અભિનેતા સુશાંત સિંહ રાજપૂતના નિધન પછી બોલિવુડમાં ઘણા વિવાદ સામે આવ્યા છે,ત્યારે હવે આ મામલ લોકડાઉનમાં રિયલ હિરો બનેલા સોનુ સૂદે મોટુ અને ચોંકાવનારુ નિવેદન આપ્યું છે.સોનુ સૂદે કહ્યું કે કેટલાક સ્ટાર સુશાંતની મોતને લઇને પબ્લિસિટી મેળવવાનો પ્રયત્ન કરી રહ્યાં છે.
તાજેતરમાં જ આપેલા એક ઇન્ટરવ્યૂમાં સોનુ સૂદે જણાવ્યું કે, સુશાંત સિંહ રાજપૂતની મોતનો ફાયદો ઉઠાવીને કેટલાક સ્ટાર્સ લાઇમલાઇટમાં આવવાનો પ્રયત્ન કરી રહ્યાં છે. આવુ ન થવું જોઇએ, તેમના પરિવાર વિષે તો વિચારો કે અત્યારે તે કેવી પરિસ્થિતિમાંથી ગુજરી રહ્યાં હશે, જે લોકો સુશાંતને ક્યારેય મળ્યા જ નથી તે લોકો હવે આ ડિબેટમાં હિસ્સો લે તે યોગ્ય નથી.
સોનુ સુદે કંગના રનૌત પર નિશાન સાધતા કહ્યુ કે તે અને સુશાંત ક્યારેય મળ્યા નથી, હા, તેણે કદાચ કંગનાની કોઇ બર્થ-ડે પાર્ટી અટેન કરી હશે પરંતુ સુશાંત સાથે ક્યારેય વાત નથી થઇ, તેમ છતાં તેઓ ક્લોઝ હતા.
સોનૂ સૂદનુ આ નિવેદન કંગના રનૌત માટે હતું. તમને જણાવી દઇએ કે કંગનાએ એક ઇન્ટરવ્યૂમાં કહ્યું હતું કે, તેણે સુશાંતના મોત બાદ તેની એક્સ ગર્લફ્રેન્ડ અંકિતા લોખંડેને ફોન કર્યો હતો કે જેણે મણિકર્ણિકામાં કંગના સાથે કામ કર્યું છે.
કંગના જાણવા ઇચ્છે છે કે સુશાંત ક્યા પ્રકારની પર્સનાલિટી ધરાવતો હતો, અંકિતાએ જણાવ્યું હતું કે સુશાંતને આટલી પોપ્યુલારિટી મળ્યા બાદ પણ તે જમીન સાથે જોડાયેલો માણસ હતો. અંકિતાએ જણાવ્યું કે, ઇન્ડસ્ટ્રીમાં સુશાંતને ખૂબ અપમાનિત કરવામાં આવ્યો હતો.
