હૈદરાબાદમાં ‘પુષ્પા 2’ના પ્રીમિયરમાં નાસભાગના મામલામાં હવે અલ્લુ અર્જુનની મુશ્કેલીઓ વધી રહી છે. પોલીસે આજે સાઉથના સુપરસ્ટાર અલ્લુ અર્જુનની ધરપકડ કરી હતી, જે બાદ હવે તેને 14 દિવસની જ્યુડિશિયલ કસ્ટડીમાં મોકલી દેવામાં આવ્યો છે. હૈદરાબાદની નામપલ્લી કોર્ટે તેને ન્યાયિક કસ્ટડીમાં મોકલી દીધો છે. કેસના તાજેતરના વિકાસ મુજબ, અલ્લુ અર્જુનના વકીલો કાર્યવાહી સામે અપીલ કરશે અને હાઇકોર્ટમાં જશે.
શું છે મામલો?
આ કેસ 4 ડિસેમ્બરે પુષ્પા 2 ના સ્ક્રિનિંગ દરમિયાન હૈદરાબાદના સંધ્યા થિયેટરમાં ફાટી નીકળેલી નાસભાગ સાથે સંબંધિત છે, જેમાં 35 વર્ષીય મહિલા (રેવતી)નું મૃત્યુ થયું હતું અને અન્ય બે ઘાયલ થયા હતા. ઘટના બાદ મહિલાના પરિવારે અભિનેતા અને થિયેટર મેનેજમેન્ટ સામે કેસ દાખલ કર્યો હતો.
અલ્લુ અર્જુન પર આરોપ
ઘટના બાદ મહિલાના પરિવારે અભિનેતા અને થિયેટર મેનેજમેન્ટ સામે કેસ દાખલ કર્યો હતો. અલ્લુ અર્જુન પર પોલીસને જાણ કર્યા વિના થિયેટરમાં પહોંચવાનો આરોપ છે. જેના કારણે સુરક્ષાની યોગ્ય વ્યવસ્થા થઈ શકી નથી. જ્યારે લોકોને અલ્લુ અર્જુનના થિયેટરમાં આવવાની જાણ થઈ, ત્યારે સુપરસ્ટારને જોવા માટે લોકોની ભીડ ત્યાં એકઠી થઈ ગઈ, જેના કારણે ભાગદોડ મચી ગઈ અને એક મહિલાનું મોત થઈ ગયું. અભિનેતા વિરુદ્ધ ભારતીય ન્યાયિક સંહિતાની કલમ 108(1) હેઠળ કેસ નોંધવામાં આવ્યો છે.
સંધ્યા થિયેટર નાસભાગ કેસમાં અભિનેતાની ધરપકડ
સાઉથ સુપરસ્ટારને આજે એટલે કે 13મી ડિસેમ્બરે ચિક્કડપલ્લી પોલીસે તેના ઘરેથી અટકાયતમાં લીધી હતી. જેના ઘણા વીડિયો પણ સામે આવ્યા છે. અલ્લુ અર્જુન વિરુદ્ધ BNSની કલમ 105 અને 118 (1) હેઠળ કેસ નોંધવામાં આવ્યો હતો. અભિનેતાને પૂછપરછ માટે ચિક્કડપલ્લી પોલીસ સ્ટેશન લાવવામાં આવ્યો હતો, ત્યારબાદ તેને કોર્ટમાં રજૂ કરવામાં આવ્યો હતો.
