77 વર્ષની ઉંમરે નિધન, છેલ્લાં એક વર્ષથી કેન્સર હતું. ‘તારક મહેતા કા ઉલ્ટા ચશ્મા’ ફૅમ 77 વર્ષીય નટુકાકા એટલે કે ઘનશ્યાન નાયકને ગયા વર્ષે સપ્ટેમ્બરમાં ગળામાં કેન્સરની ગાંઠ હોવાનું નિદાન થયું હતું. એ સમયે નટુકાકા 13 દિવસ હોસ્પિટલમાં રહ્યા હતા અને ઓપરેશનમાં 8 ગાંઠ બહાર કાઢવામાં આવી હતી. ઓપરેશન બાદ નટુકાકાએ રેડિયેશન તથા કિમોથેરપી લીધી હતી. હાલમાં જ નટુકાકાના દીકરા વિકાસ નાયકે સો.મીડિયામાં કેન્સરે ઊથલો માર્યો હોવાની વાત કરી હતી.

વિકાસ નાયકની સો.મીડિયા પોસ્ટ પ્રમાણે, ગયા સપ્ટેમ્બર મહિનામાં નટુકાકાનું કેન્સરનું ઓપરેશન કરવામાં આવ્યું હતું. ત્યાર બાદ રેડિયેશનના 30 તથા કિમોના પાંચ સેશન લીધા હતા. ઓક્ટોબર મહિના સુધી નટુકાકાની કેન્સરની સારવાર ચાલી હતી. આ સારવારના છ મહિના બાદ નટુકાકાનો પેટ સ્કેન કરાવવામાં આવ્યો હતો. આ ટેસ્ટમાં નટુકાકાને ગળામાં જ્યાંથી આઠેક ગાંઠો બહાર કાઢી હતી ત્યાં ફરી વાર એકાદ-બે સ્પોટ જોવા મળ્યા હતા. આટલું જ નહીં, ફેફસાંમાં પણ એક-બે નવા શંકાસ્પદ સ્પોટ દેખાયા હતા. આ કેન્સરના જ સ્પોટ હોવાનું પછીથી નિદાન થયું હતું અને એ માટે કિમોથેરપી ફરી એકવાર કરવી પડશે, એમ ડૉક્ટર્સે જણાવ્યું હતું. ઘનશ્યામ નાયકની ઉંમર 76 વર્ષની હોવાથી કિમો માટે દર વખતે નસ પકડવી સહેલી નહોતી, આથી જ ડૉક્ટર્સે તેમના શરીરમાં કેમો પાર્ટ બેસાડવાનું સૂચન કર્યું હતું.

આના માટે ઘનશ્યામ નાયકે નાનકડી સર્જરી પણ કરાવી હતી. કેમો પાર્ટ એટલે એક નાની ડબ્બી શરીરમાં ફિટ કરવામાં આવે છે અને કિમોથેરપીના ઈન્જેક્શન આપી શકાય છે.
ઘનશ્યામ નાયકે થોડાં મહિના પહેલાં ગુજરાતની નેચરલ ફર્ટિલાઇઝર કંપનીની જાહેરાતમાં કામ કર્યું હતું. આ જાહેરાત ઘનશ્યામ નાયકની છેલ્લી જાહેરાત હતી. નટુકાકાએ છેલ્લીવાર કેમેરા સામે એક્ટિંગ કરી હતી.
શોમાં નટુકાકાનું પાત્ર ભજવનાર એક્ટર ઘનશ્યામ નાયકને ગયા વર્ષે કેન્સર થયું હતું. તેઓ દોઢ વર્ષમાં માત્ર 4-5 એપિસોડ શૂટ કરી શક્યા હતા. જોકે, તેમના અકાઉન્ટમાં દર મહિને સેલરી જમા થતી હતી. તેમણે દર મહિને 1 લાખનો પગાર મળતો હતો. આ ઉપરાંત તેમને જેટલા એપિસોડ શૂટ કર્યા હોય તે પ્રમાણે ફી મળતી હતી.

Continue Reading

રાષ્ટ્રીય

ભારત રત્ન પ્રણવ મુખર્જીના નિધનથી દેશમાં શોકનો માહોલ,પ્રણવ મુખર્જીના નિધન પર જાણો તેમના જીવનની કેટલીક મહત્વની વાતો

Published

on

ભારતના પૂર્વ રાષ્ટ્રપતિ પ્રણવ મુખરજીનું નિધન થયું છે. 84 વર્ષીય ભૂતપૂર્વ રાષ્ટ્રપતિ પ્રણવ મુખર્જીને થોડા દિવસો પહેલા તેમનો કોરોના રીપોર્ટ પોઝીટીવ આવ્યો હતો. તેમજ તેમને મગજની સર્જરી માટે દિલ્હીની સૈન્ય હોસ્પિટલમાં દાખલ કરવામાં આવ્યા હતા.

સર્જરી બાદથી તેઓ વેન્ટિલેટર પર હતા. વાત કરવામાં આવે પ્રણવ મુખર્જીના જીવનની તો તેમનો જન્મ 11 ડિસેમ્બર 1935 ના રોજ પશ્ચિમ બંગાળના બીરભૂમ જિલ્લાના નાના ગામ મીરાતીમાં થયો હતો.

રાજકારણમાં પ્રવેશતા પહેલાં તેઓ દેશેર ડાક મેગેઝિનમાં પત્રકાર તરીકે પણ કામ કર્યું હતું. બાદમાં 1969 માં, તેમણે રાજકારણમાં પ્રવેશ કર્યો અને રાષ્ટ્રપતિ પદ પર પહોંચ્યા. પ્રણવ મુખર્જીને રાજકારણમાં લાવવાનો શ્રેય તત્કાલીન વડા પ્રધાન ઇન્દિરા ગાંધીને જાય છે.

 

વર્ષ 1973-74માં ઇન્દિરાએ તેમને ઉદ્યોગ, શિપિંગ અને પરિવહન, સ્ટીલ અને ઉદ્યોગ રાજ્યમંત્રી અને નાણા રાજ્ય પ્રધાન બનાવ્યા. 1982માં તેઓ ઇન્દિરા ગાંધીની પ્રધાનમંડળમાં ભારતના નાણાં પ્રધાન બન્યા અને 1980 થી 1985 સુધી રાજ્યસભામાં ગૃહના નેતા રહ્યા.

મુખર્જીએ ભારતીય અર્થવ્યવસ્થા અને રાષ્ટ્ર નિર્માણ પર ઘણા પુસ્તકો લખ્યા છે. તેમને ઘણા એવોર્ડ અને સન્માન મળ્યા. આમાં 2008માં પદ્મ વિભૂષણ, 1997માં સર્વશ્રેષ્ઠ સંસદસભ્ય અને 2011માં ભારતમાં સર્વશ્રેષ્ઠ સંચાલકનો એવોર્ડ શામેલ છે.

પ્રણવ મુખર્જી વર્ષ 2012થી 2017 સુધી ભારતના રાષ્ટ્રપતિ રહ્યા હતા.. 2019માં મોદી સરકારે તેમને દેશના સર્વોચ્ચ નાગરિક સન્માન ભારત રત્નથી સન્માનિત કર્યા હતા. પ્રણવ મુખર્જીને એવા વ્યક્તિ તરીકે યાદ કરવામાં આવશે, જે પરસ્પર મતભેદોને ભૂલીને, દરેક રાજકીય પક્ષ દ્વારા આદર આપવામાં આવતા હતા.

મોદી સરકાર દ્વારા ભારત રત્ન માટે તેમના નામની પસંદગી તેના પુરાવા છે. મુત્સદ્દીગીરી, અર્થશાસ્ત્ર, રાજકારણ અને સંસદીય પરંપરાઓનું ફાંફડું ધરાવતા રાજકારણી હતા. રાષ્ટ્રપતિ તરીકે પણ તેમણે આવા અનેક કાર્યો કર્યા જે એક ઉદાહરણ બની ગયા. ભારતીય રાજકારણમાં તેમની અભાવ હંમેશા અનુભવાશે.

Continue Reading
Advertisement
Advertisement

Trending