વિકી કૌશલ આજના સમયમાં સૌથી લોકપ્રિય અને પ્રખ્યાત અભિનેતાઓમાંના એક છે. તાજેતરમાં જ 9 ડિસેમ્બરે તેમણે કેટરિના સાથે લગ્ન કર્યા હતા. લગ્ન પછી તરત જ તેઓ તેમની આગામી ફિલ્મ લુકા ચુપ્પી 2 ના સૂટિંગમાં વ્યસ્ત છે.
આ ફિલ્મમાં તે મુખ્ય ભૂમિકા ભજવી રહ્યા છે અને તેમની સાથે અભિનેત્રી સારા અલી ખાન પણ મુખ્ય ભૂમિકામાં છે. ઈન્દોરના રસ્તાઓ પર બાઇક ચલાવતા બંનેના એક ફોટો ઝડપથી પ્રસારિત થઈ રહ્યો છે, લોકો તેમની આગામી ફિલ્મને લઈને ખૂબ જ આતુરતા ધરાવે છે.
આનો એક દૃશ્ય શૂટ કરવા માટે બંને ઈન્દોરના જવાહર માર્ગ પર બાઇક પર ફર્યા હતા. સારાએ સાડી પહેરી હતી, આ પહેલા તેમણે કોચિંગમાં બાળકો સાથે ફોટોશૂટ કરાવ્યું હતું. વિકી તેમને લેવા આવ્યા, તે પહેલા આ દૃશ્ય ફિલ્માવવામાં આવ્યું છે. સારા ફિલ્મ લુકા ચુપ્પી 2 માં શિક્ષકના દેખાવમાં જોવા મળી રહી છે. બંને દેશના સૌથી સ્વચ્છ શહેરમાં અલગ-અલગ વિસ્તારોમાં શૂટિંગ કરી રહ્યાં છે.
સારા અલી ખાન અને વિકી કૌશલને જોવા માટે રસ્તાની બંને બાજુ લોકોની ભીડ ઉમટી પડી હતી. લોકો પોતાના મનપસંદ અભિનેતા અને અભિનેત્રીઓને જોવા માટે અહીં ઉમટી પડ્યા હતા. કેદારનાથ ફિલ્મમાં સારા અલી ખાનનો અભિનય બધાને પસંદ આવ્યો હતો. હવે, તેમને તેમની સામે જોઈને ઈન્દોરના લોકોની ખુશીમાં ખૂબ વધારો થયો છે. આ સમય દરમિયાન લોકોએ તેમના મોબાઈલ ફોનમાંથી સારા અને વિકીના ફોટો પણ લીધા હતા.
વિકી અને સારા બાઇક પર નંદલાલપુરાથી રાજબાડા જતા હતા. જવાહર માર્ગ પર શૂટિંગ માટે એક નાનું માર્કેટ પણ ખાસ બનાવવામાં આવ્યું છે. બંને આ માર્કેટમાં શોપિંગ કરતા જોવા મળશે. દ્રશ્યમાં શાળાના બાળકોને પણ ચાલતા બતાવવામાં આવ્યા છે. વહેલી સવારથી શરૂ થયેલા શૂટિંગને જોવા માટે લોકો રસ્તા પર એકઠા થયા હતા. કેટલાક લોકો રસ્તાના કિનારે ઉભા રહીને બંને ફિલ્મ કલાકારોને તેમના ઘરની બાલ્કનીમાંથી જોતા હતા.
