હોરર ફિલ્મોમાં આલિયાની એન્ટ્રી, ₹100 કરોડના બજેટ સાથે શરૂ થઈ ‘તુમ્બાડ 2’ ની ધમાકેદાર શરૂઆત
વર્ષ ૨૦૧૮ માં રિલીઝ થયેલી કલ્ટ હોરર-ફૅન્ટેસી ફિલ્મ ‘તુમ્બાડ’ એ પોતાની અનોખી કહાની અને શાનદાર વિઝ્યુઅલ્સથી દર્શકોના દિલ પર એક ઊંડી છાપ છોડી હતી. આ ફિલ્મને સિનેમાઘરોમાં જ્યારે ફરીથી રિલીઝ (Re-release) કરવામાં આવી, ત્યારે પણ તેને દર્શકોનો અઢળક પ્રેમ મળ્યો હતો. ત્યારથી જ ફેન્સ તેની સિક્વલ એટલે કે ‘તુમ્બાડ 2’ ની આતુરતાથી રાહ જોઈ રહ્યા હતા. હવે આ મોસ્ટ અવેટેડ ફિલ્મને લઈને એક ખૂબ જ મોટા સમાચાર સામે આવ્યા છે, જેણે ફેન્સના ઉત્સાહને બમણો કરી દીધો છે.
ફિલ્મમાં થઈ આલિયા ભટ્ટની એન્ટ્રી
‘તુમ્બાડ 2’ સાથે જોડાયેલું સૌથી મોટું અપડેટ એ છે કે બોલિવૂડની દિગ્ગજ અભિનેત્રી આલિયા ભટ્ટએ આ હોરર ફ્રેન્ચાઈઝીમાં સત્તાવાર રીતે એન્ટ્રી કરી લીધી છે. જુલાઈ ૨૦૨૬ માં આ પ્રોજેક્ટ માટે આલિયાના જોડવાની ચર્ચા શરૂ થઈ હતી અને હવે તેણે ફિલ્મનું શૂટિંગ પણ શરૂ કરી દીધું છે. હાલમાં સેટ પરથી આલિયાની કેટલીક તસવીરો સોશિયલ મીડિયા પર ખૂબ વાયરલ થઈ રહી છે, જેમાં તે કેઝ્યુઅલ લુક (ઓવરસાઇઝ્ડ શર્ટ અને હાઈ પોનીટેલ) માં નજરે પડી.
આલિયા ભટ્ટનું હોરર જૉનરમાં આ પહેલું મોટું પગલું છે. સોહમ શાહ અને મંઝેલા અભિનેતા નવાઝુદ્દીન સિદ્દીકી સાથે આલિયાની હાજરી આ ફિલ્મને એક ખૂબ જ દમદાર અને રસપ્રદ સ્ટાર-કોમ્બિનેશન બનાવે છે.
ભારી-ભરખમ બજેટ અને ભવ્ય તૈયારી
પહેલી ફિલ્મ ‘તુમ્બાડ’ નું બજેટ માત્ર ૧૫ કરોડ રૂપિયાની આસપાસ હતું, જેને મેકર્સે અત્યંત મર્યાદિત સંસાધનોમાં એક માસ્ટરપીસ તરીકે રજૂ કર્યું હતું. પરંતુ સિક્વલ માટે મેકર્સે મોટો દાવ રમ્યો છે. રિપોર્ટ્સ મુજબ, ‘તુમ્બાડ 2’ નું બજેટ ૧૦0 કરોડ રૂપિયાથી વધુ થવાનું છે. ફિલ્મના દ્રશ્યોને વધુ ડરામણા અને ભવ્ય બનાવવા માટે મુંબઈમાં લગભગ ૭ થી ૮ એકર જમીન પર એક વિશાળ સેટ તૈયાર કરવામાં આવ્યો છે. આ સિવાય, નદીઓ અને જૂના કિલ્લાઓની આસપાસના વિસ્તારોમાં પણ તેનું શૂટિંગ કરવામાં આવી રહ્યું છે.
ક્યારે રિલીઝ થશે ફિલ્મ?
ફિલ્મની સ્ટાર કાસ્ટ, વધેલું બજેટ અને મેકર્સનું વિઝન એ સ્પષ્ટ દર્શાવે છે કે આ સિક્વલ બોક્સ ઓફિસ પર ઘણા નવા રેકોર્ડ તોડવાની તૈયારીમાં છે. ફિલ્મના નિર્માણ સાથે જોડાયેલા સૂત્રોના જણાવ્યા અનુસાર, ‘તુમ્બાડ 2’ ને સિનેમાઘરોમાં ૩ ડિસેમ્બર, ૨૦૨૭ ના રોજ રિલીઝ કરવામાં આવશે.
પહેલી ફિલ્મે બોક્સ ઓફિસ પર પોતાની રિલીઝ દરમિયાન અને રી-રિલીઝ પછી કુલ મળીને લગભગ ૪૦ થી ૫૦ કરોડ રૂપિયાનો શાનદાર બિઝનેસ કર્યો હતો. હવે એ જોવું રસપ્રદ રહેશે કે શું સોહમ શાહ, આલિયા ભટ્ટ અને નવાઝુદ્દીન સિદ્દીકીની આ તિખડી પડદા પર ઇતિહાસ દોહરાવી શકે છે કે નહીં.
