મધ્યમ-વર્ગીય પરિવાર માટે પ્રવાસનું આયોજન કરવાનો અર્થ એ છે કે આખા વર્ષની બચતને તે પ્રવાસમાં એકસાથે લગાવી દેવું. પરંતુ એવું જરૂરી નથી કે ફરવા માટે તમારે તમારા પગારનો મોટો ભાગ વાપરવો પડે. ભારતમાં ઘણી એવી સુંદર જગ્યાઓ છે જ્યાં ફરવા માટે તમારા બજેટ પર વધારે ભાર નહીં આવે. આ વખતે તમારી ટ્રિપ પ્લાન કરતા પહેલા તમારે આ ટૂરિસ્ટ પ્લેસ વિશે એક વાર જાણી લેજો.
તવાંગ, અરુણાચલ પ્રદેશ
અરુણાચલ પ્રદેશ તેના મઠો માટે પ્રખ્યાત છે. અરુણાચલ પ્રદેશનું તવાંગ પણ ઓછા બજેટમાં ફરવા માટેનું સારું સ્થળ છે. આ સ્થળની સુંદરતા તમારા હૃદયમાં એક અલગ સ્થાન બનાવી લેશે અને તમે અહીં જીવનભરની યાદો બનાવીને ઘરે પરત ફરી શકો છો.. તમે અહીં 5,000 રૂપિયાથી ઓછા ખર્ચમાં તમારી ટ્રિપનો આનંદ માણી શકો છો.
પચમઢી, મધ્યપ્રદેશ
ઉનાળામાં દરેક વ્યક્તિ ફરવા માટે હિલ સ્ટેશન પસંદ કરે છે. તમને જણાવી દઈએ કે પચમઢી હિલ સ્ટેશન ફક્ત પાંચ હજાર રૂપિયામાં ફરી શકાય છે. અહીં વોટરફોલ, પ્રાકૃતિક વિસ્તારો, ગુફાઓ, જંગલો સહિત અનેક જોવાલાયક સ્થળો છે. તમને અહીં માત્ર 1,200 રૂપિયામાં જીપ્સી ભાડે મળશે.
લેન્સડાઉન, ઉત્તરાખંડ
ઉત્તરાખંડ પહેલેથી જ પ્રવાસન સ્થળ માટે જાણીતું છે. પરંતુ જો તમે બજેટ ફ્રેન્ડલી ટ્રીપ પ્લાન કરવા માંગતા હોવ તો લેન્સડાઉન તમારા માટે સારો વિકલ્પ સાબિત થઈ શકે છે. તમને 700-800 રૂપિયામાં સારી હોટલમાં રૂમ સરળતાથી મળી જશે.
કસોલ, હિમાચલ પ્રદેશ
હિમાચલ પ્રદેશની સુંદર ખીણો તમને શહેરની નાસભાગથી દૂર થોડા આરામના ક્ષણો જીવવાની તક આપશે. હિમાચલનું કસોલ એડવેન્ચર લવર્સ માટે યોગ્ય સ્થળ છે. તમે ઓછા બજેટમાં અહીં દરેક વસ્તુનો આનંદ માણી શકો છો. તમને હોટલમાં 500 રૂપિયામાં રૂમ પણ મળશે.