ઈશા ગુપ્તાએ તેના સ્પેનિશ બોયફ્રેન્ડ સાથેના રિલેશનશિપને ઇન્સ્ટા ઓફિશિયલ કરી દીધા છે. તેનો સ્પેનિશ બોયફ્રેન્ડ મનુએલ કેમ્પોસ એક બિઝનેસમેન છે. ઈશાએ તેની સાથેનો ફોટો શેર કરી કેપ્શનમાં આઈ લવ યુ પણ કહ્યું છે. ઈશા અને મનુએલ એકબીજાને ઘણા સમયથી ડેટ કરતા હતા.
ઈશાએ ફોટો શેર કરી સ્પેનિશનમાં લખ્યું હતું, te amo mucho mi amor જેનો અર્થ થાય છે આઈ લવ યુ સો મચ, માય લવ. ઈશાની આ પોસ્ટ પર તેના બોયફ્રેન્ડે હિન્દીમાં કમેન્ટ પણ કરી છે. તેણે લખ્યું કે, મેં તુમસે પ્યાર કરતા હું.
ઈશાએ અગાઉ જણાવ્યું હતું કે તેનો બોયફ્રેન્ડ સ્પેનમાં તેના ઘરે સેલ્ફ ક્વોરન્ટીનમાં છે. તેઓ વીડિયો કોલ મારફતે સતત સંપર્કમાં છે. ઈશાએ કહ્યું કે તે મને આ વાઇરસ વિશે અપડેટ આપતો રહેતો હતો એટલે હું મેન્ટલી તો આ લોકડાઉન માટે તૈયાર જ હતી. ઈશા અગાઉ ક્રિકેટર હાર્દિક પંડ્યા સાથે રિલેશનશિપમાં હતી. જોકે, હાલ તો હાર્દિક પંડ્યાની સગાઇ નતાસા સાથે થઇ ગઈ છે.
