સોનમ કપૂર બીજી વાર બનશે માતા, સ્ટાઇલિશ અંદાજમાં કરી પ્રેગ્નેન્સીની જાહેરાત, ફ્લોન્ટ કર્યો બેબી બમ્પ
અનિલ કપૂરની પુત્રી અને અભિનેત્રી સોનમ કપૂર ફરી એકવાર ચર્ચામાં આવી છે. અભિનેત્રીએ પોતાની બીજી પ્રેગ્નેન્સીની જાહેરાત કરી દીધી છે, અને તે પણ તેના અનોખા સ્ટાઇલિશ દિવા અંદાજમાં. તેમની આ પોસ્ટ સોશિયલ મીડિયા પર આવતાની સાથે જ વાયરલ થઈ ગઈ છે.
અનિલ કપૂરના ઘરમાં ફરી એકવાર ખુશીઓએ દસ્તક દીધી છે, તેઓ બીજી વખત નાના બનવા જઈ રહ્યા છે. અભિનેત્રી સોનમ કપૂરે તેના બિઝનેસમેન પતિ આનંદ આહૂજા સાથે સોશિયલ મીડિયા દ્વારા આ ખુશખબર ચાહકો સાથે શેર કરી છે.
શાનદાર અંદાજમાં આપી ખુશખબર
સોનમે આ જાહેરાત તેના ઇન્સ્ટાગ્રામ એકાઉન્ટ પર કરી હતી, જ્યાં તેમણે બેબી બમ્પ ફ્લોન્ટ કરતી ઘણી સુંદર તસવીરો પોસ્ટ કરી. આ તસવીરો સાથે તેમણે માત્ર એક જ શબ્દ લખ્યો: ‘મધર’.
પ્રેગ્નેન્સીની જાહેરાત માટેના આ લૂકમાં સોનમ ફરી એકવાર ફેશન આઇકન તરીકે છવાઈ ગઈ. તેમણે હોટ-પિંક પ્યોર વૂલનો એક ભવ્ય સૂટ પહેર્યો હતો, જેમાં ઓવરસાઇઝ્ડ પેડેડ શોલ્ડર હતા. આ લૂક દિવંગત પ્રિન્સેસ ડાયનાના સિગ્નેચર સ્ટાઇલ જેવો લાગતો હતો, જેને સોનમે એક સુંદર શ્રદ્ધાંજલિ આપી હતી.
ઇન્સ્ટાગ્રામ સ્ટોરીમાં, તેમણે પોસ્ટ ફરી શેર કરીને પુષ્ટિ કરી કે તેમની ડિલિવરીની ડ્યુ ડેટ સ્પ્રિંગ 2026 માં છે.
પહેલા બાળકનો જન્મ
સોનમ અને આનંદ લગભગ ત્રણ વર્ષ પછી ફરી માતા-પિતા બનવા જઈ રહ્યા છે. આ કપલે 8 મે 2018 ના રોજ લગ્ન કર્યા હતા અને 20 ઓગસ્ટ 2022 ના રોજ તેમના પ્રથમ સંતાન, પુત્ર વાયુનું સ્વાગત કર્યું હતું.
પતિ આનંદ આહૂજાનું રિએક્શન
સોનમની આ જાહેરાત બાદ ચાહકો અને મિત્રો તરફથી શુભેચ્છાઓનો ધોધ શરૂ થઈ ગયો છે. આનંદ આહૂજાએ પણ સોનમની પોસ્ટ પર રમુજી અને પ્રેમાળ ટિપ્પણીઓ કરી, જેમ કે: ‘બેબી મમ્મા… અને ચીકચક મમ્મા!’ અને ‘ડબલ ટ્રબલ.’
View this post on Instagram
વર્ક ફ્રન્ટ
વર્ક ફ્રન્ટની વાત કરીએ તો, સોનમે ‘નીરજા’, ‘રાંઝણા’, ‘વીરે દી વેડિંગ’ અને ‘દિલ્હી 6’ જેવી ફિલ્મોમાં કામ કરીને દર્શકોના દિલ જીત્યા છે. પુત્રના જન્મ પછી તેમણે ફિલ્મોમાંથી બ્રેક લીધો હતો. છેલ્લે તે 2023માં ક્રાઇમ થ્રિલર ‘બ્લાઇન્ડ’ માં જોવા મળી હતી.
