ઋષિ કપૂરે દુનિયાને અલવિદા કરી દીધી છે. ઋષિ કપૂરના અંતિમ સંસ્કાર મુંબઈની કાલબાદેવી સ્થિત ચંદનવાડી સ્મશાનગૃહમાં કરવામાં આવ્યા છે.
અભિનેતા ઋષિ કપૂરના અંતિમ સંસ્કાર માટે ચંદનવાડી સ્મશાન ઘાટ પર નીતૂ કપૂર, રણબીર કપૂર, રણધીર કપૂર, સૈફઅલી ખાન, કરિના કપૂર ખાન, આલિયા ભટ્ટ,રીમા જૈન, મનોજ જૈન, અરમાન જૈન, આદર જૈન, અનીષા જૈન, રાજીવ કપૂરઅભિષેક બચ્ચન, ઐશ્વર્યા રાય બચ્ચન હાજર રહ્યા હતા. પુત્રી રિદ્ધિમા કપૂર પિતાના અંતિમ દર્શન કરી શકી ન હતી.
આપહેલા ઋષિ કપૂરના અંતિમ દર્શન માટે કરિના કપૂર પતિ સૈફ અલી ખાન સાથે હોસ્પિટલ પહોંચ્યા હતા. ભત્રીજો અરમાન જૈન પણ હોસ્પિટલ પહોંચ્યો હતો. ઋષિ કપૂરની પત્ની નીતુ કપૂરે પોતાના ઇંસ્ટાગ્રામ એકાઉન્ટ પર પોસ્ટ કરીને લખ્યું છે કે તે એવાથી ઘણા ખુશ હતા કે તેમને પોતાના પ્રશંસકોથી આટલો પ્રેમ મળી રહ્યો છે. તમે બધા જાણો છો કે ઋષિની એ જ ઇચ્છા હતી કે તેને દરેક આંસુઓના બદલે એક મુસ્કાન સાથે વિદાય કરે.
ઋષિ કપૂરના નિધનના સમાાર સામે આવતા જ તેમના પ્રશંસકોની સાથે સાથે ફિલ્મ ઇન્ડસ્ટ્રીઝના સેલેબ્સ પણ આઘાતમાં છે. અમિતાભ બચ્ચનથી લઈને સલમાન ખાન સુધી બોલિવૂડના સિતારાઓએ સોશિયલ મીડિયા પર તેમને શ્રદ્ધાંજલિ અર્પણ કરી છે.
